ديوان الشاعر عبدالملك الرحيلي
والله ووالله ثـــم والله ووالله=ما أعنيك أنا مشغول مالي ومالك إدرى القسـم بالله لا تستقـلّـه=لايجرمك شنآن سـوء إحتمالـك وإن كان ماصدّقتني فيـك علّـه=علل وحللني على مـا بـدا لـك ترى وهبت النبض والقلب كلّـه=للّي أسرني ليـت ريّحـت بالـك كلّه وفاء له والوفاء فـيْ جبلّـه=إن أقبلـت ولا تـوارت رحالـك إرجع لرشدك وإرتقـي مستغلّـه=لاتتبـع أوهامـك وتنبـذ مآلـك هذاك مامثلـه مـن الغيـد للّـه=مير إستريح وهدّني من خيالـك نجم وعبث إنك تحـاول تصلّـه=حبيت أنوّه لو طرى ماطرى لـك أبحتفـظ فـي ياسمينـه وفُلّـه=خايف عليه إمن الحسد طاب فالك وأعد خصلـه واحـده مستجلّـه=في ناظري تسوى عظايم خصالك يفوح مـن ليلـه إذا قـام فَلّـه=عطر يغمرني بالسعاده لذا لـك! قـلْ للمعنّـى لا يوهّقـك قـلّـه=يموت في سيده ومالـه ومالـك |
يا سرّ نبض الخافق ويا لُبابـه=ياهمّه إليا شاف مـا لا يسـرّك يا مصدر إلهامه ولغز إكتئآبـه=إذا إبتسمت وزايد الحسن غرّك يكفي ذبحته عنفوان وصبابـه=إن شحّ خيرك يكفي الله شـرّك لإجلك توسّدت الشعر والخطابه=أهيـم لامـن قـلـت لله درّك يشكي سؤالي من فضول الإجابه=إن كان قلبك مثل قلبي تحـرّك متى تحن وتضمحـل السحابـه=اللي إحجبت نورك وعنّت مُبِرّك أبغاك نصّ ٍ مايعـرف الرتابـه=يعني يناسب في خيالي مقـرّك فيه الحنوْ وفيه حتى الصلابـه=أنا أستلذْ بحسن كـرّك وفـرّك ولا إعتبر فحوى قصيدي دُعابه=قصّه طريفه عابـره ماتضـرّك يا سرّ نبض الخافـق ويالُبابـه=الله يكفينـي ويكفيـك شـرّك |
يا أحمد عليك الله خل الصـوره=مهما فعلت القلـب ماهـو دالـه أنتم بكيتم فيـه بـوح إشعـوره=وأنا بكيتـه عمـر مـرْ إبحالـه طيفه معي في كل شبـر ونـوره=يسمر معي فـي حلّـه وترحالـه في أي ركـنٍ داخـل المعمـوره=أتخيّلـه وأكلّمـه مـن مـالـه ماهو غريب الحزن وقت إسروره=يكثر من الآهـات فـي موّالـه ولاهو غريب الجسم فيه إظموره=كلّي ترى مـن راح ذا منوالـه لا تلوم دمعي لا خرج عن طوره=لحظة مـرور الذكريـات إقبالـه عمّ الجفاف إبعينـي المعـذوره=وألحقت دمع العين مايبـرى لـه في داخلي قامت من أجله ثـوره=بقيادة الأشـواق حـزب الوالـه حتى غشيت من الألـم لمـروره=في ناظري كل مانظرت إعيالـه يا أحمد عشاني قوم ردْ الصوره=تتعب وعمر القلب ماهـو دالـه |
هذي قصيدة نظمتها في شاعر حرب المغفور له
بمشئة الله تعالي (صياف الحربي) أقول فيها
الله يعظّم أجر بيـت القصيـده=ويحسن عزانا في بديع الفرايـد يشكي ونبكي من موادع فقيده=ماله شبيهٍ فـي جميـع البدايـد إمن المثايل مايخلّـص رصيـده=ماهن هزال وكل أبوهن جدايد الشعر عقبه بات ينزف وريـده=وأصبح عليه الصبح هالك وبايد في ساحة المعنى قرينـه نديـده=عن جيله إمن الغير فارق وزايد طلاسمه مضمون جملـه مفيـده=مدفونةٍ في لغز بالحيـل كايـد في ظاهر المغزى تصنّف زهيـده=دهاء ذيب وحسن تدبير قايـد لاجيت أبحصرها المزايا العديـده=تاريخ ماتوفيـه غـرّ القصايـد أنا أشهد إنه فاجعتنـا وليـده=عساه للجنّـه بديـع الفرايـد |
مسكين ياللي وهّقـك كبريـاءك=درب الرجوع أشواك خزي ومذله مدام حكت مـن التعالـي رداءك=لعـل همّـك مايخفّـف لعـلـه إجنـي نتائـج عنجهيّـة ولاءك=حبك لنفسك دمـع يأبـه تهلـه ماهو شماته بس هـذا جـزاءك=لا والله الا كـان هــذا أقـلـه انت الوحيد اللي وضعت الشراءك=محور محال انسان غيرك يدلـه مسكين في عيني ونظرة أولئـك=اللي تعرف العلـم دقـه وجلـه يحق لأهلك في حياتـك رثـاءك=عقدت حبل ولا انت قادر تحلـه فيك الشهامه منك تقبل عـزاءك=فيها لو إنك كنـت دافـع وعلـه |
علامك يابعـد عينـي علامـك=ورب البيـت مذهلنـي ملامـك أنا من قمّـة إشموخـي لفيتـك=عشان أرضي غرورك وإتهامك وش اللي قلته وضايقـك منّـي=أبـي أعـذرك وأبـرر كلامـك لو إنه من سكوتي ضاق صدرك=تحمّـل عاقبـة قـلْ إهتمامـك وإذا كان التصرّف منك عفْـوي=مصيره باكـر إيقـلْ إحترامـك ترى عمر العطاء من جنب واحد=قصير وباقي الفرصـه أمامـك كفايـه تستفـزّ آهـات قلبـي=تخبره زين مايقـوى خصامـك بعدك الكون يظلم فـي عيونـي=لأن الشمـس مغربهـا لثامـك إبيك إتراجع الماضـي وتذكـر=من اللي حدّك وغيّـر نظامـك معايه وأنت كنت اللـي تـداري=على الإحساس في نبرة سلامك دخيلك وإن قريت اللي نظمْتـه=تجاوبنـي وتشعرنـي علامـك |
صعب تثبت إن حبّـك لـي يفـوق=حبّك اللي صار لـي بيـت وطـن مهما كان إحساسك المرهف صدوق=مايضـاهـي عُشرإحسـاسـي إِذَنْ صعب مايمديـك تضئْيـل الفـروق=بينـك وبيـن إنفعالاتـي زمــن إيه حلم وعذّر إمـن الحلـم فـوق=إن غلبتـك فيـه عـادي ولْيَكُـنْ ألمهـم إنـك غروبـي والشـروق=قبلـة الأفـراح يمّـك والـحـزن مستحيل إتهون يالمهـر السبـوق=وأنت لك من خلف أظلاعي سكـن أنت واللي صوّرك مـن بيـت ذوق=مـا تِكِـنْ ولا تِ. إن ولا تِـمِـنْ كيف وأنت إمن العطاء يسبقك شوق=دوم أشوفه فـي قصيـدك مندفـن لازم الكفّـه مـن إهيامـي تفـوق=دام حبّك بـات لـي بيـت وطـن |
أمانه ياقصيدي والأمانـه غلطـة الإنسـان=حملها فوق متنه ظلـم مستهتـر ومترائـي أبيك إتهذّب البنت المسمّيهـا بلـى عنـوان=من أوّل صفحه إمن الترجمان اللي من إيمائي تحاول قدر ماتقدر تجنّـب نبـرة الشرهـان=بموت السرّ في صدرك ولو عارض أحبائـي ولاتدلي بدلوي وسط بئر المهزلـه نقصـان=لأنه سيّـد الأخـلاق مـع ملهمـك تلقائـي بذلت اللي بذلته ماقصدت أكسب وراه إحسان=من اللي كان مايملك محال يحقـق إغرائـي أنا ماودي إنـه يضمحـل ومـا كأنـه كـان=ولكن ودي إنك تـدرك إن ببوحـه إنهائـي على رسلك تريّـث لاتهـوّر بالخُطـا إبّـان=تدنّي لائمي لا تفـرح الدانـي مـع النائـي قسم بالله واللي طوّعك يامـا كثيـر أحيـان=عشان أكبح جماح الشر فيْ أخالـف آرائـي وإذا صمت التعقّل ذاربي في نظرة العميـان=عسى ما أبكيه مادامه منكّس رايـة أعدائـي |
يابنت ياللي نظرتـك جذابـه=لأنك على مسك الحلا مفطومه حرفي ليامننه ذكـرك إنتابـه=شعور يشعل نار غل اخصومه مادام حسنك يستثير إعجابـه=تبقين منبع فكرته وإسلومـه كذاب من قال الـدرر تتشابـه=وانتي بظفرك تفرقين السومه محبتـك يامهجتـي غـلابـه=تجلا عن الخافق جميع إهمومه واللي بعث فينا النبي مانابـه=قلبي معاك الشـك يامظلومـه لو إن سوء الحظ بيين نابـه=منتي بعين اهل الوفاء مذمومه لابد في يومن يعيـد إحسابـه=اللي ظلمك ويعتذر من يومـه واقول له عمر الثقه ما تابـه=لو شككوا في فرطها المظلومه |
على الوعد لا زلت أنا في إنتظـارك=كانك نسيت الوعد لا يمكـن أنسـاه ما القصد كان إتحطني في إعتبـارك=وين إحتـرام الوعـد أسألـك بالله إلا إذا يرضيـك وعـدي غـرارك=إشرهه عليّ إن قلت في غيبتك آآآآه لا يكون طبعـك أيّـده مستشـارك=جبلّتك تفـرض وتتطلّـب إرضـاه حبّيـت فيـك إمعانـدك لإنكسـارك=لو كنت ياما كنت في إحروفك أقراه وحبّيت فيك إصروف بردك ونـارك=لا أقبلت واويلاه وإن غبت ويـلاه وحبّيت فيك أستـاذ كـل المـدارك=اللي بغيرك شـرط لا يمكـن ألقـاه واللي ذبحني فوق جمـر إنتظـارك=قـل إحتـرام إمواعـدي منـك لله |
(( مجاراة لقصيدة الشاعرة/ حنان الحربي)) تقول الشاعرة// حنان الحربي:
حبيبي لو نويـت تغيـب ليلـه=ترى يا للأسف مالـك وسيلـه وجارى القصيدة الشاعر/ عبدالملك الرحيلي:فراقي صعب جـدا يـا حبيبـي=ومن يقوى على هجر الأصيله ؟ تغيب شهـور وايـاام وليالـي=وبن الشـوق مخلـوط ٍ بهيلـه وحالك ضايق ٍ والخافي أعظـم=وحملك ما قـدر متنـك يشيلـه علامات الأسى من فوق خـدك=كأنك شايـب ٍ مـا فيـه حيلـه قسـم بالله مـا تقـدر فراقـي=ولا تلقـى أبـد مثلـي حليلـه أبادلك الغـرام بقلـب صـادق=وتكحّلك العيـون اللـي كحيلـه ويحرسك الهدب من كل عـاذل=ولو ماله ترى غيـر الفشيلـه واذا ضاقت عليك الأرض دايـم=ترى قلبي هو اللـي تشتكيلـه اغطيـك بحنـان الكـون كلـه=إلين الهـم مـن قلبـك أزيلـه وعنوان القصايد فيـك وحـدك=ولو عارض على قولـي قبيلـه أحطك في صدر بيتي وعجـزه=واصخر لك بيـوت ٍ مستحيلـه وأحطك فـي كتاباتـي ونثـري=واحطك فـي مقـالات ٍ جميلـه واحطك وين مدري وين احطك=بوسط القلـب ؟ لا والله قليلـه لاني من كثـر شوقـي وحبـي=فمهما قلت احس انـي بخيلـه فلا تنوي تغيـب اليـوم عنـي=لانك للإسـف مالـك وسيلـه
على لحن الوجود اللي يبي لـه=حضور ومفـرداتٍ مستحيلـه سـلام يوقّـره كـل عـاقـل=مجال الشك لايمكن يجـي لـه على مهر الحصان اللي مؤصل=أبـوه وشدّنـي يمّـه صهيلـه لأنك في عيونـي مثـل إختـي=وجسّـاس يتفاخـر بالجليلـه يقـدّم لأجلهـا مالـه وحالـه=إذا حمْي الوطيس وشْـد حيلـه عسى الله يحرسك من كل حاسد=ويبعد عنْك أصحـاب الرذيلـه ويحفظْ لـك حبيـبٍ تعشقينـه=لأن الفانيـه جــدْاً ضئيـلـه وإذا ناور وشاور فيـك نفسـه=على أنه بس يلقى لـك بديلـه ورب البيت مايفقـه ولا هـو=من اللي يستحقـون الأصيلـه أنـا والله مـا أعرفـك ولكـن=ردودك تنسبك لأهل الفضيلـه فراسه والفراسـه فـيْ فطـره=على نهج الرجال أهل الجميلـه ولا أرجي منك لو حتى ثنائـك=لأن القلب يخشى مـن نزيلـه ماهوب خوف لكن عهد قاطـع=على نفسي خذيته فـي سبيلـه لأن الحب لو له وصف ممكـن=أنا أشهد إنها هـي سلسبيلـه أنا آسف على مجارات شعـرك=لو إني قلت لك مافيـك حيلـه |
أقنعيني
ليه ياللي صرت لي مثل السراب=أطردك ظامـي وتروينـي جفـا ماكفاك اللي مضى من إغتـراب=تعشقين البرد في وقـت الدفـا شاطئِك غامظ ويغشاه الضبـاب=والأمل زورق على المرسى حفا شاب قلبي وجد في عزّ الشباب=من سخافـة إعتباراتـك أَفـا! ودْي أعرف سرّ ذاك الإضطراب=الأكيد اللي عـن الشكّـه رفـا خوف ولاّ شك قولي لي جـواب=أو تغلّـي لا تعنّيـنـي كـفـا من رحلتي صغت أنا والإكتئـآب=عقد صلح ولين تلفيـن إحلفـا قبل يغري شرهتي عرض العتاب=أقنعينـي بإعتبـارات الجـفـا |
البارحه ياليت باليد ما تفوت=كنايةٌٍ عن وقت بسم الضروره لاحظت فيك الشوق من نبرة الصوت=ياليتها كانت مع الصوت صوره من يومها لليوم والقلب مكبوت=يخفي معاناته بكذبة سروره ماهو حرام!تعرّض القلب للموت=وانت تخبر اش كثر مرهف شعوره لاتتركه للبرد خالي من القوت=حاول دخيلك في منامه تزوره كانك تجيد اللعب يامحترف شوت=ماني ترى يامورّد الخد كوره من يشتريني حب لا شك مبخوت =اشفق عليه من الغلا في حضوره ومن باعني والله بهدوء وسكوت=انزع غلاه المحتدم من جذوره من غبت في عيني غدا الليل تابوت=وجهه غشاه الحزن لغياب نوره لامن ذكرت الشوق في نبرة الصوت=العن أبو جد الجهاز وقصوره |
ياللي ذبحني برودك حسبي الله عليك=كم ودي أقتصّ لكن ما أقدر أزعّلـك من جد لا لا تطوّلها نفوري وشيـك=لا تقول ماقلت لي من بعد ما قلت لك يأأأني أحبّك محبّه واللي ماله شريـك=مير إنتبه من جنوني فيـك لا يقتلـك أتْخيّلك في منامي وأتحسّـس يديـك=وأحظنك بالحلم وأصحا قبل ما أقبّلـك أبيك بكره وبعده طول عمـري أبيـك=تشتاق لي كل لحظه مثل ما أشتقت لك أبغاك تثبت بفعلك جملة أمـوت فيـك=عطاء وغاية مراده قلـب عبدالملـك الى متى وأنت بارد حسبي الله عليك=لا يخدعك طول بالي مثل ماقلت لـك |
يهنّوني على بوحي وأنا شعري نزيف إجروح=غريبه كيف أحبائي على نزفي يهنّوني وأنا واللي خلقني لو تعاندي حروف البوح=أموت أمن القهر وأخاف ماتسترني إعيوني زهقت إمن الجهات الأربعه محتار وين أروح؟=الا يالله ترحمّني بعد ما ضاق بي كوني صحيح إن البنادم مايساويّ شي دون إطموح=ولكن الطموح اللي رجيته راح من دوني على غير الرضى منّي وداعاً ياوليف الروح=وفاءً للعطاء من يوم مابيّحت مكنوني أجاهد في سبيلك والمصيبه ما تمل إجموح=أحسّن فيك ضنّي وأنت دايم تخلف أضنوني رصيدك كبرياءك يالحنين أرجوك كفّ أصدوح=غناءك ماطربني لا ولا حرّك لي أشجوني |
الساعة الآن 07:37 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir