ياخالق الجن والانسان = والفلك سخرت مجراها
قلبي على شوفهم ولهان = وزادت على النفس بلواها

اللي معي ابتدا با الود=واعتاد قلبي على لقياه
اشوفه اليوم عني صد=باع الهوى والذي يهواه
ابغى افادات اهل الرد=القرب ولا ابتعد وانساه

سبحان ربي خلق وابدع=واعطى وليفي خصال الزين
خلاه مثل القمر و اروع=هوروح روحي ونون العين

ياليت لك فالهوى مقياس=حتى يوضح ودادك كم
والقلب مايدخله هوجاس=والعمرماينقضي بالهم

الله من دمعي الهمال=اللي على الخد منصبي
سعيت مير العلاج محال=با الطب والا دوى شعبي

من كثر صده و هجرانه= قررت اني ابي انساه
عاندني القلب في شانه=والعين دمعت على فرقاه

من ناتج البعد و الفرقه= عانيت مر الشديد الشاق
اعصاب و افكار منحرقه= فمنازع الروح والاشواق

ما شفت من حضي الجاير= غير النكد و انكسارالحال
القلب من صدهم حاير= والدمع من مدمعي همال

يا فارج الهم والضيقات=يارازق الحوت فالغبه
القلب وقف عن الدقات=واحتار فمعالجه طبه

ما همنا من يهكرنا=و الملتقى عندنا محمي
ان كان قصده يخسرنا= ماله جدى والنظر معمي

ما ادري متى تذ كرالعشره=و تشفق على قلبي المنصاب
لي قلب ذايب من النضره =اللي عليها الرموش اهداب

من داخل القلب حبيتك=حتى تعلق فؤادي فيك
با الدم والروح سميتك=والعمر لو ترهنه يفديك

يستاهل الوصف با التمديد=اللي فؤادي معه سارح
القلب عا جز عن التجديد=من شوفته ليلة البارح

يا مرحبابك يا ابو خالد=يا مرحبا يا ولي العهد
يامرحبا والفرح زايد =والله على قولنا يشهد

اسمع لحن قلبي الشادي=اللي عزفته وانا مكسور
يحزن لغنا به فؤادي=ما فاده الطب و الدكتور

جمر الغضى زاد فاحراقي=من يوم قفا عديل الروح
القلب غرقان با اشواقي=واخاف حالي بعده يروح

من واضح الحال با التعميم=يشرح مدى الود في ذاتي
على الذي با الفؤاد مقيم=ما غاب لحضه من اوقاتي

الله من ساعة افراقه=وقت السفر والموادع حان
الروح ماملت اعناقه=وقلبي منه ما قنع للان

ما شفت أنا من هوى ودّي=غير الجفا وانشغال البال
ولا قلت يعشق أحد بعدي=ويكبّني بعد ذاك الحال

بحرالهوى من سبح ضده=يتحمل النو والامواج
و الحب من لاعرف حده=يرميه من ناره الوهاج

ا لو د ما يدوم له طايل=مهما تبقى يجيه اعدام
ولاسارحضك معه مايل=لا تعاند الوضع يا ضرغام

ابحر مع الفجر يا قبطان= لا يهمك البحر و امواجه
مفتاح سجني مع السجان= ما دري متى يحين افراجه

لا تعذل القلب عن حبك=يامولعه بالغضى مصليه
لك ذابت الروح من همك=با لحور ما بدله و اعطيه

من يسمع البدع والموال=ويحرك الشوق في اغصانه
ينزل على المعركه فالحال=ويسل سيفه و درعانه

الشوق عندي لعب دوره=واستملك القلب با الاثبات
والروح عاشت مع حضوره=والطرف ليله معيي يبات

لاتنشد القلب عن ودك=وتسال عن الشوق والاشواق
وانت ملكته ماحد قدك=ولك اسم منقوش بالاعماق

لك صادق الوعد اصدقته=يا خاين الشوق يا ناسيه
كل الامل فيك ضيعته=حتى اصبح القلب سمه فيه

ضاقت من الخاطر الواسع=اللي مع العز دام وعاش
لا شك ذأ وقتنا لأ سع=ما يعيشه الا نذل غشاش

كل ما انتهى العزم جددته= والحظ قايم معك ما طاح
و بحبك القلب اشغلته=حتى تجاوب معه وارتاح

من يمشي فالود و دروبه=ويطوع القلب و الواجدان
لا يسال اليوم عن نوبه=و لا يشكي البعد و الهجران

من عانده حظ في حبه=وعيا معه يبلغ المقصود
لا يترك الخل و يكبه= حتى يجيبه البخت ويعود

من اول البدع هي اسمع=اني بكل الغلا شاريك
لاتحسب البعد عنك اقنع=لو يمنعوني ترى باجيك

لاشفت شوقك يناديلك=حسك تؤخر عنه ويروح
لاتحسبه دوم باقيلك=وتعيش بعده عنا وجروح

يسال عن الحب في قلبي=مايدري موتي وحياتي فيه
لكن خايف على حبي= أبوح له بعدها يرميه

عصاني القلب ما يسمع=اليا عذلته معي ما يرد
وان جيت انهاه ما يقنع=يبغى الهوى والحبيب مصد

احيان يحصل خطا مني=ويمكن يجي مني النسيان
بس الذي خيب الظني =انك تشارك معاه انسان

حبي تركني بدون اسباب=و ابعد و قفا ولاجاني
الجرح من غيبته ماطاب=والروح ذابت من احزاني

لا ما نقص بي عليا زاد=ياناشد القلب عن جرحه
الوضع باقي كما المعتاد=مبني على ماسبق شرحه