|
ديوان الشاعر عامر عمران الشدادي
يغر بعض الناس حاجه بسيطه = كلٍ تعداها وكلٍ وصلها مير الذي عقله صغيرٍ محيطه =يضيع قدام الوعر مع سهلها قبل يروح بعيد تسمع فحيطه = ماشافله ناسٍ بعالي جبلها ردات عقله في غروره وسيطه = عزاه من بعض البصاير لهلها ما فرقت بين البحور الغويطه = وبين الرسوس وبين مويا ثملها ما تبعد الشوحه شبوح الربيطه = والمطلقه تبعد ويتعب حولها وشمل المرام وشملها ما يخيطه = الا حبالٍ تتعب اللي فتلها ولو كان فتالٍ عظوده نشيطه = يمكن جهوده ما يوفق عملها ما كل ما تحطه ابالك تحيطه = ولاكل من خطط بيوتٍ نزلها والعافيه مكسب وفيها غبيطه = والا ترى الدنيا سريعٍ زولها |
اعماس كيف ولا بهاراً بثومي
عقب العساسه عن هاك الدرب خيرت= اعماس كيف ولا بهاراً بثومي اليابغيت امشي على الدرب نورت=وعرفت وش قدمي بليلا ً كتومي واليا عرفت اللي على الدرب واسفرت=وقريت لوحاته وشفت الرقومي اما معه سافرت ما عاد شاورت=والا جلست ولا السفر بمحتومي اوشفت اخيراً منه غيره وغيرت=حتى لو اني كد دفعت الرسومي ارجع مدامي غادياً لو تخسرت=والعرف نوب من الخسارة يقومي ولصافي الرفقه من الناس دورت=شبلاً سنافياً حكيماً فهومي لن جيت له سرك ولن جاك سررت=عندك حشيماً وانت منه محشومي بمرافقه كنك لحاجتك وفرت=اصفى ذهب واغلاه عما عمومي دامه حزامك لشواهيق شهرت=حراً ولد حراً حريراً سمومي ما هو الذي لا قست عقله وعايرت=لقيت مسكيناً لنفسه يزومي الرجل لا ما اوحيت قوله وفسرت=الثوب ما ماليه غير الجرومي لا تنخدع بجروم ناساً تكابرت=نوب ترى الجوهر يصير معدومي ماكل من شفته لعنتر تصورت=قبل الدلايل لا تصدر احكومي لا تقول وانت من الزلل ما تحذرت=تصبح على قولك وعلمك ندومي تراك لا ما اثبت قولك وبررت=فتحت باباً للخطا والخصومي ورجعتك ما هي هينه لا توعرت=ولو احصلت ماهي على ما ترومي وش عاد لاونك عقب جيت غادرت=لأفضل انك ما تجي بك وهومي |
كشف الحساب مبينن لي رصيده
يا مسندي باقي مع الخمس خمسي = وتمرني واقرا عليك الجريدة اقرا عليك اخبار قبل امس وامسي = عندي قديمه وانت عندك جديدة زال الضباب وزال وهمي وعمسي = وبان الطريق من النقاط البعيدة يبين ريح البن من عقب حمسي = كم واحد قبل اللوازم وليده ما كل من يصبح كما الزير يمسي = الغيب يظهر والحوادث بريدة شيً يشاف وشي ملموس لمسي = من ما يزيل الشك والا يزيدة عند الذي ما يطمعه كل نمسي = حراً يحفظ الدرس لو ما تعيده قلبه صحيح ولا تعرض لطمسي = وهذا الذي درس التجارب يفيده وانا الذي واجهت ليل وشمسي = وكشف الحساب مبينن لي رصيدة وقنعت بالمقسوم وابعدت رمسي = ولا زهدت الا بدنيا زهيدة ان اقبلت بجهار وان كان همسي = ما هي بدايم يالسنا في جديدة |
الصحبه اللي بالرخا صمموها
الصحبه اللي بالرخا صمموها=ولا راعوا بتصميمها ساعة الضيق على وصوف الطيبة رهموها=وغشوبها الانذال ربع(ن) مطاليق واذا الظروف القاسية واجهوها=ربي فضحهم وانكشف كل تلفيق كل العلوم الاولـه غيروها=وعن غشهم قامت تطيح المساحيق ياشين صحبتهم ولو لمعوها=اخساس ناس (ن) ينقضون المواثيق صحبتك لاحتاجوا فزعك ادعوها=ولياغتنوا ماهم عليها مشافيق اليا اقبلت دنيا الفتى سابقوها=وان كان قفت يقطعون المسابيق صحبة مثل هالناس ذولا لبوها=ياما من العلقم على ضوها ذيق وياما وياما من رجالاً شكوها=بالوقت هذا والسنين المعاتيق كد انهم مروبها وعــرفـوها=وتطـرقـوهــا قبلنا بالطواريــق وتحاذروها بينهم واحذروها=يوم العرب تصبح وتمسي على الريق وفيها كدا ابدو رايهم ووصفوها=ولاابقوا لمن بقو من الناس تعليق عبو نماذج والاسام اتركوها=شواغراً تركب على النذل وتليق |
مرثية بشاعر الخليج : صياف الحربي رحمة الله
الادمي عمره مقدر ومحتوم = مهما يكون مغادرا للمكانا له ساعة تحسب وله تربه ويوم= الله يرحمنا اليا جاء سرانا ويا شاعر الميقاف والقاف مرحوم= الله يغفرلك ويجبر عزانا عساك جار اللي عن العيب معصوم= بظل من الله في نعيم الجنانا فقدك علينا كايداً مير مقسوم = ما تمشي الدنيا على مبتغانا اربع عقود بعالم الشعر زيزوم= ما يوم صياف السحيمي توانا شاعر خليج وللجماهير معلوم = ايتابعونه من قديم الزمانا يشبع شغف من عنده الشعر مفهوم= الفتل هو والنقض له فيه شانا يعرفه الادنا والاقصاء من القوم = اسمه دخل حتى بصم الاذانا حراً يحوم اليا صعب بالسماء الحوم= وصل المكانه مثلت مستوانا ويبقى بقلب الذاكره دايم الدوم = يا رب تغفر له وتقبل دعانا وعنا على دنيا غرابيلها كوم = ياكثر ما قامت تعاكس هوانا |
((( عقب الفضاء مسلوب اراده ومكبوت )))
عزي لطيراً ذاق مر البلاوي= عقب الفضاء مسلوب اراده ومكبوت اصبح بحكم اللي من العرف خاوي= ماقبله احداً صار طيره بلا صوت قطع حبال الصوت من دون ياوي= خلى طبيب الطير يشوتهن شوت واليا كفخ قال انت ويش انت ناوي= وسلقاه بالماء لين يقبل على الموت يبيه صورة طير لروح تاوي= ويجوز يصنع له مع الوقت ريموت ويمكن يحطه في قفص ببغاوي= ولا تامنه لو يعلف الطير بسكوت والطير ما يبغاء غشيم عماوي= ياللي ظلمت الطير والظلم ممقوت خله لمن مثل النداوي نداوي= بحاضر ومستقبل وفي فايت الفوت وبالعرف ابو سلمان باعه رهاوي= كم مشلحٍ مع مشلحه ماتجي كوت وله بالقنص والطير شعرا فتاوي= واصدر دواويناً ماهي خمسة ابيوت قيل الحويفي لاتكلم نقاوي= كنه من الواحد وعشرين منحوت وان وصف النادر على الجول هاوي= عيشك واقع دونه اميال ووقوت وبالبرد نوم البر عنده يساوي= النوم في خمسه نجوما ابيروت لامسوي (ن) مثله ولانته بقاوي= مع ربع دربه سير وتعود مبهوت لو حدرك الفكسار ماهو عراوي= والقارمن يعطيك توجيه ونعوت |
صفق ياجمهور المصالح الشاعرك = اللي بتصفيقك خدعته وصدق ياللي لمصلحتك توظف مشاعرك = وغرت ضعيف (ن) بالضعيف إيتشدق قام يتوعر يوم صدق توعرك = وطير عيونه في حضوك وحدق وهو لو انه بالمواقف يسعرك = طاحت دروعه قدم شلفا المشدق تنح عن درب العرب وانح اباعرك= موط الاذاء عن الطريق وتصدق قبل تحصل واقع الامر ذاعرك = الدرب ماهو دايم (ن) لك محدق |
ياشلع قلبي شلعة ًمالها اشباه= غـيرالذي شالت وحالـت طـميه على غزالا ًماقوى القلب ينساه= غـرو (ن) تولى خافقي بضـحويه واهني من حصل قباله هـنـياه= لاواهـنيه بالحياه الهنيه مع واحدا ًمحد (ن) مع البيض حلياه= لوالذي ماشاف يزرى عليه يـزرى علي اللي عيونه مغطاه = واللي سلم ما واجهه في مجيه يرى الحديد يذوب ويقول وش جاه = مستغرب (ن) ما شا ف نارالـظيه ماشاف من ظيق المخـيله ثناياه= عـنق اللي الأطرش حشم به حليه عين اشقراً روس الشواهيق مرباه = حرا ًكـفوفه للحباري منيه والجيد ذيل اللي لثارن معـذاه= من يوم ولدت لين صارت ثنيه وهي على عزاً وتحت المراعاه= فيها العداء من كل باب محسيه تعب لها اللي ناويً بالمـثاراه = حاس ( ن) بها راعي جوادً رهـيه يوم العرب كلن بسيـفه وشلفاه = ولايشرب الفنجال غـيرالدهيه واليوم امان وراعي الحق يلقاه = بشرع ونظام وراحـت الجاهليه كلن ورى حقه أيديـنه مكفاه = مرتاح (ن) الفارس وبنت العبيه في ظل حكام الشريعه هل الجاه = اشيوخ نجد مظللين الرعـيه ميرالذي ذكرعلى القلب واشقاه = غرون غريرن نظرته سـم حيه حلوا ًحلن منه النحل لو تحلاه = ماعاد صاريهوش دون الخليه كان العسل قدمه وخذ من خلاياه = تغير الواقـع محى الغايريه ظني وناعـيني عـن الناس مغظاه = ماسك حدودي ميريجنا عليه |
اليا حصل لك عافيـه وش تبي غير = اشكرعليهـا خالـق الخلـق مولاك شكرالنعــم يزيد من خيرها خير = خير يتـقدم لك وخيراً بدنياك والنفس لاتسـوقك لبعـض التدابير = ليا منها طاشت وشيطانها حاك كم من تـدابيرا ًوراها تغابير = وكم هيناً سلكـه للدراك هلفاك وخلاك تندم بين ورد ومصادير = لانا طحـن هـاذي والا. لاحقاً ذاك وعـرف ترى بالعلـم شرحاً وتفسير = لمـورحايط بك جهلهـا وتخفاك وترى الجهل غـبة ظلام ومعاصير = ويلقا بـه الشيطـان باباً وشــباك وإشــارة الفاهـم تفكك مشاوير = وخطى الجهل فرصتك فيها تخطاك وفرصتك ماتعطيك مهلـه وتاخير= غـنمتهـا والاتـعــدت ولامــداك وصارت عليك ابعد من طويق عن كير= وأضـحى التفاتك لاتنبـهت جدواك وعرف ترى رفقـة هـل العرف تنوير= تنـوير لـدروبك وللخـيرتـقداك سيرة مسيرتهـــم توضح لك السير= ونتــه مريـح ومستريحه مطاياك اخــذت فكره ماخـذت منـك تفكير = ولـبسـت لك درعاً بحيـل الله اذراك وليــا طلبت اطلب ولـي المقادير = اللي غـنياً عنك حـتى اليغـناك وليـا سعــيت اترك علــيه التياسير = علام يالمخلـوق بامرك ودعـواك اللـي لــه بخلـقه مراداً وتدبير = خلاقهـم رزاقهـم مجرالافـلاك |
حرب الذي جنابهم ما يملا = وتاريخهم ما تنحصى معجزاته ماهو ضحا ضيحً ضحا تضمحلا = مثل الجبال الراسيات بثباته صنعت رجال بفعلهم يستدلا = مثل نويشي يوم تذكر سواته حرباً اثراء دخيل ما يخلا = وارواحهم ترخص مقابل نجاته ومن ضافهم لقاء الكرم وسفهلا = هلا وهيل وحيل من واجباته وقصيرهم لاشد لدمع هلا = يبكي عليهم طـول باقـــي حياته وحلالهم لا ربع الخوف فلا = لو ريف دار القوم كثرو حماته عن الربيع اجموعهم ما تجلا = يرعى دبشهم لين يقضي نباته وكم هازهم من جمع قوماً وذلا = عقب الطمع صارت نجاته مناته وكم راس شيخاً من متونه تدلا = اسيــــوفهم بيمانهم ناتفاته ما يذبحون اللى العقيد المحلا = شيخ الجهام اللي يقدى عباته يوم العرب فوق الرمك ما تسلا = والسيف تاكل بالجماجم شباته هذي فعايلهم وهذا السجلا = فعلً تراقب من خلقها رواته وانا ماذم الناس حاشا وكلا = مالي بسيات البشر وحسناته واليوم امان وخير والشر ولا = الامن عم الشعب والشر فاته لكن تبلتنا الخبول المبلا = خشاش خبلن خلف شاشة قناتة ايفكرون الدرب مفروش زلا = للمبتهت مهما يكون ابتهاته لاوالله الا ثم لا والله الا = مايضيع حق اخوان نوره قضاته ومجدن سماء يم النجوم وتعلا = صعبً على المبغض تطوله اهواته لو قال مهما قال واخطاء وزلا = نجاس هرجه ما يتعدى شفاته |
يازياد مثلت الوطن والقبيلة = وتمثيل مثل زياد به زود تشريف حرِ مواكيرك براس الطويله = ترفع لك البيضاء بروس المشاريف يالفذ يالفولاذ مافيك حيله = تصرف ذهب يذهل عقول الصراريف دليلةً جاذبك رجلٍ دليله = ابن نحيت حجاب شيخ المواقيف مواقفه بالطيب ماهي قليله = الله يديم اهل الكرم والمعاريف بأيام حفلة حرب مد الجزيله = بمقدمة من يرخصون المصاريف ولا يجنب عن دروب الفضيله = كم فك في جاهه وماله من السيف عساه يجزا بالجنان الضليله = وعمره يطول ولا تجيه الصواديف وانته عساء البيرق يمينك تشيله = يمنىٍ تزيده مستوى شان وتضيف البيرق اللي كل عينن تخيله = عليه ياكثر الكبود الملاهيف لكن ماكلن يحصل حصيله = بعض القصيد يروح دونه سواليف وبعض العرب حاول بيومه وليله = وتخاطفنه بالطريق الخواطيف يبى يسابق فوق بنت الكحيله = وضاع بعجاجة سبق الحصن ماشيف ماهو ردا مير الحموله ثقيله = ماهي على بعض الهقاوي خفاخيف تحتاج مثل زياد حيل (ن) وحيله = وقريحته غيثٍ مزونه مراديف ان وفق اللي كلنا نلتجي له = جنا ركابه بالغنيمه مناكيف |
اليا تركت الفرض خل النوافل = بعض التصرف منه بالعقل نقصان ما ينقبل راعيه للحق كافل = ويحتاربه طول الزمن عقل الانسان الارض ضاعت بين طامع وجافل= بغداد عقب القدس من غير جولان ماهي بتبوله ولحية فلافل = حجم الفقيده ياطبابيخ لبنان والطبخ ماحداً فيه عالي وسافل = اللي يطلع جوهر الفرق ميدان اليا متى يالمنهزم وانت غافل = والشجب والانكار موضوع الاعلان اللي يرد الحق عزم وقوافل = تزحف ومعها زحف ناراً ودخان وجحافل بالحرب تدحم جحافل = لين انها تصفي لواحد من اثنان اما فتح باباً مع السلم قافل = والا عساء يقفل مع الباب بيبان تعلن نتيجتها بكل المحافل = ياعاد زايد ياتقفاه زيدان والعلم عند اللي للأرزاق كافل = لاقال للي يعجز الناس كن كان |
الطيب بهل الطيب جيل بعد جيل
ممشاه مع درب اوله لاحقه السيل = من خلقة الدنيا وماضي عهدها والطيب بهل الطيب جيل بعد جيل = ورثن من الاسلاف للي بعدها مثل الذي ورثه عشير المشاكيل = نسل الحرار اللي ينومس هددها بدر بن حجر معرب الاصل حلحيل = يحل عسرات العقد ويعقدها لامنهم عدو زحول الرياجيل = ايعد ابو تركي من اول عددها بالطيب ذكره يشابه الجدي وسهيل = والارض يشبه قمة ً من وتدها بدر ابن اناحل تتعب افعاله القيل = لطيب مابه قمة ما صعدها لو القصايد فيه اصايل من الخيل = تتعب دروبه بالمراجل جهدها متاهل ً في طيب الافعال تاهيل = لطيب قصيدة مدح لو ماقصدها لو مثل ابو تركي يفوق التماثيل = لو كان من هداج تيماء مددها تحتار في توصيف عال المنازيل = ويحتار حتى شاعراً في صددها يكل وهو ايكيل ما يوفي الكيل = مهما عضلات القريحه فردها مدامها في كفو بيض الفناجيل= شيخاً ربوعه يقتوي به سندها بامر الذي بمره تهل المخاييل= شطة رفيقه لا نتخابه فقدها اليابرد وجه الردي بارد الحيل = وكلمة ونعم بشاربه ما حصدها يحوشها النادر بعيد الموا صيل = بدر الذي فيه الحميه تجدها منصا الرفاقه كل مايثقل الشيل = ويصير مصدر كل حاجه بلدها يرسي سوات اطويق جمله وتفصيل = واليا عطا له كلمتن ماجحدها عسا حياته كل ابوها تساهيل = في جاه من عبده لوجهه سجدها في ساعةً متأخره باخر اليل= مضا حياته كلها مارقدها على الرابط http://www.m-harb.net/vb/showthread.php?t=93721 |
ياماحلا السجات برضاً مريفه = يطيب فيها البال من غير تطبيب ربيعها يسواء جنيف ومصيفه = تفوح منه اطياب بيض الرعابيب حياً جديد احيا العبال النضيفه = ماطبها الى شرد الصيد يالذيب ينساء الهموم اللي هموم كثيفه = لاسج فيها مع رجال المواجيب اهل الجزاله والعلوم الشريفه = واهل الوفاء في وقت قل الاصاحيب واللي عداهم جعل بقعاء تضيفه = في قايمة من لالها عنه تجنيب فرقاء الردي نوماس جعله ذليفه = جعله مهفن عقبه امقيط ماجيب والا مهف الاش عقب الوضيفه = لنحاش عن ناساً مسوين به طيب مغنيهم الله عن خطاة الهديفه = ويقدم الشينه ردي الاساليب يوم ان نفسه مثل عقله ضعيفه = وعلاقته دايم حسب حالة الجيب عقب انتها وقت السنين المخيفه = والخرب خربها وجاله مخاليب وعنتر كثر في عصر الانتر وصيفه = ارقاماً تبذ الخفاء والحواسيب وتهادو اعدى الزير رمحه وسيفه = اللي مذللهم قبل روحه اتغيب وقتٍ ليا برقت بمره تعيفه = يا الله يالمعبود تستر من الغيب |
انا ماحصل مقناص بطيور شلوى :: ياطير بن برمان مافيك مقناص
ان ما حصل مقناص بطيور شلوى = ياطير ابن برمان ما فيك مقناص بلوىً لبن برمان ضويت بلوى = واصبح يدور منك فكه ومخلاص ويقول حظً طشني فيك يلوى = عز الله انه حظً اقشر وحواص بعض البشر حتى لو انه تحلوى = يبين لك في تاللي الامر قراص مثل الذي من يمه الامن سلوى = ويصبح ارهابي لقلعت فيه الارباص ما يبحلك طفلً يبي منك حلوى = ورجال شذرت سيف ما به تخراص تبحل مع اللي لثنين ايتبلوى = متقمصن هذا وهذا تقماص عينه تحت تنظر ونوبن تعلوى = مع جرته تحتار حواص لواص |
ان طاب حضك ولد قدام ميلادك = وجيت ولقيته مزين كل الاوضاعي خلاك للخير مصدارك وميرادك = وان نمت ما نام مثل الحارس الواعي ويصيد لك رزق شخصاً يحسبه صادك = مايدري انه لحضك ظمن الاطماعي وان كان ماطاب حضك شبت مافادك = خلاك تركض وتخطي درب الاسناعي يذن للامساك توه ماستوى زادك = ويذن للافطار لازاداً ولا داعي ولقيت غيرك يشب النار بزنادك = وانته الدور مع المحتاج ولاعي ويالعبد رزقاً به المعبود مارادك = ما تاخذه لو جميع الناس فزاعي كل ما تمد اليمين الوافيه كادك = وغيرك يطوله لو انه قاصر الباعي وان راد لك خير ما ردوه حسادك = لوكلت بالمد والحساد باصاعي ولو هو على جودك اوماجودك اسعادك = بعض الرعيه تموت ويسلم الراعي ولاجاك ما ربعه اغنا المجتمع زادك = ما راح وانته ما مثلك واحداً جاعي :::: حظكے :::: |
ياللي ظهورك وختفاك امتساوي = ودفنت راسك مير باقيك مكشوف على الرداء يا الاش مادمت ناوي = وخايف رفيقك منك يحتاج معروف اصبر لين اتحده عليك البلاوي = ثم صد عنه وقول ماني بمكلوف لا تسابق الاحداث بالشين ضاوي = اخر رداك شوي لين انك اتشوف يمكن رفيقك عنك يصبح غناوي = وتعدي الرحله على خير وتطوف اما لقيته يسهجك بالنخاوي = او يستر الله مايجي عنده اضروف وليا انت ياللي لانذاله مهاوي = ومن الوفاء والطيب يلعب بك الخوف متجملً لو مانت حول الحراوي = ومن الرداء سالم وهو إلك مالوف ويمكن بعد توصف بحراً نداوي = لو يضلمون اللي عليه انت ماصوف مير المدوح اللي قبل لرهاوي = تصرف لمن شره بها الوقت مكفوف |
مرثيه في الشيخ / بندر بن تركي ابا الشيوخ الشدادي الحربي , يرحمه الله
مرثيه في الشيخ / بندر بن تركي ابا الشيوخ الشدادي الحربي , يرحمه الله
مرحوم ياشيخاً فقدته قبيله = دايم لوقفاته تذكر وتحتاج الم جميع افراد ربعه رحيله = لكن هي الدنيا وطن هم وازعاج دايم مشاكلها عريضه طويله = ياليتها ما تقفي الا بهلباج والا ابو خالد وين يقلى مثيله = تتعب مداويره مع الناس ماداج مثل الجمل قدم الحمول الثقيله = ما تزمله لوهي كبر كير وسواج الحمل عن ربعه يقوم ويشيله = وعنده قضاياهم لها طب وعلاج الحلها يسعى بحيل (ن) وحيله = ويورد الضامي على جم هداج اقولها والقول يعرف دليله = والهرج له مليون قافي وهراج بندر ولد تركي علومه جزيله = له مع رجال العرف مدخل ومخراج ياما من اجهوداً بذلها جليله = ما تنتج الا الطيب يانعم الانتاج مواقف ابا الشوخ ماهي قليه = كثر النجوم اللي توهج توهاج كم من قضيه عند صاحب فضيله = لولا ابو خالد وضعها كان من عاج حاما وراها والمعرفه وسيله = لين انبلج حقن كما الصبح فلاج يا الله تجزاه الجنان الضليله = وترحم فقيدة حرب ياوال الافراج https://pbs.twimg.com/media/BXa6N7XIYAA0Fca.jpg |
الساعة الآن 06:56 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir