|
2342لغز : ثنتين محلول من سيف الالغاز حسين صح لسانه
بسم الله الرحمن الرحيم
ثنتين ما عنهن مصد و محاويــل = اليا لزمت بالرجل ياخــــــذ حديها وحده من الثنتين جبعاء بــلا ذيل = و وحدة من الثنتين منها و عليها وحده بعد وحده تعيب الريــــاجيل = و وحده بعد وحده فـــلا عيب فيها و الثالثة اللي بينهن يبهت الحيل = ماهو امبين نيتن ينتويـــــــــــــها ترا حراويهن مرد المراسيـــــــل = ليا قيل بالله وش مواطـــي ايديها |
مسيت بالخير يالشاعر الجزل
وصح لسانك على هاللغز الجميل ولي عودة |
صح السانك وبيض الله وجهك يامحمد سماح الغيداني على اللغز الجزل نفتح باب الرمعات وش قلت في العفو والقصاص |
الله يحييك يابوسماح
وتشرفنا بتواجدك في ملتقى الالغاز وصح لسانك على هالغز المدوكل بحرافه بيض الله وجهك رمعه مادري عنها لاكن وش تقوله بالذله والشجاعه |
صح لسانك يامحمد علئ اللغز المحبوك
جاري البحث |
صح لسانك
وحياكم الله وجااري التفكيير |
رمعه يامحمد
الدنيا والاخره او شهاده النجاح وشهاده الرسوب |
همس النسيم
نحن بإنتظار حلك |
أخوي حسين
حياك الله و مالك لوا بهذا الحل مع انه يشبه أن يكون مرماع للبيت الأول من اللغز و لكن اللغز يتكون من ثلاثة ثنتين و الثالث اللي بينهن يبهت الحيل |
أخوي ابو هليل حياك الله
بارك الله بهذا اللغز اللي خلاك تشاركنا صحيح ان حلك مرماع ولاهو غريب منك و لكن اللغز يتكون من ثنتين و الثالث اللي بينهن يبهت الحيل |
مرحبا يالنهر
حياك الله الدنيا والآخرة تجمع أشياء كثيرة و شهادة الرسوب حاجتين متناقضتين و اللغز كما قلت لأخوي حسين و أخوي ابو هليل يتكون من ثنتين و الثالث اللي بينهن يبهت الحيل |
اخوي محمد سماح صح السانك على الغز
ورمعه على الطاير (القافيه والقارحه والعلامه الي بينهن) تقبل تحياتي وتقديري |
أخوي عاقل الحربي
حياك الله على هذا الحل اقول مالك لوا انت صح جبت ثلاث اشياء لكن فكر بغير هذا الحل مرة ثانية |
اخوي محمد
ويش رايك (بالحسنه والسيئه و القلب) |
هلا وغلا بك يابو مشعل
صح لسانك وبيض الله وجهك ونتشرف بي وجودك بقسم اللغاز ونفخربك اكرر وقول ياهلابك ومرحبابك جااااري التفكييييير |
الشاعر القدير محمد سماح الغيداني صح لسانك على اللغز وياهلا والله
رمعه والله مادري عنها لاكن ابقول الزلة من الرفيق القريب او الغالي يقال الاوله اتركها معاذير يعني ابحث له عن عذر والثانيه شيمه وتقدير للرفقه وللعرب الي هو منهم والثالثه الي ماعنها صده وهالثنتين هن الي يجن في الاخير اما سكوت الغبنه على الزلل والاتوضيح الامور والفراق |
وش تقول يابو مشعل في كلمة : نعم و لا والثالث اللي بينهن السكوت |
اخوي عاقل
يشبه انه يكون حول المرماع لأن الحسنة و السيئة متعاكسات |
اخوي فايز موسى البشري
ممكن انك ذكرت واحد من الأسماء لكن لا يعتبر حل لأنه بطريقة غير منتظمة شكرا لك على مرورك و متابعتك |
اخوي الشاعر سعد رجاء الحصني
يبدو لي ان اللغز انحل من اخوي حسين تقبل تحياتي يحفظك الله |
اخوي حسين
حياك الله و صح لسانك على حل هذا اللغز و الذي صار له سنتين من تاريخ ما كونته لم يحله احد ابدا الا بعد التلميح مني و لم احد يحله بعد التلميح و بعد ذلك تلميح بتوضيح مثل كلمة شوفه قدامك بعد ذلك واحد حل جزء منه و لم يفصل اما الثالث لم يحله الا انت لكنه صار متداول عند بعض الناس و لو احد تقدم للحل أحيانا اقول سامعه من احد لأنه سنتين لم يحل احد الا بعد ما بينت صراحه تستحق الشهاده على هذا الحل كلمة لا جبعاء بلا ذيل كلمة ايه منها و عليها انت قلت كلمة نعم لكن كلمة ايه و نعم نفس المعنى كلمة لا بعد ايه تعيب الرياجيل كلمة ايه بعد لا لا عيب فيها الثالث اللي يبهت الحيل هو السكوت اذا ارسلت المرسال و جاء و سألته وش قال فلان قالك سكت هذا يبهت الحيل لا ايه ولا لا هذولي الثلاث لهن حروه حروتهم مرد المراسيل وش جابوا من خبر و اعتقد ان الكلام ذا واضح بأبيات اللغز لكن طرحت هذا الشرح ليكون اوضح آخر ما اقول صح لسانك يا حسين |
:سيف الالغازالشاعر حسين:076::076::076::076::076:
شاعرنا القدير ابومشعل لغز متعوب عليه بيض الله وجهك:076::076::076::076: لغز يستاهل خمس نجوم |
صح لسانك يامحمد الغيداني علئ اللغز الرائع بحبكه ومعناه وصح لسان اخونا حسين
|
صح لسانك يابوعلى ولاهو غريبه عليك بتر الالغاز
وصح لسان اخونا محمد الغيداني على اللغز الجزل يعطيكم العافيه |
الساعة الآن 05:12 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir