ديوان الشاعر .. مخضور بن يحي بن عبيد المجنوني
نبذه تاريخية ( المصدر .. كتاب أهل الكسرة )
ولد في مكة المكرمة سنة 1353هـ و فيها نشأ و تلقى علومه اشتغل بالاعمال الحرة ثم التحق بالعمل الحكومي في البريد ثم انتقل للعمل في ميناء جده الاسلامي ثم انتقل للعمل في امارة منطقة مكة المكرمة و انتقل الى رحمة الله عام 1427 هـ شاعر مبدع و مثقف له اطلاع واسع في الآداب و العلوم و الموروث الشعبي . تجد له آثار ثقافية في كسراته المختاره و بينه و بين الشعراء محاورات و مراسلات و الى جانب الكسرة له ابحار في فنون الشعر الاخرى شعبيها و فصيحها يقول رحمه الله " ان بعض الكسرات قد تثير بعض سامعيه و تحرك في نفوسهم شجونا ً و معاني غير التي عناها الشاعر او المغنى و ربما سمعت لتأثيرها زنيفا ً من الاعماق " و في هذا المعنى يقول
يا كم كسرة صداها آه = صابت مواجع من المضنى واحد يغني على ليلاه = و آخر زنيفه على معنى |
و حول الليل و شجونه يقول
يا ليل كم طال بي مسراك = حتى بلغ مطلع الفجري يا ليل طول السهر واياك = كله رجا ليلة القدري |
لا و الله الا غدينا أغراب = من يوم ما لاح فينا الشيب أنكر علينا هوى ثلاب = كن الموده علينا عيب |
و في الشكوى
يا رب تعلم سبب شكواي = من دون ما اقول كيت و كيت الهم أضعف شديد قواي = ما حيلتي غير ليت و ليت |
و يقول حول النزاع الذي يحصل أحيانا ً حول القائل الحقيقي
لكسرة ٍ ما . او جزءٍ ما و عدم سلامة اي شاعر من ورود غصن او معنى لغيره من الشعراء دون علمه لصعربة الاحاطه بنا تقذفه المطابع و الصحف و البرامج الاذاعية . فان توارد الخواطر كما يقولون و تواقف المعاني واردان . لا سيما و ان الشاعر لا يود لتفسه الاحراج فيقول
من كثر ما قالوا الشعار = بي خوف تكرير ما قالوا و لا ينقبل مني المعذار = و احرج ليا منهم سالوا |
الحب هملي و لا له ضد = و اهل الهوى ماشيه طوعه ما منهم اللي جعل له حد = و يجزاه في الهجر و اللوعه |
ما دامه الحب متواجد = في ساحة أهل الهوى نزّال ما في المحبين متقاعد = كل ٍ على شقوته ما زال |
اللي تميز به الكسرات=عما سواها من المنظوم أغصانها شبه توقيعات=حاكم يوجه بها محكوم |
ومن الاجتماعيات كسرة لا تخلو من الطرفة
مسكين يفخر بلبس الكاب=ويفرح ليا قلتله كابتن مسوي هيامة على الشياب=شكله خواجة ولا يرطن |
هناك أسئلة يتساءل عنها المرحوم ربما وجد لها إجابات وربما لم يحصل على اجابة
. .
سؤال ترجى إجاباته=من واسع المعرفة هودار الود هو الهوى ذاته=و الا الهوى يختلف في الكار |
وأيضا على ما يحدث في الشوارع من تصليحات قد تكون مؤذية
مايصير يا صاحبي ما يصير=هذا الذي بالبلد جاري كل الشوارع بها تحفير=طفح المجاري وصل جاري |
وفي الأصحاب
ماهو على مبتغى الخاطر=اللي لقيته من الأصحاب الثلث منهم طلع غادر=واللي بقى أكثره نصاب |
وفي مضي الأيام
أيام زلت بلا ترشيد=ضاعت من العمر .. باكيها وأيام فيها ... بلا تجديد=شابت كما شاب .. راعيها |
ياليتك تشوف يا عنتر=والناس ما حالهم حالي راحوا مع الدش والأنتر=في غير ما يرضي الوالي |
راسب في درس الهوى ومعيد=واستاذي اللي مرسبني نقص المعدل بقى تعقيد=في درسه اللي معذبني |
يا من يفيد الذي وضعه=محسوب بين الرجاء والياس صابه هوى والهوى طبعه=يضنى ويسقى مرار الكاس |
آمان ياربنا آمان=ماشي باقي على العاد حتى الهوى راح جنتلمان=مابين نقصان وزيادة |
يازين نار الهى ماطيق=خايف وشارد ولا مني مالي وماله نشاف الريق=مبعد عن الشر ومغني |
أطلبك يا صاحبي كِسرة=قصدي أبلج بها ريقي وتقول بيتين من كَسرة=دندِن بها لحن تشويقي |
أهل الهوى في الهوى غرقا=أضناهم اللي يعانونه من لوعة الهجر والفرقا=الموت ما عاد يخشونه |
في صحوها والسما زرقا=رسمت له صافي الصورة واليوم صمم على الفرقا=أقفى جفا واختفى نوره |
ما أطيق نار الهوى ما أقوى=وابديت لاهل الهوى عذري تايب وعازم على التقوى=باقي على حبي العذري |
من طبع متذوق الكسرات =مايوم تلقاه ساليها با غصانها يلحق الونات=مما تثيره معانيها |
أمر الهوى حسب تقديري=سراب وخداع من أصله ومن لا يصدق بتقريري=مخدوع في الهوى من جهله |
لي في المحبة قياس ورأي =في ما يقسر معانيها مثل الأنامل تداعب ناي=بانفاس واشواق راعيها |
ياليت ان البخوت تباع=وأبيع بختي بما جابه مادام للمصلحة مضياع=مالي بلاماه وانشابه |
وافكري اللي غدا أشتات=حيران في اللي نسيت اسمه يطلبني أهدي له الكسرات=ودل المحبين بالحشمة |
عيني على من عشق يازين=ما شاف من يمكم رحمة أمسى معود بخف حنين= ويده على موضع اللطمة |
للأحمدي رأي ماأزله=تحديد بيتين للكسرة وما زاد مملول ونمله=وما قل يغني عن الكثرة |
راح الهوى وانتهى جوشه= وفي عهدتي ما بقاله شي لكن ذكراه منقوشه= في القلب تجرح وتشوي شي |
اللي من اول لنا ميلاف=واليوم قالوا لنا برية عز الله ان الهوى ينعاف=مادام حاله كذا اخيه |
يارب تعلم سبب شكواي =من غير ما قول كيت وكيت الهم أضعف شديد قواي =ما حيلتي غير ليت وليت |
ان شاء الله أكمل الجزء المتبقي من الكسرات والمراسلات
|
كسرة لما مات الشيخ زايد وياسر عرفات قبل رمضان
أشرقت ياعيد بالأنوار=يوم العرب جاك عانيها الشيخ زايد وابو عمار=ياعيد واجب تعزيها |
الساعة الآن 11:49 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir