|
ديوان الغاز نافع الحربي
أشندك عن بنتٍ لها دورٍ بتطوير البلد = لكن إنها ما تنجب إلا من غنادير البنات تضرب بها الأمثال للكثرة وتزويد العدد = الله ذكرها بالأدلة والحروف المحكمات الحل : الحبة التي انبتت سبع سنابل في كل سنبلة 100حبة : محلول من الشاعر \ عبدالله عبد الرحمن الفريدي : نافع الحربي |
ياويوش عذراء فوقها الوسم ماجود = حيٍّ وسمها بالشباب ألظريفي في موقعٍ مكشوف للشمس والنود = في قلب غيدا بالذواري تهيفي عليها من قول الخلاوي ترى شهود = في حب رعبوب الغرام ألوليفي محلول من الشاعر : علي بن زيد الفريدي التمرة اللي طاق الطير راسها نافع الحربي |
ياويش عذراء غلاها في قلوب العرب = هي شمعة الدار وهي دلّوعة خوانها بنتٍ لقومٍ يفكون النشب بالنشب = بوجيههم تسلم القلعة وسكانها على طريق الهنوف أم الحسب والنسب = في عهد شيخٍ رفع بالحسن ميزانها الحل : ليلة 15 من الشهر عند مايصبح القمر بدر محلول : من الشاعرة بنت المعلا نافع الحربي |
ياويش رجل صاحب له شيخ وصبح علم = رجل نعده من رجال الوفا الطيبين أصبح بتهمة قتيل الحي مطلوب دم = والمتّهم في أحكام الشرع يبقى سجين تجاهلوا قصته ما احد بوضعه حكم = دخيل وجيه البيوت اللي بعرض البطين الحل : نجم الجدي محلول : من الشاعر عبدالله عبد الرحمان الفريدي نافع الحربي |
أنشدك وشن بناتٍ بالوصايف كلبوهن جميع = تدوّرن وستدارن حول رجلٍ ما برح منزله رجلٍ وقف دونه الاخوين وقفت صرميٍّ شجيع = من يسأل الرجل عن قصة بنات العود من يسأله الحل : النجوم النعايم أو السبّع محلول من الشاعر مضحي ابن جمران نافع الحربي |
ياويش عذراء في جديد أللبوسي = عذراء عشاها بالدجى نصف رجال تقودها من بيت أبوها عروسي = ويسوقها شيخٍ به الحسن يختال الحل : ليلة 15 من الشهر محلول من الشاعر عبدالله عبد الرحمان الفريدي |
ياويش عذراء حرّقوا جوفها حرق = بثلاث ما بين الغضب والعنادي عذراء طرقها حزنها بالحشاء طرق = حتى طواها الموت علمٍ وكادي حرّق بها اللي ضامره يسرقه سرق = غيضٍ تمركز في صميم ألفؤادي الحل : خلوج ابن رومي محلول من الشاعر الشاكر ابو سامي نافع الحربي |
ياويش مهرة ماسرجوها هل الخيل = ولاناش منقوش الدويرع نحرها ماهي خزيزة للرجال المشاكيل = ولا علقوا يوم المحافل صورها خيالها صنديد مايمرح الليل = ولا شيف يومٍ راكبٍ في ظهرها الحل : فرس الداب محلول من الشاعر علي ابن زيد الفريدي نافع الحربي |
ياويش قصرٍ في بعيد الفلا شيد = قصرٍ عليه من اللواهيب صالي يمااسهجنّه من بعيد المواريد = في مهملٍ قفرٍ من الناس خالي بناه من يطلب ثلاث الأماجيد = اللي بقاهن بالبشر مستحالي الحل : اقصير بلال محلول من الشاعر عبدالله عتيق الحنيني نافع الحربي |
أبنشد اللي يحل مشربكات العقد = عن خفرةٍ بيتها عن بيت أهلها بعيد أعشقت لها في روابي نجد حرٍّ ولد = واللي جذبها جماله باللباس الجديد سميها بنت شيخٍ في قديم العهد = كفّيت ووفّيت ولاّ ياجماعة نزيد الحل : هضبة طميّة محلول من الشاعر نداء الغيداني نافع الحربي |
ياويش رجلٍ شب ضوّه من الخام = وبهر دلاله واكرم الرجل ضيفه حطّم بدستور الكرم كل الارقام = في بطن واسعة القرار المريفة في ديرةٍ لو قصّر الرجل مايلام = خالي وطنها من الشجر والحتيفة الحل : الشيخ خلف ابن دعيجا محلول من الحميدي المخلفي نافع الحربي |
أنشدك عن شيخٍ فرق حي عن حي = شيخٍ نزل في منزلٍ واستحلّه وقف لقومٍ دونها العلم مطويّ = إلا الثلاث اللي عليها الأدلة من دون حقّه للمهمّات يرسي = لوكان سيفه باللقاء ما يسلّه الحل : سد ياجوج وما جوج محلول : من الشاعرعبد الله عبد الرحمان الفريدي نافع الحربي |
ياويش عذراء شام الأبطال عنها = ما روضوها ناقلين الرهيفي ساقت لرواّد الوسيعة ظعنها = على طريقٍ بالمخاطر أمخيفي تزوجت رجلٍ يقوده رسنها = رجلٍ على بعض المواقف ضعيفي الحل : الأمانة محلول من الشاعر مضحي ابن جمران نافع الحربي |
ياويش ورعٍ كل ماينقص ايزيد = واليا ثبت نقصه على ربعته زاد ما هو الثمين اللي يهم الأجاويد = لوكان بعض الناس سبب له اجهاد لا يظهر الشوكة ولا يطوي البيد = ولا يشرب الماء ولا أيتغذى من الزاد الحل : الكسور العشريّة محلول من الشاعر العبيدي نافع الحربي |
يا ويش ثلاث اسباع جيلا بعد جيل = يمكن كثير الناس فيهن يضيعي سبعٍ تعشى له رجالٍ حلاحيل = يطيعه اللي للوطى ما يطيعي وسبعٍ يحوّل بالجمال المحاميل = يسوقهن سوق العرب للقطيعي وسبعٍ حكم شم الجبال المطاليل = حكمه غلب حكم المنيف ألرفيعي الحل : الفقر والدهر والليل محلول من الشاعر غديّر نافع الحربي |
يا ويش رجلٍ يوم بغى المرجلة قام = وفزع بمطروق الحديد العطيبي عقب الشجاعة والعزاوي ولإقدام = عوّد ذليل وذل الأبطال عيبي عليه من علم المثايل ولاحكام = علم لتوثيق الحقيقة امصيبي الحل : المثل اللي يقول الرغاء عقب الهدير عيب محلول من الشاعر مضحي ابن جمران نافع الحربي |
ياوش بنتٍ في وطنا مقيمة = بنتٍ لها بالبدوا عهدٍ وتذكار في حضن ملمومٍ عذيٍّ نسيمه = شبّوا به الأبطال يوم الوغى نار في عهد شيخٍ بالمعارك صتيمة = ماينطحه خمسين فارس اليا ثار الحل : بلدة دخنة وجبل خزاز محلول من صائب الرأي نافع الحربي |
ياويش عذراء ما تفارق وطنها = سعابها ميّت وكفّل بها حي المشتري يدفع ضرايب ثمنها = مدام عقد البيع مبرم ومثني الميّت بكبود المواري ركنها = على صخيف اللمس ما دونها شي الحل : الكيّة محلول من نبراس حرب نافع الحربي |
ياويش عذراء خلدوها بالاشعار = ياكثر ماقيل اسمها واسم اخـــوها يما بوطـــــــــــنها للأجاويد تذكار = مكارمٍ بفعولهم خــــلــــــدوها عذراء لها في نجد تاريخ واخبار = لو تجتمع كل البشر مامحوها الحل : جبل سلمى وخوها إجاء : محلول من ابو هليل نافع الحربي |
ياويش عذراء مالها زوج واعيال = يضفي على عيال العذارى إحماها يما بثرها بادوا ارجال وارجال = مافيهم اللي عن هواها عصــــــــاها عذراء بقراها هيمنت حكمها جال = يتبع على سير الأوامر اخطاها الحل : إبرة الخياطة : محلول من قبل الصتيمة نافع الحربي |
ابنشد اللي كل لغزٍ يحله = وشن ثلاثٍ ثبتوهن بالأقوال اللي عليهن واردات الادلة = شهدلهن بالدرب رجلي وخيال خاون لرجّالٍ بعيدٍ محله = دونه تصدن للمخاطر ولاهوال حسب خيالي كنهن الاهلة = الحق حق وكلمة الحق تنقال الحل : ثلاث النصايح : محلول من قبل ابو هليل بيض الله وجهه قصة النصايح حسب ماسمعت يقال في قديم الزمان فيه رجل تزوج فتاة جميلة من قومه وهو في مقتبل العمر وكان هذا الرجل فقير فأجبره الفقر على ترك زوجته الشابة , وسافر لدورت العيشة والبحث عن الرزق في بلاد بعيدة عن ارضه ووطنه , فمكث 25 سنة للبحث عن مال يكفيه ويكفي اهله , وتقطعت اخباره ويحسبون انه مات بعد هذه المدة جمع مبلغ من المال لاباس فيه وقرر الذهاب إلى أهله فبحث عن قافلة في تلك البلد حتى يسافر معها إلى أهله , فوجد رجل يحرج على نصايح ياشاري النصايح ياشاري النصايح , فشترى النصايح وعددها اربع نصايح في مكدة عشرين سنة ولم يتبقى معه من المال إلا مكدة خمس سنوات , النصايح لاوفقك الخير وافقه \ النفس ومشتهت \ لاتبات بالوادي \ اليا هميت في أمر بالليل خله الى الصباح \ فسافرت القافلة وسافر معها وعند مأنتصف الطريق بعد عدة ايام نزلت القافلة في وادي كبير للمبيت بالليل , فحذرهم من النزول في الوادي ولكن لم يطيعه أحد , فكل القافلة نامت بالوادي إلا هو طلع عن الوادي في مكان مرتفع , فعند ماجاء ثلث الليل الخير ضربهم الوادي من الجال إلى الجال وأغرقهم السيل ولم ينجي منهم أحد , ويوم اصبح الصباح جمع الذي وجد من المال وكانت القافلة تحمل من صناديق الذهب الكثير فكانت من نصيبه , وحمل هذه الغنيمة على الأبل التي لم تغرق وسافر وجد بالسير في الصحراء فوجد دحل ولا في الطريق ماء غيره فوجد عند الدحل عبد جارد سيفه وعنده بنتين وحدة بيضاء ووحدة سوداء فقاله العبد ازين البنت البضاء والا البنت السوداء فكر الرجل وتذكر النصيحة النفس ومشتهت , فقال سلمت لو قلت أي وحدة منهن هي الزينة لقطعت راسك مثل غيرك , فعند ذلك سلم من القتل في هذه النصيحة , أما النصيحة الثالثة عند ماوصل إلى بيته وكان وصوله في أول الليل لم تعرفة زوجته ولم يخبرها بشي فقامت في اكرامه كاضيف , وعند ما أراد النوم دخل على زوجته رجل ونام معها فهم في قتله وعند ماأراد تنفيذ القتل تذكر النصيحة إذا هميت في أمر بالليل اجله إلى الصباح , فمتنع وقال الصباح رباح , وعند مالذن الفجر قام هذا الولد وشب النار وجهز القهوة وقال قم يضيفنا صل وتقهوى , صلوا وقلطوا على قهوتهم قال انت راعي البيت قال نعم قال راعيت البيت وشي منك قال هذي أمي قال وبوك وينه قال ابوي الله يغفرله مات وأناء في بطن أمي قال ناد امك ابنشدها عن حاجة , وكان فيه علامة تعرفها يوم جت قال تعرفين هذه العلامة قالت نعم انت فلان وهذا الرجل الذي تشوفه ولدك , قال تصدقين اني أردت اقتلة البارح لولا هذه النصيحة , والسلام نافع الحربي |
ياويش ورعٍ ما استراح بحياته = قضاّ حياته ماله أمٍ ولا أ ب يوم اكتمل سنه وبانت صفاته = اصبح فتاة وحالته مالها طب يشرب حسب مالذّله وشهواته = ويرقد على غض الملامس اليا حب الحل : القراد : محلول من ابو هليل بيض الله وجهه نافع الحربي |
انشدك عن اخوين بالعمر كله = باقين من عهد الأوايل ولاجداد عيال عودٍ مايفارق محله = خيرة اعياله من رجاجيل الامجاد ياللي تمر العود للعود قله = كم قيل فيهم بالمعاني ولانشاد بيتٍ بشعر ابن ربيعة يحله = يرثي به اربد يوم سافر ولا عاد الحل : جبال أبني شمام في عرض القويعية محلول من قبل \ شاهر المشعل \ بيض الله وجهه نافع الحربي |
انشدك عن عدٍ غزيرٍ مجمه = صافي شرابه من عذي الروى جم نثر عليه المبتلى كل دمه = حقايقٍ بالعلم تكتب من الدم على صفات العد سجل مهمة = يوصيبها وردٍ على العد تلتم ياهيه ياللي تعرف العد سمه = اسمه بست حروف لاقيل يفهم الحل : عد ( هدانية ) وقصة الشاعرة غريسة : محلول من قبل \ الأحمدية بيض الله وجهها نافع الحربي |
انشدك عن بنتين مرّت بهن بنت = وراحت وخلتهن وهن باقياتي من يوم مرتهن هاك البنت لاهنت = صارن على طول الزمن مكرماتي كم مرتن فيهن وقفت وتباينت = وشوفهن بالضل متقابلاتي الحل : الصفا والمروة : محلول من قبل \ أبو ناجي بيض الله وجهه نافع الحربي |
الساعة الآن 06:21 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir