|
3070 الغاز رمضانيه 1437ه
بسم الله الرحمن الرحيم
السلام عليكم ورحمة الله وبركاته الغاز دينيه
عشرين زايد عشر مافيهن كلام = سويتهن لغوز للي يعشقون 1انشدك عن رجال عالي فالمقام = فالارض قدام البشر لايخلقون روح سبايب رجل للكاين عدام = لاشك جابه شخص للي يطلبون 2انشدك عن عذرى تبي مرقد تنام = واهل البلد بقدومها يستبشرون خلت كبار القوم وراحت لليتام = طاب المكان وطاب للي يسكنون 3انشدك عن رجلٍ فعل فعلٍ حرام= فعله حميه والعوارف يشهدون يوم ازبنوه الناس في وقت القيام= فيها تعذر والخلايق يعذرون 4انشدك عن بنتن حكيمه ماتلام = صاحت لاهلها ياعساهم يسلمون العلم واضح ماتبي تصبح حطام = ليش العوارف من خبرها يضحكون 5انشدك عن رجلين بحلول الضلام = مروعلى رجال جنده يحتمون بالرمز جابو هرج والغايه ملام = لانس ولاهم جن عنهم خبرون 6انشدك عن عذرى صغيره ياسلام = وان كبرت العقال منها يزعلون تفرض على العالم كثير الاحترام = ولاتنوزن فالوزن يالي تازنون 7انشدك عن رجال لناس الليام = الي تزيد بحال وحاله يتقصون ماطولو سبايبه راحو عدام = هذا جزاهم فالعداله يمكرون 8انشدك عن عذرى غزت بنت الكرام= بنت الذي لا قال جنده يخدمون جابت خبر مجهول للجاهل شمام = ذولا يفرحهم وذولا يحزنون 9انشدك عن رجال لناس النيام = مطلب لهم قدام لايستوطنون رجال للورعان معناه الختام = خلاص بعده ناسهم مايسمحون 10انشدك عن رجال مايعرف نضام = ياخذ حلالك مايهمه وش تكون لاشايلٍ بندق ولاشايل حسام = وش هالمصيبه ياجماعه علمون 11انشدك عن عذرى بعد ماتت قوام = جابت خبر مجهول للي يسالون نص الخبر صحيح مافيه انقسام= عنه البشر مهما تحدو يعجزون 12انشدك عن بنتين ماتحويه زام = من يوم جتهن بنت طقتهن بهون داون عليلن يشتكي كثر السقام = عود مثل ماكان واهله يفرحون 13انشدك عن ورعٍ صغيرٍ مايلام = توه مع الي فالشوارع يلعبون صدر عليه الحكم والقاضي عدام= لاجل الذي وراه يمكن يشركون 14انشدك عن رجال للازم لزام = قبل الزمان يزين قله يملكون عطاه للمحتاج من طبع الكرام = وناسٍ تعيي في جهنم يحشرون 15انشدك عن بنتين عاشن فالضلام= تالي زمنهن والنهايه يسلمون ترى السبب معروف سبتهن غلام = لولاه مازعلن ولاهم يحزنون 16انشدك عن عذرى نهار الاحتدام = والناس فالمشهد حضورٍ ينضرون جابت خبر صحيح لناضر قوام = بن الله الواحد وبه لاتشركون 17انشدك عن كلمه خفيفه بالكلام = تبدلت باسباب ناسٍ يمكرون بعد الهناء راحو سبايبها حطام = هذا الجزاء والاخره مايرحمون 18انشدك عن عذرى مبانيها هدام = وشلون اهلها للخرايب يرجعون سوال لاجله راح من صلى وصام = عمر الدهر مفقود يالي تحسبون 19انشدك عن عذرى لصاحبها علام = تعطي خبر مجهول للي يشرحون اكثر مجي البنت فا الوقت الضلام = ناسٍ تبكيهم وناسٍ يضحكون 20انشدك عن عذرى عددها بالتمام = تسعين زايد عشر للي يحسبون حكم الذي مايعتبر حكمه نضام = واهل الشريعه في مقاله يحكمون 21انشدك عن رجال لاحقه الملام = سبة خطا معروف للي يعلمون حجة نبين ماتحجج باختصام = رده مقدر قبل ماحنا نكون 22انشدك عن عذرى هديه للمدام = هدية الحكام للي يحكمون صارت رفيعة قدر والسبه غلام = سميها لديار غيره يرحلون 23انشدك عن حيٍ بلا خال وعمام = ولاهو من الي فالخلايق يالدون ماذاق شرب ولاتهنا في طعام = ولاهو من خلق الله يالي تفهمون 24انشدك عن عذرى وتحضى باهتمام= في حبها بعض الاواد يفتنون ياشين حظ البنت تالية الغرام = راحت مع الي فالمسالخ ينحرون 25انشدك عن رجال فالوصف التمام = يعني كثير المال للي يكنزون مضرب مثل قدام لاتشكي سقام= حكمة مجرب والتجارب ينفعون 26انشدك عن بنتين سلم ياسلام = عن وصفهن يعجز كثير الواصفون باسباب كبر وغطرسه راحن عدام = ياليت بعض الناس مايتكبرون |
وعليكم السلام ورحمة الله وبركاته
صح السانك يابو هليل على الالغاز الرمضانية الدينية الجميلة رقم 1 البيت الحرام |
رقم 2
القصوى ناقة الرسول صاى الله عليه وسلم |
رقم 3
حاطب بن بلتعة رضي الله عنه |
رقم 4
النملة مع جيش سليمان عليه السلام |
صح بدنك ياحسين
1صح لسانك 2 صح لسانك 3 غير صحيح هذا زبنوه وقت القيام 4صح لساااااانك |
صح بدنك يابو هليل
رقم 4 عبدالرحمن بن عوف رضي الله عنه عندما حاول ان يحمي اميه بن خلف في غزوة بدر |
رقم 8
دابة الارض التي اكلت عصا نبي الله سليمان عليه السلام |
ياسلااااام عليك
الثامن صح لسااااااااانك |
صح الله السنتكم
مستشارينا الكرام الغاز ثمينة لاشك |
7وادي ويل من وديان جهنم
نسال الله العافية
سورة المطففين |
الكحيله صح بدنك لاهنتي مشكوره
العز السابع الحل صحيح التطفيف صح لسااااانك |
اقتباس:
رقم 6 حجارة الجمرات |
تفرض على العالم كثير الاحترام
العالم الناس كافر ومسلم غير صحيح الجمرات يابوعلي |
10سيل العرم
اوالطوفان |
غير صحيح الطوفان وسيل العرم
|
رقم 9
البلوغ او التكليف |
رقم 5
الملكين اللي جائوا لنبي الله لوط عليه السلام |
اقتباس:
بس ابغاك تحله النيام اهل الكهف شوف طلبهم قبل مايدخلو االكهف |
اقتباس:
|
10
الرجل الصالح اللي طلب موسى عليه السلام مرافقته |
9
الكهف اللي نامو فيه اهل الكهف او الفتية الصالحين |
5
ضَيْفِ ابراهيم عليه السلام فقد قال الله تعالى : (هَلْ أَتَاكَ حَدِيثُ ضَيْفِ إِبْرَاهِيمَ الْمُكْرَمِينَ * إِذْ دَخَلُوا عَلَيْهِ فَقَالُوا سَلَامًا قَالَ سَلَامٌ قَوْمٌ مُنكَرُونَ * فَرَاغَ إِلَى أَهْلِهِ فَجَاءَ بِعِجْلٍ سَمِينٍ * فَقَرَّبَهُ إِلَيْهِمْ قَالَ أَلَا تَأْكُلُونَ * فَأَوْجَسَ مِنْهُمْ خِيفَةً قَالُوا لَا تَخَفْ وَبَشَّرُوهُ بِغُلَامٍ عَلِيمٍ * فَأَقْبَلَتْ امْرَأَتُهُ فِي صَرَّةٍ فَصَكَّتْ وَجْهَهَا وَقَالَتْ عَجُوزٌ عَقِيمٌ * قَالُوا كَذَلِكَ قَالَ رَبُّكِ إِنَّهُ هُوَ الْحَكِيمُ الْعَلِيمُ * قَالَ فَمَا خَطْبُكُمْ أَيُّهَا الْمُرْسَلُونَ)الذاريات/24-30 . |
ماسبق غير صحيح
الرمعات ماااالك لواااااااا يالكحيله |
اقتباس:
الخصمان الذان تسورا المحراب |
11
بقرة بني اسرائيل |
12
قصة شفاء ايوب عليه السلام " أركض برجلك هذا مغتسل بارد وشراب" |
احسنت ياحسين
صح لسااااااااااانك مليون الاجابات صحيحه بيض الله وجهك |
اقتباس:
صح بدنك ولك بياض الوجه مستشارنا الغالي ابو هليل |
الالغاز المحلولة
رقم 1 البيت الحرام رقم 2 القصوى ناقة الرسول صلى الله عليه وسلم رقم 4 النملة رقم 5 الخصمان الذان تسورا المحراب رقم 7 التطفيف رقم 8 دابة الارض رقم 11 بقرة بني اسرائيل رقم 12 قصة شفاء ايوب عليه السلام |
اقتباس:
اقتباس:
الغاز تنتظر الرماعة 3 6 9 10 |
رقم 9
الحلم |
رقم 3
قصة هارون عليه السلام ( قال يا هارون ما منعك إذ رأيتهم ضلوا 92 ألا تتبعن أفعصيت أمري 93 قال يا ابن أم لا تأخذ بلحيتي ولا برأسي إني خشيت أن تقول فرقت بين بني إسرائيل ) |
مااالك لوااا ياحسين
|
رقم 13
الغلام الذي قتله الخضر عليه السلام |
رقم 14
الفأس الذي اعطاه الرسول صلى الله عليه وسلم للسائل ليحتطب ليغنيه عن ذل السؤال |
اقتباس:
|
اقتباس:
الحل فالقران دور في قصار السور |
اقتباس:
رقم 14 ابو بكر الصديق رضي الله عنه في سورة الليل |
10
الطوفان 14نهر الكوثر |
الساعة الآن 09:00 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir