|
ديوان ألغاز الشاعر / علي بن زيد الفريدي (رحمة الله عليه)
يامرحبا ترحيبة مضمونه = وهذه الالغاز يامدورينها (1)وشالفتاه اللي عملها بعينها = مع دورة المفتاح تذبح جنينها تنفع وبعض اوقات مكروه نفعها= وبعض العرب ينقد على حاملينها (2)وانشدك عن بنت تغير بلونها = وتبدله خفيه على راي عينها تاكل ولا تشرب ولاتنقل الخبر= ولاحد من اهل العرف يعرف رطينها (3)وانشدك عن بنت كرمها عذابها = وعيالها في شكلها مخالفينها تدخل على الحكام ماتطلب الاذن= واهل اليدين الماهره هايبينها (4)ونشدك عن بنت توصف بعزمها = اغرب مافيها في حشاها يدينها ليا منعت الدهن عنها توفت = وفي بارد الما في عملها تعينها (5)وانشدك عن زوجين والاسم واحد = اللي تسوي خير ونته تهينها مطاوعه لامرك وتشتال حملها = تنقل وهي تعطف على حاملينها (6)وانشدك عن بنت جميل قبالها = تقابل الحسنا وتعلن بزينها تحملك وتقلدك ونت تحملها = وتجاهل اللي واقف عن يمينها (7)وانشدك عن بنت كثير حضورها = وحضورها بمقدمة راغبينها جوز ليا شفته وباسم مؤنث = وتزود النعمه على حاملينها (8)ووشبنت دايم شغلها هو عماها = ونحولها على عملها يعينها تاكل ولاتشرب وكل قناها= ونجاحها منسوب لصانعينها (9)وانشدك عن عود يسارك بشاربه= وابنه تحت يمناك ما هو يمينها ابكاه وصياحه وضحكه تشابهو = معروف في قاسي حياته ولينها (10)وانشدك عن رجل عطوف بشاربه = وكل البشر جمايله حافظينها طيب وكل الناس ذاقوا فوايده = حتى وحوش البر يجبر جنينها (11)وانشدك عن عود اعروقه تجانبه = عدلات وعيال الرضا مجودينها وكبار عياله كلهم وصط بطنه = وبنته تثبت روسهم وصط عينها (12)وانشدك عن ورع تزوره وتكرهه = في حلة ساس الشجاعه سجينها تشاهده بالعين مانته بتقربه = لان فعوله كلها خابرينها (13)وانشدك عن عود برك في مكانه =في خدمة المخلوق نفسه يهينها ثبت على رجليه واحتل موقعه= ياطالب الراحه تجي له بحينها (14)وانشدك عن رجال بالفعل قاطع = ياقف حمى بين العجوز وعنينها لايمكن الرجل الغريب يتجاوزه = مادام هذ الرجل بينه وبينها (15)وانشدك عن غشاش تنفاه المدن = معروف في كذبه ونفسه يدينها ياقف مواقيف الشجاع المحذلق = وينحاش عنك وعلته خابرينها (16)وانشدك عن بنت قليل جمالها = وعيالها بيدينهم قاضبينها تشرب ولاتاكل ودايم ركوبها = على عجوز كلنا راكبينها (17)ووشهي فتاه جعله يطول عمرها = من كثر ماتعطي الملا حافظينها منها سلاح الناس والخير منها = وفيها الحياه وربنا هو ضمينها (18)ووشهي فتاة كل حي ذكرها = جميع خلق الله يدرون وينها كل الديانات الثلاث تعرفها = ومن حبها جميعهم ظالمينها (19)ووش هي فتاة شفتها عند راعي = هي قاسيه ويميز البنت لينها قوامها ممشوق والجسم ناعم = وتفيد وقت اللازمه ناقلينها (20)وأنشدك عن رجلين في جسم واحد = بضاعة سمينها في ثمينها والاسم واحد والمصادر تنوعت = وينفع بأمور بعضنا عاشقينها (21)ورجل ليا منك تلمسته أعتزى = في لهجة لو هي خطا فاهمينها لو ترجمة يقول يارجل جنب = خل الدروب لعالم سالكينها (22)وأنشدك عن ورع يتعبك صيده = من أسرة بعض الملا جاهلينها تضرب به الأ مثال في صعب مسكه = في بطن بنت ودايم هو جنينها (23)وأنشدك عن ورع ينادي المختفي = ومواقعه بين الزريق وكمينها يستقبل الضيفان في كل ساعة =ويحول الشرهه على ناقلينها (24)ونشدك عن رجل لوى راس بنته= باوامر تجيه من مصدرينها حتى يخلصها من اسر بنتها = وتبديلها يتم من فاحصينها (25)وبنت يجيها الامر من راس ورعها= وهي تامر أرجال لها مجانبينها من فعلها تقضي حوايج مهمه = في بطن عود وتحت بنت تزينها (26)وانشدك عن رجل كريم مكرم = حسبت بناته كلنا خابرينها وحسبة عياله عد حسبةبناته = وحسبة وجوده عد حسبة سنينها (27)ووش الحرام اللي نسميه طاهر = في ديرة حتى الاعاجم قطينها اسباب تحريمه على شان بنته = وشحرم ام الخير يامحرمينها (28)وانشدك عن بنت توصف بعدلها= صنعة ارجال للطلب وازنينها تفتيك باللي قبلها مانت عارفه = تقضي بها حاجتك في وقت حينها (29)وبنت تجود زادها في حنوكها = ثم ترسله تقصيد على خدينها تسلمه بنت الخدين وياخذه = وتحت الاذان يجمعه عبر عينها (30)وانشدك عن رجل سمعنا بفعله = تميز براسين والموت بينها في يد شجاع يخدم الدين مذهبه = باسم مميز ميزته دارسينها (31)وانشدك عن رجال طاعك وطعته =وعطاك من بعض الحقايق سمينها اذا عدلته واعتدل صار عادل = وارضى عميلك بالقضيه بحينها (32)وانشدك عن رجال بالحق ملتزم = كل الرجال يجي لها حسب دينها يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها (33)وش هي فتاه جسمها من ولدها = ماتنوجد لولا تجمع بنينها وليا مشوا بنينها ضاع جسمها = والفايده ترجع على ناقلينها (34)ووش هي عجوز كل ممشاك يمها = جميع سكان الفضاء واصلينها من لا وصلها اليوم بكره يصلها = ومشوا لها ناس وهم كارهينها (35)وأنشد عن اللي يختلف عن سميه = مواقفه وقت الخطر مدركينها اللي اليا جاء الجد تعرف مواقفه = والاسميه لعبة للا عبينها اسمه اليا جاء بعكس معناه سالم = وفيه الحجر وبه قلعه عامرينها (36)وانشدك عن شجرة من الارض جذعها = لاهي نبات وموتها بيدينها لاجماد لاحيوان لاصنعة بشر = ومن طبعها اللي حولها طايعينها ياسامع لغزي تراها توفت = وناس تأ يدها وناس تدينها (37)وبنت تفيد وفي زمان معين = كأنها تعطف على مجالسينها ومع فايدتها تنذر اللي يجي لها= تنطق يرمز وعلمها من خزينها (38)وانشدك عن ورع صغير مدرب = ياطا على اخته ثم يبيح كنينها وياطا على اخوه الصغير بنابه = وهذي يغيرها وهذي يهينها (39)وانشدك عن ورع يدور ويشرى = يجي اجموع والبشر طالبينها ليا عكست اسمه مهيمن وقاهر = واسمه فقط حرفين ياعارفينها (40)وابشدك عن رجال سمّوه كاذب = يسكب دموع كلنا مكذبينها رجل يخاف وكل حي يخافه = له صولة تقضي على مواجهينها (41)وانشدك عن بنت بها مايسرك = اهل الوجيه الفالحه عارضينها فيها بنات طيبات وحمّل = بعيال هم بالمبتدا مخلّفينها (42)وبنت تشيل اسلاحها وصط بطنها = ليا وجهت تقضي على مواجهينها تقضي على خلق صعيب نزالهم = تقضي على السفاح في دمع عينها (43)وانشدك عن بنت عملها على الظهر = مترابط فيها قساها ولينها ماتعطي المطلوب لولا عروقها = تحمل ومحموله على حاملينها (44)وانشدك عن بنت زهت في قرونها = تحمل اثنين ذكور معذبينها عند الرجال اهل الكرم وعذابها = والقابضين حضور ومريحينها (45)وانشدك عن بنت جليسة نشاما = مكرمه بس اختها هاينينها والثالثه لوهي عزيزه تحتها = صارن ثلاث مادخل شي بينها (46)ونشدك عن بنت تبرع بزادها = تطعم عجوز مسرفه من خزينها تومر وتنهى ماتصرف برايها = ولها ولد يوصل ولد من كمينها (47)ووشهي فتاة تشتهر في عنادها = حتى انها ماتجامل معالجينها الا بذيب بارزات اسنونه = اما تطيع الذيب والا يهينها (48)ووشهي فتاة شرّها لشر غيرها = تذبح عجوز كلنا مالكينها تنفخ عليها نفخة الغيظ والغضب = حتى توفى ويتحرر سجينها (49)وانشدك عن شمطا قليل حلاها = جميع عقال الملا كارهينها اللي كسبها مكسبه من خساره = واللي خسرها يشتكي حربينها (50)وانشدك عن بنت يريحك شوفها = ويوجد كثير من البشر كافلينها مع البشر ربيعها هو ربيعهم = ومن طيبها كل الملا راغبينها (51)ووش بنت دايم ثابته في حماها = ما تشوفها وهي تشوفك بعينها تفيد حاكمها بعلم يفيده = ليا جاه زاير حطته في جبينها (52)ووش بنت مثل الطوق باطراف ابوها = تكمل المطلوب لمكملينها اللي مساحتها للاجواد ساحه = ما دامهم في عودها مثبتينها (53)انشدك عن بنت تبدل اعيالها =من شان يشفي فعلها ناقلينها تقضي على الجمع الضعيف المسالم = ولولا ولدها ما نفعة مستعينها (54)انشدك عن بنت تعذب صغيرها = وتقطعه في مصلحة من يهينها من راسها ترسل عليه المذله = حتى تثبت فيه من يستعينها (55)وانشدك عن بنت عملها بعالي = تميزت للي تخدمه بلينها تجلس من بين اثنين هذا عملها = ومقاسها يحصر على حاصرينها تركب ومركوبه وتلطف بغيرها = والمتضح من وصفها كبرعينها (56)وانشدك عن بنت مفيده ونفعها = للي بداخل بطنها ساكنينها تاقف على الاقدام لكن مربطه = ومثبتات فلبسيطه يدينها (57)وانشدك عن بنت قليله اسنوعها = ناس تقبلها وترجع تهينها في بطن ابوها ساكنه مع خواتها = حتى يظهرها من يدمر خزينها (58)وسألت عن بنتين واللغز زايد = على فتاة ربحت ناطحينها باربع عيال مثبتين العلاقه = اعيال في بناتها واصلينها (59)ولقيت بالتاريخ رجل وحرمه = زوجين والحرمه وفت مع خدينها من خبثهم كذبوا على الناس كذبه = لين انطلت على بعض سامعينها يوم منعوا ركن بالاسلام قايم = لعينة توافقت مع لعينها (60)وانشدك عن رجال سموه طاغي = له حرمة دينه على غير دينها حرمه تعوذ من بعلها بربها = ولربها ناجت بخافي كنينها (61)ووش بنت دايم ضربها بامر زوجها = والزوج يجيه الامر من وامرينها ليا ضربت ظهر الذلول اجرحته = في راسها المحدود من صانعينها (62)وانشدك عن بنت ضعيفه جميله = دايم تحب الخير لمجالسينها تسمر مع السمّار مادام زادها = ياصل لها وتكرّم مكرّمينها (63)وانشدك عن بنت بها الخير والوفا = لكن جهّال الملا مفسدينها جميع ماتبغاه تلقاه فيها = في دبرة الله وهلها حافظينها (64)ونشدك عن بنت تفيد بعملها = وفعولها تظهر على مقتنينها تاكل وتشرب بس ماتقبل الخطا = وشرابها يوزن من مشغّلينها وليا ختلط شرابها هووزادها = تجلي عيوب اللي لفوا واردينها (65)وانشدك عن رجل على طول واقف = اما يسا رالبنت والا يمينها بنت تجي وتروح ماتستعينه = لكن يعيبها على مالكينها دايم وهي متجوده في جنوبه = حصانة منها على محصنينها (66)وانشدك عن بنت تريح جليسها = اخبث مافيها يوم تسمع حنينها المزعج المبكي تتله وتبعده = ولاتتركه يحول بينك وبينها (67)ووشبنت دايم تنقل الخير والحلا = اللي تطيع وتحترم مرسلينها ليا حمّلت طارت وسارت على الظهر = واستبدلوها ارجال مودعينها (68)ونشدك عن بنت تفيدك بدمعها = ليا احتجتها جمعت عينك بعينها ترسل ادموع لاجل توقف ادموعك = قولو وسشم البنت ياعارفينها (69)وانشدك عن بنت تأدي عملها = ابصمت وستعداد لمعاملينها مكانها المعتاد بالبيت دايم = ودايم وهي في خدمة محمّلينها وان حمّلت تبقى على الارض ثابته =فيها مثل تحقير ياحاقرينها (70)وانشدك عن بنت بها الخير والاذى = اللي تبكي بالرضا ذابحينها مقطومة الراسين مردومة الخصر = مكروهة لونفعها فاق شينها (71)وانشدك عن بنت تقدر وتحترم = تحمل وتالد للاوادم بعينها من شافها حامل عرف ويش حملها = ما هي بتخفي والملا مكرمينها تطلع على العالي وتبدى عملها = والعارفين بضيفها رابطينها (72)وياويش بنت من قساها وقشرها = تحد ورعان وهم طايعينها تحدهم دايم على العنف والقسا = واشيا لولاها كلهم رافضينها (73)وسألت عن بنت معروفه بغدرها = من مكرها تصطي على مواجهينها يجي لها المغدور والنت لابده = كنك موصيها على زايرينها (74)وانشدك عن بنت تعلاك جسمها = وعلى الصديق اللي وفى نستعينها تصغر وتكبر حسب رايك ورغبتك = والفايده منها على ناشرينها (75)ولقيت لي بنت تساعد وتطعم = وتحقق المطلوب لمصرفينها يلبس بها العاري ويشقى بها الشقي = تحل وتحرم والملا عاشقينها جميع ماتبغاه تلقاه فيها = وحتى تفيدك لازم انك تهينها (76)وانشدك عن بنت عريض ظهرها = وفت القسا الفتاك تحمي ضنينها اضلوعها برّا وركبت جملها = على جملها اللي ثبت مثبتينها (77)وانشدك عن بنت تفيدك بعلمها = اطيب مافيها كلنا مصدقينها لها عيال كلهم وصط بطنها = واكبر ولد بعيالها هو سنينها تصدق الا ان كان صايبها مرض = وانواعها على طلب طالبينها (78)وانشدك عن بنت من الارض ساسها = وشدت وخلتها حجرها وطينها لاتعيش في ارض ولاتسكن الفضا = وطول الدهر على الظهر عاكسينها (79)وانشدك عن بنت خطير لقاها = من خبثها كل الملا كارهينها لو تنقتل ماحد يطالب بدمها = لان كل في عملها يدينها تمشي بليا ارجول ويدين مالها = وتدخل ابيوت واهلها قافلينها (80)وانشدك عن رجل يعذب ضيوفه = وتصرفاته كلنا مرتضينها اللي عذابه مصدره من عيونه = وغذاه من بنت عنه مبعدينها 0(81)وانشدك عن بنت تحرك وثابته = ارجول بنت ومثلهن هن ايدينها اللي ولدها مختفي وصط بطنها = حرص عليه وهي مهان متينها (82)ولقيت حاره بها بيوت عامره = وعجزت لاعرف كم عدد ساكنينها مساكن فيها جنود عواري = وادروب ساعات العمل سالكينها (83)وانشدك عن بنت بها الخير والرضا = من طيبها تفرض على فارضينها يسلم بها المبلي ويدفع بها الاذى = الله يعز وينصر منفذينها (84)وانشدك عن بنت ليا حل ذكرها = تذكر فوايدها ويذكر طنينها ليا كمّلت دوره تبين عملها = والطامعين بنفعها مراقبينها (85)وانشدك عن بنت سببها جلبها = اهل التلاوة والرجا منفذينها ليا مرّها اللي طالب طاعة الله = نفذ لها مطاعة الله بحينها (86)وانشدك عن بنت فليل خطاها = لكن تخطي من خطا محاسبينها ليا طلبت العلم تعطيك نانتجه = وطعامها اللي تقبله هو ضميتها (87)وانشدك عن بنت بعيد مغزاها = بنت الفرج والبنت الاخرى عوينها تحيب من بطن الحبيبه حبيبنا = الله يكثر بالحبيبه خزينها (88)وانشدك عن بنت حسبنا حسابها = ضمن اربعه واهل الرجا حاسبينها ليا شرفت فالخلق يخاف منها = تذبح جنود ويختفي خايفينها (89)وويش البنات اللي ثلاث عددهن = ولكل وحده وصفة عارفينها الاوله باسم ذبح من يذوقه = والثاني اجسام الملا هو كنينها والثالث اللي يرفع الضغط فعله = وعنهن يفيد من المباني حصينها (90)وانشدك عن بنت لها حكم صارم = وتصدر احكام العداله بعينها تقول لك حاسب ووقف وروح = ومن عدلها تحكم على حاكمينها (91)وانشدك عن بنت هذا زين نفعها = تنصف ان كان اهلها منصفينها مما بها تنعشك واللي بوصطها = مما يرد الرو ح صافي سمينها (92)ووشبنت اليا حصلت ثنتين منها = كاسب ومن زادوا بها خاسرينها هي سابعة سبعه ولافيه غيرهم = ومن بينهم في ديننا مقدرينها (93)وانشدك عن بنتبن في جسم واحد = وتصير بنت بصّرت سامعينها صارت لطرّاد البلاوي قلاده = كنه يقول اللي تشوفين وينها (94)وانشدك عن بنت تزوج وتالد = تزوجت يوم اهلها مزوجينها تاكل وتشرب والقريب يعرفها = مثل البشر توصف وتنظر بعينها (95)وانشدك عن بنت تحكم بغيرها = وبا اشكال ونواع تخدم مالكينها بنت لها بالمدن والبر فايده = واللي مخزنها يفيده خزينها وتفيدنا بالبر والجو والفضا = وساعة تعاملنا بها هايبينه (96)ونشدك عن رجل على طول صامت = لكن اعلومه بالرضا قابلينها حتى لوانك عالم الارض تنشده = ويعطيك من جزل السوالف سمينها (97)ونشدك عن بنت تحطك بعينها = وبالعرف والمعروف تصبح خدينها فيها الشجاعه والوفا والامانه = ومن طيبها المعروف تحفظ سجينها ماحصلت تهديه على ولدها = وتحتاج لاشيا في عملها تعينها (98)ونشدك عن بنت لاهلها غنيمه = واهل ا لنفوس الخاسره رافضينها يكسب بها واحد واهلها ثمانيه = ومن ضمن اهلها من البشر ناقلينها ترتيبها الثالث وتاثيرها النما = ونكارها شر على منكرينها (99)وانشدك عن بنت تبهذل وتحكم = من حاكم يحكم على معذبينها يسومها العذاب من رام بعدها = عن موقعه وبكل قسوه يهينها دخولها في بيتها هو هدفها = وشروطها يعلن بها محكمينها (100)وانشدك عن بنت تبين لك الخلل = في دبرة ارجال لها دارسينها تحكموا فيها وجابوا خبرها = نتيجة للي سأل عارضينها واللي سأل فاحص ويبغى نتيجه = نتيجة تخفى على ناقلينها (101)انشدك عن بنت يمثّل بصغرها = ولها فعول ماحد يستهينها اللي بها الخراب والشر والاذى = وحيان منها خير لمعاصرينها (102)ووشالفتاة اللي على الصدر راكبه = طوق على الاعناق لمركبينها لياحكمت يجري على العنق حكمها = من فوق ابوها والبشر حاكمينها تمت عساه يوفق اللي كتبها = وعليكم التقييم يامقيمينها للاطلاع على الحلول اتباع الواصل التالي http://www.m-harb.net/vb/showthread.php?t=60468 |
لغزقولوا لي قصته
وشقصة فيها الولي مهد الدرب =درب مشاه اللي ضروفه تحده ممشاه فيه اصبح نجاة من الكرب=ولااحد مشى دربه ومولاه سده متوجه للشرق واخلافه الغرب = واللي وراه اكبر مصيبه تحده قصة موسى عليه السلام وغرق فرعون والحل من شأس نجد |
والله اني جايب جهدي في تصعيب هاللغز
ـــــــــــــــــــــــــــــــت
انشدك عن بنت تعاملها صعيب= وخواتهاياكثرهن متشابهات تلقا لها شبيه في وضع مريب =والناس كانوا مجبرين بالبنات هذا في وقت فات من عهد قريب = واليوم معظمهن في وقت الخير مات والحل القليب الجوخا من ابوهليل |
اوه تحسبني ابا انساك يابو مشاري استلم
ــــــــــــــ
انشدك عن رجل جمع بين الاثنين = والثاني المعروف فرق شعبهم والكل منهم يطلب اثنين وافين = = وجمع الثنين يتم على طلبهم الحل المأذون من وجودك يكفي |
لغز اقيمه انا انه جيد والحكم للقارئ
ــــــــــــــــــــــــــــــــــــــ
انشدك عن بنت تكون البدابه =معروفة مجهولة عند اهلها تبدي مع البادي وفيها النهايه =وفي محكم التنزيل نجهل عملها من وضعهاماهي وسيله وغايه= لاانها في حكمة اللي كفلها الحل الروح من وجودك يكفي |
والله ها لمره صار الرقم المميز لي استلموا
ــــــــــــــــــــــــــــــــــــــــــــــــــ ــــــــــــــــــــــــــــ
انشد عن رجل مبروك = عليه الناس اغبطوك ماجبته من ورث ابوك = حيث ملك للجميع لاصناعه ولامخلوق = ويبيعونه وصط السوق وله على راعيه حقوق = ومن مشى به ما يضيع الحل القرآن الكريم من شأس نجد |
هو باسم ابو هليل بدون قصور بالجميع ومعروض للكل
ـــــــــــــــــــــــــــــ
يابو هليل وصلك اللغز يالطيب = تمعنه وان عرفته هات لي حلّه وشهو صغير بحصن وعندك قريب= لاشك ماتقدر بحيلتك تاصل له ولاتشوفه لانه عنك متغيب =ولو قيل وينه يجوز تقول مادله اقول لوعاب عيبه موت ومعيب =هذا هو اللغز لوماتقدره خله الحل حبل الوريد من وجودك يكفي |
اللغز عن رجل يسوق الولد سوق=خلا الولد يفتح طريقه غصيبه ينزل عليه بعنف واحكام من فوق=وعند الامور المتعبه ينغزب به الحل المسمار والشاكوش من جميل بن حميدان |
اقتباس:
|
يالربع اسمحوا لي ابا انتقم من لاتقاضى حي يقمح ليا مات
عبدالله الفريدي ركض علي لولا المسلمين افزعوا لى كان رحت بها وهالحين جاء دوري ـــــــــــــــــــ
انته معك تفكير ومراقب قدير = وليا قريت اللغز تقدر ترمعه انشدك عن شي يشابه للبعير = مثل الخروف وفيه خير ومنفعه جا مشبهاني يسير ولايطير = يثغي ويرغي وان مشى على اربعه والحل من العبد الضعيف اقتباس:
|
اقتباس:
|
اقتباس:
|
اقتباس:
|
شفت لي رجل يسر الناظرين =في بطن رجال قي ظهر الذلول في زمان الخير وآثاره تبين = من نتايج طيب جانا محمول فيه غث وفيه هزل وبه سمين=دايم يصغر ولو غذّي يطول الحل الثغب من المجموعة |
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
لغز للي عمره دون العشرين سنه
انشد عن اللي يطرب البال طاريه = له عدة اسما للجميع معروفه له اسم واحد فارق بين اساميه = ليازال ربعه زال باقي حروفه الحل الغزال من سامي الفكر |
انشدك عن رجل كريم المحيا =اللي على شيب الغوارب تشوفه ليا بغيت الفايده منه حيا=فوايده بين الرجال معرفه ستر الرجال وعزّهم ون تهيا= ينجب ارجال وبنت للي يحوفه ليا عكست اسمه طلع شي سيا = يصبح مرض وايضا ثلاث حروفه الحل الوبر من وجودك يكفي |
اللغز جاكم عن خفيه مضره = اللي على البنت الوفيه ضررها مادامها في قلبها مستـقــره = تصبح خفيه ويتنامى خطرها هجومها على الحبيبات غره = لازم تدارك شرها وتحصرها الحل سوسة النخل الحمراء من ابوهليل |
اقتباس:
|
اللغز عن رجل تنفس بلا روح = اللي شهيقه ثابت مع زفيره [/quote]لكن زفيره فيه متعه ومصلوح =ترتاح ليا منه تتابع شخيره الحل المكيف من ابوهليل |
اللغز عن ورع صغير ومحكوم = مهمته بالطيب يسجن بناته [/quote]تلقاه بيدين الريجيل محشوم= والضعف والقوه من ابرز صفاته الحل خيط السبحة |
وشبنت يوم اتذكرها وتطرى لي =اوصافها تقل خشم انسان ياكافي مكانها دايما بالصوح بالعالي = اللي عملها مغير تراقب اللافي الحل الطرمه (نافذة في بيت الطين ) من العبد الضيف |
لقيت شي جميل ومنظره زايف = ياهل المعرفه تعدى الزيف عن حده لياعرفته تركته قانع عايف = لو المزيف طويل العمر والمده تشوف زيفه وتضليله وانا شايف=وتقدمه للعزيز بساعة الشده الحل الورد الصناعي من غدير الوهني |
انشدك عن شي تجيبه ويحكمك = تمشي عالى رايه ولاتعصى عصاه اسمه مونث وتحشمها وتحشمك= خوي وافي بس تخطي من خطاك الحل الساعة من العبد الضعيف |
وشالعمود اللي على العز مبناه = ساس لبيت عالي في مقامه الله هو اللي ثبيت البيت وارساه = وليا عرفته هات ذروة سنامه الحل الصلاة من ابوهليل |
ياهل المعرفه تعالى الله في شانه =العلم واضح وبعض العلم نجهل به لقيت شي كبير واربع اركانه = واشوف حرب كفانا الله يحصل به واللي يديره على وزنه وميزانه = رجلين برّا وواحد شخص يدخل به ولاشفت واحد دخل به عبر بيبانه = اللي يبي يدخله يجيه مع جنبه الحل ملعب الكوره من وجودك يكفي |
انشد عن اللي بالرجا مسعاه زور=وعقب رحيله زوروه المحرقه اخبث مافيه انه على دينه غيور= اخزاه ربي مشرك في خالقه الحل الهندوسي من وجودك يكفي |
اللغز عن ورع صغير معقّد =وخواته اكبر منه واشد تعقيد ليا بغيته للعمل ماتنقد = ويشبه خواته بالعمل والتجاعيد حامل ومحمول مسافر مرقد=وليا ركب عوص النضا يقطع البيد من اسرة كامل عددها المفقد =اربع وبعض اوقات عن اربع تزيد الحل الخرج ( خرج الذلول ) من غدير الوهبي |
ويش رجل خالف العاده بفعله = قيل هات الخيرلكن جاب ضده
طالب الفزعه ياليته مافزع لـه = يوم عقب له مثـل كـل يعـــــده الحل طير بن برمان من مضحي بن جمران |
انشد عن اللي وين ما عشت تدراه = واجب عليك وواجب انه يداريك
الله عليــــك بكــــل الاديـان وصــــاه = وانته عليه بكل مذهب مـوصيك من الشهامـــــه مـــا تعقّـب خــطاياه = ومن المــروه مايغثـك ويـوذيــك[/color][/size] الحل الجار من مضحي بن جمران |
اللغز عن رجال ماحد يغبطه =قي موقع كل البشر يكرهونه لياثقل حمله يزيدون ربطه = ون جيت له فازع يحولون دونه محمي لكن حماه مافيه غبطه = وفي كل ديره له مكان ونمونه الحل السجين من وجودك يكفي |
انشدك عن رجل ليا كض واكتض= فعله يغيض ويرعب الناس غيضه شرس عنيف ناعم طيب غض= ينقل فوايد فايضه مستفيضه لاتواجهه بالسيف مالك معه حظ = لين ان غيظه ينكشف لك مغيضه الحل الوادي اذا سال من مضحي بن جمران |
وشبنت تسكن في مكان معتلي= بين الجبال اللي تخطيها عسير تقرا اسمها في مجمله ياسايلي=ليا عكسته صار صوت للبعير الحل ريده من ابوهليل |
اللغز عن بنت لها عدة عروق = واعروقها شر ومضره عليها شرابها المعروف يصعد الى فوق= وكم من وفي نافع يعتليها ينوبها بالفعل رجل له اسبوق= وكم واحد في مامضى يقتنيها الحل الكولة من ولد سبيل بن سند |
الساعة الآن 02:05 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir