كــل مــا تهـيـأ لقـلـبـي طِـــب=واقـــول جـرحــي بـــدا يـبــرى
طيـفـه يـداعــب بـطـيـن الـقـلـب=ويــجــدد الــجــرح بـالـذكــرى
الله يقطع سنين الحب=من اللي على أصحابها يجرى
ومايلام قلب العنا لو شب=إن كان ذكر الزمان أغرى

شـفـتــه وزادتــبــيَ احــروقــي=وعـجـزت اكـتـم هـمــوم الـــذات
حـاولـت اخـفــي عـنــه شـوقــي=لـكـن غـصِــب هـلّــت الـعـبـرات
الحب سارق ومسروقي =بين المحبين بلغفلات
دايم له الطاق مطبوقي=ومايقبل انقوم بلفزعات
مـابـيــن مـمـســاي وشــروقـــي=احـســب ثـوانــي عـلــى الـدقــات
فـــي كـــل سـاعــه بـطـاروقــي=مـافـادنــي نــظــم او شــيـــلات

الــطـــيـــب ثــــــــم الــتـــواضـــع دوم=تــعــكـــس مــــــــدى ذوق راعــيـــهـــا
والــكـــبـــر والـعـنـجـهــيّــة فــــيــــوم=تـكـســر خــشــم مـــــن وقـــــع فـيــهــا

ياللي بناي الهوى تعزِف= خليتني الليل ماانامه
جرح المحبين لو تعرف= في داخل القلب آلامه
تيار الأنغام كم يكشف=جرحأ تغطى مع أيامه
مثل اللغم حينها يرجف=يعكس شفا الود وأوهامه

احذر تطاوع هوى نفسك= تدفعك للسيئه مرّات
واعمل قبل ينتهي وقتك= والموت ياصاحبي حسرات
إذا ذكرت الذي خلقك=يغفر لك الذنب وازلات
أنيق حتى لنا فوعظك=اللي يلامس صميم الذات

هذا العميد الذي نخبره= اللي يهز الملاعب هز
اليوم دك الهلال أجبره= يرجع وخلاّ الشّبك يهتز

أسامر اسهيل بحسوفي= بيني وبين الجروح اعناق
وهذا القلم يكتب احروفي= بدموع تروي عطش مشتاق
خل الأمل فيك مألوفي=يامكالي الهم فالأعماق
الله عسى ودكم يوفي=في وضعك اللي صعيب وشاق

يا طعوس بالزاويه شوفي= لحظة وقوفي غروب الشمس
عوّدت له معلن احسوفي = اللي نسي ذكريات الأمس
الـعـشـق بـالـنــاس مـعـروفــي=مايستـر الـسـر لــو هــو هـمـس
دايــم عـلـى الـنــاس مكـشـوفـي=صاحـبـه كـنــه يـعـانـي لـمــس

غالي وأغلى من اعيوني = أهواه ونا احسبه يدري
أخطيت وبوّحت مكنوني= وضاق لما زعل صدري
اصـبــر ولا تـكــون مـحـزونــي=اصــل الـهـواء طبـعـه الـغــدري
يـخـلـي الـشـخـص مـجـنـونـي=يـشــك بـالـنــاس ويــهــذري

قـمـري عـلــى سـاريــه يـشـكـي=ويـنــوح مـــن فـقــد خــلاّنــه
خـــلاّ فـــؤادي مـعــه يـبـكــي=لـمـا ذكــر طــول حـرمـانـه
هــذي حـقـايـق بـــلا شـكــي=تـضـيــع الـطـيــر والـحـانــه
لــيــه الأوادم لــهــا تــركــي=ماتـتـرك الـطـيـر فـــي شـانــه
الطير في حالته يحكي = للآدمي كثر أشجانه
ومن خاض بحر الهوى عكّي= يشارك الطير أحزانه
سـربـه غــدا وانـشـبـك شـبـكـي=ولا إنـجـلــت كــــل أحــزانــه
حـــده عـــن الـحــال مايـحـكـي=صــبــره وحـلـمــه وإيـمـانــه
الـطـيـر بـالـصــدر والــوركــي=لــذيــذ قــمــري وسـمــانــه
لــكــن تحـريـمـهـا شــركــي=يـخـالـف الــشــرع وركــانــه

ياطير نايح على غصنه= أشجى فؤادي كثر نوحك
وانا معنّا سهر جفنه= مجروح أكثر من اجروحك
خلك من الطير وفنونه =حاول تخفف على روحك
خل الهوى عند مجنونه =والجد لا يخفي امزوحك
قبلك تعذبت في لحنه = لا تتبعه ويش مصلوحك
لا تزود القلب بالشَحنه = خلك ولد وأبعد سبوحك
أنصحك يامن شكى حزنه=ادرى وداري على روحك
اعقد في ليل الأسى هدنة=حسب الذي فيه مصلوحك
ياقابل القلب مختزنه = ما يستمع كثرة انصوحك
ولا صار وافي ولو وزنه= يجبرك تصبر على تروحك

غالي وأغلى من اعيوني = أهواه ونا احسبه يدري
أخطيت وبوّحت مكنوني= وضاق لما زعل صدري
اصـبــر ولا تـكــون مـحـزونــي=اصــل الـهـواء طبـعـه الـغــدري
يـخـلـي الـشـخـص مـجـنـونـي=يـشــك بـالـنــاس ويــهــذري
إذا الأمر بالغ الحِدَّة= وخِلَّك تَنَحَّى عن المنهاج
ترى الرَّخا يعقب الشِّدَّة=بِذكْرِ من سيَّر الأبراج

من الصِّغرعادتي وطبعي =لا شفت إنسان متعالي
أشفق على حالته وادعي= ربي عسا يطلف بحالي

تـايـه والايــام تغلـبـنـي= عيّت تحقق لي احلامـي
كِنِّي على نهـر عاجبنـي= واقف على ضفّته ظامي

أبو فرح / أقفى عميد الادب والجيل = مرحوم يا قيصر الكسره
أبو هيثم / ماظن يجي بعد جيلك جيل = من أجلهم نذرف العبره

يا بخت منه مسك بالصبر= وتاب للواحد القهّار
كثّر من الخير طول الدهر = عساك تُحشر مع الأبرار

كل الطرق شبه مسدوده = ما في امل يتصل فِيّه
ومادام الاعصاب مشدوده = لاعاد روحه ولاجيّه

اللي جبينه كما الألماس= وقلبه سواة الحجر قاسي
لاصار وضعي معه منحاسي= كيف اقنِع القلب باحساسي

ياكم من أهل الهوى تلقاه= يعانيَ المر يتملل
الصبر أحسن دوا للآه= عساه بعد الجفا يسال

ليه الهواجس تؤرّقني= ما ذوق طعم الكرى بالليل
جفا وليفي مضايقني= والاّ تعلقت به بلحيل

حالي مع الهم متجانس = واضحك مع الناس وأواسي
يحسبنيَ البعض مستانس= والجرح في داخلي قاسي

ياكم من الود موجوعي= ضيع معاه إتجاهاته
لا يملك اخيار لرجوعي= ولا هو محقق لغاياته

كملي وانا محتري بارق = ومزون تروي جفاف اسنين
ترودني دمعة مفارق = عند السحر والعرب غافين

أبغاك تعرف قبل لاتروح = سحر المها بان فعيونك
وحتى فلحظة عضبك تفوح= رقّة مشاعرْك وفتونك

شفته وانا الشوق لاسعني= أناظره ترتجف يمناه
قام التفتلي يوادعني= ويبكي وانا ما اطيق بكاه

لا تكبّني للسهر وتروح= هاجسْك لا يحوس تفكيرك
شوفك يداوي عنا المجروح= ولا ينشغل خافقي بغيرك

يـاخــوي لا شـفــت لـــك مـسـكـيـن=مـحـتـار يـشْــري ثــيــاب الـعـيــد
عِـيــنــه ورب الـعــبــاد يـعــيــن=وامـســح دمـوعــه قـبــل لا تــزيــد
الرب يطلب عباده دين=يوم السداد الإله يزيد
اغنم وسابق لحور العين=وساعد بقرضه بها توديد

يا صاح ياللي كثر نومك= في شهر تُرفع به الدرجات
إعمل قبل ينتهي يومك =والموت يا صاحبي حسْرات

ليت القلم يكتب الحاصل =ويصوّر اللي جرى بوضوح
كثر السهر صار متواصل= وانوح لا شفت طير ينوح

غالي عليّ حقق المأمول =كاد العدا وبدد ظنوني
لون الشق في شفاه يقول= انا عطيْت الشفق لوني

الشوق زوّد معاناتي = والوقت صاير معي فعناد
واللي انغرس حيل في ذاتي = كيف اتركه والجروح اشداد

يا عزة النفس خليني= أشكي لهم لوعة المشتاق
يمكن بنظره يراعيني = ويخفف الهجر والأشواق

مهما الصواديف تلويني= وربعي يقولون لي جافيه
ماحد من الناس يشقيني= يكفيه قلبي وجودك فيه

صدق الأحاسيس خلتني = أبحر معه ناسيَ الأخطار
وعيون فلهود طشّتني= ما خِلتها توهّق البحّار

مديت يدّي لك وسلّمت = والقلب تملاه اوجاعك
وعجزت اكسر جدار الصمت= اللي انفرض لحظة اوداعك

غالي عليّ حقق المأمول = كاد العدا وبدد اظنوني
لون الشفق في شفاه يقول= أنا عطيْت الشفق لوني

شكى القلم من كثر بوحي = ذابت وسط حبره الآهات
بكى على كثرة جروحي= وما صابني في صميم الذات

حاد الزمن ليه عن مبداه= ولهـوده الـيـوم توجعـنـي
وبير كنت ارتوي من ماه = من دونه اخطـار تمنعنـي

ياكم به الود ينخمّي= ما يحسب حساب للمُبهم
يفقد حياته من الغمّي= وماحد على ميتته يندم

اللي شغلني غرامه بحر= يحتاج غوصه عنا وفنون
ماشفت قبل رموشه سحر = ولا شفت مثل العيون عيون