ديوان كســرات - عبدالاله محمد القايدي ( نظم القوافي )
اهات قلبي رعد وبروق=يلمع سناها بعيني لمع العين صارت سحايب شوق=زخت مطرها بوابل دمع |
قلبك قليل احسان
لو توزن الود في ميزان=مايرجح الوزن بنصابه مدام قلبك قليل احسان=من يمك الود ما نشقابه |
اخاف ترجع وتبكيني
بعدك من الموت يدنيني=ودي اشوفك قبل ماموت اخاف ترجع وتبكيني=ويضمني قبلك التابوت |
سقم فقلبي يهد الحيل
دمعي تحدر وكنه سيل=سبايب اللي رفض وصلي سقم فقلبي يهد الحيل=وصار مثل القلم شكلي |
لمين اشكي قساوة ليل
همومي توالت علي حيل=همن يجي يسبقه منزاح لمين اشكي قساوة ليل=دام النهار مابرالي جراح |
الرب وحده هو المعبود
ربي خلقنا إنس وجان=والرب وحده هو المعبود مهما تعافت بنا الابدان=نربي هذا البدن للدود |
حسبت إن الهوى معناه
حسبت إن الهوى معناه=نعيم دائم مثل جنة لقيت نبضات قلبي اه=اشكيها بالهوى ونة |
زرعت حبه بقلبي بذور
زرعت حبه بقلبي بذور=سقيته الدمع من عيني لما زرعي طرحلي زهور=اصبح محرم على إيديني |
انكر هوايا وعيا يقر
اللي فحسنه علي انغر=ويشوفني من طرف عينه انكر هوايا وعيا يقر=ظالم ولا يخاف من دينه |
من فيهم الجاني والمجني
الدمع حاير على جفني=العين عيت تهل ماها من فيهم الجاني والمجني=جدد على الروح بلواها |
دب الهوى في شراييني
دب الهوىفي شراييني=وخلى نيضات قلبي الوف شايب وكيف الهوى يجيني=وهذا شيء ماهو باالمألوف |
درس الغرام صعب فهمه
هذا الهوى صابني سهمه=ومصوب القلب تصويب درس الغرام صعب فهمه=وونتي زادته تصعيب |
غايب عن العين حولية
انا معاك صافي النية= ياهاجر الود واحبابك غايب عن العين حولية=رجعت قلي وش ابغابك |
سلامي صادر لبو فياض
سلامي صادر لبو فياض=في عطر الورد له وارد تعداد زهرن حواه رياض=تعداد رقمن حواه وارد |
ياخوفي من قلب متأمر
أببني ساس ألحب وأعمر=وأشيد ألجدر متراقي ياخوفي من قلب متأمر=يلعب على قلبي الراقي |
جــمــر الهوى
جمر الهوى لظني لذعه=صبح ليلي ماعاد يبين وش حيلة القلب في وضعه=لا صار خلي قساه مايلين |
من كثر ما دمع عيني هل
على خدي انحفر ساقي=من كثر ما دمع عيني هل ماعاد بقي فدمعها باقي=غير الاسى فجفنها ضل |
قلبي يعاني مرض خافي
قلبي يعاني مرض خافي= من سبته ونتي والاه مرض تلفني وتلف لافي=عم الجسد والالم مقواه سم المرض متبلغ اطرافي=حتى ونيني منه اجناه وشلون اصير منه متعافي= مدام ماله دواء يبراه |
بالسيل كني كما القشعة=وادي جرفني مابين ضلعين لا ليا مخرج ولا طلعة=كيف البصيرة يانور العين لو يفصح الخال من بدعه=ويضمنه شكاه في بيتين بلكن في سعيي لهم رجعة=إن كان في مقصده تبيين جمر الهوى لظني لذعه=وصبح ليلي عيا يبين وش حيلة القلب في وضعه=لا صار خلي قساه مايلين إن كان ماللهوى بيعة=بيناتكم فبندها تسكين لاتحتري إحصاد من زرعه=في رياضه الشوك بالملايين |
كلمة الحق مقيولة
كلمة الحق مقيولة=لو الحقيقة تزعل ناس الزين من زانت فعولة=والشين بفعله ترا ينقاس |
غلطة الشاطر في مية
غلطة الشاطر في مية=واهل الغلط في الملايين عطوني الحل في ذية=نرجو الإفادة مع التبيين |
الصاحب اللي خان الود
الصاحب اللي خان الود= مهما تغلا لا تشقابه إن رجع لك في يوم ورد= افتحله الباب فعتابه |
يوم غلاهم فقلبي زاد
يوم غلاهم فقلبي زاد=فالصد والهجر يجزوني إن نويت فالحقيقة بعاد=بأسم الهوى رجعو ينصوني |
جفاني النوم من صحوي
جفاني ألنوم من صحوي=وسهرت ادور على نومي زود الارق يعتلي ويهوي=وليا هوى تعتلي همومي |
مادام راح الوسل والقن=مع جيل مايحسب حسابه نشره نعـاتب نقول لمـن= ماعاد لك خال تشقابه لكــن هـــذا الزمـن محزن=والبـــعد مانعرف اســـــــبابه عسـاك تعطف علينا تحـن=ولك خال توقــف على بابـــه سامحني ياخال ان أمـكن=الخال والــد وننخابه فــــي القلب لك ود متمكن= وغـلاك الروح تحيــــــــا بـه لك حق تزعل زعل مزمن= لك حـق نرضيك وترضابـه فعل القطيعة شيء مشــــن= وماعنــدي عـــذر اتمغرابـــه نقر بخطانا لنا أزيــــــــــن= والكذب مانلبـــــس ثيـــابـــــه من لي غيرك ياخالي مـــن= انصـاه واوقـــف على بابـــــه |
الساعة الآن 01:03 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir