ناديت بالصوت من يفزع =ولاشفت منهو تلقالـــــــــــــــــــه
كل الدوائر لها مرجــــع =الا الهواء مالقينالـــــــــــــــــــــه

واوجد روحي على الايام = الي مضتلي لياليهـــــــــــــــا
واليوم عايش مع الاحــلام = سرحان فكري فماضيهــــا

المشاركة الأصلية كتبت بواسطة محمد الكنيدري (المشاركة 420551) الي اخي قابل البشري ياقابل الوضع متدهـــــــور = والوقت عيا يطاوعنــــــــــــي ماهو كذا كنت متصــــــــور= حتى الليالي تعاندنـــــــــــــــي

خلك بالأمال متنور=ولاتقول وقتي ملوعني
ابحث وفاسبابها دور=حالتك واتت بها معني

ياخوي عود عليه سيـــــــــد = زمان طاوي سجلاتـــــــــــــــــــه
يوم ان لمحته فهذا العيـــــــــد = وشافت عيوني علاماتـــــــــــــــه
يبدي لي الطرف بالتنهيــــــــد = وبعض الخجل فأبتساماتــــــــــــــه
ابدل لي العيد بالتنكيـــــــــــــد = وجدد جروحي بنظراتـــــــــــــــــــــه
ضنيت انه معي بيعيـــــــــــــد = بعض الذي فالهواء فاتـــــــــــــــــه
وانا مقيد حديد وقيـــــــــــــــد = كيف انقذه من معاناتـــــــــــــــــــه

حنا بدو نعشق النيران = وياويل منهو يعادينـــــــــــا
نسمه هوانا من البران= والكيف فينا قهاوينــــــــــا
نمشي مع الناس بالاتقان= ونعز منهو يخاوينـــــــــــا
مانقبل الضيم والطغيان = لو كان فصغر عضو فينا
لاجات قاله بها نغصـــان= مزبانها عند قاضينـــــــا
وبيوتنا فوق فالضلعان = ويشوفها من بيلفينــــــــا
والضيف نفتح له البيبان= ونصكها دون عانينـــــــا
والي لفانا وصدقه بــــان = ننسى مرار الالم فينـــا
مانخايل الهيج للضميــان = يشرب من الي فيادينـا
مايبات في جالنا جيعـــان = لو حل في وقت يعضينا
ا زرابنا تزدحم طليـــــــــان = نذبح ونطبخ بيادينـــــا
نعطيه واجب بلا نقصـــان = ترحيب منا بلافينـــــــا
احروب لولا التباعد كــان = في جمعنا من يساوينا
لادق واجب من الشجعـان = تحت الاوامر تلبينـــــا

المشاركة الأصلية كتبت بواسطة محمد الكنيدري (المشاركة 421012) انته ولد عم ومــــــــــــدور = وقت اللوازم بتنفعنـــــــــــــــــــــــي مشكور لو كنت متعــــــور = ردك وصلني واقنعنـــــــــــــــــــــــي

ذاا حكم بالحيل متهور=ماهو على قاعدة مبني
حكمت لك حكم ومصدر=حسب الذي منك واردني
ولاانا عنك مااوخر=واللي مآلمك يوجعني
وان كان لك حاجة تذكر=الفى محلي وتاجدني

الله واكبــــر على قلبك = ماهو كما قلبي الحساس
ماتحن ماتخاف من ربك= وانا اعتبرتك اعز الناس

عند المحطه وباعبي =عزال شفته فذاك الجمس
نظره ومنها شبك قلبي =واضن عمره ثنعش وخمس
صديت واخاف من ربي= وشيطان قلبى بعقلى جس
يبدي لي الطرف ويخبي = وقلبي عجز بالهواء يندس
قربت وابديت له سدي = وهوه بدالي وبيه حس
قلت الهواء وين متربي = قلي شمالي من اهل الرس
قلت ارحميني ولاتخبي = وشلك فمثلي وحاله نحس
قال اتمناك فى جنبي = وحط راسي عليك وبس
تعبان والرب يعلم بي = من زوج امي عليه قس
واحس مثلك مايلعبي = ويلمس حنانه حياتي لمس
ويزيل الاشواك عن دربي = وادفى فحضنه مغيب الشمس
واعطيه سقمي وهو طبــي= ويشفى عليه جروح الامس
وفجاه تركني ومتخبي = اثر ان عمه بفعله حس
وقفى ولازلت باعبي = واناظر الجمس لين اندس

لاوين وحنا فطــرد الود = شبنا وشابت مدامعنــــــــــــــا
وشفيه غير الالم والصد = وبخنجر الشوق ذابحنـــــــــا
مثل البحر فيه جزر ومـــــد = يبعد ولااقبل يفرحنـــــــــــــــا
والعمر يمضى بناقص عـــد = وخوف النهايه تفاجئنــــــــا

يرتاح قلبي اذا شفتــــه = واعرف وصوفه من اخوانــــــــه
خمسه سنوات ماعفته = راضى بصده وهجرانــــــــــــــــــه
حتى عيوني مولفتـــــه = مايوم عفلت بنسيانــــــــــــــــــــــه
لو جاني الموت ماخفته= بس ياخذ القلب فأحضانـــــــــــــــه

ليت الهوى ينفتح بابه = وترتاح كل الهواوية
واللى شرب مر باسبابه = ترجع عليه المحنية

لاتشن حربك وانا حربي = اناتراني نسل شجعان
ماخوفتي غير من ربي = والآ فى غيره ماخاف انسان

احنا كذا الـرب خالقنـا=سبحان فارق طبوع الناس
والـي يفتـش مراجعنـا =احروب حنا جذور وساس
نصبر فى قمه مواجعنـا=ونفوسنا طاهره ماتـداس
ونبكي ونخفـي مدامعنـا=ولانقولها كلمه الاحسـاس
ولو نار تصلى مضاجعنا=من طبعنا مانعرف الياس
ونبيـع بلـي يخارجنـا=ولانسجل الدين فالكـراس

ماهو كذا يالغضي دوبك = لي قلب مايحمل التعذيب
تحرم مذاقي عسل نوبك = وتحضر طيوفك معي وتغيب

ذابت شموع الفرح والآنــس== واستوطنت ظلمه الآحزان
وطرفي يراقب طلوع الشمس== محتاجهــا لحظه النسيــان

ريحة عويدي وريحـــة هيـــل = ودلال فاحت قهاويهــــا
ياويـل قلبــي عليهـــا ويــــــل = ديرت بدو وسمهـم فيهــــا
مقبل عليهم فى فتـــره حيـــــل = ورجلي تعجل خطاويهـــا
وصوت المنادي فى نص الليل = ترحيب وافــي بلافيهـــــا
والجوصــافي قمــــر وسهيـــل= ورجال تعــرف تلاغيهــا
ماهو رجال النـــذل ونصيــــل = اعـلومهــــــا ماتقديهـــــا
كل ماعدلتـــــه يعــود ميــــــل = ويفرح بكلمــه يوديهــــــا
وديـارهم لـــو سقت بالسيــــــل= الآرض صمـــه مواطيهــا

تطري عليه مغيب الشمس= ايام ذاك الزمــان العــــــال
شبه ودله وبــــن وحمس = وتاخذ من الكيف لك فنجال
واقبـل علينــا شغل باللمس = مع راحته نشكي الآهمال
ناكــل ونشـرب بسده نفس = من حال يفرض هموم اثقال

لاياوجودي وجود الي = سيله حدر وانكسرشربه
وشاف الثمر طاب متدلي = ودونه حرس مانعه قربه

من بعدهم زادت اشواقي = وقلبي حنين البعاد اضناه
مدري من الحب لي باقي = والا معانق غرام انساه

لماعرفنا الهواء قلنا = بنجربه يوم ونسيبه
وملنا فى بحره ولانلنا = الا جروحه وتعذيبه
والمشكله فيه لازلنا = مابين صدقه وتكذيبه
وصرنا فى قمه تجاهلنا = يلعب بنا من ملاعيبه

اهواك ماهوهواء ايام = اسنين وانا متيم فيك
لاتصدق الشك والآوهام = بتمر لحظه وانا ناسيك