|
ياهل الجنوب استنجدو فالشمالي
السلام عليكم ورحمة الله وبركاته
الاعزاء اعضاء هذا الملتقي النير استاذنكم بطرح هذا اللغز مساهمه مع اخواني لااثراء هذا المنتدى بما يعود على المتلقي بالفائده انشاء الله وإليكم لغزي
ياهل الجنوب استنجدوا فالشمالي=واستفزعوا شمر ومطران وحروب اللغز لو حله شبه مستحالي=الصعب للوافين غايه ومطلوب انشدكم عن بيت(ن) سكن فيه غالي=ولا يسكنه ياغير غالي ومحبوب بيت ماقالوبه جدار(ن) هيالي=والباب من جنس الطوف دون عذروب |
عليك السلام
صح السانك وانا ابرمعه القلب |
صح بدنك يالغالي جريح الفرقا ولالك لواء ماهو القلب
ياخو جريح الفرقا الالغاز اشوف مالها سوق في هذا الملتقي النير يعني سوقها موش ولا بد وهي اكثر انواع الادب فايده حيث يستمر معها الرامع بالتفكير وهي اختبار متواصل للذاكره واذكاء للعقل والالغاز هي لعبة الاذكيا واشكرك يالغالي على تواجدك وارسالك الرمعات وتحياتي لك |
اقتباس:
سنوات لم يتوصل احد لحله والالغاز تنشط الذاكرة واظنا كبرنا وقامت ذاكرتنا تمسح ولكن عندي رمعات على هذا اللغز 1- الوريد والدم 2- نون العين والمحبوب 3- قبر الرسول صلى الله عليه وسلم. |
السلام عليكم ورحمة الله وبركاته
الاخ مضحي ويش رايك بالقفص الصدري وساكنه هو القلب |
الشاكر ابو سامي حياك الله وتاليف الالغاز فيه متعه وهو فن الشعراء المتمكنين شرواك وشروالمتابعين وهي على ماقالو لعبة اذكياء و كانو العرب (الباديه يتخاطبون بالالغاز ويفهمون بعضهم عن طريقها اما محي الشريط والله حالحين يابو سامي انك تقول لابنك جبلي الحاجه الفلانيه ماتاخذ إلا وهو راجع ويقول ويش وصيتني فيه والله يعين العالم كله اليوم مششتت الذهن من ناحية الرمعات مالك لواء وعيد الكره وغير التوجه وشكرا لك
|
اقتباس:
وعليكم السلام ورحمة الله وبركاته مالك لواء ماهو القفص الصدري يالغالي حي العرب حياك الله |
الله لغزك محير
ولكن وش رايك بالفم والاسنان |
اقتباس:
اول حاجه يسلمن الطواحين طبعا المتبقي والعايش وفمك ماينطق إلا انشاء الله إلا جزل القول واطيبه مالك لواءءءءءءءء ياخوي لغز ومذكور فيه اربع قبائل تبيه ينحل بسهوله لا يابو سامي يبي تفكير واسع وحياك الله واعيد الكره مره |
الاخ مضحي تحيه طيبه لك ولجميع اعظاء المنتدى 0 ويش رايك في الدرع الذي يلبسه المقاتل اثناء المعركه في الحرب
|
اخوي مضحي
تفكير آخر الليل وش رايك ببيت ام المؤمنين خديجة رضي الله عنها الذي بشرها به الله في الجنة [ بيت من قصب لافيه تعب ولانصب ] |
اقتباس:
|
اقتباس:
|
اخوي مضحي دورنا في الارض وما لقيناه
ولكن نبى نطلع للسماء حيث عرش الرحمن وهناك الملائكة غالين على الله وعلينا وايضاً ارواح المؤمنين وكذلك الفردوس الاعلى الذي فيه قصر الرسول صلى الله عليه وسلم . |
الغالي ابو سامي لاترقا سماء دور فالارض وساس المنشود عنه من الارض لاتروح سماء بعدين اقول رمعك سماوي واراك على خير انت والجميع ليلت السبت القادم لااني مسافر ان شاء الله من عصر هذا اليوم مشيوير قريب
|
1 - وش رايك بخلية النحل والنحل والشمع والعسل.
2- الصراف الآلي والعملة النقدية |
اقتباس:
مالك لواء يالشاكر ابو سامي |
وش رايك
1- درع الجزبرة 2-منجم الذهب 3-غار حراء |
اقتباس:
|
الظاهر انه صندوق الامانات
او الخزنه التجوري |
اقتباس:
انتهاء يابو سامي صح لسانك وهو التجوري |
الساعة الآن 06:48 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir