|
ديوان الشاعر عايش الآحمدي ( الرحال )
ود الرسايل مع اشواقـى=للغالى الى عليه الشـوق يانجم فوق الأفق راقـى=وصل سلامى لراع الذوق يامـــن على الطيبــة باقي =وفالقيل بالمركـــز المــرمــوق ماهــو علي الامـــر شاقي =ابشــــر سلامك يصل مطبــــوق سجلته الشكر فأوراقى=يامن لكم فالجميل حقوق والآن من حرفك الناقى=عطنا لعل الفوآد يروق بـــــــد يتـــــــه القيل سبـــــاقي =وقن المثل لــه وسل وطـــروق هات المثل تســــــمع انطاقـي =لابــان منــك الدي مـــــــــدروق من نـار همـى وحراقـى=قلبى بنار الأسى محـروق والأن من جـور مالاقـى=دمعى ذرف من كثر ماذوق لابد يوجد سبب تـــــاقي ْْْْْْْ=خلى المأسي عليك تفــوق ابحث فالاسباب برفاقي =ولا يــلام بعد الجهد مخـلوق هذالـذى ضيـق اخـلاقـى=وكدر على خاطر المخلـوق وآنـا والأيــام فسبـاقـى=اسعى والأسباب صمت اخفوق لاتصيــر لليأس منســـاقـــي=وباب الامل تجعلـــه مغــلـــوق لابـــــد لليل مشــــــراقـــــي=والجـــو يصفــى معك ويــلوق |
سـلام لأهلـه ورواده=واحبابه اللـى يودونـه من قلب ورده وميراده=عذب الصفاالورديردونه يامرحبـا والوفـاء زاده=الورد ترقص لك اغصونه يامن تعليـت فـي مـاده=منك النغم عذّب فلحونـه تشكر وهذ لكـم عـاده=ماتاقف الطيب من دونه ياذات له رمز وقيـاده=مااستغرب اللى تقولونه يخصك القلـب بـوداده=ويغليك دايم مثل نونـه نبغى المثل منك اعـداده=انشوف شرحه ومضمونه من جـور قلبـى ولهـاده=وهاجسى زايـد اغبونـه كيف آتمكن مـن اسعـاده=وادرى على القلب واصونه ويش الذي سبب وقـاده=وخلاه ينطق بمكنونـه ياهل ترى عين حسّـاده=ولا اسى زاد في طعونه من اللى يشوف احرق افؤآده=وزود مآسيـه وحـزونـه عيا يجـى طـوع لمـراده=ويريـح القلـب فحصونـه مدام ثابت على عنـاده=ومافي امل منه ترجونه انساه واصبرعلى بعاده=لابدها تذرف اعيونـه |
وينك يافيصل علينا ابطيت=طال انتظـارى لأبداعـك عليك فالمنتـدى وصيـت=ربعك وسكـان مرباعـك دورت لأجلـك ولا خلـيـت=ابغى نغم يطرب اسماعـك والمعـذرة منـك لــو لثـيـت=الطيب خصلة من أطباعك كملت ياصاحبى واوفيت=مقدر ظروفك واوضاعك ولنشك فالى لنا ابديـت=صرح الوفى تملكه باعك |
الغيث لـرزم برعـاده=وبرق الحيا لاح فمزونه تفرح به الأرض وعباده=لاهل وبلـه ومكنونـه سبحان منه لنا قاده =لا ساق الأزيب من دونه تذيع الأرصاد ميعاده =وياتي على غير معلونه ماهمنا رصد رصاده=والغيب ما طن يقرونه ذاشى ربـك اذاراده=ما غيره ادرابها شؤنه اللي يصمم على إلحاده =خلى الكواكب في وزونه واللي من الــدين ميراده =يرجي مــن الرب مضمونه |
بعدالتحـيـات والأجــلال=سـلام ياصـل لمقـدامـه ممنون ياصاحب الأفضـال=يامعـدن الطيـب كـرامـه ماتبعـد قلوبنـا الأمـيـال=مهما الزمن طـول الزامـه نسعى مثل ما سعت اجيـال=ونواكب الوقـت وزحامـه ان عاش راسى وعمرك طال=ياتـاج للـراس وعمـامـه اجيـك وتتحقـق الآمــال=وبشوفتك نـر فـع الهامـه مـــن قـبــل لانـرســم الآمـثــال=ونبـحـر مــع القـيـل وانـغـامـة اِ ن كـان تسـئـل عــن الآحــوال=فـــي خــيــر ربــــي وأنـعـامــة ناقـصـلـنـا شــوفــة الــرحـــال=فـــي وســــط دارة وأعـمـامــة نـفـرح وتـفـرح بـــك الآنـجــال=والـقـيـل بـيـكـون لـــة زامــــة نبـقـى وعـــد والـوعــد لـنـقـال=مـثـلـك مـــن أهـلــة واعـلامــة (( أبــرق )) لـنــا أيـهــا الـخـيـال=يومة ،،، وشهرة ،،، واِعوامة |
قبل التهانى بيوم العيد =وقدام ياحباب اعايدكم سلام حلو العسل ويزيد =من ود فالقلب واردكم يا مرحبا والجميع يشيد =إن الوفا دوم سايركم وأجمل تحية بــلا تحديد =لكل الأجــواد شرواكم ترحيب أردّده ترديد = والعيد يكمل بشوفتكم والحب انشّده تنشيد = وأطلب من الله يسعدكم |
هات القلم واكتب الأحزان=اللى اتوافد على فـؤآدى وين التقى ياعرب مزبان=عن جرح جاير ومتمادى إمـح اللي كتبته من الأحزان =وقوم استمـع نغمة الشـــادي في مطلع الصبـــح لنه بـــان =شـوف الأمـل جـاي من غادي تكـرر الحـرف يافنـان=وكل الذى قلت مافـادى عيد النظر وانظر الميزان=للقيـل ناقـد ونـقـادى هذا الحزن ليش يا شيهان =ماباس يا ذخر الأجدادي من جور ولا زمانك شان =ولا هــــدف دونه الحادي من ما اعانى من النيران=اللى على القلب تـزدادى امسيت من جورها حرقان=مهنـا بنومـى ولازادى كثيــــــر مثلك بــهذا الشأن =يشكــي اسى حزن وقادي وبالفكـــر راع العزم ربان =ما يصيــر لليأس منقــادي قولك بحرف المعانى زان=يامن لطيب المثل سـادى اشكال دولبتهـا والـوان=عيت تجى طوع لمرادى الحرف مايشفي اللي كان =والفال خلـه لكــم زادي وانا آتــعلم من العـــربان =القيل والحرف ياستادي أعرفك يا خيرت الشجعان =لك مجد مع قوم الأمجادي بفزع معـــــك فالأمر لا بان =ببذل لك المـــــــال وزنادي |
محفوظ لك فـى ملفاتـى=عذب المثل من قديم اعوام سلام لك خصصه ذاتـى=ياصلك وانتهة على مايرام مثله لكم فـي سجلاتـي=مكتوب من ماضي الايام يامرحبا زانـت اوقاتـي=باللي في بحر المثل عوام تشكر وهيا اسمع الآتى=لجلى اعدك من الفهام خيب ظنونى وهقواتى=اللى رفعناه فوق الهام ياكم يمضي وكـم ياتـي=من حي منصف ومن ظلام وآنا ماتصـدر افاداتـي=ان علمها مايجينـي تـام من جرح قلبى معاناتى=يامحمد الطرف عيا ينام كيف اجعله طوع غاياتى=والقلب يسلم من الأسقام مهما يكون الألم عاتـي=مافيه شي استمر ودام اصبر ولا تهمل وصاتي=بالصبر تلقى الفرج قدام ما فقولكم شك ياثقاتـى=صدقت يا ايها الرسـام مشكور واقبل تحياتـى=يامن عطاك الغرام وسام العفو باعذب عباراتي=يالشاعر الملهم المقدام بلقاك تستانس ابياتي=والله هذا الشعور العام |
وش سار فالمنتدى قلى=حيرنى الوضع يالواضح فيه السبب ما تباينلـى=واشغلنى وقوفه الجارح ما عندي اخبار توصلي =حتى اقللك خبــر راجح لانــه الامـــــر باللكلي =بيدين مسؤو لنا الناجح خابرك مشرف ومتولـى=تسعى وتبحث عن الصالح مدرى عن الغيب ياخلـى=واليم معـذرك ومسامـح |
حزنا البطوله على العالم=والكاس بالفوز حققنـاه وعود بطلنا لنـا سالـم=وبيرق المملكه فيمنـاه |
ليوم الوطن نرفع الأعلام=تعبير له عـن سعادتنـا ونمشى تحت راية الأسلام=فى ضـل قايـد قيادتنـا |
شعبان روح وشهر الصوم=جانا ومقبل على الأبواب ومنا لكل الجميع عمـوم=احلى التهانى لكم ياحباب |
روح يارسولى لأبو احمد=وخذله رساله من الرحال وقله ترى الجسم لوابعد=القلب عند الأهل والبـال |
شهر الفضيله علينا هل =واستبشر الناس بقدومه يارب تغفر لنا مــــا زل =وتبارك لنا فيه ونصومـه يعود لك بالسعد يافـل=وتصومه اعوام وتقومه ويسمع دعاكم ايلاه الكل=اللى عطايـاه معلومـه |
تزامن الضغط والسكـر=والحال ماهى على ميرام واليوم من حالتى مقـدر=اسير وامشى على الأقدام تكدر البـال وتعكـر=بسباب ما خطة الاقلام لا باس يافل يا عنبـر=لا باس يحر يا درغام هذ مرض عصر ماينكر=ماهوانابـس فالأسقـام وانته لهذالوفى تشكـر=تسلم وتحلى لك الأيـام سلامات يا صاحبي الاقدر =الله يبري جمـيع اسقام جسمك من الحال متكدر=اصبر ومأجور يا مقدام تسلم وانـا لطيبـك مقـدر=ياراس من روس ناس كرام ماستغربه منـك واستنكـر=كمله لكم من سنيـن قـدام هذا مرض أصبح مقدر=وكل المناطق عليها حام فيما مضى كان مايذكر=أصبر تصبر يافهـام لاشــك هذاولامنـكـر=كـلا عليـه فزمانـه زام وليا بدى الحـال يدهـور=آنا اعرف ان الصبر الزام |
عازف نغم داعب اوتاره=وانامله داعبـت اوتـار والقلب محروق من ناره=كيف انقذه ياعرب من نار |
نسعى والأيام نمشيها=وليا انتهت مالنا مقعاد يا الله تحسن قوافيهـا=قدام لاياصل الميعـاد |
شموخ العناقين ليه ربع=فى ضلها يرتفع راسى اللى لهم بالمكارم طبع=وللطيب مركز وجلاسى |
ود الرسايل وسلم لى=على الأحبا يامرسولى وبلغ الكـل ياخلـى=وقولهم صوم مقبولى يامرحبا بالمنيف اللي = ما بين الأهداب محمولي كل الـمــودة لك تظلي = عساك فالعتق مشمولي يعيش منهوابنـا يهلـى=جانا الوفى وكلك اكمولى يبقى لك الـود متعلـى=والرب شاهد على قولى يا حر فوق النجـم علـي=با الطيب والمسك محمولي بشاعـر المنتـدى هلـي=وخص الجريدي بمرسولي ياتاج راسى وياظلـى=معروف ماقول قالولى هذاشرف منك يحصلى=والود بالود مدلولـى تسلم وتبقى لنا نهلي = ياناظم القــيل بأصولي مغرم لقاكم أنا كملي =عل اللقا دوم موصولي كم الشرف كـان حاصلـى=وشرواك من كسب محصولى ابشر بسعـدك وبـس قلـى=دام الصفا حولـك وحولـى |
ارسلت مرسول و الثانى=عود عليه مثل مـاراح والثالث اقفى ولاجانـى=لابراس مالى ولاأربـاح مدرى ردى الحظ يبرانى=والا السعد بارقه مـالاح والا المقاديـر بالعانـى=اتساعد الحظ لانه طـاح |
ياناس يكفى غرور وطيش=هدوا شويه من السرعـه قدامكم بـاص بالتفتيـش=وعسكر صناديد من فرعه حديد هـذ ماهـو نفيـش=كم عين تذرف منه دمعه منته محارب ولاحق جيش=خذلك من العقل لوجرعه |
اعمار ما هو على يمناك=خيب ظنون المأمل فيه اما المكيرش عنه بانهاك=لو سار بريال لاتشريـه الرزق يسرح هنا وهناك = خلك خفيّف لا تخطيه خذلك نادك مع الاسماك = والربح لابد ماتجنيه ماهو خافينى ولايخفاك=الرزق من ربنا نرجيه تبلع هواميرهـذ وذاك=وانا وانت الأسى نشكيه إن كان ما تاكـل بيمناك =وتذكر الرحمن وتسميه مايفيدك اللي بعيد هناك =وكل الخلايق تناظر فيه |
بالنت كل الأمور تسيـر=والعلم فى تكنياتـه فـاز انظر معى وشاهد التطوير=ما هو زمان الفحم والقاز |
سوف يتم إكمالة قريبأ جدأ
|
الساعة الآن 07:36 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir