|
الى الشاعر القدير والاخ العزيز ((عبدالله بن عتيق))
السلام عليكم ورحمة الله وبركاته
في الايام الماضيه لاحظ انقطاعي عن المشاركه فقام الاخ والشاعر عبدالله بن عتيق بالاتصال علي ولم اكن متواجد للرد عليه فقام بارسال رساله ليطمئن على والسؤال عن سبب غيابي ولا يستغرب منه هذ الوفاء والمحبه والنبل فحبيت ان اعتذر له من خلال هذ الملتقى بهذ القصيده
الحمد لله والشكر والثناء له = افرح بها صحابي وزعل بها عداي علمن وكاد ونافي(ن) للجهاله = ابشرك بالطيب يافالح الراي قريت مضمون وحروف الرساله = واستبشر الخاطر وضحكة لها شفاي طيب الفتى لاشك من طيب خاله = لن كان بقبالن ولن كان بقفاي عدالوفاء للرجل هوراس ماله = وانا بعده دين يبقى بد نياي والرجل ما تلحق يمينه شماله = وانته عزيز وعارفن كل مغزاي الشعر له حزه ولاجا مجاله = ممشاك يعجبني ويعجبك ممشاي دنيا العنا في حلتن وارتحاله= فيها اغنم الفرصه ولاترقب الجاي والرزق ماضنه يجي بالسهاله= والله قسم رزقي وجاني على رضاي والا مكانك في ضميري لحاله= متربع(ن) بالقلب يا غايت مناي |
اقتباس:
الحمدلله على السلامه والله يحييك وستلم ردي وعذرني على التقصير
نثني على الخلاق جلا جلاله=له الثناء والشكر مبداك مبداي
والغالي اللي ننشده كيف حاله=وان طاب حال القرم شفي ومشهاي ونواصل الواصل بوصل اتصاله=وما للمقفي عندنا غير بيباي انته من اهل الطيب واهل الشكاله=وانا بعد هذا مقري وملفاي وراع الوفا والطيب من طيب فاله=عسا السعد والطيب سعيك ومسعاي عضدك وزندك والجزاله جزاله=حروت هدف معناك دققت مرماي وقاف القصيد اجاوبك من خلاله=ورضا مثل شرواك قصدي ومعناي والأدمي يطرد معوشت عياله=الرزق مشقي كل خلق الله اشقاي كلن يجي رزقه ولو ما عناله=رزقه يجيله غصب لوهو بمخباي واللي يروح يعوض الله بداله=وبا الله رجا شروا جنابك وشرواي ودوام حال المرء شي استحاله=والدهر له سطوه ومخلاب وهواي والطيب يبقى والوفا والجماله=ودامك بخير افلحة يا فالح الراي والله يديم العز لهل العداله=وعزيز قدرك والوفا غايت امناي |
عودا حميدا يابو نايف والوفاء من ابو عتيق ماهو مستغرب راعي وفا وابيض وجه وانت بعد وافي ومافيك قصور بيض الله وجيهكم شعار كبار من اعلام الشعر وامتعتونا بهذا المصافح تقبلو تحياتي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
هلا يابو خالد وغلا صح لسانك وبيض الله وجهك كفيت يالقرم تحياتي لاهنت لاهنت لاهنت |
اقتباس:
سلمك الله هلا يابو ماهر وجهك ابيض سعدت بمرورك لاهنت لاهنت لاهنت |
الشاعر غالي ابن ربيعان
صح لسانك وراعي وفاء والشاعر عبد الله الحنيني من وفاء ومن طيبك يوم ينشد عنك حيث الطيب اذا غاب يفقد صح لسانك ولسان الشاعر عبد الله الحنيني تحياتي وتقديري |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
صح بدنك لاهنت لاهنت |
اقتباس:
هلا وغلا يالشاعر سعد صح بدنك سرني مرورك الكريم لاهنت لاهنت لاهنت |
الساعة الآن 05:28 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir