|
كل جسم بثوبه وطبيعته
رضينا بالقدر خيره وشره والقدر مكتوب=عسى ربي يجملنا ليا جتنا مكاتيبه تركنا الدرب الايسر وانقفل به بابه المنكوب= وباب" مايشرفنا نقفلها لواليبه نحفظ الدين والسنه يالين الموعد المحسوب=على درب الشرف والعز والمعروف نمشيبه وارد النفس لازاغت عن الممنوع لو مرغوب= وابا العن سافل الشيطان لا جاني يهذريبه واعزز صحبة الوافي واكمل راعي الماجوب= وارد الدين لأهل الدين رد الدين ياطيبه وابا اسمع دعوة الطلاب واسمع دعوة المطلوب=ولا اهتميت الى اقربهم بحكم الحق واقضيبه ومن يفرح لي افرح له ومن يغضب قهر مغضوب=ومن يضحك لي اضحك له يالو عارف هناديبه بعد شفت الزمن هذا تقلب قالب ومقلوب= شمر عن كل ذرعانه وبدت تشمر عراقيبه ولا اقول السبب فالخلق ولا اقول الزمن مسبوب= اقول اصل البلا فأهل البلا بلوى وتبليبه ليا من جيت امثلهم بلبس كل جسم ثوب= بفصلها بطبايعهم عليهم قدو قاديبه اشوف الظبع في غيّه صغى بحنيكه المسحوب= يفتش جرح هذا وذاك ونسى جرحانه وعيبه وعمى يالشيبه اللي سمها من عينها مصبوب=تضر الخلق جعل اللي خلق ينقفك يالشيبه واشوف الثعلب الماكر يحاول صيدته بلعوب=يغره لين يامن له ورمشة عين يغديبه والا ياحيرتي يالنمر كنه بالشرك مقضوب= وابوزهير متفنعر يسندبه وينحيبه وشاهدت الكلاب الحمر تبيها ضارب ومضروب=تنابح للأسد بالزور والبهتان والغيبه ولو شفت الزرافه ماتحسب بطولها محسوب =تراها غير رزة راس بالفاضي تباهيبه ويموت الثور مايفهم مايدري شرقها وغروب= ماغير يناطح الثيران ويرعى في مظاريبه والا يالسارق التمساح سرق مال العرب بسلوب= رماله طعم طمعم ومن جاله يهلويبه والا يالحوت في بطنه يكرفس طيب ومحصوب =يعوم البحر حلال وحرم بلع ماه ودباديبه واشوف الداب والحيه تدور فالظلام دروب= ليا بان الضحى تندس ولا جاء الليل تسريبه وطبع العقرب السودا تسم قلوب ضد قلوب =تفرق بين خلق الله تودي سم وتجيبه والا يا ام القرين اللي تحمل بالذنوب ذنوب=ترز قرينها للشر تصبح به وتمسيبه وارى الافعى لها سلطه ترز الراس والغاروب= يبل حليقها الطالب لجل ياخذ مطاليبه واعرف ان الطيور اشكال تغنى باللحون طروب= ماغير الصمقه مامعه منتوج"يغنيبه وعجيب ابو حقب مغتر معرط له على لعسوب=لقيها ميته ويقول ذكتها مخاليبه وصحيح ان النعامه تختبي ورويسها محجوب= لكن المشكله فذنيبها للكل توميبه ولا كنت احسب ان البوم فميقاع الصقور ينوب=لكنه من تهاويل الزمان ومن ذواريبه تهاويل" تهولنا تجي من كل حيد وصوب= واقول المسعد العاقل وعقله مايغويبه واقول اللي عرف قدره مقدر فالعرب محبوب= ومن يترك مواجيب العرب تترك مواجيبه واقول اليوم من يسلب ترى بكره يجي مسلوب= دايم من يسرح علم لابد العلم يضويبه يبان الزرع من نبته اذا صاحي واذا مظروب=وكل انسان من زرعه يبي يحصد مكاسيبه ومن يبغى بناه يدوم يسيس بالحجر والطوب= ومن يبني على الطينه عليه تطيح اطانيبه |
وفالق النوى أنها [ درة درة درة درة ] ...
فلتنعم بها كل ذائقة تهوى [ الفكر السامي ] ... ولترتوي منها [ الأنفس النقية ] ... ؛ ؛ ؛ الله أكبر [ بحق الله أكبر ] ... ؛ ؛ ؛ اسمحي لي بإقتباسها [ حيث أوكون ] ... واسمح لي أن أعود لها كلما [ اضناني العطش للنقاء ] ... ؛ ؛ ؛ جنون الإبداع هنا ... ؛ ؛ ؛ ماذا سأكتب وماذا سأقدم هنا ... وخالقي القلم يعجز والعقل [ شُل ] والذائقة ارتوت ... والنفس لهكذا أحرف تتوق ... ؛ ؛ ؛ ولكن سأعود يوماً ما ... ؛ ؛ ؛ لذلك الحين لكَ كل التقدير والإحترام .. ولك بحجم السماء سلاماً سلام ... ؛ ؛ ؛ أوركيدا [ خاصة لجنون الإبداع ] ... |
اقتباس:
لمعة الجليد .. مامن جديد..ذوقك من نوعه فريد.. شكرااااااااك على الثنا والاطراء . والله يسلمك يالغاليه |
صح لسانك وعلا شأنك قصيده معبره ورائعه بروعة حضورك لك تقديري |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
ياسلام عليك شاعرنا القدير ابو سعود قصيدة وافية من رأس وافي صح لسانك ورفع الله قدرك وشانك |
صح لسانك أخي الشاعر/ أبو سعود الحربي
تسلم ويسلم بنانك ويعلو شأنك قصيدة قيمة من شاعر قيم دمت بخير وعافية . ،،،،،،،، |
الاخوان: ابوعادل ...الحب الباقي...بخيتان... الجابري.. شكرا على المرور |
اقتباس:
قصيدة رائعة يا ابوسعود الحربي صح لسانك و بيض الله وجهك تقبل تحيتي و إعجابي |
/x\ (اخوي الصيفي صح الله بدنك) (بيض الله وجهك) (شكراااااااك) x |
الساعة الآن 05:50 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir