|
(2317) عودين متطابقينا الغز مرفوع
السلام عليكم ورحمة الله وبركاته
انـشـدك عــن عـوديـن متطابقـيـنـا =بالاسم ماهو بالشكل والوصايف واحــد لـنـا الـقـدره اتشيـلـه أيـدينا = لاكن الاخر صعب مامن خفايف وكـلــن تـــرى لـــه بـنــت ياعارفـيـنـا = والفايده منهـن ولامـن كـلا يـف |
وعليكم السلام ورحمة الله وبركاته صح السانك يابو مشاري جاري التفكير |
صح بدنك استاذي حسين
وبنتظاااااارك |
وعليكم السلام ورحمة الله وبركاته
صح لسانك اخوي سعد وبيض وجهك على اللغز الجزل وش قولك بوسم الارض ووسم الدابه |
صح لسانك يابومشاري
لغز جزل كالعاده بيض الله وجهك جاااااااري التفكير |
وش قلت يابو مشاري في القرش العملة والقرش السمكة |
سلم الرواتب سلم الدرج |
صح لسانك اخوي سعد
جاري التفكير ان ماقضوا عليه الربع |
حياكم الله
صحة ابدانكم جميعا وشاكرا لكم الرمعات جميعها مالكم لواااا |
صح السانك يابومشاري على اللغز الرائع بيض الله وجهك وش تقول: 1- الكمبيوتر المكتبي: وبنته الذاكرة 2- الكمبيوتر المحمول: وبنته الذاكره |
وعليكم السلام ورحمة الله وبركاته
صح لسانك ابو مشاري وانتظر الرد على رمعة ابو فهد |
صحة ابدانكم جميعا
مالك لواا يابو فهد |
انـشـدك عــن عـوديـن متطابقـيـنـا =بالاسم ماهو بالشكل والوصايف واحــد لـنـا الـقـدره اتشيـلـه أيـدينا = لاكن الاخر صعب مامن خفايف وكـلــن تـــرى لـــه بـنــت ياعارفـيـنـا = والفايده منهـن ولامـن كـلا يـف وش رايك اخوي سعد في ميل المكحله = ميل المسافه وشم اليد والساعد عند اهله = الوشم المنطقه عرق الشجره =عرق النساء تحياتي لك وللجميع |
هلابك يالعطاوي
الرمعات مالك لواااااااا |
وش رايك يابومشاري
الدرع الي يلبس ضد الرصاص والدرع العربي |
هلابك يابو هليل
والرمعه مالك لوااا وتجاهك ممتاز |
القطن وجبل قطن |
صح لسانك
وش تقول في رشاش السلاح ورشاش المزرعه |
صحة ابدانكم جميع
الرمعات مالك لوا السهم لو للرشاش بنات كان قلنا طابق الغز لاكن العودين لهم بنات وسم البنان للتوضيح اسم واحد |
متابعه ^___^
|
صاروخ الالعاب الناريه صاروخ الحرب والبنات الفتيلة |
صباح الخير الجميع
ابومشاري صح لسانك ونظمك وبيض الله وجهك وش رايك (وادي فاطمه)الحليب (وادي فاطمه)الوادي |
صحة ابدانكم جميعا وياهلابكم وحياكم الله
الرمعات. مالكم لوااااا |
وش رايك ميزان البضائع وميزان الشاحنات
|
صح لسانك ابو مشاري
|
رمعه ابو مشاري
جيب الثوب والجيب السياره |
هلابكم جميعا
الرمعات مالكم لواا للتوضيع رمعاتكم. ممتازه جدا لاكن ترا لهم بنات واحدبناته اصغاروالاخر بناته لازم تشيلهن بسياره والعودين من دون هالبنات لو يقابلونك مامنهم فايده هذا التوضيح اللي معاد غيره توضيح تحياتي لكم |
رادار الطرق و رادار الطائرات |
مالك لوااا
استاذي حسين |
طيب
نقول بيت الشعر يعني بيت القصيدة وبيت الشعر اللي يبنا في البر او البيت اللي يبنا من البلك اي بيت الحضر ----------------- او بحر الشعر وبحر البحر نفسه ايه ماغيره اللي له شاطي لغز عقدنا حتى في الاجابة:confused: |
اقتباس:
يالكحيلة هذا حطوه مستشاار وقام يفرد عظلاته علينا لكن الحل عندي الله يعيني ههههههههههه:0746: صح السانك وبيض الله وجهك وبعدين اخلص هههه صبركم علي لغزك جزل وانت جزل طيب والزبدة صبركم علي ههههههههههههههههه الحل جاري البحث ههههههههههههههه لا ابشركم حليته:076::076::076::076: لايدخل ابو هليل يهلها على راسي ههههههههههههههه المهم الحل والله اني قلبت راسي في كل اتجاه ولا طلع معي شي:rolleyes::rolleyes: مار اسمعو هالحل لعله ينفشه لكم وش رايك في الضغط ضغط الانسان والضغط العالي حق الكهرباء بس :0746::0746::0746: |
اقتباس:
ومع هاذي رمعه والله يستر بعد من ابومشاري ههههههههه خط البلده :confused: |
اقتباس:
هههههههههههههه خط البلده هههههههههههه مزفت ولا ردمية خلك معيا ا لكثرة تغلب الشجاعة وانا اخوك وكان شفت السالفة فيها مافيها مد ساقك هههههه وعليك بالطويلة صح لي وابشر في فزعة لاقبلها ولابعدها امسك واسلمك لهم هذاولا مامنهم فكة :0746::0746::0746: |
اقتباس:
أكيد ردميّه !! هههههههههه الخوف من هالطويله لايردمونها علينا وياك :confused: ويروح الصياح صياحيْن هههههههههههههههههه تدري !! كلاًّ يمسك الثاني ويسلم ، يمكن يشملنا العفو :0746: |
اقتباس:
|
هلابالجميع
الكحليه الرمعه مالك لوااا واللي يعقدكم مانبيه تبوني ارفع الغز لامشكله انتم تامرون امر |
صح السانك ابومشاري
ونالوسلمة من التوضيح يمكن رمعة ولاكن بعد التوضيح ابا اراجع نفسي لعل وعسا |
وشرايك
بعرق العين وعرق العين (عرق الماء) |
شفاط المطبخ
والشفاط المركزي |
يرفع الغز بناء على طلب كاتبه
|
الساعة الآن 07:53 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir