|
الاخوة الكرام اعضاء ملتقى حرب اقدم لكم ديواني الشعري الذي انثر فيه ما تجود به قريحتي الشعريه
وتلذ به اسماعكم لا اريد ان اطيل عليكم واترككم مع الشعر : ومشوار الالف ميل يبدأ بخطوه . محبكم الشاعر : حسن علي عبدالمعطي الحجيري البشري. |
سلام يا سادة الكسـرات=ياللي تنومـس معانيهـا من شاعر يحسب الكلمات=قـدام للنـاس يبديـهـا |
أسجّ الأقدام لاجل أنسى=و اسلا عن اللي سلا عنّا و أثْره لنا البحر و المرسى=و أثْره لنا النار و الجنّـا |
حفيد الحجيري= سلام مرسـول لبخيتـان=بالمسك والورد والكـادي من خاطر ما شكى نقصان=بين الرياجيل الأجـوادي بخيتان البشري= يامرحبا يارفيع الشان=ياللي على النايفة بادي أهل الوفا للوفا ميزان=مابينهم ياحسن حادي |
مالي على الزين غير الطيب=ماأقدر على صدته ماأقـدر لو عن عيوني شوي يغيب=أستاء و أضيـق و أتكـدر |
الشاعر ردة الله العصلاني= عندي ألم فالحشـا خافـي=ويزيد فيه لا جيت أحكيـه من شافني قال يـا كافـي=جرح الهوى كيف أسوي فيه حفيد الحجيري= بالمختصر جرحكم ما في=بين المخاليق من يبريـه تاطى على الشوك يا حافي=ما تعرف اش عاقبة واطيه !! |
حفيد الحجيري= يا هلال هات الخبر يا هلال=وورودها حسب صادرهـا أقفت ليالي وجـات ليـال=والعين ما كـف عابرهـا هلال حرب= دنياك تبغى وسيع البال= ماهي على مانت خابرها اصبرعساها تيجيب خيال=تسقيك من عذب ماطرها حفيد الحجيري= صابر على الصبر لو هو طال=وأبنتظـر وأعـرف آخرهـا وان كان حظي تردى ومـال=ذخرتهـا عـنـد ذاخـرهـا هلال حرب= ياولد عمي تراني ذال =واسرار فالقلب ساترها تعال قرب لي الفنجال= حـــالتك ودي اباشرهـا حفيد الحجيري= يا لال ردد معي يا لال=أحوال ما ودي أذكرهـا جريت لحن الأسى موال=والنون عافت محاجرها |
sms
عبر الرسايل واس ام اس=شرحتلك بعض ما فينـي لو كنت فعلا بشر وتحس=ما تغيب لو يوم عن عيني |
بداياتي مع الكسره
حفيد الحجيري= يا من لهم فالهوى صولات=قلبي ف بحر الهوى دوبـه يصارع المموج والآهـات=ويشكي من فراق محبوبـه مدري بيقوى على الصدمات=ويصبر على الحب ودروبه وألا بيندم على مـا فـات=ما كن بنى فالهوى طوبـه الشاعر يوسف المطيري= يا مبتدي فالهوى اللوعات=على المحبيـن مكتوبـه أخذت لي بالهوى سجات=والقلب ما نـال مطلوبـه والعين هلت من العبرات=من نار فالقلب مشبوبـه يا بو علي خذ كلام اثبات=من عندي أنصحك بالتوبه |
حفيد الحجيري = عن حالي الناس لو تعلم=ما كان من حالها عانت لو أشتكي للحجار الصم=كان انفلق صمها ولانت مخلد الحجيري = وش ضيقك يا خشير الدم=وأنا بظني معـك زانـت ابحر بصدري وقيس الهم=تلقى المنايا معي دانـت حفيد الحجيري = يا مخلد يزول همي بهم=وهموم لساع ما بانـت كل ما برى جرح واتدمدم=تنزف بي جروح ما فانت مخلد الحجيري = اصبر مع الصبر ما تنـدم=ولا تقول يا أمس لو كانت خل الأمـل بارقـه معلـم=في وجه الأيام لو خانـت وسلامتكم |
يا من هواهم كواني كي=وأشعل بقلبي لهيب النار بأطوي كتابي معاكم طي=وأكتب على مطلعه تذكار |
غربة وطن
يا صاح ضاق المدى فيني=في داري أحس بالغربـه من كان بالروح يفدينـي=اليوم أعلن علـي حربـه |
سقيا الهوى
نجزاه بالوصل نلقى صد=وش ذنبنا ويش سوينـا كلما سقيناه حلـو الـود=يا للأسف مـر يسقينـا |
بنيت جسر الوصل...هـده=وجازاني الوصل...إعراضي رحت أشتكي للهوى ضـده=لقيته الخصـم والقاضـي!!! |
حفيد الحجيري= يـا هـلال الأيـام دواره=لو يوم زانت ف يوم تشين والوقت ما تعرف اسراره=طبعه على طول بين وبين هلال حرب= وقتي عطاني انا اشاره=واللي تقوله اعرفه زين ياما سقاني من امراره=ماشي معايه على الجنبين |
قطره من بحر شاعر بشر الأول علي الحجيري :
ياما كتبنا من الكسرات=يا ما كتبنـا وسجلنـا ويا ما افتكرنا زمانا فات=ويا ما صديق انتحى عنا =================== واسيدي اللي وحيد بلاه=وبلاه ما ينقضي لي شان لعل منهو سعى بفرقـاه=يرميه ربي مـع اليونـان =================== الله يستر على مستـور=يسعـد لياليـه وأيامـه سيد العرب رافع الدستور=والقلب يشكي من آلامه ================== لا والله إلاّ انتحيت وكان=ولا عاد لامـاك لامانـا سبحان ربي عظيم الشان=خلاك تجـزم وتنسانـا ================= ننحى ولا نترك الصدقان=دايم على الطيب ممشانـا آنا على عشرتك لو كان=لو كان فالكون ما كانا |
الـــوصــل و الـــفـــرقــــا
ياليت ما هناك ود ووصل=إن كان لابد مـن فرقـا لكنها هي كذا في الأصل=لابد تنـزل بعـد ترقـا |
اشتريله هوى
ليت الهوى يشترى ويباع=كان اشتريت الهوى كله للي سكن وده الأضـلاع=لا باحـه الله ولا حـلـه |
حفيد الحجيري= سلام مثل الحيـا لا هـلّ=يعمّ خيره ويسقـي مـاه من هاجس بالوفا ما كـلّ=دايم بدرب الوفا ممشـاه منصـاه لأستاذنـا قابـلّ=تسلم يمين الـذي ربّـاه عزّالله انه زعيـم الكـل=شاعر من أدناه لين أقصاه قابل البشري= ترحيب طيب وزهر واجمل=ياوارث الطيب من مبـداه شاعر ولك حرف ماينمـل=يطرب جميع الذي يقـراه ولاازود عن عالي المنزل=كلا ولا ازود عن شـرواه شعـار وحروفهـم منهـل=وصرح المثايل تزيد بنـاه |
والله لــــــــولا
والله لولا الحيا والعيب = وأخاف من هرج عذّالي لأنوح وأبكي وأشقّ الجيب = وأقول فارقت لي غالي |
مع الشاعر علي العبيدي
حفيد الحجيري= والله لولا الحيا والعيب = وأخاف من هرج عذّالي لأنوح وأبكي وأشقّ الجيب = وأقول فارقت لي غالي علي العبيدي= تُحسب من اهل الوفآ والطيب=معروف درب الوفـآ عالـي لك الصبر فالهـوى تجريـب=لايـروّح العمـر بهمـالـي حفيد الحجيري= جرح الهوى يقبل التطبيب=وآنا من أمر الهوى خالي استقصي الأمر قبل تجيب=لا تزيد همّي وغربالـي علي العبيدي= مآظن بعد العنـآ بيطيـب=قلب(ن) شكآ الجرح بآهوآلي انا معك والخطآ مآيصيـب=لاتقلب الوضـع فاقوآلـي حفيد الحجيري= يابادع القـاف بالترتيـب=من شان ما تزيد سو حالي القلب يشكي فراق الذيـب=عساه في خيـر منزالـي علي العبيدي= الشمس لآبد منها تغيـب=وضو القمر فوق مآزآلـي وحده تصيبه ووحده تخيب=خلك على الحب لاتبآلـي حفيد الحجيري= يا صاحبي دون شك وريب=ما أنت معي يا هوى بالي لو تلعب القاف لين يشيـب=ما فيه اجابه على سوالـي جرحي سبايبه راع الطيب=اللي لـه العـزّ مدهالـي أبو فهد والفراق صعيـب=من يوم ودّع كـذا حالـي علي العبيدي= المسآله مآلهـآ تصويـب=ان كنت يآصآح تعنآلـي اقلّب الجرح لك تقليـب=واشوفلك حـل طوآلـي وآخر كلآمي لزوم ينيـب=ويرقى على كل الآحوآلي منهو صبر فالهوى عن غيب=مايروحله جهـد وانزالـي |
واقف على بـــــــــابــــــــــه
دار الزمن والتقينا فيـه=ياليتنـا مـا التقينابـه بعد إنّ قلبي دفن ماضيه=اليوم واقف على بابـه |
بـــــــوح المكــنـــــــون
أكنّها في حشايـه كـنّ=عن قاص الأمّه و دانيها لكنّ الأوجاع بي زادنّ=ما عادني قادر أخفيهـا |
مع أبــــــو طـــــلـــــق
حفيد الحجيري= يا بو طلق حالتي حالـه=من يوم قفا عديل الروح عسا الهنا والسعـد فالـه=لو كنت من سبته مجروح ابو طلق= أحيان الأقـدار ميّالـه=وميزانها بالشقا مرجوح إن كنت يائس من إقباله=ذكراه مالك بها مصلوح |
البـــــــخــــــت ؛؛؛؛؛؛؛؛؛؛؛؛؛
اللي هواني مانيـب أهـواه=واللي هويتـه مـا يهوانـي كيف أعذل القلب كيف أنهاه؟؟=وهو علـى المـر يحدانـي |
العـــــــارف لا يُعــــرف ؛؛؛؛؛؛؛؛؛
ياللي تسائل عن أوطاني=سؤالكـم مكمـن العلـه دور علـيّ وتلقـانـي=في رجم شرواك ما طله |
الوقت ؛؛؛؛؛؛؛؛؛؛
الوقت ما ينعرف له لـون=لو زان في يوم لا تامنـه عاقله في دبـرة المجنـون=ومجنونه في دبرة أجنن منه |
يــــا لـيــــت ؛؛؛؛؛؛؛؛؛؛؛؛؛
يا ليت الأيـام تجمعنـا=مع من فقدناه لو ساعـه حتى نحس للحياه معنى=والقلب يبرى من أوجاعه |
هذه الكسره أتتني من شحص عزيز على قلبي = سلام واسمع حديث الروح=وأشواق بالجوف تندهلـك أنا الذي فالهوى مجـروح=تعبت أدوّر على وصلـك غلاك ما هو حكي ومزوح=يا من لك القلب يرخصلك جدّد حبال الوصل لي بوح=معنا وبيّن لنـا المسلـك وكان الرد منّي كما يلي = ترحيبة في شذاها تفوح=بالمسك والعود توصلّك لا تشتكي فالهوى وتنوح=لابدّ ما تُفـرج وتُفلـك بنيت لك فالفؤاد صروح=وعليّت جدرانها لأجلك والود كله لكم ممنـوح=وكلّ الموازين ترجحلك |
خله يعوّد على ما كان ؛؛؛؛؛؛؛؛؛
يا ساكناً بالحشا ما ظـلّ=للغير في ذا الحشا مسكان أمّا اعتني فيه وألاّ ارحلّ=خلّه يعوّد على ما كـان |
كحّل الحرف ؛؛؛؛؛؛؛؛؛؛؛؛؛؛
يا مداعب الحرف من فضلك=ابـــدع وأطـــرب مسامـعـنـا ادعج حروف الهجـا بكحلـك=حتـى يجـي للحكـي معـنـا |
صباح الخير ؛؛؛؛؛؛؛؛؛
يآآآرب صباحك صباح الخير=يـعـمّ كــلّ الشقـاويّـه يتبـدل العسـر بالتيسـيـر=يـآآآرب تحقـق أمانـيّـه |
مع الأستاذ سالم البشري ؛؛؛؛؛؛؛؛
حـفـيـد الحـجـيـري= سـلام لأستاذنـا سالم=مخصوص ويعمّ من يقـراه إن كان حرفـك لنـا والـم=هيّا نسوق المثل في سـراه سـالــم الـبـشــري= ترحيـب للشاعـر الفاهـم=أسعـد بشـرواه واتحـراه وحرفي موّلم معـي دايـم=خل المثـل يتخـذ مجـراه حـفـيـد الحـجـيـري= دام البقـا وربنـا عـالـم=اللي فقلبـي لكـم نكنـاه ودام الوفـا بيننـا قـايـم=بأوصفلك الدا ومنـك دواه سـالــم الـبـشــري = أمر الوفا منتهـي حاسـم=ساسه مثبت قـويّ ابنـاه وانا معك باقضـي الـلازم=لاجاني العلم مـن مبـداه حـفـيـد الحـجـيـري= هل كل مظلـوم لـه ظالـم=أم بعضهم تظلمـه يمنـاه واللي نزل فالبحـر سالـم=أم ينحسب من ضحايا مـاه سـالــم الـبـشــري = الـذات تظلـم بـنـي آدم=ويُظلم من الغير حتى عضاه وياكم لبث في بحر عاتـم=يونس ورب العباد انجـاه حـفـيـد الحـجـيـري= ياكم زرعنـا الأمـل ياكـم=من دمع الأعيان أسقينـاه لم ينفذ الصبر يومـا لـم=لكن جور الزمـان أفحـاه سـالــم الـبـشــري= جوّد حبال الصبـر واهتـم=بالزرع حتى الثمر تجنـاه اسعى وربك يزيـل الهـم=مادام فرح الزمن والجـاه |
عندما يكتب الحرف ؛؛؛؛؛؛؛؛؛؛
قبل أكتب الحرف يكتبني=وتـونّ الأوراق ممّابـي الحبر لو جفّ يطلبنـي=وأسعفه من دمع الأهدابي |
كــــــــــش مــــــــلك ؛؛؛؛؛؛؛؛؛؛؛
حفيد الحجيري= خلاص قفلتها بالشيش=أنهيتها بـأول الجولـه لا عاد تسأل لم أو ليش=سؤالكم صمتنا حلولـه بخيتان البشري= خالفت مع نقطة التفتيـش=والعسكـري يقـول معقولـه قلت الحجيري وقايد جيش=وحررتـهـا عـنـد مـسـؤلـه |
يا صـــــــــــــاح ؛؛؛؛؛؛؛؛؛؛
يا صاح الأيام مجنونـه=ولا بد ما تدور دورتهـا ويخرجلك البحر مكنونه=ويعكسلك الموج صورتها |
مع وليـــــف الشـــــوق ؛؛؛؛؛؛؛
حفيد الحجيري= وليف،، يا راهياً .. جمّك=جاكم .. وصلكم .. ولد عمي ظنّي ، مشى وجهته .. يمّك=عسا .. لقا أصحابنا .. تمي وليف الشوق= ابشر ،، بعزك .. ولايهمـك=واجب ..بالارحام .. نهتمي وانته ، تطمّن ..وصل علمك=للكل .. من غير .. ماسمي |
كرسي في فصل القلب ؛؛؛؛؛؛؛؛؛؛؛
يالـلـي تسلـلـت لا قـلـبـي=وحجزت كرسي بـأول صـف لا تزيـد بـي همـي وغلبـي=بأعطيك نصفه وأخلي نصف |
ماني مطـــــــــاوعـــــك ؛؛؛؛؛؛؛؛؛؛
على ايش يـا قلـب نتفاهـم؟؟=ماني مطاوعـك فيمـا تقـول نسيـان مـا ظنـي أنسـاهـم=إلا السنه تصير خمس فصول!!! |
مثل العفو حيلة المسجون ؛؛؛؛ مع الشاعر ناصر اليوبي ( أبو زياد )
حـفـيـد الحـجـيـري= يا سـادة القيـل والكسـره=يا من على النايفـه ترقـون هل يجبر القلب في كسره؟؟؟=وشلون ياصحابنا وشلـون ابـــــو زيــــــاد = ياسيد القيـل فـي عصـره=لاهنت واللي سمع مايهـون ماينجبر قلـب مـن حسـره=ألا إذا .. ينجبـر قـانـون حـفـيـد الحـجـيـري= افدتـنـا افــادةٍ عـسـره=زودّت غبن الـذي مغبـون من جرف يعني الـى حفـره=وآنا الذي كنت أريد العون !! ابـــــو زيــــــاد= حنـا بنينـا علـى النشـره=ما نكون أشياء قبـل تكـون والعبد يؤجر علـى صبـره=اليا احتسب عند رب الكـون حـفـيـد الحـجـيـري= ما لـوم سعيـك ولا يُكـره=أبديت حسب الذي مضمـون لـوّ للأمـل خرمـة الإبـره=ما كنت بحت الذي مكنـون ابـــــو زيــــــاد= المجتهـد نلتمـس عــذره=دامه على جهـدها مامـون ولا نعترض راعـي القـدره=خلاقها بيـن كـاف ونـون حـفـيـد الحـجـيـري= الجهد واضـح علـى فكـره=لعلـكـم للـوفـا تبـقـون والصبر لوهو كما الصبـره=مثل العفو حيلة المسجـون اليوم عقبـه يجـي بكـره=يبعث لنا بعض أمل مدفـون كل كسر عند الولـي جبـره=بأمره جروح البشر يبـرون |
الساعة الآن 02:05 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir