|
ديوان الشاعر محمد سعد اليوبي (لافي)
لا بـان صمتـه تالي الليـل قله=قله تراكم مانحيتوا على البال [/frame]وقله ترى ذخر الفهـد في محله=دايم على روس المراقيب نزال الشامـخ اللي لا حشـا ما نمله=الوارف اللي لابدا ظل وظلال العـزوة اللي ما بدت منه زله=وإن جاته الزله دمحها ولا سال نعم الرفيق اللي عن الدار كله=عـدٍ ركـودٍ للثِّقِيـلات حَمَّال وإن كان بعض الناس لاجاه عله=علة نحر لاجاه في كل الاحول الرجـل ما ياقف على كل خله=وإن شاف خـله يحتميها ليا مال هذا كلامي وإن بـدا لغز حله=مثلك هقيته للصعيبـات حـلال |
لبَّـاس ثوب العافيـه وآهنيِّـه=الناس من حـوله كما العِقْد منثور [/frame]دايم عليه الـرَّوْد رَوْحـه وجيه=ولا يزهمونه غير ياصايب الشـور وإليا شكا له شمس من بعـد فيه=وحمي الهجير وصامل العود مكسور أقفوا من الباكر على غيـر نيه=وخلَّوْه من بعـد المراويـح مهجور مجـروح من حاله وزادوه كيه=وأمسى مع الغربة مَجَـدِّر ومحجور وحذراك بعض الناس لاجاك عيَّه=عند العليـل وشايل العاج مجرور ولا تغتري من ناعم الجلد حيه=لا يغرك الملمس والاحسـاس مبرور إليا تقلَّب سـم في ناب سيـه= مثبور من صابه على العرق مثبور ومن لا فزع للرجل والنار حيَّه=لا قفـى غني ياراعي المدح معذور وراع المثل قاله وأنا أقول زيِّه=صحيـح بعض الناس مداحـة قبور |
يا شمس يا اللي هيفت يم خـلي=دوبـك على اللي بالحشا مستظله لا تحْجبين النـور ياشمس طلي=وإهدي حياتي صـافي النـور كله الحاني اللي داخـل القلب حََلِّـي= الغالي اللي عالـي الطـرف ظله أخيل زولـه في منـامي وأهلَّي= وأسمـع حثيثه في المزون المطلة ارْتَع .. تريَّث .. قول للشمس زلِّي=وزيح القمـر معهـا وعَوِّد محله وياعين هلِّي دمعك اليوم هلِّـي= هلِّي على من باقـي الدمـع هَلِّـه و يا عاذلي خلك مـن القلب قُلِّي=قُلِّـي وخَـل القلب يا شَيْن خَلِّـه القلب ما لك فيه يَفْـداه كلـي=هـات العلوم وعندي اللغز حَلِّـه وحله ( الوالدة) [/frame] |
السلام عليكم ورحمة الله وبركاته ، أبيات متواضعه عسى أن تعجب الشاعر العملاق غازي الزغيبي ولا هان الجميع ،،،، ، ،
ياسلامي للشمال ويارسول من اليمن=مودعه قلبٍ يود ولا تعذر يعتذر [/frame]غايته نورٍ تجلى ما تخلَّى واستكن=لاعلى فوق السحاب ولانزل فيه المطر لاروى نظم القوافي واعتلاهن يعتلن=بالحمية والشهامة والمكانه والظفر القصايد من غلاهن لاسمعهن يعْتزن=يحتميهن من غلاهن يافرحهن لاحضر يا ولد ذاك الزمان ويا عمرهذا الزمن=مَرِّته سود الليالي وإنجلن مثل القمر هو حسابه للزمان ولا حسبنا للمحن=والبلاوي في البلاوي والبلاء مانعتبر استلم سيف القبيلة يالامين المؤتمن=واطلب السيف اليماني لانفذ منك الصبر لاسمعن بالمنادي من سكاكا لاعدن=للطلب حزت طلبنا.. والمعين المقتدر |
السلام عليكم ورحمة الله وبركاته ،أولاً ترى حقيقة أنا ما تعلمت الشعر ألا عندكم وأنتم لكم الفضل بعد الله ، وأول قصية من كم شهر نزلتها هنا وممكن أوقات فيه تجاوزات تحسب علي لأن بعض الألفاظ ممكن لها عند الشعراء مغزى معين وأنا أجهلها ، ولكن ثقوا أنها عن غير قصد . لأني ممكن أحاول في الكسرات قبل ، لكن الشعر النبطي ما كتبته قبل . ثم هذه أبيات وجهتها لواحد نعتني بأني حربي وهو في مجلس محترم قال :( تكيف يا حربي ) وقلت له في نفس المجلس بس عسى جبت من الشيء شيء ،، ،
يا سلام الله عليكم يا الفهود=عن قبايل حرب بادي بالسلام هل وبل الغيث وأرزم بالرعود=والصواقع عالية فوق الجهام ما ندور كيف يا الحظ الرقود=كيفنا البارود لا جاله عسام ولا ندق الشين يا راع الشدود=نسحن المرمول وندق العظام لا نوين العلم نرقاها سنود=ما نختل الخصم في وقت الزحام |
يا أنيني كيف أعْبُر بالحنين=مع سمُوْ الوِجْد لا ضاع الكلام ذا خفوقي قوم تلِّـه باليمين=وابعثه مكتوب مع طير السلام واطرحه مفتون ليته له يلين=واستشف الود لو طال المقام هيج الآهات مجبول الأنين=وانسلت هامات وأعياها المنام إن نساني ما نسيته من سنين=وإن سليته ما سلاني لي غرام يا ضنيني ما بقاء ليه ضنين=وعين ترنو بالمنـام ولا تنام غاب عين الشمس عيَّا لا يبين=والعيون الناظرة جاها العسام جاله الديان في و قت المدين=ومن يلوم الروح لاراحت يلام |
بسم الله الرحمن الرحيم معي طالعه جديدة أندبتها لواحد من يومين وحبيت أشارك بها عساها بس تبيض الوجه ، ،
سََلام يَا اللي غَايَةَ الْقَوْل تَنْصَـاه=يَا عِدِّ في الْمَنْصَى ويَا خَيْر مِيْـرَاد يَافَاهِـم الْمَعْنَى وسِـرْه ومَغْـزِاه=يا صَقْـر مَا رَدِّه طِوِيلاَت الامْهَـاد شَرْوَاك مَايَخْلِف مَعَ الْوَقْت مَبْـدَاه=ومِيرَادُكُـم زَايد عَلى زَوْد مِنْ زَاد ومِنْ رَام طَلْع الصَّيْف لابُد يَرْقَاه=والْوِد مَا هُو فِي الدَّفَاتِر و الاسْنَـاد ومِنْ يِشْتِرى زَيْن الْهَنَادِيب يَقْنَـاه=يَقْنَى الرِّفِيق اللـي لِيَا غَـاب سَـدَّاد ما يخلف الْمَعْنَى على غَيْر مَعْنَاه=ولا تَاخُذُه دِنْيَـاه مَعْ كُثْر الأمْجَـاد والثانية عن عِلْم مَعْ عِلْم يَبْـرَاه=لا جَـدُّهُم واحد ولا زَادُ هُـم زَاد الكل مِنْهُم يِعْتِـزِي دُون مَبْنَـاه=واليوم ضاع الْحَرْف مِنْ كُثْر الاعْدَاد تَغَيَّر الْمَجْرَى على غِيْر مَجْـرَاه=ولا جَمَّل السَّـاقِي كِثِيـرَات الارْدَاد وبَاِقي كَلامِي غَايتِـه فِي ثَنَايَـاه=مَنْ شِان بَعْض النًَّاس يا الذِّيب شُهَّاد ومِنْهُ بِدَا لك عِلْـم لاَبُـد يَقْفِـاه=والْعِلْـم مَا يَخْفَاك يَاذُخْـرالاجْـَواد |
بسم الله الرحمن الرحيم ،،، ، السلام عليكم ورحمة الله وبركاته ، ، ( بس عاد أهههه استروا ما واجهتوا )
البارحـة فزيت مـع دقـة البـاب=وفز الخفـوق اللي عن الود سـالي أقبل شبيه الريـم من دون الأعتاب=ودارت مع المجمول صفـر الدلالي أضمرت سري من وراء باب وضباب=وأنا لحـالي .. ياكفـا الله لحـالي وهمَّيْت بآقطِّـع طويلات الأطنـاب=وآجيبهـا بيـن الوتـد والخـلالي وراجن هواجيسي عطيبات الأنشاب=وهـز الضميـر الشامخات الطوالي قال أُرْقب اللي معتلـى كـل مرقـاب=الواحـد المعبـود رب الجــلالـي وهـز الفـؤاد اللي ليا غبت ما غـاب=ذاك الرقيب اللي على النـاس عالـي وقلت انتهي يانفس .. تابعك وش جـاب=يا نِعْنُـبُ نفـسٍ تشيـل الثقـالـي أنا عميلي خـالق الكـون ما هـاب=لا ذنب وديتـه ولا ذنب جـالـي لا خفت من حيـة ولا خـاف من داب=ولا خفت من بعض النِّشب لو لحالي أمشي على وضح النقاء وأحسب حساب=أحسب لميـلات الدهـر لو صفـالي اليــوم أعــوِّد وآتقلَّـب تقِــلاَّب=وآخَلَّـي اليمنـى تعَـوَّد شمـالـي؟ وســلامتكــــم |
السلام عليكم ورحمة الله وبركاته طبيت منتديات أحد الأسهم ولقيت الناس اتشكوى منها وأعجبتني جملة لمحلل أسمه أبو نور يقول ( خسران من راهن على أسهم هابطه ) وقلت تضا مناً معهم :
قال أبو نوره ومـن قـال مـا هـان=وأنا اشهد إنـه لابـدا علـم يحمـاه خسران من راهن على سوق خسران=خسران من ساسه ليـا حـد منهـاه الله من بيـتٍ علـى غيـر سيسـان=جدره قصير وكل مـن جـاه يرقـاه انهار سقفه ما بقـي غيـر جـدران=من ضعف عمدانه على ضعف مبنـاه تكفى يا أبو متعب ترى الدرب ريعان=والعلـم لاجـاء مثلكـم مـا تـعـداه الناس راحـت بيـن دايـن وديـان=نهارذل وهم فـي الليـل مـا أقـواه قالـو تـوده قلـت ياسـاع مـازان=لو باكرهه ما أقوى على القلب يبغـاه وأنابخيري ما مدحـت علـى شـان=أبقـى أتقـرب مجلسـه وأتغشـاهـا لكن توخيـت النقـا ذرف الأيمـان=والحكـم مـا غيَّرعلـى الصقرمبـداه ولو ما الله اللي راد ما كان ما كـان=سبحانه اللـي نـور العبـد واهـداه وســلامتـكــــــــــــــم |
أعزائي السلام عليكم ورحمة الله وبركاته لي الفخر أن أتعلم من شعراء أمثالكم وهذه المحاولة الثانية لي في هذا المجال من الشعر وعسى أني أجيب درجة النجاح فقط ......
سلام من لافي تهيض ونشطان=يقري سلامه والعرب يسمعونه لافي على دارٍ له العز عنوان=ساسه متين وعالية به ركونه من دونه الضفران ذرفين الأيمان=حماية الساقه غلى يحتمونه وأثني عليهم ما ورى الحق بيبان=من عد صافي والعذا يشربونه لا هنت ياداري ومن جاك ما هان=ولا هان راسٍ ما يعرف المهونه الحر بادي كنه الصقر شيهان=الراس عالي والعطب في متونه والبوم لاصبح ما نشوفه بالاعيان=لو طار هابي لا تغرك عيونه والشعر مثل السيف لاذرف بالاوزان=والا سواة الليث لاضهر سنونه والا كما غصنٍ تمايل بالافنان=الغصن ذابل ما تحمل فنونه والحمد لله يوم قلته على شان=الدار غالي نرخص الروح دونه والا نخيل الضلع عن سد ضلعان=والقلب صافي والغلى تخبرونه وسلامتكم |
]ياللي تخيل الحرب في دق الأجـراس=وتحسب فنون الحرب في رأس الإبهام يا ويل هجرس من تهاويـل جسـاس=كـان المهلهـل مـا تحـزم بهمـام قي الحروب الطاحنة كتـم الأنفـاس=والله يصبرنـا علـى ضيـم الأيـام ويازينها لاجات شيمة مـن الـرأس=ويشينها لاجات مـن روس الأقـزام القن في الرجال يـا الذيـب نومـاس=واللي يقـص الـدرب عينـه لقـدام مـا يتكـي للشـاردة سـد متـراس=والغدر ما شفناه في شـرع الاسـلام هذا كلامـي بعـد ماجـس هوجـاس=والعذر للي فـي المواقيـف ضرغـام |
يا معتلي راس الطويلة وعزيت=أنا عليت الطايلة فوق الأنـذال وليا سمعت الفايته ما توحيـت=ولاني مدور في رديات الاعمال أنا بلايه لا نكسر واسط البيـت=ما يرتكي للصامله كـل رجـال وأنا هقاوي وأحتمي لا تهقويت=وأحط دون الصايب أقفال وأقفل لا تحسب أني بالسواليف جزيت=دون الجمل ياطافي النار جمَّـال أعد وأركز جابتـي لا توريـت=وآمد وأرمي للرجاجيل معـدال |
بعد السلام وصامل القـول ما يـروح=ويغَرِّبُون الهـرج قـوم التغاريب [/frame]صغت اللحون إن قال أبو زيد مسموح=من هـاجسٍ جرب كثير التجاريب لاجله يعرف العلم من غيـر مشروح=والذيب قالـوا ما تعشى على الذيب ربعي بني سالم وعـزي في مسـروح=منه رقـى مرقـاب نَرْقى مراقيب ما نتبـع اللي لا تهيض علـى الـدوح=كثرت لحـونه بالنشب والنشاشيب ضيَّع هقاوينـا على غيـر مصلـوح=لـو الثمن حُمْر العيـون المشاهيب ومن دون نقصانٍ ولا مَدْح في الروح=ومن دون حقران القبايل من الطيب ربعي لها منـزال زايـد عن الشَّـوْح=حَمَّـاية الميقـاف بِيضْ المنـاقيب شقران في الماقف على واضح البـوح=ذخـر النِّمَارَى والرِّجَال المعاطيب ما َ دلَّهـا كُثْـر التـراحيب بالنَّـوْح=تبغى الصـدور اللي تكن التراحيب |
جرى بعض التعديل ولا نستغني عن مشورتكم وخذوا المواجه من قوم الكسرات ، ،
يا قبايل حرب يا ذخــر الفهـود=ياحمــاة السلم في وقت السـلام كاسبين الطيب وافيــن العهـود=محتمين العلـم لاجـات الجسام يا المعادي هل وإرزم بالرعـود=الصواقـع عالية فوق الجهـام ذي قبايل حرب ترقاهـا سنـود=تكسـر الغازين ودق العظــام جنــد للحكام من آل السعـود=خادمين الدين لو وقت الزحــام والقبايل طايعة تِـرْد العـدود=من زمان العـود يامـل الرحـام تردع العاصين وتـرز الحـدود=وترقب العادين في جنـح الظلام قلت قول الصق مابحت السدود=والصحيح يبين في شد الحزام |
السلام عليكم ورحمة الله وبركاته ، إليكم هذه الأبيات لعلها أن تحوز على رضاكم ،،،
ياعُوج بن عُوقٍ عزاوي شَنَاعَة=في خوق غمضٍ هوجلٍ مستديره [/frame]إن ما أنكرز عجاج وأغدف قناعه=عجة معاجيجٍ تعجعج هديرة مهياف ملواحٍ طوت له شراعه=ومعجاج مصرادٍ بليا مطيره يامترجمين العجعجه ياقضاعه=في يم هاج وعاج يم الجزيرة منهُ يقول الرجل زينه ذراعه=الله خبير وعالمٍ بالسريره |
قصيت جرة في بلاد الاجانيب=جرة بلية مبتلى بالمراجيح وشفت ممَّ عفت وسم المخاليب=وشفت الفعايل في جلود المجاريح قلت : الله أكبر.. لانعوِّد تجاريب=كيف المفازة يا الرجال المفاليح؟ قالو: تعوض لا تدور مطاليب=لملم شنودك والقدم والضحاضيح وقمت أتعوذ وأيمني في التلاليب=والسن في أدنى الثوب وآسابق الريح وضويت ربعي ياعذوب المشاريب=ضويتكم ياعزوتي يوم أنا اصيح ضويت ماني معترض في المكاتيب=غيرأحمد اللي عاذني قبل لاطيح |
سايق على كل الرجاجيل فنجال=فنجال لاهل الكيف بنه يماني من قلب دايم للمغـاوير مدهـال=من سابق المده وهذا الزماني ما يدور القصيا ولا يلطم الفال=ولا يحتزم بالي يخسر الرهاني ياخذ من الدنيا لياجات في قبال=ولايازن الا من جزيل السماني وليا بدا ميقاف في كل الاحوال=حماي مع ربعه وشيال عاني لسانه حصانه وللموازين منزال=لاهو قصير ولا طويل اللساني لازال معكم يا المغاوير خيال=لو كان توِّه ما طلق في العناني وان مالت العدلة من الذيب شيال=دام المصاحف فوق روس السناني هذا كلام اللي من الطيب حمال=حمال لاهل الطيب قاصي وداني |
بـديـت نـظـم الشـعـر بـايـع ومبـتـاع=جاهـل عليمـي مـا يعـرف الشطــاره جيت أتعلـم شـي مـن زيـن الاطبـاع=وليـا خسـرت الشعـر ربعـي تـجـارة وقـام المهلـي والمرحــب بالاجمــاع= كــــلٍ يلـبـسـنـي ثــيـــاب الــوقـــاره لـكــنِّ يـــا حـيـفـاه أْرفَـــل وطـمَّــاع=عـزيِّـت لا مـاشـي عـيــال الـنـمـاره ضوَّيت لي ثنتين وأمسيت في القـاع=نـفــسٍ خبـيـثـة والـتـكـبـر شــعـــاره حتـى تخايللـي علـى كـل الاوضــاع=أنــي عمـيـد الشـعـر وأكـبـر كـبـاره وأني ملكت العلـم من شتى الأنــواع=والـشـعـر للـشـعــار مـنــي شـبــاره وأنـا طويـل الكــف والشبـر والـبـاع=والنـاس مـا تـعـرف تـثـوِّر شــراره حديـتـهـم بـالـقـاف فــــازع وقـــراع=أهــل القـريَّـه والـقــرى والـقــراره وأخــذت للبـاقـي حـجــاره ومـقــلاع=ولا فيـه غيـري يمتلـك لــه حـجـاره ولا شفت من ربعي حميـه ومفــزاع=كــلٍ بـعـد مـا جـيـت غـيـر مـسـاره قلت ابشـروا بالذيـب شاعــر وبيــاع=ومـنـه مدحـنـي يستـحـق الـبـشـارة قـالـوا أفــا ياشـيـن لاتلـبـس قـنــــاع=مثلك كما اللي مـدرق فـي الستـاره ربعٍك تجيب العلم في كـل الاصقـاع=ولا تشتـري علـمٍ يجـيـب الخـسـاره |
مرت سنة وأنا من الــدار للدار=ما كنها الا ياعــرب ربع ساعة قضيتها ما بين صحبــة وشعـار=ومابين بيضان اللحى والشجاعة واليوم جـانا من قرانيسه اشعـار=مكتـــوب فيـه الملتقى واجتماعه وطويتها وأنا على صـالي النـار=أخيـل قصـــرٍ محتميته سبـــاعه في دار حرٍ لانوى علم ما احتار=نعمين ياذيبٍ مجــاور قضــاعة واليوم مالي عن طويلين الأشبار= دام المعـــزة في يدين الجماعــة |
أنا ليـاما جس في الليل هوجـاس=والبعد والهجران مـن ساجي الطرف ماحدني لو في الخـلا نس نسناس=وحنيت من سجع الحمامة على الحرف أغض طرفي لا نعطف عود مياس=ورد نـون العين في داخــل الظرف يالعبد من حولك مفاتن وحــراس=مكتوب لو حطيت نقطة على الحرف إحذر يسند بك عن الدرب وسواس=وأحذر يحـدر بك على حـافة الجرف وإن رمت في دنياك يالعبد مرواس=الشـرع يازينـه ليا وافق العــرف والكبر لو هو للرجاجيــل مقياس=ما يقتل الرجــال وصله من الزرف |
جاني من الصاحب على حين غِرَّة=بعض الكلام وقلت يا الله عسى خير يا الله لا تكشف على العبـد سره=ويالله عسى ميعـادنا خيـر يا طير أنا شبابي ما أعتـزي قـوم مُرَّة=ولاني عزاوي في الردي نافخ الكير أبوي شيخ وجـابني بطـن حُـرَّة=أسفِّـر الغـاوين ما أحتـاج تسفيـر أمشي نقـا ليَّه علـى الطيب جرة=ما أحط لي وجهين وأعـاكس السير ياللي تروم الصيف وتعاف حَرِّه=صيف النخل طلعـة بحكمـة وتقدير وإن كان ماحدك على المـر مره=أجـرك على المعبـود ياعامل الخير |
سـلام مثـل الهـيـل مــن راس خـالـك=مـن خالـك اللـي حسبتـه راس مـالـك وإتطِّـيـب لــك دنـيــاك لازان حـالــك=والعـلـم لاجــاء مثـلـكـم مـــا يـتـعـداه لـعـل مــن يشـنـاك مـاهـو لـكـم فـــال=ولا يعتلـي مبـنـاه فــي كــل الاحــوال حـنـا خـوالـك حــزة الـوقــت لامـــآل=والصقر مـا يخلـف مـع الوقـت مبـداه خلـك حمـول وعِــدِّ مــن دون مبـنـاك=البيـت مـالـه غـيـر مثـلـك وشــرواك وأنـت عـريـب الـجـد يـازِيـن مـبـداك=والـلـي يـجـيـب الـعـلـم لابـــد يـقـفـاه نعـمـيـن يـاقـصـرٍ تـعـلَّـى بــالأركــان=مـن دونـه الضفـران ذرفيـن الأيمـان ماهـو كمـا بيـتٍ علـى غيـر سيـسـان=جـدره قصيـر وكـل مــن جــاه يـرقـاه ولاهان من بَـدَّ العـرب حيـل مـا هـان=ماهـان راسٍ العـوْد ياصـقـر شيـهـان راسٍ علـى ضيـم الدهـر نـور لابــان=يجـلـى ســود اللـيـل لــو زاد يـجــلاه الرجل مـا ينسـى المعـاريـف والجـود=يــوم المعـانـي بـيـن وارد و مــورود مـع راعي الميقـاف والعلـم مشـهــود=أنـا اشهـد إنـه لا عطـى علـم يحـمـاه وقت الزمـان الشيـن والنـاس مقفيـن=أقبل على السرعة وعجَّل على الحين ســداد فــي ميلاتـهـا شـمـال ويمـيـن=نعـم العميـل اللـي علـى الوقـت تلـقـاه ومن لا اعتبر في الوقـت مـرٍ وحالـي=قَسْـمـه مــن الأيـــام ســـود اللـيـالـي ومـنـه بــلاه الله عـلـى فـقــد غـالــي=الله لـيـا مــا حــب لــه عـبــد يـبــلاه عــزاه يــا رجـــلٍ عـلــى زود هـمــه=لا رآف بــه خـالــه ولا جـــاه عـمــه والـلـي عــزاوي فـيـه مــا لــد يـمِّــه =عــزاه يـابـعـض الرجـاجـيـل عـــزاه وعزيـز يـا رجـلٍ كـمـا الغـيـث لاقــاد=وإن هـل وبلـه مـن غـزيـرات الارداد والله يـجـازي كـــل مـخـلـوق لاجـــاد=ومـن قـدم المعـروف بالخـيـر يـجـزاه اقـولـهــا وأنـــا كـثـيــر الـتـجـاريـب=مشيـت بيـن أهــل النـقـا والعـذاريـب لاعل راس العـوْد ياالضفـر مـا يغيـب=وبـاقـي كـلامـي عـنـد مثـلـك خفـايـاه والختـم صلـوا عـد مـا خِـطِّ معـروض=وأعداد ما ناحت حمامة على الروض على النبـي شفيعنـا صاحـب الحـوض=يـا الله تُـورِد عبـدك الحـوض يــا الله |
عــزيــز يابارقٍ علـى درب عسفـان=أركــــز خيــاله واستهلـــت مــــزونه خلتـــه وأنا مانـي مصــدق بالاعيـان=خيلـــة صـــدوقٍ ما يكـــذب عيـــونه كيف البرد من عـــالي المزن شــذان= والناس مـــن زود الضمـــــأ يشربونه ولا نشوف من طرق المعاميل فنجان=فنجــــان للـــي مثلنــــــا يحتســــــونه وأنا عذرت الربـــع ياذرف الأيمـــان=يمكـــن في ذاك الـــــوقت مـا ياجدونه لو ما لفا عوْدٍ كمـــــا الطيـر حـوران=رف الجنـــــاح وهيضــــت به شجونه ساقوا عليـــــه البن من دون نقصـان=وهاجت هجوس القلب وأخلف ضنونه قلت الله أكبر كيف ياجـــور الازمان=كيف الجفـــــا مـــــع ربعهــم يقدرونه وبعـــد التمست العـــذر ولياه ما بان=ولا بان حـــــق لمثلنــــــــا ياسمــــونه العــــذر لله منك يا صقـــر شيهـــان=الصقــــر ما ضنيتهـــــــــم يشتـــوونه والا اتعــــــذر قبــــل لو كان ما كان=لو كان عـــــذر الــــذيب ما يقبلـــــونه |
الضلع ياالمزبان عن فيته مال=وساقت سحابه من ذرى الضلع غادي ويوم استعزت واركز الغيث همـال=والدار شربت ديم وبل الردادي علَّيْت في ديرة بني يوب منزال=منزال ما بين الدحو والزيادي اللابة اللي للمغـاوير مدهـال=حمر العيون ومرهفين الحدادي اللي لهم مع ربعتي عد وعقال=وقت النقا يوم النقا والشدادي يالعين شوحي واتركي دل الانذال=شوحي على مد النظر في المهادي إن كان دار الوقت للعدل معدال=معدالها في يدين بيض الآيادي غير أتهيض وآتمثل بالامثـال=وأقـول للي يسفهون المنادي اللي وضعهم بالوطى زايد المال=ويثورون الملـح دون الزنادي أهل الحمية ما يعدون الافعـال=وأهل الفعـايل فوق وسق الشدادي هذي علومي يافهد جات بالفال=وعقالها ياالذيب ضد المعادي |
أقبل سهيل وحـل من دون نيسـان= وجات الثريا من سماها.. وحيَّا وجات النجوم وكونت عرس ماكان=وزفت سهيـل وهنتـه بالثريَّا وعَقَّب كواكب نيِّـرة كبـر ميسان=بيـن المعـزة والمجـرة ايتفيَّا ثم انحدر من كل صنوان صنـوان=وزيَّن شعاع الشمس طلع المحيَّا وبعد اكتمل ثوب القبيلـة بالاردان=وجابت قبايل وامتـلاء كل خيَّا سارة قبيلة حـرب في كل الأزمان=حـرب الأبية مركسـة كل عيَّا ولا ذم كـلات القبايـل بنقصـان=نعمين فـي نعميـن ميت وحيَّا كل القبايل عـز ترجـح بالأوزان=لو كان وزن الناس ماهـو سويَّا والله يعـز اللي تعلَّـوا بالأركان=آل السعود أهـل الوجيـه النقيَّا مع القبايل كلهـم جمـع انسـان=دون الشـريعة يطلبـون المنيَّا |
الله رمـاني بيـن حارق وحــراق=وقلب (ن) رقيق مجـرب الود توه مـابين حـر الشمس ياليت ينطـاق=ومابين نور(ن) مصدر البدر ضوه البدر نوره لاهـوت شمس مـا راق=وحـر نور الشمس يا قـو قـوِّه وقامت تلاطـم به ملاهيب الاشـواق=والغيث ماشرَّف عـلى وقت نوه وأمسيت حال اللي ورى الموج ينساق=لازف هـوه يرتمي جـوف هوه وقمت أتيادا والبـلاوي في الأعماق=نصْبَت عقـال وصالي النار جوه وأنا سنافي مـن طـويلين الأعناق=غير البلا في اللي بلاني بخـوه الله يجـازي مـن بـلاني بالاسواق=والله يجـازي كل مخلـوق نوه ماعاد أميـز بين طـارق وطـراق=ضيَّعت حظي مع قليل المـروه كل ما لِمَح بـارق يخـايل لبـراق=حط الوطى من خنصره لا علوِّه قلت افترقنـا ما ورى الحق مـدراق=وكل ما يزهـاك لارحت سـوه |
رد المزبان على قصيدة ( عليت في ديرة بني يوب منزال )
كريم يابرق (ن) علـى الضلع مـازال=بـرق الحيـا ماهـو عـن الضلع غـادي خـيّـلــت بــراقــه وعــــدوه عــقـــال=قـالــوا تـهـنـت دار يـــوب الـعـنـادي ومبروك يامنـزل علـى العـز لا طـال=منـزل شـرف والسـاس فيـه الركـادي بيـت الـذرا مبنـي عـلـى دق وجــلال=دونـــه مـــوردت الـقـنـا والـجـهـادي والخيـر ضافـي والحـيـا تــو مـاشـال=مــن الطويـلـه لـيـن كـوثــر وكـــادي ذي ديرتي يوم افتخر وارخص الحال=والـمـال مــن دون الـمـلازيـم فـــادي وان جـات فاقـه ياعضيـدي بالاهـوال= فـالـلازم الغـصـاب مــا عـنـه حــادي لا جـا نهار(ن)فيـه صيحـه و ولــوال=تسمـع عــزاوي مــن يـقـول الـبـلادي والوقت لو يصفـق مـن الجـال للجـال=سـلـومـنـا تـبـقــى لــيـــوم الـتــنــادي ومــن غـرتـه دنـيـاه لا شــك محـتـال=لــو كــان بـامـوالـه يـسـمـى ريـــادي هــذا كــلام الـصـدق والـحـق يـنـقـال=علـم الصحيـح الـلـي علـيـه استـنـادي |
رد المزبان على قصيدة( جاني من الصاحب على حين غرة )
حـيّ الكتـاب اللـي غشـانـي مـمـره=راعـيـه حثـيـنـا عـلـيـه الـمـداويـر ننشـد وننشـد عنـه عشريـن مــره=يالـيـن جانـاعـلـم مـافـيـه تـزويــر نعمين فـي نعميـن وللصـوت جـره=من ربعة(ن ) تاريخهم عندنـا غيـر يــوم السنـيـن الاولــه والـمـضـره=ميقافـنـا واحــد نـضــد المنـاعـيـر ولــيــا تفـاخـرغـيـرنـا بـالـمـبــره=عـدونـا يشـهـد بـصـدق التعـابـيـر يـاجـاهـلـن بـافـعـالـنـا لا تــشـــره=روح وتلقى من يحـدك علـى البيـر مـن عمـرو ابـن مـسـروح لله دره=من حرب ماضين الفعول المشاهير |
أرسلت من مدة تحية وترشيح=ترشيح شايب محتزم له بشايب أرسلتها وأقرنتها بالمفاتيح=وسلمتها للي عن القوم نايب ذخر القبيلة والرجال المفاليح=أبو طلال اللي ليا قال صايب وللآن ما جاني من الحر تلميح=يِسَكِّت اللي يلمزون الطلايب ولا ضنتي محتاج للذيب تصريح=الدار داري يازبون الغلايب مثله عزاوي فيه نهارة أصيح=ونادى المنادي وأزفرن الترايب وأنا رجاوي كل ماهبت الريح=وهبت علينا من شمال الهبايب |
ياهيه .. ماني منتظر طلة النـور=ولاني طويلب منتظر له شهادة أن كان ما تقدر على الدين معذور=المـال وافر والمـلا في سعادة يالصاحب اللي لا مكلف ومجبور=ارتاح في نومك وحط الوسادة أنا ليا سامحت في الدين ماجور=من واحد(ن)يعلم خصايص عبادة لكن حسابي وقت الأيام ما تدور=وقت الدوايـر والبـلا والنكادة وايضاحسابي جيت في علم مقدور=ماني خـوي للي يكسِّـر شدادة ومن قبل لايسمع بهاضايع الشور=ويفرح علينـا لاتركنـا الريادة وأصير مابين النواميس محصور=كل (ن) مزهب بندقه مع زنـاده أما حميت العلـم والدار معمور=في دارربع (ن) يوردون الشهادة وألا رميت العدل والقول مخبور=ويدفع ثمنهـا من عليه الزياده |
يا شين رجلٍ لا نحى عن فريقه=وأقفى عن الديرة وخلَّى عياله إن كان حظـه وقعـه في رفيقه=والجيب خاوي تابع الناس عاله لا قام يطلب جف في الحلق ريقه=وقامت تصافق أيمنه مع شماله الوجـه ذابل وابتلى القلب ضيقه=لا قرش في مخباه والظيم فـاله وصار يتعثر مايذمـر طـريقة=أمسى قطاره ولضِّعِينه كماله الرجل لو قالوا وسيـع البنيقة=وممدوح بين الناس مستور حاله لاخير في مِنَّه ولو من صديقه=إن كان ما قله عن الأرض ماله |
، أعزائي مافيه كلام يخلو من المدخل والنقصان إلا الكتاب المنزل ، النية صافية والقلوب بيضاء ، لكن سبحان الله أحد يأخذ في خاطرة بشيء غير مقصود ،
سلام مثل الدُّر بالمسك مختوم=ومثل العسل مسكوب صافي مصفَّا في كتاب للأجواد بالتبر مرقوم=مضمونه المعذار وافي موفاَّ إن كان زله جات من غير معلوم=والا طبيب النار بالحيل شفَّا بالعون ياهل الميز مافيه معصوم=والله عليم (ن) بالكلام المخفَّا وتراي للنَّقْصَان يالرَّبع ملزوم=ملزوم حشمه بالجواب المضفَّا وأقول غَنْ وزامر الحي محشوم=ولا أبيع ربعي بالكتاب المقفَّا هذا كلام الصدق والعلم محسوم=وضني كلام الصدق لابان كفَّا |
أبيات بسيطة خطرت على البال ، لما سمعت بمشاركت العملاق في قصيدة التحدي ، حيث انه يمثلنا جميع ،
يالقوافي رحبي ثم اتبعيه=جاك فارس من رجال(ن)ملهمة جاك فارس لاتقولي ما أبيه=والله إنك تتبعينه مرغمه اربعي ثم اعتزي ثم اعزميه=ثم هلِّي في القصور المخمله الزغيبي فارس(ن) من يعتليه=لارتجل نظم القصيدة ملحمة ياهلال(ن) دام عزه نحتريه=شع نورك في الليال المعتمه قوْل يالعملاق والله نحتميه=دون صايب في الكهوف المجهمه أنت مثلك مانبيعه نشتريه=وأنت رامي ما يخلي محزمه المهند يوم ربعك تحتسيه=دونكم وقت اللوازم ملزمه نعتزي بك ياعزاوي معتزيه=ونرتكي لك بالزنود المرزمة قوْل قلته غير واحد مارتجيه=والله اللي في الضماير يعلمه |
يادموع(ن)في المحاجر أذرفت=وقاع قلب(ن)بعد فقده صفصفى يامنايا في الترايب ماتربت=وقيضت نجم(ن)تهيء وإنطفى عقبت نار(ن)تلضَّى وإصتلت=كل نفس(ن) يوم شعشع وإختفى يا رزيا من بلاه لابتلت=كدرت جو البنادم لاصفى لو نفاضل في الردي ماقيضت=ولو نقايض بالعطايا ماكفى مانقول الا وديعه وانتهت=سبحان منه في المنايا اصطفى |
، أعزائي / ، السلام عليكم ورحمة الله وبركلته ، شهر كريم علينا وعليكم وعلى جميع المسلمين ، من قبل سنة ونصف تقريباً ما كان يخطر في بالي أن يأتي يوم أكتب فيه بيتاً واحداً ، ولكن .. حدث ما جعلني أهرب من الواقع وأكنب بعض الأبيات ( مجالسي ) ، فكتبنها وجعلتها حبيسة الأدراج .. ولم أطلع عليها منذ ذالك التاريخ حتى اليوم ، فاليوم الخميس 1/9/1428هـ وبمناسبة الشهر الكريم أخرجتها إلى النور ، وقد وجهتها لأحد الأقارب أشكو عليه الحال بعد الله ( وهي أول محاولاتي ) ، اللهم لا يجعلكم ترون مكروه ... ( ربما تلامس مشاعر الكثيرين .. من يعلم .. ) ،
البارحــــه ياحَمْــــد وانـا لحَـــــالي= ظليْت طــول الليل مشغـول بالــي سهـــران اعد النَّجــم ممـا جـرالـي=آراقبـة من مطلعـه لَيـْن مَسْــراه من حـالي اللـي مامـعي فيــه حيلــه= ياويــل من قاســاه ياويــل ويلـــــه مثـل الذي منصــــاب وانهد حيلـــه= وانــا علـى ما صـابني آه ويــلاه أسيربين الناس واكْظُم على الروح=النار وَسْط الجوف والقلب مجروح كِنِّي عليـلٍ مَسْقِي السِّـــم مطــروح=اللي سِقَـوه الســـم حتـى تِسقَّــــاه أثـَّــرعليَّ اللي في نَوْمِــي يجينــي= يَوْقف على راسي ويمسـح جبينــي هو مُهْجِتي ياحَمْد هو نـُون عينـي= يـازين ميقــافــه ويـازين ملفــــاه اللي شِكَـى حـــالٍ بلا ذنْب جالــــه=غيــْر عليــه الحـــال من بعد حالـــه ماذاق طَعْــم ا لزاد ممــا جرالــــه=يــالله ترفـع عنـــه ماجــــاه يــالله دوَّرْت وايْن اللي يعَـرْفُــون طِبـِّـه=قالـــوا بعـــد شــافَــوه لازم تُكُبــِّـــه وليَـاه مالِـه غيـر مــا راد ربــــــه=واللــي انْكتب للعبــد لابـــد يلقـــاه لاياعيــوني عنـْد مــا فيـه لدَّيـْـت=الدمــع مــن عينــي لفرقـــــاه هليـت ممابروحي باتْركه وارجع البيت=بعد عِرفْت ان الحلى ساس بَلْـــواه قفَيْت من عنْــــده وانـــا الِدْ يمِّـــه=والطـرف هل الدمـع من غُـزر دَمِّـه زوَّد عليَّ الهـم من فـوْق هَمِّــــه= والهـم فـوْق الهــم عزَّيْت لاقـْـــواه قِمْت اتفكَّر حـال من يحْتِرونـــه=وانــــا معَـــِّود يَمِّـــة البيــت دُونـِـــه النــوم مما جــاه مــا يرقدونــــه=الصبــر يَنْفَـــذ والعيــــون اتَّحــَّراه واليوم مالي حيلةٍ غيــر ادا ريـه=اراقبــــه وانــــا عيونـــي تِراعيــــه الصبر منِّي والفرج عِنْد راعيـه=ومِنْـهُ ترك أمــره لِمــولاه جــازاه يالله ياللي في الدجى قمت اناجيك=اطلبــك ياالرًّحْمَـن باعْظَـم اسَامِيـــك ياواحدٍ ماخاب من كان يَـرْجيــك=ياعـــالمٍ بالعبــد سِــِّره ونَجْـــــواه تلْطُف بعبدٍ يرْفع يديه منصـــاب=الهـــم مثـل الليــل والجُــرْح ماطــاب واتْتَ عَلِيمٍ بَالْمِسَبِّب والاسْبَـــاب= يالله ياللي تَعْلــم الحـــال ترعــــــاه |
ولَّع المغرور في راس الفتيل=وفجَّــر البارود والرامي رماه وأصبح الماخـوذ منه دله قتيل=يتبـع الغـاوين باقي في عمـاه ياعيـون الليل .. جيبي له دليل=العمى لليـوم ما حصـل عصاه هو يبيع الخل..! ياحظ الخليل=من يبيـع الزين قالوا ماشراه ياوجودي وجد من حصل عميل=لا نبا للضيف يغني عن قراه ولا نبا هلباج لاشال الصميل=البحر لو سال ما يروي ضماه قلت ليت السيف نسمع له صليل=وليت ملح العوْد عسم في سماه كان جاب العلم شيال الصقيل=وكان راع القول لاقاله حماه وعاد ذيب اليوم من عرض الجفيل=وضاع بعض الناس وجهه مع قفاه |
قد بان عـذر الذيب والعـذر مقبول=ولا بان ربع العذر من ذيب كافي من بال يشـذا صايغ الشرب معسول=ولاضن قلبٍ يرفض العذر صافي والبيت لـو يُبنى على فعـل مجهول=ساس البناء يُبنى على قول شافي وأنا حضيض وجـاني الحض مدبول=ما بين ربع (ن) يرفعون الطنافي ومن دون ربعي شايل السيف مسلول=ماني غـريب الدار لو قلت لافي الحقْ لأهـل الحـقْ لاحـقْ مشيول=أمشي وفـا لأهل المروات حافي هذي حلول اللغـز وإن كان محلول=الشمس تطلـع ماعليهـا إختلافي |
باسم الذي نجَّا نبيه من الحوت=من فوق ظلما .. ثم ظلما.. وظلما لاقرن قدم هاروت مع راس ماروت=وأرسل صفا صم الجلاميد دلما وأغدي على فرعون في سدة الموت=صيد العصا اللي تفصل الما عن الما اللي تعالى وأمهله سامع الصوت=من فوق ذي علم(ن) على كل علما وصك البحر وأنجاه عبرة في تابوت=خلاه عبرة والبحر عاد زلما وبعده عثى راس العماليق جالوت=وعاثت جيوشه في المخاليق غلما حتى بعث رب المخاليق طالوت=وجز راس الشر داودُ صلما الشر مثل الحد لو كان منحوت=يجلم لحم سوق المجاهيم جلما ومن غرته دنياه ماخاف من فوت=يصلى جهنم والسبب قول كلما |
سِمَيْت باشواقي على قُصْر مابي=والشوق ممَّ حلَّ جاوز حدوده للطايف اللي ردني في شبابي=مال الحجاب وهز واهتز عوده ومَيْل رهيف(ن) ما يشيل الصعابي=والشوق خيَّم ثم جند جنوده وخفت ياوقت النشب والنشابي=كان تال العمر بيَّح سدوده وظليت أخاير غايتي والحسابي=وأميز واعض لا تهايل لحوده قلت ياقلب الشقى وآعذابي=يجلبك واحد ما يوفِّي عهوده أنتَ مردَّك للفناء والترابي=وأنا العميل اللي عميله يروده توب وتضرع لافقدت الصوبي=وقول للي ما كما الجود جوده يا الله يامنشي عتيم السحابي=سايق حثيث الودق مرزم رعوده الطف بعبدك وقت طي الكتابي=وإجعل كتابك لانطق من شهوده |
حب البنادم للبنادم غريزة=ولو المحبة عايبة ما استمرت وحنا نجاهد في النفوس العزيزة=ونفسْ ماتعزم على الذل ذلت يكفيك في المحبوب لحظة وجيزة=لحظه وجيزة بالمصافى تحلت والحب في المعبود والله ركيزة=حب النفوس اللي على الطيب ظلت ونفس(ن) لها في الحب غاية مريزة=لاجات غايتها خذتها وملت والحر نفسه لاهوت ماتعيزة=ومن صان نفسه علته لاتعلت والطيب والبطال كل(ن)يميزة=والنفس من يتبع هواها تخلت |
الساعة الآن 03:39 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir