|
اشوفلي وسام عند إسمي = يلفت نظرنا من العنوان مدري غلط جا في قسمي = ولا استحقه انا ياخـوان رد الاخ الغالي سرور البشري
ياللي قرارك صدر رسمي = بيان صادر من الديـوان محسوم هذا الأمر حسمي = وتستاهل وسام للفرسان |
قلبه على الطيب متربي = ماشي على خط اسلافه صادق ووافي ولا يخبي = كل المحاسن في اوصافه |
حاولت اجاريك في طيبك = واوصل معك لين اخر حد لقيـت خُلقـك وتأديبـك =كل ماقربنا مسافة إمتـد |
سايق علي الهوى تمثيل = يحكي غرام الكذب فمـه قلبي من الصعب إنه يميل = من قبل مايخمنـا ذمـه |
دام المحبة ودام الطيب = فالملتقى دايم إحضوره يامبيتّّ السيئة بتخيب = النجم ماينطفي نـوره |
الكنز ماهو كثير إفلوس = ولاّ ايجارات في حسابك الكنزخُلقك وطيب إنفوس = وكثرة محاسنك في كتابك |
اعطيت لك كل ماتحتاج =وانت تماديت في غلبـك خليت حالي معك فاحراج = ياصبّـر القلـب ياكبـك |
لاتنتشي بالفرح وتطيـر = وتاخذك عزتك في إثمـك اقدارك إمسطرة تسطيـر = مهما اعتلى فالسما إسمك |
ناظرعلى الناس مـن حولـك = وامشي معاهم فادب وإحسـان واحرص على الصدق في قولك = تهنـى فـي دنيـاك ياإنسـان |
تعتب على بعدنا دايـم = وتلوم ونت كثير غياب ماتشوف إني انا الهايم = وانا اللي واصلكم للباب |
امشي مع الناس واتجمل = واحب درب الوفا والطيب والكل فاصحابنـا مكمـل = مايوم فيهم رجايا يخيب |
استوحشت فالبعد روحـي = والعين فاضت من الهجران ياملهم القول فـي بوحـي = معقـول ماتسألـوا لـلآن |
ياليت يسمح معاك الوقت = ونعيش فالقرب لو ساعة في قلبي لهفة ولك إشتقت = يامن له الامر والطاعـة |
امني النفـس بوعـودك = والعين شاقت على رؤياك متى الخطاوي لنا تقودك = وافرح فلحظة صفا وياك |
واقلبي يللي معك مامل = صورتك فالدار منثوره حتى نعتني البشر مختل = مجنون متعلق إفصوره |
مايكفي إني صبرت سنين = ضيعت عمري على شانك ومن بعد هذا العمر ذلحين = ترفض وتعلن في عصيانك |
يللي تقاسمت انفاسـي = ونبضات قلبي معك دقت كل ماتذكرك في راسي = مشاعري كلهـا رقـت |
فجأة تغيرت وش صابك = حتى علينا ماعاد تمـر ماهفك الشوق لاحبابك = ولايام حلوة معاك تسر |
--------------------------------------------------------------------------------
الحقيقة لاانسى موقف اخي الغالي ابو فيصل معايا وهذا أقل مايستحق ولا اوفيه الشكر الى اخي الغالي همس القوافي
ياساقي الناس حب وطيب = غمرتني بخلقك الراقـي الطيب غالب بكم تغليب = دايم على الخير سباقـي |
هلا وغلا بابو فيصل وما سويت الا الواجب
ياحر في قمـة التهذيـب = والطيب من طيب الاخلاقي دايم على خاطري ماتغيب = مشكور من داخل اعماقي |
لاوين ياحظنـا العاثـر = جارف فحالي امانة وين حتى الفرح لي متكاثـر = لما عرفته قتلته بعيـن |
لاهل الوفا دايما ميقـاف = وقت الشدايـد يعينونـك تاخذ وتعطي معك بنصاف = ون كنت مخطي يردونك |
قلبين رحلة عمر عاشو = والحب فيهم من الجنبين لو جنب يوم الاذى ناشو = سارع رفيقه فداه بالعين |
رقة وطيبه وكلـه ذوق = كل المزايين باوصافـه حتى قوامه حلو ممشوق = يأسر عيون اللذي شافه |
مادام خلي هنا موجـود = فرصة اعبر عن شعوري اهديله باقة عطر وورود = واقله اسف على قصوري |
نبض المشاعر مع الاشواق = تـأثـرت كلـهـا فـيـة والماضى اللي دفنته فـاق = لمـا اقبلـت يومهـا ليـة |
ياصاحبي جنب الشيطان = واترك ذراريه واوباشـو ابني حياتك على برهـان = لاتطيش مثل الذي طاشو منه مشى فالخطا خسران = مايهتني باللذي حاشـو يعيش جثة بقايا انسـان = ماينام مسرور في فراشو |
لاتحسب إني ياأغلى الناس = انساك في غيابكم لحظـه تبقى فقلبي وتر حسـاس = متقاسم القلب في نبضـه |
يامنشغل في ملاهي الليل = مغموس في شر اعمالك لاتنسى فيها عذاب ا لويل = إيـاك والغـي واهمالـك |
ياخل يامغتـرب عنـا = إرسل مراسيل لاحبابك صابر على البعد واستنا = طمن محبيـن فكتابـك |
لاخي عبدالله ادريس تقديرا لوقفته معي
لو طبت فالحال وتعافيت = والرب فاعمارنا طـول لاجيك حافي لحد البيت = لأنـك الـوافـي الأول |
نستلهم النور من ايات = الرب في كتاب نزلهـا حكمه وفيها من الغايات = كثير فالناس تجهلهـا |
الكل فـي عيوننـا وافـي = ماننقص الصحب والاحباب رجال مثل الذهب صافـي = فحضورها تاخذ الالبـاب |
فاللي مضى كانت الدنيـا = حلوة وفيها طياب النفس واليوم عالرقص والغُنيـا = ضاعت معاها فضايل امس |
صدك اسى وابتعادك مر = باين على الحال تاثيره كل يوم مثل السنة بيمر = كيف الصبر كيف تدبيره رد اخي الغالي بحر الكسرة
لابد طيف الامل يغمـر = ياصاح لاتكون في حيره ان كان وده لكم يثمـر = الشوق يعطي تباشيـره |
ياما نصحناك فدروبـك = عديت لك كم مخاطر فيه فاسبابها زادت كروبـك = هذا نتاج الخطا تجنيـه |
هجرتني فاصعب الاوقات = حزة ظروفي ولا تبالـي واليوم لما عذابي فـات = تسأل عن الحال واحوالي |
يانفس يكفيك مافاتـك= قري وتوبي إلى باريك لحظة منية إذا جاتـك = لارجعة فيها ولا يمديك |
لحظة تأمل وصمت وخوف= والفكر فالخاتمـة سـارح في يوم بين الإله وقـوف = واعضائنا تشهد تصـارح |
اصبحت من قولكم مجروح = ظنك في بسمة لنا تعفيـك روح ولو رحت فين إتروح = الله وكيلي وحسبـي فيـك |
الساعة الآن 02:43 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir