عقيد الخيل=
سلام ياصلك فالعنوان=مثل العسل بالحلى ينعد
نبغى معك قاف ياذيبان=فيه المعاني على ابجد
تركي البشري=
إسمع صدى الصوت من عسفان = يامرحبا فيك يابن حمد
لي الشرف أنسج القيفان = مع مثلكم ياعريب الجد
عقيد الخيل=
عسى البقى يارفيع الشان=وابغاك في علم(ن)محدد
ينساق مع اعذب الالحان=وانتى هميمه ولك يشهـد
تركي البشري=
هات الخبر وإسرده بإتقان = والرد مـن يمنـا ينمـد
وأوعدك ردي لكم لا بان = تلقاه مفحـوص ومجـدد
عقيد الخيل=
برموز نيشنت وبميزان=وتصيبها وغيركم يقهـد
تاه الفكر جارت الازمان=والنار دايم بهـا تشتـد
تركي البشري=
الرامي اللي على نيشان=يصل الهدف لو بعيد الحد
وقبل افتي الشاعر الحيران=ليه الفكر تاه واتبدد
عقيد الخيل=
من زود ماشافت الاعيان=مات الامل والعزم اهتـد
تهقى الاجابه سكوت وكان=ولاالعزم والامـل يرتـد
تركي البشري=
في مثلنا من هقى كسبان = ولو طال عمر الزمن لابد
لا تحسب إن الأمر سيان = من قدم السبت يلقى الحد
عقيد الخيل=
حقران في واقع الانسان=تلضى بفوحه طلاسم سد
ظلام يطغى على البرهان=والكل في مطمعه منحـد
تركي البشري=
النفس من عزها ماهان = واللي على ساس ماينهد
جاك الكلام الذي المليان=لا تعيد فالعلم يامحمـد

المشاركة الأصلية كتبت بواسطة حفيد الحجيري (المشاركة 892202) محاوره جزله من الطرفين ابداع في البدع وابداع في الرد صحت السنتكم والله يـعـطـيـكم الـعـافيــــة بيض الله وجيهكم تحياااااتي