|
ديوان الشاعر عبدالاله القايدي
احساسي يجرح حروف القصيدة=والقلم من دمها يكتب حروفي مشاعري عن واقعي حيل بعيدة=احلامي من واقعي تشرح ظروفي لي مع الليل وسهيل مليون تنهيدة=وان طلع نهاري غابت بسمة شفوفي ضحكتي للفرح لبست ثياب عتيدة=ودموع عيني اغسل بها كفوفي يارقيقة الانفاس زفراتك عنيدة= تقتل الامل فيني ويزيد خوفي |
لمين اشكي عنا قلبي وابوح=كيف والمشاعر بالصمت ملزومة ياويل عيني من دمع(ن) سفوح=ياويل قلبي من زايد سقومه اه من ونتي ومن عذاب الروح=ومن ليل غاب فيه القمر ونجومه مين يسال القلب عن عذاب الجروح=كيف يقدر يجاوب والونة سقيمة لامات الحب وبقيت جروح= مايولد الحب والمشاعر عقيمة هذة النهاية توكل وانت مسموح=يكفيني من عذاب القلب همومه |
لا تجرحيني كل مافيني جراح=مقدر اتحمل من جرحك الم كل عاشق بالهوى قلبه استراح=وانا قلبي من الهجران انظلم اداري دمعي والدمع فضاح=يرسم معاناتي على خدي علم قلبي من الهجران نواح=يانحول جسمي مبري قلم لمين اشكي العنا ياصاح=وكلي على بعضي سقم بالهوى قلبي تذروه الرياح=كيف يجمع شتات بعضه ويلم سهران انتظر نور الصباح= ومن كثر نوحي عيني لم تنم متى تضوي قناديل اللقاء افراح=وتنصهر شموع الشوق من لهايب ضم يارعود الود برقك كمله مالاح=يارياح الهنى تعالي وزميني زم ابرتقي فوق هام الجراح=وامتطي صهوة افراحي نغم ودي اصرخ واقول حبيبي راح=كملي بناديه ولا قلي نعم ودي اجوب بلاد الله هايم وسواح=واكتب معاناتي على صفحة الغربة بدم |
ارحل مع الهوجاس فين مايوديني=واسري مع الليل موادع احلامي اعانق شعاع الشمس ضيها يعنيني=لجلك شعاع الحب وحبي لك الازامي كل مافيني يصرخ يقول احتويني= وكلي على بعضي عطش للحب ضامي اسمع صدى الاهات احسبك تناديني=اركض يم الصوت الاقي الهم قدامي ارجع الملم مابقي من عناويني=واجمع شتات اوراقي ودفاتري واقلامي اجدد بالامل انك مثلي تحتريني=الاقي في حروتي قلب جريح دامي حبك وهم ارجوك من الحب اعفيني=خليني احبك بليلي وخيالي واوهامي اه من قصة غرام بزيفها تطويني=طوت ليلي وانتهت قصة غرامي |
ا
ياشفي وذوقي وخفوقي
لك من الغلا غلا قلب غاليك = لك من الشوق عين تهل دموع اتعبني غيابك قلي فين اراضيك = ودي اشوفك يا دوى قلبي الموجوع احب الحب في حبك و كل مافيك= ياشفي وذوقي وخفوقي انا بك ولوع خذ ايامي ومن الجسد روح واعطيك= بس ارجع واضوي في لقاك شموع خايف بعد الغياب ترجع وتقول مابيك= وتجرح القلب اللي مشالك بطوع يموت من صدك وبعدك وفعل اياديك= ويوقف النبض وصداه بين الضلوع |
متى ترعد سحابة جيتك
امرني الشوق وشوق الهوى امر=امر دموعي تهل على خدي صبايب ان جيت ابنساك قلبي بالهوى عامر=يمسح دموعي وان هلت صبايب كيف انساك وخيالك يجيني يطامر=انت مهجتي وعلتي ودواها والسبايب اسهر ليل الالم والهم معي سامر=وانت ياهنايا عن ليل السمر غايب غمرني بالهوى بعدك محلاه من غامر=ودموع عيني تكتب معاناتي عذايب امسح دموعي بمنديل الاسى بلونه الخامر=ياخمر الهوى من كاسك الراس غايب ياتؤوم الروح اذا ماعليك بالهوى امر=ارجع حبيبي ترى القلب من غيرك عطايب متى ترعد سحايب جيتك وتمطر الهامر=وتهب نسائم فرحتي بقدومك هبايب |
ودعتك الله والعمر فاني
مهما تحاول تبعد وتنساني=انا والله مقدر على النسيان ان كان طبعك بالمحبة اناني=تاخذ ودادي وتجود بالهجران ابعد بكيفك وزيد احزاني=واجرح القلب اللي حبك ازمان غلاك نابع من عمق وجداني=عذبتني وانا عزيز انسان احبك وجنون الحب خلاني=اتحمل عذابك واعاملك باحسان ابكي غيابك لو غيابك ثواني=ويهل دمعي شوق واحزان ونة الم تجرح وتبراني=خلت اعظامي نحايل وعيدان ان جيت ابفرح همي نصاني=ومن زود همي الحزن عنوان ودعتك الله والعمر فاني=قبل المنية ودي بشوفك ثوان خايف ترد بيوم ماتلقاني=وماينوبك غير البكاء وجرح الاوجان تندب الحظ اللي عصاك وعصاني=ورجعك لي وانا جثمان |
تعجب الورد من بكائي
بكيت من وجدي المي وعذابي=نثرت دمعي على اوجان الورودي تعجب الورد من بكاءي وماحل بي=فجفف الدمع من عيني وخدودي سالني هل من حبيبن هجر وغدربي=او عاهد بالوصال واخلف بالوعودي ياورد الرياض كافي وكفى تعذيبي=لقد ذكرتني بالحبيب الناعم الودودي لقد احببتك ياورد ياشبيه حبيبي=في الجمال والقوام وحمرة الخدودي هذة حكايتي مع الهوى ليه التعجبي=فأنت ياورد قضيتي وضمن شهودي |
ياناعس الطرف ياحساس
البارحة امتلك قلبي وسواس=والعين تبكي من كدرها النفس ضاقت من هرجة الناس=وسهامهم صابت نفسي في نحرها القلب ساكن في رياض الياس=والروح تحتمي في قدرها ياناعس الطرف ياحساس=خفايا الروح تسبح في بحرها ياشمعتي في ليالي الياس=انت نور عيني وقمرها امرك على العين والراس=والعين تراك انت نظرها |
احببتها في عهد الرضى
لم اراها منذ عهـد (ن) مضـى=هل تغيرت فيها الملامح هـل مازالت على عهد الرضى=والحب مازالا في قلبها جامح ام تطايرت اهاتها في فضا=واصبح قلبها من الحب بارح ام ترمد بالحب جمر الغضى=واصبح بردا في خلج الجوانح انا الذي كوتني نيران اللظى=لهيبا مستعرا عم الجوارح كيف يكون هواها قد انقضى=وهو لم يزل مع النبض جامح ماناله قلبي من هواها وحظى=غير هجرا وصدودا وسقما جارح لن اكون بالحب من ارتضى=لقلبه بعد الهجر ان يسامح يامن احببتها في عهد الرضى=لا فرق بالحب بين اليوم والبارح |
احبك في منتهى الادب
جيتك وقلبي من الحب ضامي= جفت عروق الهوى افزع غرامي= لا تخدعني بسرابك وتتعب اقدامي= يانحول القلب وجسمي وعظامي= اتعبني ونيني وموج الاهات لطامي= لا تخليني بمهب الريح وزحمة ايامي= ياعصبة الراس وعطر الاكمام وهندامي= احبك في منتهى الادب واحترامي= |
صون عهد الهوى
مهما تخيلت وتصورت ومهما طرالك=مهما رسمت تخونك ضنونك حبي لك ماينوصف اكبر من خيالك=ابعد من مد النظر في عيونك حبي لو سكن قلبك وطالك=يغطي ماطاف من عمرك وباقي سنينك صون عهد الهوى ووثق حبالك=الهوى ماهوب لعبة في ايدينك لو طلبت القلب يفداك وجالك=مدام حسي وشعوري اثنينهم يعشقونك نصيحة لاتسمع كلام عذالك=قصدهم عن درب الهوى يعدلونك حبيبي بالمحبة حطني بالك=مانيب مثل غيري تخدعه سنونك ان تغير بالهوى طبعك وحالك=ومات في رحم المودة جنينك روح وابتعد واعمل مابدالك=لا تحسب انه يردك لي حنينك ان طلبت الصلح تموت امالك=ويموت الحب اللي بيني وبينك |
رسالة غرامي
رسالة غرامي كتبتها بليل المجاريح=ارجوك تقراها وتفهم معانيها حبرها دمعي وونة القلب الجريح=طال بعدك والروح بالموت امنيها ادون عذابي على سطري صريح=عيني عافت النوم سهرت لياليها ياسقم قلبي وانا على فراشي طريح=مريض وجراحي كيف اداويها عذبني بعدك في قربك استريح=جراحي تبرى دام انت تداويها هذة رسالتي لا تذهب مهب الريح=الروح يمك وانت يالغالي غاليها اوزن غرامي في موازين ترجيح=كفة غرامي لك يرجح الميزان فيها |
يجيلك يوم به تسمعي
مزون زخت مطرها على قرى وبلاد=وعيني زخت وبلها وغيابك مدمعي جفت ينابيع الهوى وغصون الوداد=وعيني جفاها النوم والخلايق هجعي ناديتك بقلبي والصدى علي ينعاد=جاوبني ونيني وصوتك ماوصل مسمعي لجل الهوى طلبتك حرام نكون ابعاد=ارجعي دام وصلك مرادي ومطمعي هجرني سباتي وعيني جفاها رقاد=سهران ليلي وغيابك لدمعي منبعي ضيعت عمري مابين تنهيد وسهاد=حني على قلبي اللي يناديكي ارجعي نار شوقي من غيابك لهيبها وقاد=اسعرت وسط قلبي وحنايا اضلعي نار الهوى من غيابك صارت رماد=باقي اثرها في فؤادي عذابي وموجعي طال بعدك والعذاب في قلبي زاد=يجيلك يوم ياضنيني به تسمعي اني ميت ومن مات وكاد ماينعاد=وقتها ارجعي لمي عظامي واجمعي |
عند الوداع
عند الوداع تكدر خاطري=ودموع العين على الخد عابرة ياعين داري دمعك واتصبري=ارضي بالمقسوم والنفس صابرة اعذرني يازين ماغيرك عاذري=يرتاح لك قلبي والروح لك عاذرة قليل مثلك وبالكون نادري= وطيبت النفس عند الخلايق نادرة اودك وانا لك مانيب هاجري=حتى ولو كل الناس لك هاجرة فداك القلب والروح ياناظري=اموت بعيونك وهي لي ناظرة لو تنساني مانيب ناسيك وخاطري=مشغول بك ورسمك على الذاكرة ياقلبي افرح ياروحي تعطري= من انفاس حبيبك والنسمة العاطرة |
الرحيل المر
راحلا عنكم وماهوب يدي الرحيل=قدر مكتوب علينا باليوم والساعة لا للبكاء ودمعك والنحيب والعويل=اغتنم عمرك ياصاحبي قبل ضياعه لا تخدعك دنياك ولا العمر الطويل=مهما تعمر او تعيش العمر ساعة اعمل لا اخرتك احذر التأجيل= اشتري الجنة ترى دنياك بياعة شوف كم فنى جيل وراه جيل=واحنا في خطاهم على الدرب تباعة اسمع نصحي ياصاحبي والخليل=ياولدي وبنتي يارفاقة وجماعة قبل الندم والالم والدموع تسيل=صلي وصوم وديدن بالقران وسماعه |
ارحل رحيل الامس
ارحل رحيل الامس عني وغيب=غياب الشمس عن دنيا سمايا تعبت اسامح زلاتك يالحبيب=ماعاد لك بقلبي مكان ياهوايا اه منك ومن قسوة التعذيب=ياخائن الود وهجرك لي عطايا تشوف دمعي على خدي صبيب=ليه مارحمت عيني من بكايا اسعرت نار الهوى بقلبي لهيب=جمرها بعدك وهجرك لظايا تاهت حروفي وسطري غريب=ضاع الكلام والاه صارت لغايا عشت الهوى مابين شك وريب=وكتبتني خبر بجملة مبتدايا |
الفصول الاربعة
عشت الهوى في كل الفصول الاربعة=عشتها فصل بفصل مع اجمل غرام الربيع جمال حبيبي فاتن ومااروعه=الماء والخضرة ووجهن حسن ياسلام الخريف تساقط نبض الهوى من موقعه=اللي بالهوى مثلي وكاد ماينلام الصيف ياهجير الود والقلب ومدمعه=ياسموم المشاعر بعد عذب الايام الشتاء ياصقيع الحب في زوبعة=ياطقس قارس وبارد من بعد وهج الغرام مين مثلي عاش حب الفصول الاربعة=وجرب تقلبات الهوى في عام |
حبي لك قصيدة
قبل الحروف والسطر ومدادي=اهديك سلام الله يالغالي سلام بصوت القلب عليك انادي=في خاطري بالهوى لك عندي كلام الود ياضنيني زادك وزادي=زاد اللي قبلنا من اهل الغرام يامهجة الروح عشقي ودادي=قلبي في حبك هيام بهيام اعشق عيونك وصوتك الهادي=عشق الحروف لريشة الاقلام ياشبيه الورد والفل والكادي=ياعبق الرياحين وعطر الاكمام سابح في خيالي الغير عادي=مسكنك قلبي واقفل عليك بااحكام حبي لك قصيدة دونتها الايادي=حرفها يبقى على مر الاعوام تعداد ماغرهد على الغصن شادي= نبض قلبي ينبض بحبك غرام |
رضاها رضى الرحمن
امي احبها واموت بحبها بجنون=قلبي من غير حبها زرعن هشيم نبضها نبضي وعيونها صارتلي عيون=ابصربها دربي بظلمة الليل البهيم نبع المحبة قلبها والصدر الحنون=انا من دونها بدنيتي يسموني يتيم الجنة تحت اقدامها وبالنعيم تجزون=رضاها رضى الرحمن والجنة نعيم ياللي هان عليك عقوقها بفنون=عسى يلحقك من ضيمها مليون ضيم تعيش دنياك من بعدها تائه و محزون=تلعبك الاقدار ترميك تلطمك تلطيم في رضاها نسلك عليك يرضون=من تمادا في اذاها وكاد انه غشيم ياغافلا عن رضاها قلي وش تكون=بكرة بظلمة اللحد مرمي كنك ادييم جزاك من جنس العمل مديون=على قد احسانك المثوبة الاجر العظيم الجنة تحت اقدامها بالنعيم تجزون= رضاها رضى الرحمن والجنة نعيم |
اطلال الهوى
تخطيت لجلك الصعب في درب الهوى=ماثناني عنكي ماهو صعب او محال تحمل القلب منك اشد نيران الجوى=طالبا وصلك وتوطيد الهوى باالوصال مرت بنا الايام مسرعة جمعتنا سوى=انا الضمأن للوصل والسراب بنا طال ذاب قلبي في هواكي وبناره انكوى=افترقنا وضاع الهوى وتغيرت احوال طال البعاد مابيننا بعد ماكنا سوى=تهنا عن درب الهوى وتاهت بنا الامال انتهينا وانتهى بنا عهد الهوى=ولم يبقى من هوانا عدا الذكرى والاطلال |
حياتي اصبحت هوجاس
حياتي بدونك اصبحت هوجاس=انظر لها بعين الامل والتمني الالم فيني يحى بدون احساس=اضحك وهو على ضحكي يلمني يحاكيني يقول اني غريب الناس=ماتبلى قال الحقيقة وكل مامني قلبي غريق في بحور الياس=ياشط الامان تكسر المجداف مني تائه ومابقي بالراس نبراس=تاهت بي دروبي وخاب ضني فقدت الامل والظلام وسواس=شتت الافكار بكل وادي ولا رحمني بنات الحور الوان واجناس=واخترت من بينهن من لم تصني |
قلبي غرام سابح في بحره
به الحسن طاغي جذاب باالمرة=سبحان من ابدع وبالحسن صور به نظرتن تفز القلب من مقره=على شفاته يذوب الشهد والسكر به شموخن معتلي هام المجرة=به طيبتن من طيبته الطيب يذكر به عقلن للهايفات ابد مايجره=له بشرتن لونها لون البن الا شقر ان غاب عني اذوب من حره=وروعة حضوره مثل البدر لانور ان حكى ابلغ واسجع لله دره=ان سكت سكوته من ذهب له تجير ان تبسم ياسعد قلبي والمسره=ان زعل زعل قلبي ضاق وتكدر ان مشى الورد والنوير جسره=ان وقف ياقف شموخ واجدر منبع الوفاء والطيب عذب نهره=ياعسى كل دربن يمشيه اخضر قلبي غرام سابح في بحره=من غلاه لوغاب دمعي تحدر |
عطني وعد ولا ابتعد
في المنام وجنح الظلام سمعتك تناديني=فز قلبي يلبي يسابقني في لقاك اتابع الصوت بسكوت وتترقبك عيني=بكل الاماكن دورت لكن مابين محياك طار نومي صحيت همومي ابتدا انيني=يعذبني ويجرحني فين انا من لقاك وهم واحلام والغرام يجرح ويداويني=بدموع وقلب موجوع يشكي هواك انت جرحي انت فرحي وكلك عناويني=همي وغمي وسقمي والعذاب فرقاك تعبت ادور تعبت افكر اه من جنوني=ليه اتصور واتهور عقلي ماذا دهاك جنون وهوى اثنينهم سوى زلزلوني=مابين هواك ورضاك وقسوة جفاك الحكاية هاذي النهاية من قسوتك فيني=عطني وعد ولا ابتعد خليني انساك |
روان سقت عروقي بحبها حتى روانا ( طفلتي )
روان القلب والعين والنظر= احبها موت تعداد اوراق الشجر= طفلتي نبض الحياة وربيع العمر= يافراشة رياحيني ياعبق العطر= فيها جمال الكون وروعة بشر= كل مافي الرياض من ورد وزهر= ان غابت عن العين غاب النظر= ياهدية الرحمن في ابهى صور= جادت علي بحبها بفيض نهر= يارب صونها اطل فيها العمر= |
معشوقة القلب ينبع الديرة
لي ديرتن شمال ارض الجزيرة=ربعها من كل صوب لها ينصون ان جابوا طاريها يازينها سيرة=من غلاها ربعها دوم لها يطرون نحبها وفي حبها نكمل مسيرة= اجدادنا اللي كانوا لها يحبون معشوقة القلب ينبع الديرة = وقريتي سويقة ماشافت مثلها عيون رجالها اهل الوفاء نقيين السريرة=اهل الكرم وللضيف يقروون لي بها ذكريات الطفولة الكثيرة= لي بها زرع ونخيل وعيون ياحلا بردها سمومها وحر الظهيرة=والصبا لا مالت معاها غصون المقرح لاثار الملح وعلا دوي زيره=رجالها بالملعبة حرابي يلعبون شيخنا ابو محمد شيخ العشيرة= نبراس ورجاله معه دوم يوفون صلاة ربي على هادي البشيرة=تعداد ماهل من وابل مزون |
هل افرح بغرامي عند الوصول
بكت عيناي عند فراقها والرحيل= كيف لا ابكي والموادع اصيل= ربما في البكاء تخمد نار العويل= غاب عني قلبي ونبضي والخليل= ياصبري صبرا ان عذابي طويل= تشمخ الاهات بي شموخ النخيل= هل تدنو المسافات بعد الف ميل= هل افرح بغرامي عند الوصول= |
ارجع كما كنت وحبني بجنون
اه لو تدري عن سبب دمعي الهامر=اه لو تدري بغيابك كيف اكون اصعب من كلامي جرح المشاعر=اصعب من بكايا حزن العيون الليل كان بروعتك رهيب و ساحر=والنهار بحضورك زاهي ومفتون تعود الطير على ان يهاجر= هل رأيت طيرا يعشق السكون كيف لي ان احلق واسافر=في سموات المحبة والقلب محزون كيف اكتب قصيدي باحساس شاعر=وحرفي نزف المعاناة والالم مكنون هل يجف مع النسيم دمعي الحادر=كيف والمحاجر تهل دمعها المخزون ان اردت احزاني ان ترحل تغادر=ارجع كما كنت وحبني بجنون |
لا تدعي الحب وتمثل الادوار وتخدعني
ان كنت كاذب بالهـوى ابتعـد عنـي= ان كنت صادق هـواك كـل مامنـي= احبك باحساسـي وصدقـي وضنـي= لا تدعي الحب وتمثل الادوار وتخدعني= انا منايا ياهوايا الوصل بك يربطنـي= ان كان حبك تسالـي بالله لا تعذبنـي= ان كنت صادق بحبك تـراك تعنينـي= ترى من حبني باع احبـه ذراعينـي= |
احكم علي في 25 سنة تأبيدة
احكم علي في 25 سنة تأبيدة
اببتدي وياك بالهوى صفحة جديدة= لاعاش الفراق وعسى الله لا يعيده= بعدك سبب ونة القلب والتنهيدة= قربك هناي والهناء قلبي يريده= مدام احبك ليه المشاعر بعيدة= حبك ملك شريان القلب ووريده= احكم علي في 25 سنة تأبيدة= |
ماعاد لي في هواك لزوم
احبك في حضورك وان كنت غايب= قلب الهوى لاصار بالهوى ذايب= لا تخاصمني وتزعل وانت السبايب= كيف تبعدني تعذبني واحنا حبايب= هب نسيم الجفاء من يمك هبايب= كل اللي جنيته من هواك نار ولهايب= اببديلك العلم والعلم في قرارنا صايب= تراني زهبت نفسي لنسيانك زهايب= |
خطيت ودمعي حبر على صفحة امالي
مسكين قلبي من الهوى صار خالي= هجرني حبيبي وشلون وقلبه منزالي= خطيت ودمعي حبر على صفحة امالي= بكيت من همي ودمع الالم همالي= مانيب شاعر غصبن علي طلعت اقوالي= |
غيابــــــــه رأس مالي
كل الحكاية حبيت من لايرحم=يشوف دمعي على خدي ولا يبالي ان سالته ليه للقلب تظلم=لقيت صمته يجاوبني على سؤالي نهاري صار كما الليل مظلم=وافراحي تساوت مع سود الليالي امر الهوى عنده صار مبهم=ومات الهوى على سدة امالي صوت الهم يناديني ويزهم=على لسان الالم من عمق غربالي عذابي صار من العذاب اعظم=والحزن صار لي رسمي وتمثالي يسألوني عن حبيبي قلت الله اعلم=مادروا ان غيابه راس مالي ماظلمته اله الكون وحده اعلم=من االخائن ومن الصادق فلفعالي |
غيابك هيدروجين
اه لو تدري وش كثر عذبني جفاك= بعدك جروحي هذا مافعلت يداك= ان طلبت الوصل قلت لي جاك= حبك دنيتي قلبي وروحي ياملاك= دالهن عني وانا اللي ماقدرت اسلاك= كم حاولت نسيانك ماقدرت انساك= يفز قلبي بحضورك وروعة محياك= حياتي بدونك موت قلبي والهلاك= ان جيت احبك موت واتنفس هواك= |
مخادع ومغرور
كيف تبعد وانا بالهوى نبض قلبك= كيف تجرح بالجفاء قلب ( ن ) يحبك= لجل غلاك فرشت الورد في دربك= انا ذنبي الهوى وانت البعد ذنبك= اخلصت لك بالحب وقلبي ماغدربك= سرابك غرورك خلاك تتبع سرابك= تتبع اهواءك وكل ريح تسريبك= توني عرفتك وتو قلبي درابك= |
هجرتني بلا حد وقياس
هويتك من بين كل الخلايق= بغيت الوصل منك دقايق= عاقني عن شوفكم يازين عايق= اشعلت بجوف الحشى حرايق= بالهوى لكم عندي وثايق= اليوم تبتعد بكل الطرايق= |
لاتغيب عنـــــــــي
الغرام اللي بقلبي كله لك= كل العواطف اللي فيني تسألك= احكيلي عن الحب ودي اسمعلك= لاتغيب عني خليني بقربك ملك= لاتبتعد وتظن الهوى يشفعلك= ممكن اضحي لجل الهوى ولجلك= |
وش يفيد الحب من طرف واحد
كل ماقربت منك عني تباعد=اثاري القرب منك والله صعيب اتعبتني وانا في قربك اجاهد=ياتعب قلبي بالهوى ماله نصيب وش اللي على قربك يساعد=وانت عني في كل لحظة تغيب اشوف قلبك للحب دوم جاحد=تعلملني بالجفاء كني غريب يامهتني في طول ليلك وراقد=وانا سهران ليلي اودي واجيب يالهد روحي وقلبي والبعد لاهد=ياشين حظي يوم عيا يصيب وشلون احظى بوصلك الواعد=وانت قلبك لقلبي ماهوب حبيب وش يفيد الحب من طرف واحد=غير العناء وقسوة التعذيب |
ضاع الهوى وضاعت سنيني
حبك ملكني ملك قلبي ونبضاتي=اصبحت فارس هواك مامن يوازيني حسبت ان القرب منك بداياتي=انهيتني يوم انك في البعد مجزيني ودي اعرف وش ذنبي وسواتي=ليه طول الوقت وانت مجافيني الشوق خلاني ابكي واهل دمعاتي=ماينطفي شوقي والبعد كاويني شكيت همي على لسان اهاتي=ونتي من اعماق همي تحتويني بعثرت حروفي على صفحة معاناتي=صارت جمل على سطري تحكيني البحر حزني وموج الهم عاتي=الاه مجدافي ومركبي صنع احزاني شوف حالي وماجرى منك ياغناتي=مشيتني بدرب الالم وبيدك موديني وش حيلتي غير صبري وسكاتي=شايل هموم القلب على كفة يميني اه من همي من حزني ولوعاتي=ياصبر قلبي على هم ( ن ) يحتريني وجه العناء واقف في وجه ذاتي=طاح حظي من قبضة ايديني خليتني في الهوى اشكي حسراتي=ضاع الهوى مني وضاعت سنيني |
ليتني لم ارجع للماضي ولم ارى
وقف يازمن رجعني للورى= رجعني لماضن به محدن درى= رجعني لليل اللي بيا سرى= رجعني للحب الاول ودي ارى= ودي احكي له بغيابه وش جرى= ابيه يعرف ان الزمن بي افترى= ودي اقله انتظرتك وقلبي احترى= الانتظار كم باع فيني واشترى= ليتني لم ارجع للماضي ولم ارى= حبيبي رحل يرقد تحت الثرى= |
الساعة الآن 06:12 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir