|
ديوان الشاعر هواش بن عايد بن زبن السليمي الحربي
هوالشاعرهواش بن عايد بن زبن السليمي الحربي. ولد عام 1347ه عمل بالزبير من عام 1362-1365ه ومن ثم عاد للباديه في نجد ثم التحق بأفواج الحرس الوطني عام1368ه بقايدة الامير محمد السديري في سكاكا.ثم انتقل الى الشام بالفتره مابين 1369-1371ه ثم التحق بالحرس الملكي عام 1372ه ثم انتقل للامن العام سنة1373ه حتى عام 1384 حيث انتقل بعد للعمل بأمارة المدينه المنوره بعهد الامير عبدالمحسن بن عبدالعزيز وعمل بالمسيجيد ومن ثم انتقل للحرس الوطني بأوائل التسعينات هجري وبقي فيه حتى تقاعد عام 1-7-1416ه.ل قبه (ابو عفريتة).. حتى أنه يعرف به أكثر من اسمه الحقيقي.. وأما سبب التسمية .. فكان هناك شاعر قلطة لا يشق له غبار لم يهزم قط ( داخل معسكرهم بالشرقية) حتى جاء هواش ومن لقاء اول تغلب عليه بشهادة الجميع.. سأله أحدهم (كيف غلبت أبو جنيّة) .. قال اذا هو ابو جنيّة انا (ابو عفريته ) فكان هذا اللقب...اتضحت شاعريته منذ الطفولة .. فقد قال وهو ابن الخامسة عشرة..
راع الردى لا تكرهونه على الطيب=العبد ماله غيـر مالله كتـبلـه اشهد شهادة حق مدح الردي عيب =مثل الصلاة اللي على غير قبله كان رحمه الله يحب اقتناء الابل .توفي رحمه الله في 26-6-1425ه يوم الخميس بمسجده بعد أداءه صلاة الفجر بسكته قلبيه..رحمه الله واسكنه فسيح جناته . له الكثير من القصائد ، وله أكثر من موقف مشرف دفاعا عن قبيلة حرب أمام بعض الشعراء من بعض القبائل ، ومن قصائده رحمه الله :
هاذي ثلاث ايام والريـح غربـي = وضرت شفاشيف شجرها مشافـي تنسيف على روس والمراقيب تربي = ونص العـدود تصيبهـا بالجافـي سلام للعـزام مـن عنـد حربـي = اه هلا يـوم المعـاوش أقضافـي سلام احلى من لبـن بكـر عربـي = لاهل السلـوم مشيديـن الرفافـي ياما نصاهـم مـن بعيـد وقربـي = هجن مواجيـب عليهـن هجافـي ياريف من بلـواه تـزداد كربـي = وحيـد يحـدى بالحديـد الرهافـي اشكـي وابـي جهالكـم تعتبربـي = والا الرجـال يثمنـون القـوافـي لو كان فعلي زان حظي قصربـي = انا نقصت وصاحب النقص وافـي ياهل المروه ماغدا مـن قطربـي = ماخفي عليك ولا علـى الله خافـي اللي نتاجر بـه مـن اول تجربـي = وانا صعب والوقت زيـن عسافـي والحقد والبغض الدفين انتضربـي = والحظ جندي من جنـود المطافـي شيب ناري من غضب مستعربـي = وجاب المطافي لين صارت عوافي وليـا تبادلنـا الشتايـم ظفـربـي = عندك خبر كيد القـوي للضعافـي نظرت طليب ليا طليبـه نظربـي = وعـن يبقـه مايظهرنـي خفافـي حظي عن الماء للماضي صقربـي = وارد حتايـف ييبـس الاشـافـي وفي مثل بيت العنكبوت اختصربي = وسجـل عليـه زلتـي باعترافـي ومن مجتمع حي لحالـي ظهربـي = ويوم التفـت ليـا ركابـه مقافـي كل الليالـي منسـدح لـي بدربـي = ويوم أدبرت معيه يطـق الدفافـي وانغبت عن حلف الشوايا حضربي = ويغيب عن الخير على الناس ضافي أول يصالح والسنـه ذي غدربـي = قلط لي الذرنوخ مع ذوب صافـي حسيبه الله للمهايـف شهربي = ومـنالطفـوف يدفنـي مـع مهـافـي صايم مصلي مير حظـي كفربـي = بين القضا والصوم جـود كتافـي منقول من اخي المخلفي |
قصيده لعايد رغيان الشراري مسنده للشاعر هواش رحمه الله رحمة واسعه
خيرالأدب قول الكلام بركازه=وعقب الخطاء ياقل نفع المعاذير والحق واضح للفتى كان رازه=يسير به والناس حصن مناكير اخلاف ذا سار القلم في مزازه=حبراَيصورناتج القاف تصوير حطه على جيباَ جديداَ طرازه=فيه الدبل مركوز في جانب القير يشبه بروج الصبح مقدم قزازه=واللي خلافه يكشفه بالمناظير سلك اللويلس ثابتاَ في جهازه=وبالطقس تعطيك المحطه مناشير موزناَعن رجفته واهتزازه=وروس المواشي برشمت بالمسامير ان شغله راع الولع ثم هازه=يخلف هوى مثلوث عوج المناقير سيم السليتر داس فوق البنازه=وضغط البساتم زاد مع صرخة السير ضرب الحصى بمحركه يوم لا زه=صفقات بزرا مرسلاَ من شراشير حوالب البنزين مثل البزازه=وعين الطرنبه تدفعه بالمواسير قدح العوادم مع خطاة الجرازه=برقاَ لمع بالساريات الحوادير ماينتظر راعيه كتب الأ جازه=ممشاه حروضارياَبالمشاوير خذا الحوايج من بقالة طبازه=من خوف لا يحصل من الوقت تأخير هو الدليل وسايقه بالمفازه=لو العواصف تتبعها معاصير ممشاك خطاَ من جنوبي عنازه=وساحة طبرجل مبتدأ وجهة السير ورمال عالج والنفود الغرازه=على اليسار وغرب قور المظاهير وسمر الجبال الراكزه في حجازه=يمين ويسارك طعوس مزابير تمر داراَ عاش فيها الجنازه=ببلاد شمر مكرمين الخطاطير اذا استوى خطه مع القار وازه=وتنصى القصيم أكفيت شر العواثير وان شفت قصر الرس بين اشرازه=وأنوارها مثل النجوم المشاهير ملفاك بيتاَ في محيط العزازه=مسوراَ في راية الطيب تسوير راعيه فيه عن الرذايل نزازه=ونال الشرف في عسرها والتياسير هواش حاز المدح والمدح حازه=وعلى المراجل دربوه المناعير صديقنا في ساس حرب ارتكازه=بين القبايل من طوال الأشابير عريب بالعرق العريق اعتزازه=يسقيه كهلا ن العرب من شفا البير اسم الكرام مدونأفي جوازه=من شاف رمزه يفهمه دون تفسير زودأ على المعروف زاد امتيازه=في قاف يعرف به كثير الجماهير يخاف شره من بنفسه حزازه=أيضا ويشهد له كبار الشواعير الطيب ماياتي بسيد وفرازه=منحه من المولى بحسن التدابير قله جواباَ مختصر في انجازه=وارفع بصوتك يسمعون المسايير ياخزام خشم المعتدي يانحازه=قصد الزياره لك محبه وتقدير لولا سلا مك مالفينا بعازه=زاد الريال ونوط حمر الدنانير أخير لحظات الزمان انتهازه=وناتيك قبل المقبلا ت المدابير من طيبكم والطيب صعبا مرازه=ونشكر جنابك كل مارفرف الطير يوم ان غيرك مقفلا تاَار زازه=مدحتنا والناس صفاَ طوابير ومن حط بك معروف بالمثل جازه=يالأ خ تذكرك الشرارات بالخير وصلاة ربي كثر رمل المحازه=على نبياَ نور الحق تنوير |
يالله يااللي تسترد الوديعة =إنك على درب الصراط تهداني يامن له الدنيا ومابه مطيعة =أمره قضى ما ينقصي بأمر ثاني دورات فلكه بالأوادم سريعة =أسرع من رماش البصر والثواني بآخر خميس بشهر ستة فجيعة =واللي دها ماجد بيومه دهاني يوم فصل بين الرجاء والقطيعة =رحل وحنا مهطعين الأذاني مرحوم يا تالي الحصون المنيعة =بالشعر والوقفة ورمز السناني لو ما أشعرت فقده وجيهه وسيعة =تشعر به قلوب الرجال الذهاني لا جاء لسوق الشعر سوقه وبيعة =يهاب هومات الحمى مكلماني والخصم ما يلقى دروب وذريعة =قدام أبو ماجد طلوعه طماني عسى النبي المصطفى هو شفيعه =ويجزاه ربي في وسيع الجناني |
هذه قصيدة للشاعر هواش بن عايد وهي موجهة للشاعر سبيل بن سند
يالله ياواحد لك الناس ركاع= انا دخيلك عن اعيال السفاحي هواش بن عايدعبدك وابن عبدك من العوج جزاع= ومن حقي المشروع دسة سلاحي وانا اجودي ماني بالادنين قطاع= ودايم محلي بالبياح البراحي واشوف وقت من شواريه مرتاع =وابا السكوت وعنبر الصدر فاحي اودعت مالي عند سبلا تجي باع= والله ماحسب ان المحرم يباحي وتقاسمو مالي على مكر وخداع =على كلام الناس قسمة سحاحي قلت اسمعو راعيه مااهدا ولا باع =امانة الناحي عريض اللواحي وعندي خبر بحلوقكم وسع الارياع= ولا ادري لو الباري كتبلي نجاحي وقالو لي انته عود ارفل وطماع= راح الزمان اللي هجاد وصباحي قلت اشهد ان الصدق هو والحيا ضاع = يانذل مالي مايفكه ملاحي وجيت الوكيل وقلت ياضبع فضاع= والله مافعلك معي فعل صاحي وقالو لي الحضار لو مالك ا وزاع= بعها على الباري وماراح راحي مدري قدا والا مع الضد ضلاع= والا عليهم من جهنم جناحي قلت اسمعو ماني مع البطش مطواع= وصحنا عليهم واستخفو صياحي وجونا من الما من هدد عقب مرباع= كبر الجبال وجوهر العقل ماحي امحاهم الله مايعرفون الاسناع= جند غبر كله بطون اوفطاحي ياطارش مني على فج الاكواع= هجن عليهن وسم الادنين لاحي ودوا نبا مني على كل الانواع= مقدار واعتاب لوسيع المناحي الاشقر اللي بابرق الريش فداع= وذخري اليا قلت علي المشاحي وخلافها علم على كل الاسماع=يابو سند مابالمواقف سماحي وانته يابو سلمان ماجيت فزاع= يوم الحناشل ناصفوني مراحي ودي لو انك جيت باسلوب فراع= وان ماصلح ضدي وجودك صلاحي لو جيت نور نوركم مضلم القاع= وتكسب جميل وراحتي وانشراحي وصلاة ربي عد ماهب ذعذاع= كفت ايدي اومن لساني كفاحي وعبر ترى مانته على الديد رضاع= وهبي برده ياهبوب الرياحي |
هذه القصيدة للشاعر عايد بن رغيان الشراري يرثة بها هواش رحمه الله نشرت في جريدة الجزيرة هذا اليوم هذه قصيدة في رثاء الشاعر هواش الحربي- رحمه الله
غبطت طفلا جاهلا مابعد طاش =ما غيرت دنياه شكله ولونه يليهيه عن جور الدهر حس لولاش =مافات ليله بالسهر من شجونه يبكي على عاجه ويرضيه فشفاش =اهله كرام ابرار ما يغضبونه قلت آه من دمعا هماليل وارشاش =كن الثريا ترتطن في مزونه توي عرفت ان الدهر صحبته ماش =يصك من صكت لياليه شونه والا البشر دم ولحم كثر ما عاش =لابد له من يوم تسبل اعيونه ماله عن المقسوم لو كان ينحاش =يأتي له الديان ياخذ ديونه من شال عن راس ابرهة تاج الاحباش =يمر عقب آدم وهم ما يبونه الموت يأخذ عكف الاشناب ببلاش =ويختار وأهل الدم ما يطلبونه ياليت عزراييل مامر هواش =ليت السليمي قصر الموت دونه ياليت ما يملك يميني وماحاش =يفداه لو هو بالثمن يعرضونه بالعون ما ينسى صديقه سوى اللاش =ولا انساه والله لو تقافت اضعونة ذكرى وفاء ينبض بها الدم بالجاش =الشاعر اللي مثلنا يذكرونه شاعر فحل يعجبك قافه الى شاش =كن الجواهر من مصانع الحونه بحر الأدب تلطم شواطيه وإن طاش =تلقى البواخر سابحه في اركونه عفيف ما يرمي على الناس بطفاش =ما هان احد ولا يداني مهونه والله لو ان المقادير تنهاش =لا أحماه عن شر الدهر لايخونه واللي فقد مثلي كما الحر هواش =يفقد مراسيل النعاس بجفونه لفوه من تحت الثرى بأبيض الشاش =ياكبر قدره عند من يدفنونه روابعي وردن على جوه اعطاش =حامن على قبره وعافن سكونه عساه بالجنه من الخلد بفراش =في جاه من كون على العرش كونه |
بدر الحويفي يرثي هواش السليمي
أنا اشهد انه غاب من حرب رجال =رجال له قيمة ويحسب حسابه نجم لمع ليته عن الكون ما زال =اثر على جو القبيلة غيابه غاب الذي دايم خياله على البال =هواش بن عايد عزيز النسابه يحسب حسابه من مقاديم الأبطال =سبع مهاريف الضواري تهابه يوم المعاني بين ناقض وفتال =يفوق عن حجة خصيمه جوابه قوله يبدد زيف الأقوال لاقال =يفرض على الخصم المحنك رقابه تشهد له الشعار في جزل الأمثال =لاوجه المعنى يجيد الإصابه لعل له في جنة الخلد منزال =جعله عتيق من الحساب وعذابه وصلوا على المعصوم ما هل همال =وبل تدفق من نواشي سحابه |
ماباس يـاروحٍ حناهـا حنينهـا=قوس الرباب اللي حنـاه استـاد .على عنودٍ حيل بينـي وبينهـا=عيا الرجا فـي طردهـا ينقـاد عنود صيد ودرهمـت ذايرينهـا=مع دربها عفـر المهـا شـراد نجمة سما والزين يوصف بزينها=والموت منهـا مكسـب الـرواد واضن مكتوب اجلنا في جبينهـا=وتزيدها الشكوى صلف وعنـاد الا ولا بالكون عنـدي وزينهـا=وهي قاطعة حبل النجـاة اعمـاد اودهـا ود الشـوافـع لديـنـها=لو عذربوهـا عنـدي الحسـاد اودها والـروح بايـح كنينهـا=كمـا تـود الجـنـة الـزهـاد والروح في جسمي حفظها يقينها=والا تخلينـي سليـب افــواد وجدي على دارٍ تقافت سنينهـا=دار النـدى والجـود والاجــواد اديـار مزبـن مايـروّع زبينهـا=دار السـلام وتربـة الـطـراد اديارنـا وجدودنـا محتمينـهـا=لعيون عـربٍ ياعريـب اتـلاد لعيون عرب اسلافنـا وارثينهـا=من دونها سبع السبـاع يصـاد اديارنا ديـرة اتسلـي حزينهـا=وايامهـا كـل السنيـن اجـداد ناشي بها واليوم ويني و وينهـا=من دونها حايـل سمـا وبـلاد بدلتهـا فـي ديـرةٍ ناجعينهـا=اديـار فيهـا للدجـاج امـجـاد دار البطين اللي كشفها بطينهـا=سيد ولـه بالساذجيـن اسيـاد الله يقطع مـن حبالـه متينهـا=بالسـوق لايمشـي ولاينـقـاد وحنا صقور ونارهـم موقدينهـا=والله لبـو وجهيـن بالمرصـاد ياقل صالحهـا وياكثـر شينهـا=دار البطين الحصنـي الصـداد دار البطين اللي طبعنـا بطينهـا=وبار الجوار وبـار ملـح وزاد ودي بفرقاهـا وفرقـا قرينهـا=والارض فيهـا لاتميـد اوتـاد مالي بها رغبة رهيـنٍ بدينهـا=كادح بهـا واقـدح بكـل زنـاد فرقا يامل فرقـا قساهـا ولينهـا=بالليـل هـمّ وبالنهـار جهـاد وابي هل العادات ترفـع يمينهـا=حتى ادّرق فيهـا عـن الجـلّاد ومقصّر عن عينها كحل عينهـا=اجـواد لامـصـدر ولامـيـراد وقومٍ على باطل يبا الله يهينهـا=هذا وعد مـن صـادق الميعـاد الواحد اللي رحمتـه مرتجينهـا=من العدم موجـد عبيـد اوجـاد والخيل دون حدودنا مسرجينها=وعلى الكريم الـزارع الحصـاد . الشـــــاعــــــر /هــــــواش السليــمي |
قصيده موجهه للامير الفرم
النـور مـن رب السمـوات تنزيـل=والمرجلله بيـرن طويـل ٍ رشاهـا وخصوبهـن ياسايقيـن الفناجـيـل=إرجـال يشكـر بالمواقـف ثناهـا خصوبهن شقران لو يزعـل الفيـل=الحـق تعطـى كـل لحيـه جزاهـا ويالمرشديـن ويالغـزاة المجاميـل=وش فرق غيض انفوسكم من رضاها الكبـر للفـرد الصمـد يابهالـيـل=اللي نزل قوله علـى صـدر طاهـا قادر ولا يطلع علـى قدرتـه حيـل=اللي رفع سمك السماء عن وطاهـا وأنتم خدم خـدام جيـل ٍ بعـد جيـل=وكل النوامـي طلعهـا مـن ذراهـا لاباس مثل النـاس مامـن تنافيـل=وزود النفوس الطايشه من خطاهـا ومـر الليالـي للنشامـا مكايـيـل=قـدم الربيـع اليـا تكـدر صفاهـا وبقعـا مقيمـه والليالـي مقابيـل=وانته تشوف وشوف عينـك مراهـا يامير حرب وياذراهـم عـن الميـل=يوم السنيـن السـود دارت رحاهـا كـل النهـار وماتقـدم مـن الليـل=انجورهـم يجـذب عليهـا انـداهـا الهيـل تطلـع حبتـه مثلهـا هيـل=يالله عسى البـذره سبلهـا كماهـا ومدح ٍ بلا شاعد خطا مثـل ماقيـل=وانا مزكـي جابتـي عـن عداهـا ولا اقوله اقصد مال ياشاطـي النيـل=قصدي عرف عراف ماقصد عطاهـا يامير حدوا نشرنـا مـع مصاقيـل=مستظهرين نشورنـا عـن سواهـا ونـب الكبـار يوصلـون التفاصيـل=واقصـى نظرهـا ماتعـدا عشاهـا واخترت عنه اللي يسـوق الهماليـل=وربك يبي يقضـي لزومـي بلاهـا واشكي لكم شكوى قليـل المداخيـل=والسالفـه مانـي علـى مستواهـا ونصيت قبل أنصاك عـدة رجاجيـل=وجـال تنعتنـي رجـال ٍ وراهــا ورجال تجهد مار مامـن محاصيـل=اليـا مـلا دلـوه خصيمـه كفاهـا ولاهي كثير ان شلت عن مثلي الشيل=هذي طبوع جدودكـم مـن وفاهـا |
الشاعر هواش
قال أبوعفريت هذه الأبيات موجهة للشاعر /ابوجزاع
خلاننا ركب تقافت مطاياه = مزنٍ من الغربي سحابه مزوعي يالله دخيلك عن زماني وبلواه = اجداثهم كبرت عليها القشوعي سلام بنهاية جوابي ومبداه = عداد ماساق الرعد بالرجوعي عمك يابوجزاع باحت خفاياه = وباعك طويل ومن عوارف ربوعي ياعون من مثلي زمانه تحداه = عندي موضوع وظايقه به ضلوعي اسمع بكل الصوت ماهي مناجاه = سمعت عن شقران علمٍ يروعي وأنا على موعد معه واتحراه = اشوف نوب ونوب تسمع اسموعي وجاني خبر عنهم فجيعه امفاجاه = وتنوعت بقعا على كل نوعي وشالت صبيٍ صامل العلم ينصاه = ولكنها خلت من الناس دوعي لا واوجودي يالاجاويد وجداه = ليت المنايا يالمطوع بطوعي حتى تهون وكل طيب تعداه = وتقصر عن النادر بعش التبوعي ياليت ابوبدر لنا الموت خلاه = درعي ليا لبسوا علي الدروعي غالي وله عندي عن الناس ملجاه = ومن راح مارده ذريف الدموعي وانا بلا معنى حياتي بلياه = ولاني من اللي قدر الله جزوعي عرق الندا مثل العدو والمسماه = يوم الردي مثل السراب اللموعي وعوني اليامنه وصل علمي اقصاه = الياكبرت البلوى وقلت افزوعي الياحضرها كل حبلٍ ورد ماه = باع العدا يقصر وانا طال بوعي ليته فداه اللي عريض محقاه =صنو وصنيع ولايعرف السنوعي جنب ولد عمه زبون المجناه = وذيب لورد انجوع باقصى النجوعي يالله عساه مقيط ورشاه يقفاه = يعلها سفره بليا رجوعي ومصحي سما النيجر ومقفي ترى ماه = واشط به عرق السفرجل شروعي فرقا يامل فرقا زمان المحاباه = واللي صدق صكت عليه الجموعي ولو كل ماشفنا مع الناس قلناه = قلتوا هذول ينخشون الصدوعي |
لوا هني اللي دلوه اليا انتحى =اهل القلوب اللي عليها حجابها دب دلوبج شاطر البيع والشرا= تمره العوجا وهو مادرابها ومن بعدها يا قوم صلوا على النبي = وتسمعوا جابه نجيبٍ جوابها كريم يا برق سمر بارق الحيا= بروق نوه بالدجى ينسرابها كن الطها به جول ريم من المها=شافت شوافي من سراب زما بها اصبحت طرقي فوق سراقة الوطى =هجيج ربدا شافت اللي عدابها ابا الديار اللي تقافت سنينها = ديار لو خليتها الطيف جابها بعد السنين الجرد زرنا ديارنا = نبي نشوف ديارنا وش جرابها نبي نشوف عدودها من يرودها=ونبي نشوف رجالها من بقابها لقيتها من غير الاجناب خاليه = العفو ما كن السليمي وطا بها امشي بها واقيف وارد بالنظر =واذكر بها عصرٍ لنا في شبابها واتبع منازلنا بتالي رسومها= وبعض الرسوم الريح عني غدا بها ناشي بها وامشي بها خايف المسا=اشوف فيها حيةٍ لا حيابها اقول لها يادارنا تعذريننا= شفتي نظام ايامنا واقتلابها جور الدهر ماهو علينا لحالنا =جور الدهركل الدير شال بابها واظنها ردت عليه بحينها = برموز رمس وبسرت القلب ذابها ودرت النظر فيه وحي يرودها = قوم محله تو مالفت ركابها وامسيت فيها ضيف ضايف وفودها =قالوا تدير اديارنا وش ترابها تشرف روابيها وتارد عدودها =وتبدي براس النايفه من هضابها والدار لو تدري ترى الموت دونها = الدار يا طرقي حمينا جنابها قلت اسمعوا ياغرب هذي ديارنا = قبل زمان اليوم كل(ن)يهابها نقري الضيوف ونسرج الخيل دونها = ونكسب بها السبّق وياما غدابها ومن دونها سقنا على المركي الجمل = ونغيّب الشمس الضحى في ضبابها لعيون عرب اسلافنا وارثينها = سقنا القديمي لين لحقت نصابها واليوم ياراع الغنم ديرت الغنم = والفايته ما تنفع اللي حكابها ارعى بها واستنكر اللي يجي بها =مدهل حنازيب تداعى ذهابها وانزل منازل دار زالت نزولها = واظن هذا اخر مطاف انتهابها دنيا دنيه والملا عارفينها = من شاف غدر ايامها عاف مابها دنيا الفنا حاكم لها الله بالفنا =الايام طرقيه واهلها زهابها لاوا دياري ديرت البر والبرا= اضنها عيان بالعين صابها |
اسند الشاعر هايس بن رجا قصيده للشاعر هواش وكان مطلع قصيدة الشاعر هايس
سيرتك ياعردان ماهي بسيره = .........زمانك صاير فيه تبديل
و رد عليه الشاعر هواش بهذه الابيات:
هيض عليه صاحبي بتعبيره = ساق المعاني لون سوق الفناجيل يالله لعله ساكني ما يثيره = وإن ثار عندي للقوافي مصاقيل فيضٍ يفيض من البحور الغزيره = مثل الحديث اللي على كل تاويل سلام من شاعر محكم ضميره = سلامٍ احلى من حليب الاباهيل عكشٍ وبرهن والاباهر كبيره = وضحٍ تقل بعيونهن دارج الميل ونشيرهن بين الجوازي نشيره = وبيض الحباري عندهن له دحاميل والقاع من نوّ الثريا مطيره =ومن كل ناوه دارجات الهذاليل سلام وافي من عشير لعشيره= سلام مابه يارفيقي مداخيل والا سلامك ما عرفنا مصيره = شكل ومشكلني بكثر التشاكيل ماشوف به رفقه ولا اشوف ذيره = انظف من الصابون وافضل تعاليل وعردان صقارٍ كشف راس طيره = يحسب مدابير الليالي مقابيل هذاك وقته مايغير مسيره = ورزقه على منشي صدوق الهماليل والزرع يا هايس نصحني خبيره = خطا غطا شمس الضحى بالمناديل وصنعه ماهي ليه عليه عسيره = وانا ماجيك من الفضا للمحابيل شقران طاره بالطريفه خشيره = جبل نهار وفي دجا الليل قنديل ونجره ينادي كل حزه فطيره = وعنده لمن ظامه زمانه تنافيل خلف سلف يضفي على الجار خيره=متوارثين الجود جيل بعد جيل اول فزوع اللي شبوره قصيره= قبل السنين امشيخات الجماميل هذا زمانٍ مامعي به بصيره=ينقص مكاييلي ويوفي مكاييل والحرب يا هايس اليا طق زيره =ابشر بحيل جاد به جيد الحيل لبيك وان شفتم من الضد غيره= قرم جروحه بالضماير مكاميل يوم السنين حروبها مستطيره = سجيل حنا وانتم حجار سجيل عنا لكم بالظاهره والسريره=من يوم كنا لين ينفخ سرافيل |
قصيدة الشاعر حمود العيدي
سر ياقلم واكتب على الطرس مالاق = من جل نظم القيل واترك ادقاقه ابحر وربانك يقودك للعماق = واندر على كيفك ولاهن ادراقه وان اشتبه بيت على دربه ايساق = عشر يحالله ونبعد مسااقه ماني بحاله والحشابحليته ضاق = في وسط جاشي يزحمن بنزاقه ورد الشاعر هواش
حيل الله اقوى حل بالحال سراق = عقب الجمال اللي تشيل الوساقه صار العوض بواق زهاق نساق = سبو سمل سموه حماي ساقه وحي الكلام اللي بدا فيه عملاق = يمتاز عن غيره بصدق وصداقه وفزيت له فزت ربيط للاطلاق = اما ربيط الترك والا عراقه والذ عندي من ذهب عند مفتاق = والذ منقطر السما عند فاقه من كنت يالعيدي على الطيب سباق =يوم المروه والسلامه شفاقه انتم سندنا يوم نشفن الأرياق =درع على الجنبين تظفي حلاقه وعندك من الخبره جديدات وعتاق = يوم عياد ويوم مر مذاقه وحالك جميله دام للطيب عشاق = يوم البحر مظرب مثل باصطفاقه مقبول عذرك يابعد كل ملاق = اللقلق الملاق موس الحلاقه يلعق يد العنقا وحجام حلاق = وجدره قصي وبه ثمانين طاقه ان جاع ضاف وطاف وان شبع فساق = طبعه خبيث وراثة من عماقه وخلاف هذا كن لك خل بواق = ماجور وش دمع ذكرت اندفاقه يالأشقر اللي لأبرق الريش شلاق = خطا تحط البيض غيرك اعشاقه فيك المروه والمرونه والأخلاق =ونفسك على الحال الرقيقه رقاقه ولوعارضوني راعي الحق لحاق =وكل على بيته يروح نفاقه ومن كان والباطل من الحق زهاق = والنور مايطفيه ظلم وحماقه |
قصيدة الشاعر الكبير هواش بن عائد السليمي الحربي ( ابو عفريته)
الموجهه الى الشاعر الكبير بدر بن عواد الحويفي
يابدر وش ياطيب العرف مطنيك = الشاهد الله من طناكم طنايا والله ماصافي يالحويفي معاديك = لو يصرفون الكون كله هدايا يابدر حنا لك حرار مماليك = ان يبست عقب الضحوك الشفايا وان حاول الشباك نشر الشبابيك = اقدر على على زرع اللغم بالزوايا وتبي تشوف اللي من الفعل يرضيك = لابينو سود القلوب الخفايا وان كان عدوانك تحدوك عينيك = اجيبهم قدام عينك عرايا والعز بالله والفخر يافتى فيك = يوم البراء مردود بين البرايا يابدر لايطنيك قول الصعاليك = مانته وكيل مجمعين الحكايا انته على المعنى تركز معانيك = وضاعت عن المعنى قلوب الدهايا خلك على مبداك الاول ولبيك = يوم اردف المخطي عليك الخطايا ابشر بمصقولآ من الضد يشفيك = سيف تشتت فيه جرد السبايا وانا ماودي تاخذالناس خافيك = لوهاض بالجره بعير الشوايا احذر ترا الغاوي عن الدرب يغويك = ويرميك رايه بالخطا والزرايا وليا نشبت بمر رايه يخليك = وينبحك مع سود الكلاب السعايا واللي عرفت من التجاريب يكفيك = مانته بحاجه يالحويفي وصايا رد الشاعر بدر بن عوادالحويفي
لبيك ياهواش والله يحيك = ياصاحب اللزمه حميد السجايا احييتني بالوصل دامت لياليك = ونعشت يباس العروق الضمايا يامركز المعنى بحكمه وتكتيك = بابيات من صدر المحنك ملايا وانا افتخربك كل ماحل طاريك = عضدي حزامي بالعيا والمعايا ذابت على راس الضريبه مراميك = ووسمت بضلوع المريض الكوايا الله على الحل الموفق مقديك = لاغمضت عنه القلوب الغبايا وطير الفلاح المنتسب مايدانيك = اللي يعاعي فوق روس الطوايا اليوم عينه ماتراعي تواليك = ابتل ريش الديك زين الحلايا واللي نقد يالسنافي معانيك = حقه ليا حضر الجزور الحوايا خله بمذياعه يركب تماتيك = وتغني الصفره طيور الهبايا وانا على ظنك وظني ينشميك = ماهوب مزعجني وشيش الحيايا ادق في روس الافاعي سنابيك = وسيلي على العوجان ماينتنايا ولامد لثقات الرجال الشرابيك = ربعي ليا قامت تسوق الحمايا وليه مع اهل العرف رسم ومساليك = ولاضف مع مالي حلال همايا ولااضير الهطفاء على قفش بلجيك = ولاأقسم الفطره نهار الضحايا اصون درعي لايجي فيه تفكيك = ووسط المجالس ماشعبت المطايا واللي ذكر هواش مافيه تشكيك = الشوك ينبت بالخلا والقرايا والضيحه اللي شفت قدام انابيك = سيل تدفق مع حزوم وشغايا نوه بديرتنا وياصل ضواحيك = وهبت عليه الريح وقفى مزايا |
ماباس ياصدر تصدى له الضيق = العفو مسرع طمنته وارتفاعه كنه يشلق ثومة القلب تشليق = واللي مضى صدري وسيعه رباعه امشي جنوب وشام وامشي تشاريق= وامسيت بيدين الروابع قلاعه ولابه قلوب من الطواري معاتيق = وكل على معناه ركزدفاعه ياذيب ياللي تجذب الصوت وتويق= وتسبر على جو تقانب سباعه ان كان فكوا للحرار المسابيق = والله مالك عند ربك شفاعه بالبر مري والبحر به حداديق = وارجال تلبس كل مركب شراعه هذا وبيبان السلامه مغاليق = والموت بابه يفجعك باتساعه وأنا اليا كلفت في غير ماطيق= وادبر زماني واستحدت ضباعه فيه الرماح موسعات المزاريق = علطن تشيل احرابها سم ساعه اما حصله من مروح دفافيق = والاغضب ميمون زين طباعه حنا هل النيه وبيض الطواريق= ونشيل عن راع الخديعه قناعه واليا حصل لي من قبيلي ملاحيق= لي قدوة بجدودنا والجماعه لي عزوة عليا وكلش توافيق = وكلن على بذره يشوف الزراعه واليا مشا الهراج بين الاصاديق = وتعاملوا في كل معنى القطاعه والغيظ طلع ماتكن الصناديق= وبعد اللغا كلن فسر عن ذراعه ربعي بني سالم ليا نشف الريق = من الكويت اليا قبايل خزاعه يوم البرا مردود بين العماليق = ناخذ على كل القبايل ارتاعه وكلن يجنب عن جملنا ليا سيق = يوم القبايل للقبايل طماعه ربعي على كسب المدايح مشافيق = درع منيع وفيه كل المناعه اقسم بهم روس الجبال الشواهيق = وادب بهم ضدي اليا زاد صاعه حنا بني سالم ورب المخاليق = يحفظ بنا سلم العرب عن ضياعه حنا السوالم ياوساع الاشاديق = يحرم المذهب علينا الدناعه ياهل الشوارب والدقون المزاليق = ماجوبكم واجب ردي الوداعه وعندي لكم يابايقين المواثيق= مقدم بني سالم سباع المجاعه عملاق لوزادت عليه المعاليق = مما يهين اعداه واطول باعه مالفق اصله بالقراطيس تلفيق =مقدام حربي والنزايا تباعه هواش بن عايد رحمه الله |
قصيدة رثاء بالشاعر المرحوم هواش السليمي
غبطت طفلا جاهــــــلا مابعــد طـــاش = مــاغيــرت دنيــاه شكــــله ولـــونه الشاعر : عايد بن رغيان بن وردة الشرارييلهيه عن جور الدهــــــر حس لــولاش = اهله كــرام ابــرار ما يغضبــــونه قلت أه من دمع هماليل وارشـــــــــاش = كن الثـــــريا ترتطن في مــزونـــه توي عرفت ان الدهر صحبته مـــــاش = يصك من صكـــت لياليـــه شــونه والا الـبشر دم ولـحم كثــــر ما عـــاش = لابد لـه من يوم تسبــل اعيـــــونه ماله عن المقسوم لو كــــان ينحـــــاش = يأتي لـــه الديـــان ياخـــذ ديـــونه من شال عن راس ابرهه تاج الاحباش = يمـــر عقــب أدم وهـــم مــايبونه الموت ياخذ عكف الاشناب بـبــــلاش = ويختــار وأهــل الدم ما يطلبــونه ياليــت عـــــزراييــل مامــر هـــواش = ليت السليـمي قصر الموت دونـه ياليت مايمـــــلك يمينــــــي وماحاش = يـفداه لـوهـو بـالثمـن يـعرضـونـه بالعون ما ينسى صديقـه سوى اللاش = ولا انساه والله لو تقافت اضعونـه ذكرى وفاء ينبض بها الدم بالجـــاش = الـشــاعر اللــي مثلنا يذكــــرونـه شاعر فحل يعجبك قافه اليا شـــــاش = كن الجواهر من مصـــانع الحونه بحر ألادب تلطم شواطيه وان طـاش = مـاهان احد ولا يـدان المهــــونـه والله لــــوان المقـــــاديـــر تنهــــاش = لا أحماه عن شر الدهر لايخــونه واللي فقد مثلي كمـــا الحــر هــواش = يـفقد مراسيـل النعــاس بجفونـــه لفوه من تحت الثرى بأبيـض الشاش = ياكـبر قـدره عنـد مـن يــدفنــونـه روابعي وردن على جوه اعطـــاش = حـامن علـى قبره وعـافن سكونــه عساه بالجنه من الخـــلد بفـــــراش = في جاه من كون على العرش كونه |
هذه القصيدة للشاعر هواش رداً على كديميس العصيمي
قال العصيمي قاف من غير تقنيـن=وحنا على بنـي العصيمـي بنانـا وش مستواكم حدك الله على الشين=العلـم عنكـم يالعصيمـي قرانـا قطاع طرق من القوانين عاريـن=الشكر للـي مـن وباكـم حمانـا مدحت روحـك والقبايـل معييـن=اضيوفكـم تلقـى وجيـهٍ حزانـا ماتبذلون الطيـب منتـم شيابيـن=اهل هلا يـوم ان وجهـك تدانـا لنتـم شيابيـن ولنتـم دعاجـيـن=كل البشر عارف قصاكـم بلانـا يالخارجيـن المارقيـن الدنيـيـن=ان عـد ماضيكـم عدانـا حيانـا كذبت جدك ما مضت له براهيـن=عن مستوى جـدك نشيـم الحانـا منتوا على قولت هلا فيه ضاريـن=ياشينكم لـو زان وقـت الزمانـا الله قطعكم من الوفا يـا صعانيـن=تاريخكم لوهو خفـي مـا خفانـا يلي تصـوّت بالعشـا للمجيعيـن=لاجابهـم قـدام بيـتـك مسـانـا ونكان تطبـخ بالزليفـاء بعاريـن=وألا ماصارتلـك قـدور وصيانـا شفتو فعل صبيان حرب المتاقيـن=مـن دم قايدكـم غسلنـا دمـانـا كم جادلان معكم تجـر السباهيـن=أنفك عقـد أحبالهـا مـن جدانـا والحرمليه حـل بجنـودك الفيـن=كذبت ماشمـر عليـك عضدانـا شمر لهـا ماقـف وحنـا غنييـن=تكذب جمل شمـر عليكـم نخانـا والشمري جاكم وخذهـا نياشيـن=وحنا بكسـرة باسكـم مارضانـا يوم حربتوبـه وصبحـه مزكيـن=والشكـر لله مثلـكـم مـاودانـا وذراك ماذرى الربـوع المواليـن=ولاأنته مذري حرب عشرك ثمانـا قدام ابن سعداء سوات السراحيـن=يفـز شايبكـم فزيـز اجـذوانـا تاريخ نجـد الحرمليـه ونيريـن=والأنجل الـي بـه خذينـا نقانـا تاريخ نجد الي ذكرتوه مـن ويـن=تاريخ نجد بضربتـن مـن قنانـا يالكاذبيـن الظالميـن المغلـيـن=قلتـم وغشيتـو اعقـول كتبـانـا ماهو تاريخ أكذاب كبر الظلاعيـن=ينشر لك الكذبـه ويجحـد ثنانـا يملي كذوب وصححولـه غبييـن= في غيبتن منـا تقـول اخصمانـا قلتوه بحلوقـن سـوات المحاقيـن=ولسنكم الي طول حبـل الشطانـا وانا مطيع اموات بصوات حييـن=دفاتـر التاريـخ روس اعلمـانـا ويوم السنين مفرقـات المضانيـن=كل الدول تعطي الريـال ريسانـا واليوم معفيـن القبايـل ومعفيـن=ناخذ خـراج وقاصبيـن ارشاتـا وكان العصيمي ذابح الفرم لسنيـن=ياورق حسبـك لاتقـود اعقدانـا الي مضا ونته قصيـر الذراعيـن=واليوم منقـورك يهـوز اوجهانـا وين انت رايح ياعصيمي على وين=الى زما جمـع المعـادي زمانـا |
هذي قصيدة للشاعر هواش وهي ردا على قصيدة الشاعر ولد امس قصيدة الشاعر ولد امس واللتي يقول في مطلعها
يانمر ليه ازعل على الناس واضيق=وانا اللذي بيدي مطـرف عيونـي
وهذا رد الشاعر هواش
سلام من صـادق لكـل الأصاديـق=عـداد ماهلـت قنـوف المزونـي ياعزوتي عون الصويتي ليا عيـق.=صبري تعدى قدرتـي فاعذرونـي افتر قلبـي لـون فـر المزاويـق=من قاف شاعر من كنـود مغبونـي عوايـد الدنيـاء تضيـم المطاليـق=تقلبهـم الدنيـا علـى كـل لونـي ولا كل عبدالله يجي عبـد صديـق=ولاينوخذ غيب الدهـر بالضنونـي وشكـواك للرحمـن رب المخاليـق=واحـد بعونـه كـل كايـد يهونـي الواحـد العالـي متيـن المواثيـق.=رحمـن والا النـاس مايرحمونـي الناس لو صلوا صـلاة التشاريـق=ضد الضعيف ومع قـوي الردونـي وأنته شرهت أني ورا الصايح آويق=.وأنا يابن قبل أمس ناشب بشونـي تفرقـت بالعبـد سبـل الطواريـق.=وأشوف ضول وله رجاجيل دونـي والله لو يجديـك دمـي ليـا سيـق=لبيع لك دمـي علـى أول زبونـي حربي ماني صافطك للبوق والبيـق.=.وإلا فنونك تختلـف عـن فنونـي والطيب سندا والردى له عشاشيـق=وكلٍ ورا خاله يسوق الضعوني ياللي على كسب المدايـح مشافيـق=إليـا تنـادوا بينـهـم بالديـونـي هيض عليه من طويـل الشواهيـق=.ذيب على الهجعه يجـر اللحونـي يجوز لحقه مـن زمانـه ملاحيـق=وقلبـي لجيعـان الذيابـه حنونـي ياذيـب خيلـك زمانـك تفافـيـق=واومابك أوماي الهـوا بالغصونـي اسمع عساهـا بالسعـد والتوافيـق=حـدود قـدره والمقـدر يكـونـي جنب عن اللقلق وخـص العماليـق=.أهل القدايم مـن قديـم القرونـي أنصاء الجمال اللي تشيل المعاليـق=شيب الغـوارب ناسعـات المتونـي والا الردي يلذب مثل لذبـة الريـق=بالماقف اللي بـه تغيـب الذهونـي والدور جـود للحـرار المسابيـق.=وحرم على سرحان لحم الجنونـي الشــــاعــــر/ هــــواش الســليــمي |
يارب روح لها هومـات ومهيمـة=اروق واتوق مع قلبي اليـا تاقـي هواش بن عايد السليميغنيت شفت الدهر يضهـد مغانيمـه=لاتحسبني يـاذا القرنيـن مشتاقـي غر المنجم على حرصه وتنجيمـه=يمسى جبل ثم يصبح طير خفاقي وجسر الصداقة سبب هدمه وتهديمه=عنكم ومنكم وراع البـوق ينباقـي ومال الربـا مايشيلنـه معاصيمـه=يشيله الريـح ولا مـوج صفاقـي كل يذمه بعـد مدحـه وتضخيمـه=مبداه يعجبك مـار اتـلاه محاقـي وعجبت من شيخ تحليله وتحريمـه=راهب وسلكه على منّيـن ودقاقـي حنا هل العلـم تاخيـره وتقديمـه =ماهي لوامع سراب بقيض لهّاقـي ومصاص دم العرب قرب محاجيمه=قله ترى مخلب العمـلاق شلاقـي لو خامل الساس لاموني خداديمـه=انا سليمـي ماقبـل راس خنّاقـي ماهو ولد عـم لايغويـك تعميمـه=يسوق للي يضـر الولـد درماقـي وحجّاب مطعوم ربعه من مطاعيمه=عدٍّ تردله ورود اشكـال ورناقـي الله يثبت راع المعـروف ويديمـه=لعـل قبـره يسـده كـل ملاقـي وإلا رفيقك رجيـم فـي مراجيمـه=هو مشنقه للضعيف وانت ترياقـي والله مالوم النعام الربـد وضليمـه=يخاف من رمية مـن كـف تفاقـي وبذّار الاسمـام ماينجـح بتسميمـه=لو سمم الكون راع الحـق لحاقـي وكان الضوامي ترد دكلات ومحيمه=وراحت مواقف وخلّب كل براقـي زل المزله على زومـه وتلويمـه=لو انت ملهـوف للفـزاع مفتاقـي ومن لا أفهمه خالقه ياصعب تفهيمـه=لو خلّ واحد يجي عشرين فتاقـي إليا اقبل الجمع بالزّهـام لزعيمـه=يبشر بملح صدق من كف صداقـي ولاني على الريق من نجد ولواهيمه=ومن خلقتي ماستعيـن الا بخلاقـي |
غنيت في قاف معانيه وافيه=وكلٍ حسب عرفه يغني مثايله وانا اليا غنيت ونّست خاطري = اترك ضعيف القول وابدي باصايله واسباب ما هيض غرامي وما جرى = اشوف حيٍ جدد الله سمايله شفت الضباع هيام والرزق ماشي = والذيب يركض والعشا في غلايله رزق الضباع يزورها وسط غارها = والذيب عن شفه تكسر مكايله يقطعك دنيا ضيمها من نظامها = عدله نهار وعشرة ايام مايله قالو لنا العرّاف لا تامنونها = ترى نهار العيد تجلب بدايله مثل الظلال رجالها ياصفونها = إن زلت وإلا عنك بالظل زايله شالت بشر بعد النذر يتبع النذر = وهذا على غفله تنوّخ رحايله يطلع من الدنيا على الغيض والرضا = ويصير في بيت جداره صقايله يغمّقون البيت له من كرامته = وعليه صدقانه تهايل نثايله واقفوا عنه وقيف فوقه نصايبه = ويلقى ما قدم من خطاه وفضايله وان فات كل الفوت ماينفع الندم =تلهث ورى علمٍ تعدّتك اوايله يارب عبدٍ جامع الخوف والرجا = عفوك نهار العبد باريه سايله يالله عفوك يوم تشهد جوارحي = يوم الحساب اللي عظيمه هوايله يارب يومٍ فيه الابصار شاخصه = انا دخيلك عن خزاه وخجايله وخلاف هذا جزت من رفقة البشر= أدنى الملا ولاّ من اطيب قبايله اخاف من رفقة كريمٍ من الملا = ان زدت ..زاد وراس ماله نفايله ولاني مرافق معدن الهون والردى= اخاف هذا يلحقنّي فشايله ولاني مرافق من يجود بماله =كل الدهر وانا رهانت جمايله لو قلت اثمّن كل جوده بمثلها =الرد عندي ماتوفر وسايله لو احتزم و اواصل السير بالسرا = قدمي جبل طايل على كل طايله راع الظفا الظافي على اللين والقسا = وابوه قبله كمل الله خصايله وخاله وخال الخال يضرب به المثل= بالجود وان جت خيل الاضداد صايله من روس قومٍ تدّب الخيل بالقنا = ورفيقهم حبله يديهم وصايله حنا رجاجيل الدرك نعتزيبها =وحي الدرك ما باقي الا قلايله رفيقي اللي عزوتي يعتزيبها = لقن حديثٍ زايفاتٍ دلايله يجلب حجر طارق عليّه من الخطا = جابه باجاره من هكالدار شايله حجر جبل طارق يرده لطارق = والعلم جاهم من عمامي صمايله العلم الاول يدفع الغيظ بالرضا = والعلم الآخر مردفاتٍ ثقايله قومٍ ما تبني دارها من حجارها = ترى الحجر دايم تخلّه دخايله وطير البحر وان طالع الظل بالبحر =يظنّها ورقى عن الدرب عايله يظن ظله طير وارهى على العشا = وحوّل على ظله مع الما يخايله واليا نزل وسط البحر شاله البحر =غاص البحر والموت جاته رسايله ياما نهيته مار عيّا يطيعني = وبعد الرهى بالراي يبست بلايله حنا بني سالم من الشام لليمن = من زلّ ما تمشي علينا هزايله نعطي طويل الباع رمح المطنّي = ان قرّب القداح واشعل فتايله مال المشيقح كان ماجاز وانتهى = يمكن يسبب له معاصير قايله هذا وصلى الله على سيد البشر = عداد ما هل المطر من مخايله |
التحرص يا عقيل ما يفك من المغرّه = وش خطايه يابن عمي يوم تعطيني قسيمه يشهد الله ما سفطت تعيش غلطة مستمرة =في نظركم هيّنه لكن عند الله عظيمه ودي انك من رجاجيل البحر وتجيب دره=وان نصوكم للقضاء ميزان والنيه سليمه ما نبيك تقول ذا منّا وذاك من المسرة=الحمايا داخل البدّه على باطل نميمه يا رفاقه نبدي الشرهه ولا نسفط مضره= ليه يوم المارتين حزامها يكرب بزيمه العما لعيون عور وبالجبر مثل الازره= لين راحو للحوايم زاد وافضل من غنيمه وش تقول بيومٍ اسود تنكره وإلا تقره=يوم بعض الناس تنزل قيمته وتزود قيمه انت خابر يوم جيت انخاك والارياق مره=واستحيت وقلت ماليه مع الحنشل وسيمه محتزم بك مار مثل حزام تركي بالخمره=والقدر من عادته يصدف غريم مع غريمه وبعد هذي وش نقول اخوان مار اخوان سره=لو من اولكم رجاجيل العزايم والعزيمه ما نحب الشين مار الناس وطونا المعره=وخايفين من الهروج ومستحين من الهزيمه ما يغادر خير وإلا شر لو مثقال ذره=يرحل الطماع لو ما طاع والدنيا مقيمه يا قمر عشرين صار اليوم بعد الشوف جره =ومن يضيم ضعوف خلق الله يجيله من يضيمه وابشر انه ضاق صدر ابليس في بحره وبره= كل ما حاول بحيله ضرته وإلا عقيمه لو بحر تسعين طاش نسخّره يرجع مقره =ولا تكابرها ترى هذي عوايدنا القديمه ولا تلوم اللي يصد اليوم في خيره وشره= يوم خلق الله يا عبدالله يعشقون اليتيمه والسلام ختام سلم لي على حين تمره=وقالوا ان الطير ينعى ديرته لو هي هشيمه ابو عفريت |
ألحق خزاياك القديمة مخــــــــــازي =وأنبح أنجوم ٍ دونها يقصر الـــحوم على كلام الناس يابرجـــــــــــــوازي =تذمنا وأنته مع الناس مذمــــــــــوم ياطارشين الحرب بأم الجــــــــهازي =عسى المحرك بالدناميت ملــــــــغوم وأليا تعلت والدناميـــــــــــــت لازي =يتم موعد مقصد ٍ فيه مرســـــــــــوم ضد ٍ يخلي كن نثر الـــــــــــــقزازي =ريش الحبارى طقها العصر صاروم حنا هل الطولات يالانتهــــــــــــازي =وأظن تنقصكم قوانين وسلــــــــــوم أنتم حربتم كل سلم ٍ حــــــــــــــزازي =وحنا حربنا بالنمش دولة الــــــروم يوم الحرايب نشرنا مايهـــــــــــازي =ويوم السنين القاسية نذبح الــــكوم وأن صاح صياح الضحى بالنوازي =وثار العسام وعود الحرب محــــتوم ركبوا على سرد ٍ سوات الجـــوازي =ربع ٍ تبشر بالفرج كل مضــــــــــيوم ربعي وفيهم عزوتي وأعـــــــتزازي =كان القبايل طلعت غيض مكضــــوم تاخذ لحاهم عن سواك امتيـــــــازي =ياللي لسانك بالموالين مســــــــموم اجموعنا تلفح كما لفح بـــــــــــازي =وأنته بضلع رهاط من نجد محـــروم اللي مضالك عن هوى نجد عـــازي =ووادي جهام معود ٍ دارك اليــــــوم خصيم أبوك بكامل النصر فــــــازي =لافاتكم عندك من الناس معــــــــــلوم وإن كان لك كبد ٍ بها المر حـــــازي =انشد بزيع اللي هك اليوم متهـــــوم |
الشاعر سعد بن نامي السليمي والشاعر ابوعفريته
الشاعرسعد بن نامي قال هذه القصيده موجه للشاعر هواش
الله من قلب كثيره طواريه = شيٍ قديم اوشي توه بدايه همه وهوجاسه تحلل مداليه = امسى معه واصبح تقول ابضبابه ياخذ معه ساعه وساعه يوديه = يفتح بوسط القلب سبعين بابه ماينوصف له وصف وشلون احليه = كنه على جمر سريع التهابه ودي عن اللي فات واقفت لياليه = انساه نسيان تطاول اغيابه واضرب عليه بخط احمر واخليه = يمحا وتمحى ذكريات الكتابه والقصيده طويله ولا احفظ منها الا القليل رد الشاعر هواش السليمي بهذه القصيده
الذيب درهم لين بادت سماريه = وعندي خبر رزق الذيابه نهابه حيل الله اقوى قرب الزير راعيه = وفتيلها منها سريع اقترابه وحي الجواب اللي كما النور غاشيه = وحي الرسول اللي عنابه وجابه جواب ناقيه السليمي ومهديه = مني عدد قطر السما مرحبابه وقارنت بين امصيب علمه ومخطيه = وانا محيط بكل فنه وادابه حط الهدف واخفا مكيدة معانيه = باعه طويل ومن مقاديم لابه عسل كلامه والهدف فيه مخفيه = ومعناه عني بالكواكب رقا به وخفت البطا يجلب عليه مشاريه = واجهل عباد الله سريع الأجابه وفهمت من علم احمر العين تاليه = انه محمل شرهته سبع غابه واشر على علم من العام مطنيه = واخير مابه يالفتى ترك مابه خله يروح وكل ماجاه فاديه = وخذ الحذر من بعدها والحزابه وكان احمر العينين يرفع عزاويه = ابشر بسيف دونكم بالنيابه وان كان ساع الخير كلت مساعيه = الله خلقنا للمصيح اجلابه وانته شرهت اجريس كفك ايحنيه = واجريس عن كفيه قصر خضابه اخوك اخو سره عسى الله يكافيه = انته ماتدري فيه والله درابه وانا بحلت بحي باليه باريه = اهل القلوب السود والسن صحابه واللي مع العميان يغمض بعينيه = والا ترى الحسنا وراها طلابه وترى رفيق اليوم كشفت مغاطيه = ويضنه الجاهل على ماهقا به ماهو صديق ولا عدو تعاديه = شرق اوشمال اوشام كل حكابه والدور دار اوجار ماكثر بلاويه = يدمر العامر وعمر خرابه اذيابته جوعا شباع حصانيه = والعبد باع بسيده واشترابه وحوت البحر ياكل ضعيفه ويبكيه = وعجبت من عصفور حجرف ودابه |
اسجم واسلي خاطري بالتمني= واريت من حكم الزمان الفجوعي هـــواش بن عـــايـــــداسجم واسجّم دمت وابدي واكني=واريت ماتارى العبيد الهجوعي ارى الحديد بغير سنه يسني=ويفداك من دون المواقف قنوعي ياعون من قال الليالي وطني=بالريف ولا بالزمان القضوعي البوم هازني يبن ياكلني=وانا معقبني زماني ازموعي ويابن صخيبر ليه صديت عني=وانا احسبنك من طلايع فزوعي لو تعتزي ماسدك العذر مني=علم عليه اللي يسوق الرجوعي حاسبك سيف لي على كل فني=سيف نفرق فيه دهم الجموعي يازين ظني فيك واخلفت ظني=مدري خدعك الضد ولا قطوعي والا تصارعلك ثلاثين جني=والا تولع بالضلام الشموعي ماجيت يوم ابليس وزني يغني=ياذيب نجد ويارفيع الطبوعي طيف الكرى باخباركم ممتحني=وانتم ظعنكم منتحي عن نجوعي لو جيت يمكن خاطري يرجهني=ويستاسع الصدر الحشور الجزوعي ولاتحسبني يوم ياكف مكني=اني قدم بطش المعادي خضوعي اورثلي المرحوم رمح المطني=ذيب اليا عويت عوت ضلوعي وفيض يفيض من البحر ماشحني= ولاني بحال المترفين الرتوعي |
حربي وشاعر مع جميع الثـقالين=على كلام الناس مسني وساني حنا أهل الكلمه على دور ياسين=قبل الدجاج يصير له ترجماني سلام يادار الاهل والموالين=ياديرة الجدان من قرن ثاني سلام احلى من حليب القراحين=وريحه مثل ريح الزباد العماني يادارنا بالجاهليه وبالدين=اروى السلف ودونك شباة السناني يوم ان نجد اقسام بين السلاطين=حصيلة العدوان منك التماني ونصبح اليا جانا نذرهم مقيمين=جمع وجمل و ابلج رفيع المجاني مقدم قبايلنا من اول وذا الحين=واعني ماتعنى كلمتي من معاني الشيخ ابن مطلق ياهل ختم الالفين=شيخ لكل الولد قاصي وداني شيخه ماهي شيخة صنية صعانين=سقم الحريب وعون من جاه عاني حلوين للحالي وللمر مرين=الولد لازل اللزوم الهداني سقنا الجمل ضد الشيوخ المسمين=ونزل ديار القوم من غير عاني وغديف اخذنا به مع العشر عشرين=سمع النقى بغديف صم الاذاني ماهو كلام مولفين الدواوين=علمي عن الزله عليه الضماني يوم المواقف للقبايل موازين=نعرف كما يعرف سهيل اليماني أول قبايلنا زبون المجنين=يوم العواني والرمك والعناني مافات خوف ويمنون المخيفين=واليوم أمان وخايفين الحصاني |
هيض عليه ذيب هذاب قناب=يجر صوته من رفيع الاوسوقي هواش بن عايدجر اللحون اللي على كل هنداب=حرق بها غيري وفرق حروقي جر اللحون اللي قلايد بالارقاب=اليا رفع صوته من اول اوفوقي ذيب قنيبه لاشرف الناس جذاب=واجبت صوته من طرايف طروقي يفتح صدا صوته لقلبي مية باب=والحق بصوته ماغدا من حقوقي حربي ومرسال لابو زيد وذياب=وملح الفرنجي للمعادي علوقي انقض غلب عود للاجناب حراب=والا نقلت منتفات الرموقي ماهو كلام اللي تمدح بالاكذاب=طوب يغطي بالكلام الفتوقي واحد حداه الله على شق الاسلاب=تاخذعليه من العهود ويبوقي جلاب حضه كان للحظ جلاب=وعيت تطقه ثابتات الطقوقي طوب اليامنك نصيته للاقراب=تلقا هدب عينه بدمعه غروقي واليا احتاجك حط له حق غصاب=ويطيح بين ايديك لقلق ملوقي لو قلت شاب وتاب بعد المرض طاب=ردا نصيبه كل جلده بهوقي شذاب كذاب مذبذب ونصاب=لوقي ويرقص له ثلاثين لوقي ومدري ولو ربك هزم جمع الحزاب=بالله يباد وبالعباد معيوقي ياليت جده مالحقنا بالانساب=وربك فرق مابين ذوقه وذوقي |
iهذه القصيدة ارسلها الشاعرالكبير بدر بن عواد الحويفي الحربي الى الشاعر الكبير هواش السليمي الحربي وكان في وقتها الشاعر هواش يكني نفسه نايف النايف
ارسلتلي خط كتبته بيمناي=سلام وجه من من صديق لصديقه ملفاه نايف طيب العرف والراي=اللي هناديب الشكاله طريقة عد الروا ماهو ضحاضيح رواي=شط الفرات اللي اغروقه عميقه ليا قرأ خطي وبرق بدعواي=ملزوم يرقا بالطويل ويويقه حيث أن قلبه بالمراقيب شقاي=نايف وله بالنايفات اتعليقه ياللي لصلفات المعاشيرحماي=لانشف من بين الشفاتين ريقه أنا صويب وناقل داي برداي=قلبي غداء من مابجاشي حريقه واللي ذبحني واحد من دناياي=والصبر والله يابن عايد ماطيقه يوم استتم وجاء على الكيف ومناي=صالف ولاوافق طريقي طريقه ارهيت به واقبل على الجم مدلاي=وتقطعت منه الحبال الوثيقه يوم اقتعدت وللهدف زان مرماي=عودت يانايف خفيف العليقه واليوم وش رايك لياصرت شكاي=عطني مساندة الرفيق لرفيقه ودي تباصرني وقل لابن غزاي=بالليل تنحاني عن النوم ضيقه اما عذلوني وقنع النفس بغضاي=والاترجا والطلب في لحيقه شكيت يوم الغلاء جاب قصياي=ماخوذ مالي من يفك الوسيقه رد الشاعر هواش السليمي ( نايف ابو عفريته)
جاني جوابك ياعضيدي بدنياي=وفزيت به فزت شقيق لشقيقه وغيبت مضمونه وعززت مبداي=بعدعرفت من الجواب الحقيقه اللي مضى ماللمجانين قراي=واليوم يابدر المجنن انفيقه قدمك كفا حوضي بجيت ظماياي=سودالضمايروالوجيه الخليقه وحليت بالحكمة شرابيك بلواي=حليت بالحكمات ضبه غليقه واسمع يابو سلمان طيب هداياي=ماباس ياللي علته من فريقه ماسوقكم ساقه مدوبح وحباي=وألابقوه وانت حالك رقيقه ابشر يبي يقبل لكم عقب الاقفاي=بالحرب والابالظروف الدقيقه وانا لابو سلمان مركزوضواي=ان كان ماستعبد عبيد عتيقه والله ماذخر عنك مالي ومبناي=ويمنا على لطمت غريمك شفيقه واعرف ترى ماني بالاقوال رهاي=وانتم صداقتكم صداقه عريقه وان كان مقصودك تعين عن اقصاي=ترى بحرنا ماينادي غريقه |
مامن مسايير داري شبه مهجوره = ماجيت واحد من العصبة ولا جالي غير الحويفي علي تباين سبوره = بعد زمانين يبدي شبه ختالي يشرف على المرتفع ويمد ناظوره = وان شاف ما اعاف قال ابقلت الوالي وانا مالومه يخاف الشر وشروره =وانا ماسره ماسرت حيلتي حالي ياليتني قلت مقبوله ومافوره = عطيت الهول يوم انه عطاها لي مافات عايش فرح والروح مسروره = سبعين حجه وانا بالي بها سالي عايش مع الولد لا لفه ولادوره = سالي وجابتني القدره لغربالي ماقلت لي يوم شفت صقور مصقوره =وانا ولد عم واقرب نزل منزالي اقيّم الناس بالمنطوق والصوره = لين المصاريع شالتني على فالي واجواد مثلي مع الغدار مغروره = وارجي عسى اللي نقى للبيت ينقالي ومدري لو الله ومر سجيل وطيوره = انا برجوا الكريم الوالي العالي كلمه على دور ذا النورين مذكوره = ان آخر الوقت فيه تسيد الانذالي يابدر ياقرب جيرانك من البوره = واحذر دلايل توردك اشهب اللالي لشر واجد وطرق الخير ماثوره = وكل من اللي تبيه النفس يكتالي وبحر هل الطور طابع فيه بابوره =واللي بحوظه يجي تسعين رجالي ورجال الانقاذ مقفيه ومنحوره = وزيران موج البحر مضرب للأمثالي ويابدر مابه سريره عنك مقصوره = انته على مستوى ناقض وفتالي ومن بذرت الحب وام قرين مقهوره = لين المحاصيل شيلت دق وجلالي ولا يلحقه لوم واحد جاب مقدوره = وانته تلوم خطى مدري يورالي عطرا عن البيع والبياع ماجوره = خلان والا يصيب القاع زلزالي ابو عفريت |
سلام يادار منول لنا دار=ومثلي معنا بالسلام يتعنا هواش بن عايديادار فيك رسوم الاجواد تذكار=عليك من عندي سلام مثنا دار نعرف اديارها عرف خبار=والحي فيهم مالحنهم لحنا ماباس يامدهل عريضات الازوار=حلق غراب البين فوقك وغنا ولافيك يالوادي من الولد ديار=وانته منول مابك الا ضعنا قدام يطلع لابرق الريش منقار=مافيك ياغير الذيابة وحنا وان ساقو الولد الجمل والحسب بار=حنا كمي الولد من يوم كنا قدام يطلع للمجانين حشار=حنا هل الكلمة وهذا وطنا ياما نطحنا عنك من جور جبار=فخري بكامل قوته ماشحنا وسقنا جمل برجس على غير يختار=ساقو وساق الموت منهم ومنا وياما قرينا في مثانيك خطار=ايامها ارقاب الركايب تحنا اول حموك اللي حمو حرمة الجار=خيل تحيل لك وخيل اطنا اهل البيوت اللي لها الجار والكار=جمع وجمل يمشي براي اخو بنا راحو كحل باكي مواريث الانصار=وانا اتذكر دورهم واتمنا واليوم فيك الكرك سبار سمار=حول محل الولد شاوي ودنا ونقريك يالوادي من الولد معذار =قدام يمحنك الزمان امتحنا ممنوع دولي فيك ماناخذ الثار=والا نشوف بيوت وسطك تبنا واقبل عذر مالود يالوالد البار=عاصين دونك والليالي عصنا وجتنا الطيور اللي يقول ابن عمار=جنا وهازنا يبن ياكلنا وادري بها اضعف جند مار الدهر دار=يجنا عليك ويمكن انك تجنا ونزبن بلا جدوى مناصيب وامار=وحنا من اول مزبن اللي زبنا ومن عادة الدنيا لها دور وادبار=وانشد عداك اللوم ساني مسنا |
قصيده للشاعر هواش بن عايدالسليمي (ابوعفريت)
تلونت بقعا على كل الألوان = وقامت تندب للنشاما طروشي وكنه يثور بثومة القلب بركان = ويلاع لوعات الفهد للوحوشي ويزفر زفير الزير قدام سلطان = ان طقه الشايوش قدم الجيوشي يامير نشد عن رفيقي خويران =ان كان جاكم من طبرجل نطوشي عطني خبر عن طير حوران وكدان =ودي خبرهم والظماير عطوشي هو صد عني شوق مياح الاردان =والا اشغلوه مفتلين الرموشي ولايشكل لام سالم بالألحان =بديار عنها ماتكف الرشوشي والله يالولا بيتنا صار ميدان = والحكم ضافي والنظام مغشوشي لانصاه لواني على الرجل حفيان = قدام الأربع شايلين النعوشي ودي نزور من الشرارات عشران = أهل هلا واهل الحجاج البشوشي |
هاذي ثلاث ايام والريح غربي=وضرت شفاشيف شجرها مشافي تنسف على روس المراقيب تربي=ونص العدود تصيبها بالجفافي سلام للعزام من عند حربي=اهلاً هلا يوم المعاوش أقضافي سلام احلى من لبن بكر عربي=لاهل السلوم مشيدين الرفافي ياما نصاهم من بعيد وقربي=هجن مواجيب عليهن هجافي ياريف من بلواه تزداد كربي=وحيد يحدى بالحديد الرهافي اشكي وابي جهالكم تعتبربي=والا الرجال يثمنون القوافي لو كان فعلي زان حظي قصربي=انا نقصت وصاحب النقص وافي ياهل المروه ماغدا من قطربي=ماخفي عليك ولا على الله خافي اللي نتاجر به من اول تجربي=وانا صعب والوقت زين عسافي والحقد والبغض الدفين انتضربي=والحظ جندي من جنود المطافي شبيت ناري من غضب مستعربي=وجاب المطافي لين صارت عوافي وليا تبادلنا الشتايم ظفربي=عندك خبر كيد القوي للضعافي نظرت طليب ليا طليبه نظربي=وعن بيقته مايظهرني خفافي حظي عن الماء للماضي صقربي=وارد حتايف ييبس الاشافي وفي مثل بيت العنكبوت اختصربي=وسجل عليه زلتي باعترافي ومن مجتمع حي لحالي ظهربي=ويوم التفت ليا ركابه مقافي كل الليالي منسدح لي بدربي=ويوم أدبرت معيه يطق الدفافي وانغبت عن حلف الشوايا حضربي=ويغيب عن الخير على الناس ضافي أول يصالح والسنه ذي غدربي=قلط لي الذرنوخ مع ذوب صافي حسيبه الله للمهايف شهربيومن=الطفوف يدفني مع مهافي صايم مصلي مير حظي كفربي=بين القضا والصوم جود كتافي الشاعر / هواش السليمي |
وهذه الابيات مجاراه بينه وبين عيد مربح الرشيدي
يقول عيد
ياعلاوي نجـد علـك مراديـم السحـاب= ديرةٍ فيهـا تربيـت يـوم انـي صغيـر ياطبيب النفس شنهـو عـلاج الاكتئـاب = اعطني وصفة اعلاجه ترى وضعي خطير عشت في غربة حقايق وفي وضع اغتراب =والتجارب علمتنـي علـى شـي كثيـر استفدت من الذيابه ومـن نبـح الكـلاب = واستفدت من الرغا واستفدت من الهديـر ولاكسبت الا معرفـة عزيزيـن الجنـاب = ولاخسرت الامعرفـة عديميـن الضميـر اقترب لا مقترب شيـن بعـض الاقتـراب = ابتعد لا مابتعد شـي فـي حقـي كبيـر ياسؤالٍ كـل ماطرحـك ملقالـك جـواب = مالي الا الصبر واهل الصبر توعد بخيـر وصف خلان الرخا مثل ضحضاح السراب = يفرح العطشان شوفه يحسب انـه غديـر والردي لو هو ولد عم لاتحسب له احساب= كم عزيزٍ ذلـه الوقـت بضيافـة حقيـر والدروس انـواع تطبيـق والا بأنتسـاب = بس انا اللي طبّق الـدرس قـدام المديـر يا غريب ان مت شيلني اليا هاك الهضاب =حط قبري بين عنتر وابـن عمـه زهيـر حطني في مقبرة عبس مرويـن الحـراب =حطني بااعلا علم عبس مروين الشطيـر وان عسرك الوقت نطلع ونرجع للتـراب =ويـارث الارواح الأ لـه الاول والاخيـر اول الدنيا طرب واوسـط الدنيـا عـذاب = واخرتها الموت والقبر وحسـاب عسيـر ياجزيل الملـك يـا كافـل رزق النيـاب =يا الاهي من عذابـك برحمتـك استجيـر ثم قال الشاعر هواش السليمي هذه مجاراه لقصيدة الشاعر عيد مربح
ياعسى جابات عيدالرشيـدي تستجـاب= ياالعظيم المعتلي ياالسميـع وياالبصيـر ياعساها للحيا مدهـل النـوق العـراب= مع منازل مالها دون ضيـف الله خفيـر بعدها ماباس حر ٍ زعل وابـلا وصـاب = يوم عبر صار الأول علـى كـل تعبيـر وان سمعت المغتري حل بالحال اضطراب = والفقير اللي من الـدم والغيـره فقيـر ضاق بالي لين بالجسم ضاقـن الثيـاب = يوم قالوا وافي البـاع للقاصـر أسيـر ولاتكذب لو صياحـه يخـاف الإنقـلاب = ويمكن الأيام عنت لـه الخيـل العذيـر والترفع عن بعض مايكون مـن الأداب =ومن تخير عن وطنكم وطن عنه استخير يارشيدي راجع العقل وارجـع للكتـاب= ماصفت بقعاء لغيرك رحاهـا يستديـر والتظجر ياجمل للجمـال مـن العيـاب =مايجوز أخبرك وأنته خبير أكبـر خبيـر يعطي الله كل صابر على صبـره ثـواب =واحد معطاه يجبر بـه العظـم الكسيـر يالأديب أنته مجرب خسـاره واكتسـاب =داري إنك مطلع ما أنت بالمعنى غريـر والسلام ختام ياعيـد مربـح والحـزاب =والصقاره خذلها دمت طير وخـل طيـر واكثر الخلان داري سراب بـلا شـراب =مار أنا جارك تبينـي كمـي والا مغيـر ماتعذر عنك لو هو ذهاب بغيـر ايـاب = مانذل الـذل ماطـول العمـر القصيـر |
نمسي ونصبح بيـن وده وهاتـه =من عاشق مندب بشكواه مندوب الحـب ياحـي جهـل واجبـاتـه =عـذري ولابـه للمحبيـن ذاروب وحي بـلا حـب شقيـه حياتـه =يعيش طوب وتنتهي مدته طـوب من حـب وراه الدهـر معجزاتـه =مجنون ليلى راح يمشي بلا ثـوب خله ينوح النـوح هـذي طراتـه =معطيه محبوبه من الناس عرقوب يالله ياحام الحـرام مـن غزاتـه =في جاه مانزلت وأليـك منسـوب تجبر صواب اللـي تكـدر مباتـه =من ولعته منفي ومجفي و مصيوب ليته وصف لي يوم وصلت وصاته =والنصر من وهاب للعبد ماهـوب حتى أتصرف بالخبر عـن فواتـه =بأسلوب والا غال الارواح مجلوب ينشد وأنصـي كـل فـج كفاتـه =بر وبحر حق وفريضه وماجـوب وأكتب لرواد الفضا عـن صفاتـه =ونبي نجند له بالاسباب مجـذوب لازم يجي في سيتـه وأحسناتـه =بالطيب والا حبل الاكراه مكـروب وأن كان مانقـدر نجيبـه بذاتـه =جينا وجبنا ثوب يوسف ليعقـوب |
أسمع كفاك الله شرالمصايب=كلام أديبٍ مذهباته أذهوبه اللي مضالي عن هوا البيض تايب=وجددت لله عن هوى البيض توبه وجتني من الخفرات شقرا ذوايب=تشيل بيرق ماتبطل حروبه وهللت وأبديت الفعول العجايب= لين أدبرت معيه وهبت هبوبه وقلت ارحموا ياقوم مدري قرايب=ياعنبرٍ من بندر الهند جوبه قالت لاوالله مارحمك وأنت شايب=الشيب عند البيض كثرت أعيوبه ويالله يامذري نسيم الهبايب=ياخالقٍ عبده وغافر أذنوبه أنك تعرضها لغصن النشايب=واناتخلص خاطري من نشوبه تحطها بحبال خطو القلايب =تغتربه ولا عليه مغصوبه مشوه الصورة قبيح الذهايب=من قرب جسمه يشكي الضيم ثوبه دايم معرضها الجفا والطلايب= وأن قالت اعتقني تنفخ ذروبه |
الشاعر هواش بن عايد السليمي (نايف ابو عفريته) رداً على الشاعر محمد الحداري الذي منها هذا البيت ياعيال ياللي تفهمون الوصاتي وصية اللي جرب الوقت تجريب قصيدة هواش :هي كما يلي
يابو فهد قافك نصاني بذاتي =غفلت والأيام معها نشــاشيب وانا احسب ان ايامنا مقبلاتي =واثر الليالي معطيات العراقيب اللي مظى بالقوه اخذ طـراتي =واسابق السرحان روس المراقيب واليوم اقوم اليا ارتكيت بعصاتي =شانت مشاريبي و زانت مشاريب واخاف من دياني اليوم ياتي =وانا مفلس خالي الكـــف والجيب ياقف بظيق ولايجي بسعواتي = ولا يفهقه عنــي كثير الأصاحيب صح الصحيح ولحفوني عباتي =قليل لين ايكملون المطاليــــــب يبكي بعض ربعي ويبكن بناتي = ومن غب هذا يضحكون النحاحيب وانا شالوني يم داري حظاتي =لقيت ماقدمت مخطيــــه ومصيب مرصود لي به سيتي واحسناتي = لا ازود بالحسنه ولا انقص من العيب يالله يامخرج جميع النبــــاتي =يارازقٍ بالجو عكف المخـــــاليب ياللي بحكمك تمشي الراسياتي =يوم الحساب ويوم نشر المكاتيب ان وقفوا عندك حفـاتٍ عراتي = يرجون عفوك بين مسرور ومريب يرجي شفاعت سيد الكائناتي =حتى العرق معهم تعدى التلابيب |
الحب الباقي مشكور على هذا الجهد الكبير
|
الساعة الآن 06:31 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir