ديـوان الشـاعـر.../ جميل حميدان المزروعي
قم يا نديبي واستعد لــلمسـيرة = دام الــشعر في يدنا نعلن مسـيرة نبغا نزور انحاء شبة الجزيرة = جنوبها والغرب والشرق والشام واجب علينا وصف نهضة بلـدنا = اللي بـها ننعــم وفيها انــولـــــدنا من شـان لا من جا بـــعدنا ولدنـا = يقرى ما قد سطــرة والــــدة قدام قم واستعن باللي علم بالاحوال= الـــــواحد اللي يبدل الحال بالحال الشعر للشــعار حـــل وترحـــال= طيارته دفتر وتذكرته اقـــــــــلام نبدا من ارض النور وارض النبوه = ارض بـــها الاسلام شعشع بنوه ســـــــــــلام يادار لشرف والمروه =يـــامهبــط القران يانبع الاسلام جيتك يامكة بابتدي في قــــصيده = وليــــــــــاك يامكة لحالك قصيده احترت في تاريخك اللي رصـيده = ما يحتــوية الشاعر بفكر والهام فيك الحرم يشهدعلى خير نهضه = نهضة عيال موحد الدار وارضه يشهد لك التاريخ طولة وعرضه=ويشهد لك الـحجـاج من عـام لاعام فيك المشاعر والمشاعربها الخير=الــــعسر بامر الله بها صار تيسير وبك الصفا والمروة والغار والبير=غــيرالحجر لي واضعه خيرالانام تبقــين يــا مكة على مر الازمان= للـدين مهـــد وللحضارات عنوان تبقين في حفظ الله بخير وامان= زايـــــر وزايرك يبا يحــل الاحرام بعدك يامكة نبغ جده ولا غير= الديره اللي قـالو ان اســـــــــمها غير كل المصايف منك ياجده تغير= واكــبر دليل الصيف في صيفك ازحام صحيح من سماك ياجـــدة جده = فـيك الـتطــــور باذل كـــــــــل جده يلقابك المصطاف ما كـان وده = بــحر وملاهي ابحر ومرسى الاحلام جيتك ياجده والمســـيرة امامي = يـــــــــــالديره اللي ليلها ماينامي اسمك على صدر الحضاره وسامي = مــقـدام ياجده على الخير مقدام قدام الطايف وله معك قســمه= والـــبرق من يمـــــته لي بان وسمه والطايف احلى واحلى سموه بسمه =وانا لـيا قلت اعشق الحلو مانلام الطايف احلى واحلى وزياده احلا= والصيف للمصطاف دونة ما يحلا جيته وقال الكر يازاير اهـــلا = والورد با نواعــــه يسامــين وخزام فيك الشفا يشفي عليل الـمحبه = رمـــــــان برشومي وتين وعنبه والخوخ والمشمش مانقدر نكـبه = غـيرالعسل فيه الشفا لكل الاسقام تاريخك اللي امس قارينه اليوم = نشــهد له ويشهد له عكاظ ملزوم ماضيك في حاضرك حاضرومرسوم = والحاضرلمستقبلك سلم الـزام هذا ولك فالقلب منزل ومحصور= دون المدن فالمملـكه دونما قصور الله بنالي فيك يالطايف قـصور= اصحاب والاصحاب لي درع وحزام لك التحيه والتحيه للاصحاب = ودعتك الله والموادع له اســـــــباب قدم عسيرولي بها اصحاب واحباب= لـها قسم ولباقي المملكه اقسام ارض الجنوب اللي بها للسياحه = اكبر مساحـه لا بغييت الـــصراحه عسير فيها ابها والـــباحه راحه = اعــــــلام للسياح فالمملكة اعلام عسير لكن العسر مــــا قربها =الــــــيسرجاهـا والــــــــعسيره حربها كــله بفعل اللي مسهل صعبما= حكامـــنا اللي شرع ربي لها احكام احكام والاحكام كتبت زيارتك = الحمد لله يوم شــــــــفنا حضارتك ودعتك الله نبغا جازان جارتك = من بعدها نجران لي ربع في يام جازان فيها البحر والجزر تزهاه = اللي بــــها الفرسان تحمل مسماه ومنزل هل الاخدود نجران تحواه=وانا احتواني سهم من خيرالاسهام سهم الرياض اللي لها الدرب بيروح=اللي بها باللي بها عـز وصروح العاصمة والعـاصمة للوطن روح=هي روح له وحنا له ارواح وا جسام يانجد تاريخك مـايحتاج تعريف = معروف ومعرف مايحتاج توصيف والفضل بعد الله لمن جاك بالسيف = والــــــــفخرللامام بعيال الامام اللي لهم تاريخ يذكر ويـــــنعد = ســـعود فيصل خالد وبعدهم فهد واليوم عبدالله وســـلطان فالعهد = والملــــــــــــكة حكامها خير حكام هذا وتاريخك يانجد العريـــقه = له في حصون المصمك اكبر وثيقه مير اسمحي للضيف يكمل طريقه = مــــــــــــلزام يكمل مابدا فية ملزام ملزام امر الشرق وارض الشمالي = من بعــــــدها حايل بميل عقالي ثم القصيم تبــــــــــوك دق وجلالي = وان راد ربي فا لـــــــــعلا مجد ووسام الساحل الشرقي من اشهر شواطيه = نصف القمرمن شهرتة ماحد يخطيه من شهرته صعب عليه تخطيه = واللي يخطي مثل نصف القمر ظــام وان كان تبغ تشوف بعض الصناعات =مرالجبيل ومرظهران ساعات والاحسا والقطيف فيها الـزراعات =غــير المصامع تنتج اعلاف الاغنام وليا بغيت الشام با لــحفر بتمر=من بـــــــعدها رفحاء ومن ثم عرعر من بعدها سكاكا بـــها شي يذكر = مـــــــارد لها تاريخ يذكر وينسام حايل بها اجــــا وسلمى ورالي = دار الكـرم مشهورة بحاتم الطي وارض القصيم بها من التمر والمي = من خـير ربي تنعم بخير الانعام وليا وصلت تبوك به غزوة تبوك =اللي على تاريخها عنـدها صكوك من بعدها دوك العلا دونما شكوك = مدين فيها سكن صالح اعوام قبل المدينه قبل مسك الختامي = خذ ينبع وبلغ لاهــــــــــــلها سلام ون جيت بدر وجت احد ياسلامي = واخذ المساجد سبع وفطيبه اختام خــــــــتام رحله بالشعر مبتديها =فــــــــام القرى وفي طيبه ابنتهيها ماهو عبث لي قدوتن مـقتديها = ســــــيرة محمد فـــالبداية والاختام مريت فيها احد عشر مدينه = بادي في مكة والختام الــــــــــمدينه وختامها صلو على زايرينه= صلو على من ارسل بدين الاســلام |
تعبت امشي ورى رمشي واسج خلافه الاقدام = يشرقبي يغربي على كيفة يوديني تعبت اتبع له ويتبع لي الحسرات والاندام = يشاور لي لما يبغاة واقدامي توديني تعبت انا ابني صروح القناعه له وهو هدام = اريد اقناعه براي ولكنه معاديني تعبت آقول له وين الهدف ويقول لي قدام = ماكنت اتوقع لدرب الهوى واهلة موديني هوى فيني في درب الزين وانا في امستردام = جرح قلبي ولافكر بعد جرحه يواسيني حكم حكمه علي وصدره قاضية بالاعدام = وكاتب عدل محكمته لمشنقته يناديني غدر فيني وسوابي سوايا بوش في صدام = ما كان يظن بانه فيه فارق بينه وبيني صحيح الحكم في صدام نفذ لكن اسمة دام = في ارض الرافدين مسجل فكل المياديني لون المعتدي كسر صوره وحطم الاصنام = يظل الرعب باقي منه في قلوب المعاديني صحيح انا من امه وحدة لكن انا مقدام = ولا جابته امه من بنظره يلوي يديني انا سعودي ولا ارضى على نفسي بالاستسلام = ولا اقبل سوى الاسلام لي مذهب ولي ديني انا سعودي ولا ارضى بحكم مصدره ظلام = ولا لي غير الاحكام السماويه قوانيني انا سعودي ولي فأرض النبوة والكرم حكام = هل العوجا هل الاسلام لاحكامه مأديني سعوديين حنا واسمنا فوق الصدور وسام = وفانا نبع للوافي وعلقم للمعاديني سعوديين حنا يفخر بنا الفخر ماينلام = لنا فعل ولنا تاريخ سطر فالدواويني بنينا دار له مقدار باذن الله ماينضام = لانه دونه اللي بحل وحال فاديني ضعيف النفس مايدري ان حنا عزنا الاسلام = مليك وشعب ترخص كل مانملكه للديني ضعيف النفس مايدري ان مابه حال لاحدٍ دام = لبده يوم ياجي يوم وآخذ منه انا ديني جروح الوقت به جرحٍ يخص وفيه جرحٍ عام = وانا جرحي بفعل الهام شعري صار جرحيني يهون الجرح الاول مع جروحٍ تدمي الها اعوام = جروح اللي عليهم ليت ربي بس يوليني ثمان سنين مرت والعراق وشعبها في صدام = شعب واحد ولكن بعضه لبعضه مذكيني مادام الحال ذا حالك يابغداد اشبعي احلام = ماظنك يالعراق لماضي ايامك تعوديني لو ان الحال ذا حالك لحالك هانت الالآم = بلانا كل الامة بالمرض هذا مصابيني بلا لبنان طير من ارض سوريه عليها حام = تفكه فالمسا لجل الصباح تقول بقتيني مع النيل انتقل نفس المرض لارض السودان وحام = والاخوان العرب في ساحة الشعار لاهيني بيارق للشعر سوو وسيف ولجنة للحكام = وراعي يدفع المليون ويعقب ملاييني بلانا امة تشتت جسدها بين غرب وشام = ولا منا تجمعنا تفرقنا الضواغيني جسد واحد ولكنه مقسم فوق عشر اقسام = وتفصيل الجسد يآتيك من بعد العناويني على التلفاز عند اللي لهم خبرات فالاعلام = هم اللي من خلاف الامه اكبر مستفيديني مصايب قوم فيها فايده قالوا لبعض اقوام = لو انا نصطلح بالصلح تتقفل قناتيني بلانا مننا فينا ندس لبعضنا الالغام = نعرف اعدائنا لكن لما يحكون مصغيني فلسطين الابية كم سنة مرت بها ضرغام = يقتل فاليتاما واحنا فالمرقاد هانيني فلسطين الابية لاذكرتك جفت الاقلام = يميني وقفت واوراق شعر قالت اطويني يدوم الحال لكنة لغير المعتلي مادام = لبده يوم ياجي يوم ونحرر فلسطيني |
دستورن القرآن والشرع معدال = والحكم لله ثم لآل السعودي في سيرة المختار تفسير الأقوال = منها تعلمنا ركوع وسجودي اجيال تآتي بعدها اجيال واجيال = والعمرنقصة في بن آدم صعودي الرب واحد مابها شك وجدال = الواحد الفرد الكريم الودودي الدين من ثم الوطن بعده المال = والمال فاللي راح به لك يعودي الروح لأرض ودين ترخص والاموال = وحنا لدين وارض نبقا جنودي طاعة ولاة الأمر في سلم وقتال = في طاعة الله ماتزل الحدودي الجار بعد الاب والعم والخال =والام مثل البحر ماله حدودي الصاحب اللي لحمل الاصحاب يشتال =لاتصحب اللي فالشدايد شرودي السر حذرا لاتحطة بمنخال = لاتآمن الا من يحفظ الوعودي طبع المنافق مايسوي ليا قال = والمؤمن اللي موفي للعهودي العلم فرض ومطلب ونورمازال = والجهل بيت العز منه مهدودي بيت الكرم يعمره دله وفنجال = البخل بيت ساكنينة رقودي الضيف له عند العرب خيرمنزال = وزيارة المرضان فعل محمودي الصبربه قالوا مفاتيح الاقفال = اليسربعد العسرلازم يسودي الحسد بين الناس للخير قتال = الكبر مهلك قوم عاد وثمودي من جالس اهل الخيرللخيرفعال = والشرللي جالس اهله يقودي الدهر يوم ويوم جالس له قبال = اليوم الاول لك والآخر جحودي كلن على قدرالذي قدم ينال = خذ من حياتك لآخرتك الوقودي فالقبر مايبقا معك غير الاعمال = واعمالنا مابين بيض وسودي الصدق وقت الصدق يحكا وينقال = والشعر بعضة كالذهب والنقودي الشعرماهو كل منضوم يتقال = الشعر بحر وله نظام وبنودي الشعر ماتشريه بجنيه وريال = الشعر شجرة عرقها فالجدودي آقولها وانا الذي للشعر نال = والشاهد اللة والخلايق شهودي جدي بنالي بيت له سلس وظلال = واكمله خالي جعل عمرة يزودي بيت بناة الجد مهما الزمن طال = مايختلف مادام انا فالوجودي ماكل منه يركب الخيل خيال = ولاكل من يرقا بشعرة سنودي الشعر والشعار الوان واشكال = والحكم للي للمعاني نقودي الاول اللي يشرح الصدر والبال = معنا ووزن وصوت مثل الرعودي عكسة من الشعار شاعر ودلال = ثرثار شعرة علة فالكبودي الثالث اللي بالشعرصاريحتال = شعرة سواة الشوك وسط الورودي الرابع اللي جامع شعر وافعال = والشاعر افعالة لشعرة تقودي دايم محلة للمسايير مدهال = رجال باشعارة وملة يجودي الخامس اللي بالشعريجمع اموال = لولا الشعر ماله معانا قعودي ماقول انا ناقد ولاقول فتال = لكن مايمنع اقدم جهودي الشعريرقا كان قايلة رجال = ويطيح كان اللي يقولة ربودي من ماضي الايام والشعر يختال = الزين يبقا والردية تبودي الشعر كان اول كما البدو رحال = واصبح كما قالوا سهود ومهودي اليوم سويلة قنوات وارسال = سيلن اتانا ماتردة سدودي كثرة قنوات الشعر والحق يقال = البعض منها جعلها للخمودي لا والذي ادهى برامج وشي حال = بيرق شعر زاد الفتن والحقودي قد قيل فالامثال قال المثل قال = مازاد عن حدة لنفسة ضدودي مليون رامي والهدف راس هذال = والقدس منسي في يدين اليهودي لولا الامل ماكن قلنا لنا آمال = ولولا الهوى ماهتز غصنن وعودي الله يحل الصعب ويبدل الحال = سبحانة اللي يحل صعب العقودي تمت ولا به مخرج بدون مدخال = باسمة اتيت وباسمة ايضا اعودي باسم الله اللي لاصدق القول نزال = باسم الله اللي كلنا له نعودي |
ياكيف نبغ النصر واحوالنا هيك = يعنى على ما قالو اهل المثل ماش امة يجمعنا على العام لبيك = وليا انتهت رحنا كما طاش ماطاش نصفٍ معة شيخ ونصف عندهم بيك = ثلثين منا منغش وثلث غشاش يأذن علينا الذن ويفزع الديك = وحنا سواة اللي منوم فا لانعاش شارع مدنا ممتلى بالصعاليك = والتربية توزيع وانتاج الادشاش رقمٍ يهول لا قريتة على الشيك = شيكٍ ليا جا وقت صرفة بلا كاش امة على نظراتها اعدائها تحيك = قدام ناظرها العدو وسطها داش امة تصيبك بالاذى ثم تآتيك = نايشك يآتي لجل يسألك من ناش امة بلاها منها منها فيك = البعض منها من بعض صار يعتاش تقتادها لاصرت حضرة معاليك = وتقودك ليا منك اصبحت فراش على قدر ما معك تكسب محبيك = وليا غدا ماتملكة تصبح طماش جارك على ادنى خطا جا يربيك = صدرة على غلطة ولدك ان غلط جاش ذا جارك اللي به نبيك موصيك = وش عاد تبغا من عويش يا عياش لا والصديق ان غبت عنة يذكيك = وان بان له نورك فرش قدمة فراش اخوك قدم الناس بالحيل يغليك = خايف على سمعتة من هجرك تناش ولدك بنكرانة ليا شبت يجزيك = وانت تحاول تستر افعاله بششاش ذا حال الامة عقب عهد المماليك = ماضي جسد حاضر لمستقبل طشاش واقعك هذا وان ماكفاك نعطيك = مايتعب اللي يبحث العيب فاللاش حاضرك يا امة محمد مزريك = جسمك غدا عظمة في هذا الزمن هاش كثرة عيوبك والمكاسب لاعاديك = لولاك هزلة ما دخل فيك منقاش وش لون تبغينا نحرر اراضيك = وانت ثلاث ارباع من فيك هشهاش بنزينك اللي معك ماهو موديك = حاضرك لولا الذي مضى منك ماعاش ما كان ودي من منامك اصحيك = لكن من زود الفكر فيك منداش شفت العدوا جا يمك وقلت اصحيك = احدى عشر ليلة على غزة ارشاش اف آربي جي ضد الحجارة فايآديك = غير المدافع والصواريخ وكلاش امة محمد يافلسطين تهديك = حزن واسى واحساس من قلب جياش ذا مدهم لك ياعسا الله يقويك = ثارو وثايرهم فزعلك بفشفاش ما قول غير الله يردك لماضيك = اللي لو انه عاد صهيون تنحاش |
حس فيني مثل ما ني حاس فيك = بادل شعور من شعورك شعور التفت لي يرحم الله والديك= كون لي في سكتي شمعة ونور صار لي عامين وآنا ارتجيك = وانت ذابحني بصدك والغرور معك لكن ما قدرة اوصل اليك = واضعٍ بيني وبينك(1000) سور ماقدرت آقوللك آموت فيك = رغم اني ما اعرف آلف آدور البلا قلبي مجنني يبيك = لوم قلبي كان اقلك غور غور |
ودي اقلك شي لكن محتار= خايف اقوله لك وتزعل علية بي شي من يمك اتا صار ما صار = سبب كوارث كلهاا داخلية لو كان ولياها تشاهد بلانظار = ما كان جيتك قلت ناظر الية لاتحسبني جيت لك طالب الثار = مسلم ولاني من هل الجاهلية جيتك لجل ما قولك تطفي النار= خذ من حطبها ياحطبها بلية اسقيتني حالي نهايته الامرار = سمٍ بدايته عسل فالخلية |
باسم الذي في يديه توزيع الارزاق= الواحد اللي مالنا رب غيرة باسمه اله الكون نكتب بالاوراق = نصٍ تحت عنوان قايد مسيرة عبدالعزيز اللي له الشعر يشتاق = شوق اللنظر للي عيونه ظريرة قايد له الابيات تتسابق سباق = في وصفة الابيات تآتي مغيرة قايد بعزمة ماعرف طعم الاخفاق = مؤمن بمن يعلم نهاية مصيرة قايد بنا بالسيف دوله بها فاق = فاق النجوم اللي في سماها منيرة مجدٍ بدا من نجد ساعة لها اشتاق = جاها واخذها بالسيوف الشطيرة قدام نور الشمس يبديله اشراق = في خمس من شوال صارت اسيرة عانق رياض المجد مابطى فالاعناق = حتى حمل سيفه وواصل بسيرة يم اليمن والشام ساق القدم ساق = مقدام يتقدم جيوشٍ غفيرة بالسلم قبل السيف للسلم سباق = والخصم قبل يحاربه يستشيرة الين وحدها قبايل واعراق = في واحد وخمسين عمت بخيرة رز العلم فيه الشهادات خفاق = والسيف من تحت الشهاده مشيرة اطلق عليها اسم ناسب لها ولاق = اسمٍ تحلت به وصارت اميرة اسس نظام الحكم بحدود ونطاق = الشرع منهاجه وسنة بشيرة بنا المساجد وانشا دورٍ للانفاق = والعدل عين له قضاةٍ جديرة انشاء صروح فيها للعلم مطراق = والعلم نورٍ للعقول اللي منيرة عبد طرق فيها وانشا بها انفاق = ساوى عسير دروبها باليسيرة استخرج البترول من وسط الانفاق = والخير عم في كل قرية وديرة قاد المسيرة لا ولا شي له عاق = بالعقل والحكمة وحسن البصيرة لين انتقل للي لها لكون خلاق = يالله لعله من جهنم تجيرة هذا كلام اللي للابيات يستاق = يستاقها مما معة من ذخيرة وختامها عداد مالاح براق = صلوا على احمد فالعلن والسريرة |
يازين لاتبخل علية بنظرة = يازين لاتحرم عيوني نظرها لن كان ماهو اليوم نصبر لبكرة = نصبر على حلو الليالي ومررها خليت قلبي يشتعل فوق جمرة = والروح ماغيرك ياروحي جمرها ساهر طوال الليل وآهل عبرة = واللي اودة دمعتي ماعتبرها كسر الخواطر صعب يازين جبرة = لليوم ماحدٍ قالوا انها جبرها لن كان ونك تبغا لي المظرة = في يديك روحي كان تبغا ضررها هذي دروب اهل الهوى دوم خطرة = احدٍ وقع واحدٍ سلم من خطرها حتى القلم ياسيدي جف حبرة = وهجوس شعري غارقة في بحرها قصة هوانا صارة اليوم عبرة = كلٍ قراها واعتبر من عبرها يازين لاتبخل علية بنظرة = يازين لاتحرم عيوني نظرها |
قالوا علامك قلت وش ماعلامي = قلبي مصوب والسبايب من العين عيني تشاهد نورها كالظلامي = وسبتي بعد حدي قبل يوم الاثنين لامي لحق لامي ولحقة لامي = بيني مابين البين والبين مابين حاولت افسر من كلامي كلامي = وليا كلامي نون في وسط عينين اللم ماهي لام الف ميم لامي = عينين عين وياء مابين نونين حربي وحربة حرب تبغا سلامي = مبلي بلاة العشر في عام الالفين حامي وجودة من وجودة يلامي = و ينة خذا وينة ما يدري على وين حالم وحلمة حلم حالمة حامي = دينة قضى دينة بعد كان له دين رامي رمى رمية ولاهو برامي = حاني حنى قوسة بما بين قوسين ورد مواريد الهوى والغرامي = وانصاب منها الياء والنون والعين حايل وحل حلالها بالحرامي = نخلة قطفت فنونها فوق سيفين حلم العيون الساهرة ماينامي = حد الحدود وحدها سيف حدين لامة من العالم ملام وملامي = وافطر على الحمرا على حد سكين هل ياترى حربة تعود سلامي = والا قسا لينة قسا من بعد لين |
يابلادي على العز والمجد دايم = باقية يابلادي باقية يابلادي حافظك واحدٍ سهران والكل نايم = عن هل الكفر واصحاب الفتن والفسادي حاكمينك رجالٍ ماتحب الظلايم = الرجال الكرام اهل الشيم والمبادي شعبك بخير من ذيك العصور القدايم = ساع ما جالها صقر الجزيرة ينادي نادى بالصوت عالي جيت مغرم وهايم = بعد طول الغياب وبعد طول البعادي جيتلك بالرجال محزمين القدايم = كلهم مرخصين الروح لجل الجهادي يشهد الله علينا ما ندور غنايم = كلمة الحق غايتنا ورب العبادي ابشر بالسعد والحظ طيب وقايم = قبل اوحدك عيني ماتذوق الرقادي قاد جيشة وزاد اصرارهم والعزايم = وابتدى بالقبايل ساكنين البوادي قبل حد السيوف وقبل رمي السهايم = ينذر الخصم قبل يثور قدح الزنادي يسلم اللي بسلم يسلمون الزمايم = من يبا الحرب يبشر بالسيوف الحدادي من يعاند يذوقه طعم الهزايم = نار خصمة تعود قدم جيشة رمادي وحد المملكة والخير لليوم عايم = في سنة واحد وخمسين نادى المنادي انتقل لله اللي خالقه من عدايم = ياعساة في جنان فيها عنبر وكادي خلف لها رجالٍ سيروها بهمايم = سيروها فالايام اليسر والشدادي بعده سعود سلم والتزم باللزايم = ثم فيصل وخالد كايدين الاعادي لين فهد استلمها واقبلت بالنعايم = رحمة الله على فهد الحكيم القيادي بايع الشعب عبدالله وقاد الزعايم = واستفرت معة والخير والامن سادي قادها في طريق الخير نجل العظايم = قرب الخير منها وابعد الشر غادي في يمينة ولي العهد شهم الشهايم = قيد الجيش جيشة اسمة فكل مادي يالله انك ترد اهل الفتن والجرايم = عن بلادٍ بها الاسلام دين وعمادي مملكتنا بها خيرات مثل الغمايم = واسمها فالمحافل دايم الدوم بادي يابلادي في حبك ماستمع لوم لايم = حبك فوسط قلبي دايمٍ فازديادي يابلادي على العز والمجد دايم = باقية يابلادي باقية يابلادي |
انت اول من بدا قلبي يحبه = وانت آخر من عيوني صابها لب لي هذا الطلب يازين لبه = قبل روحي تفتقد اعصابها واسقني من ريقك بكفيك شربه = وان مافيه احراج تتوصابها كب عنك الكبر ياغريوف كبه = شوف عاد من الكبر وش صابها ليه اخوك المسلم انته ماتحبه = ذي وصيه المصطفى وصا بها |
الــبــارحــة مــانــمـــت لــيــلـــي ولانـــــــام=مظنـون عينـي نـون عيـنـي والاهــداب احـيــان انـاظــر خـلــف واحـيــان قــــدام=وآقـول صــدق الحـكـي والحـكـي كــذاب احكـم عـلـى نفـسـي بنفـسـي بـالاعـدام=وافـتـح عـلــى نـفـسـي مـلايــن الابـــواب احـلـم وانــا صـاحـي وتفسـيـر الاحـــلام=بـيـنـي وبـيـنـه بــــاب والـقـفــل فـالـبــاب الـمـسـتـريـح الـــلـــي بــــــلا فـكـروالــهــام=لايـطــلــبــه احـــــــدٍ ولاهـــــــو بــــطــــلاب والا الـشـقــي الــلــي بـــــلا درع وحـــــزام=الـلـي رصـيــدة خـــالٍ مـنــه الاصـحــاب دنــيــاك يــابــن آدم مـقــاديــر واقــســـام=والآخــــره مــعـــروف لــلاولـــى حــســـاب انـــعـــام مـاتـنـفـعــك يــاهــيــه الانـــعـــام=والعـيـن مايمـلـى حدقـهـا ســـوى تـــراب ماحـدٍ مــن العـالـم عـلـى صــدرة وســام=والــنــار قــالــوا مـالـهــا غــيـــر شــبـــاب الـعــام مـــدري عـــام الاول قـبــل عــــام=يوم ابتدت في ساحة القدس الانشاب بـعـد الـعـراق استسلـمـت مـــات صـــدام=واستبشـرت طـهـران مــن بـعـد مـاغـاب مـن قبلـهـا كـابـول ومــن بـعـده الـشـام=والـبـث حـصـري فـــي قـنــوات الارهـــاب الـمـتـهــم مــعـــروف صـــــاروخ قـــســـام=والــجــرح عــيــت لاتــداويــه الاعــشــاب اعـــلام تـآتــي بـعـدهـا اعـــلام واعــــلام=الـمـشـكـلــة فــيــنــا وفــيــنـــا لـــلاغــــراب اسـلامــنــا بــاطـــن وظــاهـــره الاســـــلام=ظـاهـر ومعـلـن باطـنـه عـنــه الاظـــراب انــلام لــو ماقـلـت هـيـا اصـحــو انـــلام=شـاب الفـكـر والـقـاف للحـيـن مـاشـاب |
( سكين القصيد )
حدني حادي وحديت سكين القصيد = والحطب طاح الحطب واشتعل واشتب نار الرصيد الا نهايات مفتوح الرصيد = والمسار السير عكس اتجاهات المسار الرمي لا من رميت الهدف لابد اصيد = ماذكر اني قد رميت الهدف والرمي طار الرسايل جاتني دونما ساع بريد = والخبر تفصيله يجيك بعد الاختصار الرحى دارت على الحب وتحول عصيد = والعرب في ساحة الوهم يرمون الجمار امة الاسلام تحلم بخالد بن وليد = والسنين تمر والحلم حجزة انتظار الزمن نفس الزمن ماتغير ذا اكيد = من يقول انه تغير محله في شهار الطموح يزيد والعمر ينقص لو يزيد = والاكيد الحاجة الحاجة ام الافتكار استفد واخذ المفيد ومنه للغير فيد = والقناعة كنز قالوا فالامثال ما بار لاتخيرت استخر واختر الراي السديد = ما يخيب الراي ما دام راعية استخار العباده كلنا لله الواحد عبيد = والفروض ثنين ليل وثلاثة بالنهار ماعز من الولد عند ابوه الا الحفيد = والرضا للام والدار قبله قيل جار الهوى والمي للناس شريان ووريد = والزيارة للمقابر لمن زار اعتبار العسر من بعده اليسر لابده يسيد = والصدق منجاة والكذب ساعاته قصار ماحدا عايش حياته على كف الرغيد = ما بها مرتاح لا اغنياء ولا فقار مايشاء الله يشاء ويريد اللي يريد = كل شي بحكمة الله وقدرته اقتدار البرد ينزل على الارض ويذوب الجليد = والرياح تهب وتثير فالجو الغبار التطور والامل قرب الحلم البعيد = والصعب ما سهله غير طعم الازدهار الذهب يبقى ذهب والحديد اصله حديد = والحذر تخبر يمينك بمدات اليسار الشعر احساس وشعور والشعر الحصيد = والبحور أوجاج وانت عليك الاختيار |
( الجد و سهيل )
لوكان قالو فالمثل بان ولد الوز عوام=مابعد بن عواد صياف بن عواد صياف
مبروك ابو ناب اعتزل واشهد انه قام بالزام=من ينكرالميقاف لابوحسن ظالم وجحاف الشعرباقي والشواعيرمن قبلة ومن شام=والفرق بين الشعرالاول وشعراليوم فالقاف الوقت الاول كان للشعردعاسة وصدام=واليوم صارالشعرناعم ومتحنحن وشفاف اربع مية ابهام باربع مية بصمة للابهام=والعلم بين الجد وسهيل له منزل ومشراف اقوام تآتي بعدها اقوام تآتي بعدها اقوام=والناس قيل اجناس والفرق بين الناس الاوصاف ايام والايام يومين يوم ويوم الايام=والامرعند اللي له الامربين النون والكاف صوم وتصدق حج بيت الله واوصل للارحام=والبيت للخطارياجاهل الخطارمظياف طاعة ولاة الامرفي طاعة المولى لها احكام=وليا تخيرة انصحك لاتخيرغيرالانصاف اولاد عمك والقبيلة ترى لك درع وحزام=صاحبك لك ساحب وجارك ترى لك خيرميلاف الوعد ياراعى الوعد كان راد الله قدام =مادام ون الراس باقي علامة فوق الاكتاف كان الشعرمحكوم حنا ترى للشعرحكام=بالشعرنفنا يوم بعض العرب فوق الشعرناف حنا وسام الشعر والشعرفوق صدورنا وسام=والشعرله صراف ماكل من للشعرصراف اقلامنا في صفحة الشعرمايشبه لها اقلام=يوم البعض من بعض الاقلام حبرة وسط القلم جاف الام ماهي لام يالايمي الام الف لام=قلته وانا ودي بمحراف واللي قلت محراف الحرب خدعة والعدوا في سمانا ياعرب حام=والوضع فينا ودنا ياعرب نطلب له اسعاف البعض منا صايرٍ ياعرب للبعض هدام=والجرح كل ماقالوا انه برى عود للانزاف |
(( قمة القاف ))
يقول من عدى على قمة القاف=وارخى سدول القاف والقاف غناة طاف الفكر والفكر لافكر وطاف=يا ما حلى ما يقطفة لي ويجناة ايام ماتلقى من الشعر صفصاف=وايام من زود الموارد نقيناة الشعر ماله فالميادين صراف=الشعر من رب الخلايق وهبناة من لاسرق قالوا فالامثال ماخاف=والحمد لله شعرنا ماسرقناة ميرادنا معروف من دون عراف=والشعربحرومن بحورة غرفناة بيت الشرف مبني على ساس الاشراف=اللي يشرفنا ليا من ذكرناة للشعرفينا قصر في راس مشراف=من فضله اللي لاعطانا حمدناة في وقت بعض الشعر بالبعض ينعاف=البعض منه من بعض منه عفناة احدٍ يجيب اللي لها ضو ينشاف=واحدٍ يجيب اللي دنيه كما ادناة النايف اللي بالقصايد علا وناف= والطايح اللي ماورد ماوردناة الفرق بين الزين والشين الانصاف=واللي مانقدر ننصفة انتصفناة اللي يعرف النون مايجهل الكاف=والشاعريقولون فالبطن معناة ياحضرة الجمهور يازين الاوصاف=العيب لولا نقدكم ما عرفناة انتم لنا ولجرح مانكتب اسعاف=ولاهو بعيب النص لو كان عدناة هب الهوى والقلب مع هبتة راف=هب وهوى فينا على ما بغيناة وجدي على اللي من حلاياة شفاف=اللي ليا اقبل دونما احساس جيناة غرٍيوف غرف نون عين تغرياف=ياما علية الدمع حنا ذرفناة الموت كل الموت مابين الاكتاف=تحيا على كف الحياة المحناة ميلاف لوما والف القلب ميلاف=عندة بدىينا العشق عندة نهيناة |
ياسلامي سلام يشرف اللي يقوله=والشرف له من اللي وده يرد لي ياسلامي سلام من الهجوس الخجوله=بعد ماغيرة مذهبك يالحنبلي والله اني اعرف العام واعرف فصوله=واعرف ان الخطا بالمعذرة ينجلي جيت ابا قيس عرض البحر ولياه طوله=لين حتى عميت العين بالمكحلي مير ربي رزقني ناس ماهي جهوله=ربعي اللي ماهم ربعي لاوالله هلي والله اني ماقلت اللي يطابق فعوله=وانا في حضرت اللي قدرهم معتلي ربعي اللي لهم فالطيب صوله وجوله=ربعي اللي لهم وسط الحشا منزلي ربعي اللي لهم قولٍ سبقته فعوله=ربعي اللي سواياهم انا من الي حرب حرب الحرابه عن ثلاثين دوله=حرب حرب الحرابه من لها يجهلي حرب حرب الاسم ماكل من هو ينوله=حرب حرب الحرابه خصمهم ينكلي ياسلامي سلام يشرف اللي يقوله=والشرف له من اللي وده يرد لي |
صباح الفكرة اللي خذتني في سما جوك= وراحت في سما جوي تعيدك بالمدى لمحات خيال عاد ياليتة ماعاد وردلي نوك=وراح بقلبي الظامي بغفلة يسرق الحسرات بعيد ابعد من الواقع لفيت بخاطري توك=تعلقت بسما الفكرة ولاظنيت لك وقفات في كفة كل هالعالم وكفة اعدها سموك=رجحت بكفة العالم محيت بجيتك جيات |
في ملتقى حرب التقينا على النور=على الشرف والعز والجود والطيب كلٍ وله ميقاف في ماقفه دور=الكل ضيف وكل ابونا معازيب الشور عند الكل والكل له شور=اخوان قبل نكون عزوة واصاحيب لوكان جانا من بعض بعضنا جور=اسلوبهم واحنا لنا بعد اساليب اسلوبنا بأخلاق الاسلام مأمور=عاداتنا تفرض علينا التراحيب دستور ياشعار دستور دستور=اللي يجي منكم يسج المكاتيب ماحدٍ من الشعار ياحرب معذور=من قابل البشري لصقرالمراقيب |
انا سعودي وراسي فوق=عالي ورب الناس عالي مخلوق لي اخلاق مخلوق=رجال من صلب الرجالي لي فرق عن غيري له فروق=من دونما شك وجدالي فرقي بدين الحق مفروق=مفروق لي فرق ومثالي مسلم وبالاسلام محقوق=بين المحرم والحلالي ما ذوق ما حرمه ما ذوق=والحل دايم راس مالي المال له في ديننا حقوق=معروف ليمين وشمالي ما دام به تجار بالسوق=ما ينقصة التاجر ريالي ميدان به سابق ومسبوق=احدٍ به اول واحد تالي كلٍ من العالم وله ذوق=من ذاق مر يذوق حالي البن وسط النجر مدقوق=مدقوق لبهار الدلالي للضيف وسط الكيف مسحوق=في حزة يجيله مجالي للجار باب وباب مطروق=من بعد عم وبعد خالي وللوالدين حقوق وتفوق=تفوق حق ام العيالي الصاحب لصاحبه صندوق=لاصار عنه الحمل شيالي ما كل من مطرود ملحوق=ولا لا للحمول الا الجمالي راس العدو بالسيف محلوق=دون الوطن يوم القتالي دون الوطن عاتق ومعتوق=ارواحهم دونه حلالي عاشق ولي فالعشق معشوق=دام الله يحب الجمالي لا عاشقٍ مهرة ولا نوق=عشقي اغني بالجزالي |
كل موقع يحمل اسم القبيله له ســـــــــــــلام = ملتقى حرب ومجالس حرب واللي بعدها قلتها وانا بعــد قولها ليه كـــــــــــــــــــــــــــــلام = والقصايد مقصد وقصد تلقى قصـــــــدها غايتي من دون غــايتها قصد ومـــرام = والهدف معروف والعين واضح لــــــدها لا علام الا علام العــــــــــــــــــــــــــــــلايم لي عـلام = غيرة الحربي على حرب بيــــــــــــــــــــح ســدها نوركم ياحرب كالنور جلاي الـــــــــــــظلام = والمـــــــواقع كــــــــــــــــــــــــــــلها دونها من قدها كل موقع له على مــــــــــــــايقدمه احترام = والبيوت اللي لـــــــــــــــــــها عمد يبقى عمدها كـلنا نكمل بعض بعضنا من بعض قام = يد ما تصفق ليا قصرت احــــــــــــــــــدى يدها دامنا مع بعـــــضنا دام منا الكل دام = تركنا للبعض للبعض الآخــــــــــر هــــــــــــــــــــدها امية وتسعة وثمانين طلقة في حـــــزام = الاســــــــــــــــــــــامي تختلف والشبه في جـــدها لو تميز بعضنا عن بعض ماهو حــرام = نعـــــــمــــة الخالق وشكر النعم في حمدها المصلين اربع الاف من خلف الامــام = والجـــــــــــــــــــماعة اجرها مايشـــــــــــــــــــــــــــــــــابه فردها لو يلاقي بعضنا من بعضنا الاهتمــــام = اهتمام البعض للبعض وحــــــــــــــــــــــــــــــــــــــــــــــــده سدها مـايلام المرء بعد اجتهاده مــــــــــــــــــــــــايلام = كلمتي بالود للود واهــــــــله ودهـــــــــــــــــــــــــــــــا |
قالوا علامك قلت وش ماعلامي = قلبي مصوب والسبايب من العين عيني تشاهد نورها كالظلامي = وسبتي بعد حدي قبل يوم الاثنين لامي لحق لامي ولحقة لامي = بيني مابين البين والبين مابين حاولت افسر من كلامي كلامي = وليا كلامي نون في وسط عينين اللم ماهي لام الف ميم لامي = عينين عين وياء مابين نونين حربي وحربة حرب تبغا سلامي = مبلي بلاة العشر في عام الالفين حامي وجودة من وجودة يلامي = و ينة خذا وينة ما يدري على وين حالم وحلمة حلم حالمة حامي = دينة قضى دينة بعد كان له دين رامي رمى رمية ولاهو برامي = حاني حنى قوسة بما بين قوسين ورد مواريد الهوى والغرامي = وانصاب منها الياء والنون والعين حايل وحل حلالها بالحرامي = نخلة قطفت فنونها فوق سيفين حلم العيون الساهرة ماينامي = حد الحدود وحدها سيف حدين لامة من العالم ملام وملامي = وافطر على الحمرا على حد سكين هل ياترى حربة تعود سلامي = والا قسا لينة قسا من بعد لين |
الشرق الاوسط حالته حاله = من بعد ماثـارة براكينـة
الشرق الاوسط حالته حاله= من بعد ماثـارة براكينـة غـزاة رجليـة وخيالـه = واختل واختلت موازينـة مابيـن نقاضـة وفتالـه= تاهت عن الثاير عناوينـة احد غزآ حاكمة واشتالـه = والا احد ماشاله ليا لحينة كلً خـذا فالـه ومعدالـه = والمسعد اللي فاز بالزينة ما باقي الا مـن تهيالـه = شيطان ظمة مع شياطينة يبقاله من الوقت يبقالـه = قسمة يبا ياجية في حينة ماينفعة يمنـاة وشمالـه = لو كان بالتصويت حامينة كلٍ يبا يجزى على اعماله = في يوم تشهد ضده ايدينة قلته وانا من دار ما حاله = الحايل اللي من حوالينـة الطيب فاله والسعد فالـه = عنه العدوا لا جاه حادينة لامن دعا داعيـه جينالـه = لو يطلب الارواح معطينة تاريخنا يشهدلـه اجيالـه = تاريخ موثوقـة براهينـة شعبٍ يسابق قوله افعالـه = وملوك راضيهم ومرضينة آل السعود اللي لهم طاله = والمجد بالامجـاد راقينـة ماقاله الله حكمهـم قالـه = دستورهم شرعة قوانينـة العود ورث حكمه عيالـه = واللي مشاه العود ماشينة يبقا الوطن لنا وحنا لـه = والله يديم الحكم وسنينـة |
الموت حق ولا عن الموت مجناب = دربٍ وكل الناس في دربه ورود مرحوم يابوناب ياراعي الناب = مرحوم ياللي لوفقدناك موجود ماغاب منهو فالمواجيب ماغاب = له ذكر ذكره فالمواجيب معدود ذكره تجاوز ذكر بن غانم ذياب = مشهودله بالطيب والطيب مشهود انا اشهد انه كان للحرب حراب = كم من حسودٍ حط في عينه العود شاعر تعلا بالشعر كل مرقاب = يوم ان غيره حاضر وماله وجود من دون ربعه كان واقف على الباب = وقفت شجيع وباذلٍ كل مجهود يرحمه من قدر على الخلق الاسباب = الواحد اللي كل خلقه له سجود ماغاب من خلف يقولون ماغاب = واليوم من بعده على الباب ابوسعود الله يبارك فيه للنار شباب = والناب في يمناه للخصم مجرود يحفظه من نزل على محمد كتاب = الواحد اللي ماسواياه معبود |
من دون حد السيف حنا على الحد = وارواحنا من دون حد الوطن روح
من دون حد السيف حنا على الحد = وارواحنا من دون حد الوطن روح قول وفعل والفعل للقول يشهد = والقول دون الفعل ما منه مصلوح حنا سعوديين تشهدلنا نجد = عن من بنا في نجدها مجد مايروح عبدالعزيز اللي لتاريخنا عد = تاريخ حاضرنا بماضيه موشوح بيتن بناه بعزم بالعزم مانهد = سلمه للي زادوا البيت بصروح سعود سلم فيصل وخالد وفهد = سلم ملك مطنوخ طيب وطحطوح عبدالله اللي ود شعبه وله ود = الشعب صدرة من مودته مشروح الطيب من الوصف به صعب ينعد = كل وصف طيب له من الرب ممنوح في جوده وفي مده البحر لا مد = كل الذي قدمه على الدرب ممسوح الفقر من جوده من المملكه شد = جاه الغنى من مده وقال له روح والشر من خيره بعد شاهده صد = والغش بعد اعلن له الحرب مذبوح في خدمة البيتين حاضر على الوعد = خيره على زوارها مزنه يلوح اللي مضى نقطة بحر فالذي بعد = في مدح قايد مدحنا فيه ممدوح العهد له ولنايبه والي العهد = قايد دفاعن قدمه الخصم مدموح والشعب كله للوطن ساعة الجد = درع وسيوف ومدفعيات ورموح ياويل منه للوطن بالنظر لد = ما لامه الا تكثر ان لد بالنوح لو كان وان السيل يتجاوز السد = ما للعدو من بيننا باب مفتوح المجد قالوا للذي يصنع المجد = واحنا صنعنا مجد من طيبه يفوح الامس يبني مجده اليوم للغد = والماضي لمستقبل الحاضر يروح واليوم حنا ياوطن معك نسعد = ونلبسك بمناسبة عيدك وشوح الخير مايبقى اذا مالقا الحمد = والحمد للي منجي من البحر نوح |
الساعة الآن 09:18 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir