|
عبدالله الطلحي
ياذيب لاتبدي على الناس خافيك من دون سدك جوّد القفل والباب كم من رفيقٍ تحسب إنه مصافيك يغلب عليه الوقت والوقت غلاب والناس لو تضحك لك الله يعافيك إعلم ترى الضحكة لها عدة اسباب كم منك متعجب وكم معجبٍ فيك وشـتان مابين التعجب والإعجاب سعد المحمدي ياليت بعض الناس تفهم معانيك قريب والا من بعيدين الاجناب ابيات حكمه يسعد الله لياليك يامن يعلم بالزمن بعض الاعراب قال الشريف احذر تعلم بطاريك اكيد عنك يودي العلم من جاب اقبل ياعبدالله تحية مجاريك بعض الكلام لعاشق الجزل جذاب |
الناس يامروج لها ماانت منها
لاتقلب الصفحه تفاجا بالاخبار منك يتعذر شامها مع يمنها عندي ملخص للحقايق والاسرار خذ علم من جاب العلوم وضمنها لاتصير شماعه لحاسد ومكار يضحك عليك حسينها مع حسنها حذافة المقفين من خلف الاسوار في كل وادي يوم ترعى ضعنها لك مصلحه والا تبي تشعل النار اكيد لك مدفوع مسبق ثمنها ونسيت فيك اللي تقل راس شنكار شوري لاترخي للخبيثه رسنها ترميك في حقل المشاكل والاخطار نصيحتي خذها ولاتصد عنها بلاش جاتك في زمن غلو الاسعار يامخرج الافلام نفسك شحنها حب الظهور وحسد ناجح ومغوار من يوم بين من رداها وهنها ماصار لك عند المطاليق مقدار واللي يطول مشلحه ويخبنها ماني بجاهل فيه في كل الاقطار يقول ليلى حبها واحتضنها والصدق ماله عندها بالزمن كار سوالفه هاذي بهاذي قرنها هدوه لاينقل على المتن سنجار عطوه فرصه لين يضبط لحنها ثم اسمعو صوت المزامير والطار اهل المهن معاد تترك مهنها والسوق يقبل كل عمله ومنهار |
تركي المحرول
والله أن اللغط والهرج المبطن يوحي ان القلب مليانّ خساسه هب يابعض العرب يوم اتفطن صار مثل الداب ذيله عند راسه شالن الايام باالخايب وحطن وصابته في تالي الوقت انتكاسه كان كلت بصاع جاك الرد باالطن كم عنيد ٍ قبلكم كسرت باسه ************************ سعد المحمدي الليالي يالمحرول كان شطن وشاخ فيهن بالعرب طباخ فاسه واستوى راس المواطن بالموطن وصار بعض الناس مايعرف مقاسه مايغثك يالفطين الا المفطن كل يوم ايزيد شكه والتماسه يدعي بالعرف بالراس المسرطن والحقيقه لاقبول ولا فراسه ************************ سعد المحمدي بالدار جرة ذيب يأهل الشواخيف له جرتن قصاصها ماعرفها ايديه في جده ورجليه بالسيف وان صارت الانظار يمه صرفها صالح الفراوي المطيري يا مغلفين القاف بالرمز تغليف، اللي دفنها دفن واللي حرفها، تقاطعوها لين راحت تناتيف، حروب والموت الحمرفي طرفها، رد سعد المحمدي على مجاراة صالح الفراوي المطيري ياطيب العزوه بعيد المحاريف شرواك لاشاف الوسيمه عرفها لو يالفراوي ماختمنا المضاريف نبلش بعالم كل وادي جرفها |
(سعدالمحمدي)
غزاي جعل ايام عمرك طويله اسلم وسلم لي على مذرب الشور لافي ولد نفجان راع الجزيله والماقف اللي يابيض الوجه مخبور سجل له التاريخ سيره نبيله بفرك الخشوم وبيرق الحرب منشور ياحي راس العود ياحي جيله اهل المواقف لانثبر كل مثبور عصمان الارياء والسيوف الصقيله الحي جعله دايم الدوم بسرور واللي رحل في جاه منشي مخيله يحشر مع الابرار والذنب مغفور يالافي الشعبي زبون الثقيله البرق شام وسيل وبله على الغور سيله يابو نواف جنب مسيله ارضه وخام وماشرب منه عصفور وانا رجل مقبل على النفس ميله ولكل عله بالمجالين دكتور ان ولع الصوان خشم الفتيله ماهمني بالوقت ناصر ومنصور من ينقص المكيال مردود كيله لو قام يلعبها هجيني ومشقور يخالطين الهيل بالزنجبيله من فضلكم لاياصل العلم محضور لاصار مارجال عقله دليله يضيع لو يمشي على عالي النور ********************************** رد الشاعر الكبير لافي بن نفجان الحربي لاهنت ياراعي الفعول الجميله لك التحيه يابو تركي ومشكور مقدام مابك ياابيض الوجه حيله رمحك يرج الخصم مع مشة الزور سطام لطام النفوس العليله وجراح لقلوب ِ بها خبث وغرور شجاع يرهب بالتحدي صهيله بمصقلٍ في كف ماقف لها دور حرب الحرايب والصفات الاصيله تاريخهم في قمة المجد مشهور ولاقول قول ٍ لين تثبت دليله ونقدر الاخيار ونحرم الزور نشوم للعليا بعزم وفضيله لنا شرف واحساس وادراك وشعور وماكل برقٍ يالسنافي تخيله وان ثارت الهيجا لنا ثقل وحضور من لااعترضنا مانعارض سبيله واقول للي هزه الغلب معذور والناس كلِ دون حقه بحيله وكل ابلجٍ من دون عاليه منعور ترى القبايل كلها من فصيله ومن قال انا مسطور ياتيه مسطور واليوم صار الشعب كله قبيله بقيادة ال سعود وابليس محشور |
سعود عايد العلوي
أن كان ودك بالحياة السعيده وتبغى تعز النفس وتريح البال خل اهتمامك بالأمورالمفيده وابعد جنابك عن هل القيل والقال سجل طموحك للأمور البعيده اللي بها في عالي المجد منزال وافتح مع الأيام صفحه جديده ترى الأمل باقي مع الوقت مازال ******************************** مجاراة سعد المحمدي ياسعود جعل ايام عمرك مديده ياراعي الجزله وياطيب الفال جبت البيوت الهادفه والاكيده من معرفه وادراك يالمعدن العال اللي يحط الطيبه في رصيده يلقى بها ياسعود مخرج ومدخال ترا الرجل من دون طيب وعقيده منبوذ لو غنى على كل موال ************************* خالد فهد الفريدي صح الله السانك ياراع القصيده وسعد قطف له ندر ابيات وجزال ونويت اجاري فالبيوت الفريده قصيدةٍ يشفقلها كل رجال من بنقل اعلوم العرب وش يفيده غير الذنوب اللي تصاليه الاهوال نقل السوالف يوم سعده وعيده عساه ماهو ولد عمٍ ولا خال يقلعه ربي لا الديار البعيده وينزله دارٍ مهي لي منزال اللي يفرق جمع ربعه وريده يقطع بسيفٍ قص جبارة الاقفال |
الله من قلبن همومه توالت
تضرب صميمه كل ماهود الليل وانا اليا صالت بقلبي وجالت طلبت من رب العباد التساهيل واللي يحز بخاطري كان طالت سوالفن مامن وراها محاصيل من عصر فيها الناس حطت وشالت ياكبرها في حق شرابة الهيل علی الجميع حلولها ماستحالت عندي ثقه يدخل علی الخط عقيل |
تنشد وتبغی يالرفيق الجوابي
ياطيب الرفقه بعيد المحاريف خذ علم ماحوله شكوك وضبابي مغلفه عن سذج الناس تغليف عند الامور الكايده والصعابي دور وتلقاني من السيف لسيف وعن مايذل النفس رافع جنابي مرقب علی روس الجبال المشاريف وان شفت حولي ضول عبر السنابي قريب لكن بعد جده عن طريف احيان يكفي عن حضوري غيابي ماني مفتش في ملفات الارشيف مالي ببنوك الرشاوي حسابي وماحط رعيان الغنم روس يامنيف ياراجي الماء من بياض السرابي اعرف ترا بعض السوالف مراديف اللي مايفرق بالخطا والصوابي ودك يعدى العود الازرق مع الكيف وانا اليا شفت الخطا والتغابي ماني بحال مكسرين المجاديف اليا جهلني زيد زايد درابي في رحلة قبل الشتاء باخر الصيف |
حاولت اغير بث موجات الارسال
وضبط نطاق الذبذبه في مداره وبالمرسله والااخذه صارت اعطال مافيه للاعطال فني وداره بكره تجيك علوم ماهي علی البال ياللي تفتش بالصرر والجحاره خذ الصحيح وخل عندك سعة بال ان كان تفهم مقصدي بالاشاره منيحة امه هول من ضمن الاهوال احرم من الجحفه وضيع مساره |
*يامرحبا ترحيبتن شانها شان*
*بحفاد مسلط طيبين القبالي* *راعي طلال وراعي السيف شامان* *فارس وشيخ وطيب راس وكمالي* *رحل وخلف طيب سمعه وشجعان* *متوارثين الطيب باول وتالي* *شيوخ ساس شيوخ من ماض الازمان* *كلام ماحوله سمعنا جدالي* *حي الشيوخ اللي لهم قدر ماهان* *ضيوفنا الغالين بحلال غالي* *نايف زبون الكايده طير حوران* *قرمن يحل معقدات الحبالي* *وتركي وسبع انعام من قلب ولسان* *يذكر ويشكر كان جاله مجالي* *من لابتن يوم انها سرج وعنان* *عوق العديم بمرهفات السلالي* *عتيبه الهيلا طويلين الايمان* *لطامة العايل زحول الرجالي* *ذباحة الحايل ثقيلين الاوزان* *يثنون دون البل نهار القتالي* *وببيوتهم للضيف منسف وصفطان* *وحلو النبا ومبهرات الدلالي* *قبل الامان يعم في كل الاوطان* *وقت السنين اشحاح والجيب خالي* *قلت الصحيح وزايد القول نقصان* *وهرجن بلا معنى نقاد وخمالي* *يامعزب الضيفان يانسل سمران* *ياحمد عوض سمران قرم العيالي* *قال المثل من يكرم اضيوفه امعان* *ياعل ماتفاجيك سود الليالي* *ماقل دل ومثمرة خضر الاغصان* *صلو علی المختار راع العدالي* |
ليه علی بعض السواليف تعقيب
من معرفه وادراك ماني بغلطان وراك ماتجزی هل الطيب بالطيب وترفع لهم بيضاء علی راس مابان وتبعد عن اللي ماوراها مكاسيب الربح رد الطيبه لاهل الشان حرك شيطانك وبعض الاصاحيب ونسيت معروفن كبر ضلع ورقان للطيب ياناسيه وقت ومعازيب يبقی مع الطيب علی طول الازمان ويضيع مابين الردي والزواريب سهاجة الواجب غشيشين الابدان لابارك الله بالرصاص المكاذيب والبندق اللي دون حبه ونيشان |
يامل عين ٍتشتكي من رموشها
كن السقطري في مثاني رموشها لانام من عينه بعيده عن السهر عيني تقل راس القديمي ينوشها رحت الطبيب وقال قطره مهديه اكيد علتها سببها اخدوشها قلت السبب جعلك يادكتور لسبب نظره من اللي داهمتني جيوشها الردف نابي والحشا ضامر الحشا والكف يزها خاتمه مع نقوشها قابلتها صدفه تمشی لحالها من فوق لكزس ماتمشا بحوشها حالي بعد قفت علی الجيب واجنبت مثل الملوك اليا تهاوت عروشها |
عيسی رباح المحمدي
يا بو تركي ما يصب العود وسط التوله غير من مخزونه الفكري نتاجه فاخر و أنت شاعر تبني بيوت الأدب و تقوله تبني بيوت الغزل قبل الهجاء و الساخر لـكن اللي حده المعنى و طـق بجوله وش يقول أن شاف الأول صايرً بالأخـر //////////////////////////// سعد المحمدي ماعلی شرواك زود وهرجتك معقوله والبيوت العوب ترضخ لاصخرها الصاخر التجاره ودها تاجر ومعه سيوله ماتبي من راس ماله فيه عجز وناخر الذهب يبقی ذهب في كل وقت ودوله الفطين يشب ناره والرقود ايشاخر |
رحل جزاء صالح عسی الله يقبله
مرحوم ياسيف القبيله وسورها عليه يوم السبت هلت عبايري وذكرت من قبله سكن في قبورها اهل المواقف والمفاهيم والسطر قدام ماتكبر بالاعلام عورها باقي ثلاث اثنين والحبل ينطوي يعارفين اقبالها من دبورها سعد المحمدي ************************* جزل القصايد لاوصل لك شعورها ياخذك من هم الليالي وجورها والجزله اليا مرت السمع تنعشه وتستوقف الشاعر ليا حان دورها وبعض القصايد مضيعت وقت تبتدي ثم تنتهتي ماغير شاعر يخورها وانا سمعت بيوت شاعر لو انها تحزن فلاكن هيضتني بحورها بغيت اجاري درع حرب بقصيدته والعذر منه ان كان بانت قصورها قصيدتن فالحنتمي كنها الذهب يالله تكفينا الليال وشرورها رحل جزاء صالح وتبقى مثايله شمسٍ يضوي بين الافلاك نورها رجل مشرف في علومه قبيلته وحرب الحرايب تفتخر في صقورها وهذي هي الدنيا و لو طال شبرها لاهل الخيام ومن سكن في قصورها تركض وراها الناس والناس لاهيه وللموت رمحن مايجنب نحورها احمد المرواني **************************** مارست بواخرها بغبة بحورها وماغردت فوق الشجاري طيورها يامرحبا يااحمد مثل صافي العسل من باب صنعاء لين سيناء وطورها غلفتها بالورد والطيب والوفی ومن شجرة الريحان طيب زهورها ان جتني الجزله مطالب بمثلها وابعد عن اللي ميل الحمل كورها يشاعرن شعره معانيه هادفه والناس مايجرح بشعره شعورها يالله تجبر يالمزيني مصابنا بفقيد حرب اللي حرس في ثغورها رحل مع اللي سابقينه برحلته رحله بلا عوده لساحة نشورها عسی العوض باللي وسيعه بنايده بين الرفاقه مايحفر جحورها ودون القبيله تفلج الخصم حجته يحب قول الصدق مايحب زورها عن مايزيد الطين بله ومثلها يبعد عن اللي ماطير طيورها تمت وجاك الرد عاجل ومختصر واللي يعرف الدار يعرف نمورها سعد المحمدي |
انا بدوي عشقي الصحراء وشم الجبال
ياطيب الفال خل الناس في فالها اليا فرشت الفراش وجبت صفر الدلال رسلان يطرد عماس الراس فنجالها وتناعتوني بعيدين المدی والكمال علی النعوت القديمه لا علی ارسالها يسوی حياةً بها لسوق روح وتعال ماني بقايل هداك الله مرسالها لازعلك صدق الجواب ارجع لمعنی السوال وشره علی راعي الجرّه وفوالها |
*ياطير ياللي بالسماء فوقنا حمت*
*عليك برقع مخفي الوجه عنا* *ماخذت عبره بالزمان وتعلمت* *من سبقت دخينه بغزوة مهنا* *ان كان دوبك من سنه بالبحر عمت* *انا صنعت الفلك به وابحرنا* *يالنايم اللي تو من خدرها قمت* *اسمع نصيحة من بالامثال غنا* *عن الكلام الشين يامطيب الصمت* *حكمة زمن ياقلها في زمنا* |
ابلشونا في زبيده وهارون الرشيد
والفصيله تختلف والاسم محذوف حرف من يفهم هابط السوق بريال المجيد ان ماله بالمصارف بسوق عكاظ صرف لا شرحت الدرس مايفهم الدرس البليد وان سكت سكوت الاحرار قالو غض طرف الحياه دروس منها نفيد ونستفيد لو حصل لي من غثاها وانا محتاط ظرف ************************** خلها في راس مفلاها تفلي لاتسريها يمن والدرب شامي عن هلا لاتنشد العاشق مهلي وانت تفهم في قوانين الغرامي غيرك اللي بالحجاز وفي حولي ابلشوني بين زمزم والمقامي اشبك الخطاف واقفز يامظلي كان تبغى النور من بطن الظلامي كل ماغنيت جاني طير يلي لابس الثوب الحمر تحت الحرامي |
ياذيب من موضوعنا روس الاقلام
تكفيك كان الدرس مني فهمته من تجربه عبر الليالي والايام رحلت زمن فيها متاعي حزمته خصمك معه خلك على الحق مقدام اما خصمك بحق والا خصمته خصومة العاقل لها شرع وانظام يعجبك منطوقه ويعجبك صمته ماهي خصومة قوم مبغض ونمام اطيبهم اللي خنجره في الحمته ياراحتي لو دونك الموج لطام سميت بالفرد الصمد ثم عمته لكن تكفيني تعاليم الاسلام وتجارب ٍ منها طريقي رسمته |
يامدرج الضلع على شاطي النيل
العام يوم الوضع ماهو طبيعي جود نصاب السيف في عتمة الليل وعليك باللي يحفظون الصنيعي بنت الهوا تبكي على الجدي وسهيل وتقول مابه حب بعد الوليعي ودي بمسح دموعها بالمناديل بين النفود وبين واد النقيعي لكن ماليه عليها مداخيل ولاني عليها يالعوارف وديعي |
ياذيب بنت الشوم واخوانها التوم
منها عظام العود قامت تثنا ضعيف دوبه ينهض الجسم ويقوم الحيل فاتر والشباري تسنا من حالته كني على الوجه ملطوم اثر على حالي وعزمي تدنا ياذيب لايلحقك من تركته لوم وانته زبون الكايده والمجنا شاعر هذيل بملعبه كنها اليوم ياطيب بيته يوم هجرس وغنا يقول والدنيا توافيق وقسوم منك الوفاء ياذيب والصبر منا |
يابو فهد برق المزون النوازي
حجاز وانت بعالية نجد وبال بينك وبينه بعد دار وغرازي سيله بحر ياراعي المعدن العال ماله مصب بداركم ورتكازي العلم مايجهلك في كل الاحوال يكفيك عن مية قليب ارتوازي نهر الفرات اللي من الجال للجال ابن المباني فوق ساسن عزازي وقت الشتاء تذري وبالقيض مقيال يامحزمي لاصبح الدار غازي دنياك تبغى للعقد رجل حلال واللي بها بالحالتين انتهازي لابد مايلقى بها شمس وظلال عن الحجاز اسمع كلام الحجازي كلام حطه يارفيقي على البال من التجارب دوبلماسي جوازي عليه ختم المعرفه تقل تمثال ياعل ماقلته على ارضاك حازي في وقت ماينصح معك كل من قال |
لو كللت هاك السنه بالنجاحي
تجارةٍ مابين جاحد ومجحود يمديك مع نجد العذيه اتاحي والذود مع واد الرمه يدحم الذود اسمع يامال العافيه والصلاحي كلام له معنى ومغزا ومقصود من يوم صار بعد تيماء ملاحي قفيت لو انه من البدو مارود الله يسلم مخلبي والجناحي وصبري على حامد على شان محمود ماكل مايطري عليه مباحي لي وعلي حقوق ياعمر وحدود |
يالولد ياتاج راسي ياحزام الظفر
ياهل المواقف نهار الكايده والصعاب انشهد اني بكم بين الجميع افتخر واشوف نفسي محلق فوق متن السحاب يوم المعارك لكم بالدار فعل وذكر واليوم مع حرب دايم تعتقون الرقاب الصف واحد ومتماسك سوات الحجر صحيح من قال سيف الحرب حد ونصاب ماعندنا في قبيلة حرب زيد وعمر جميعهم بين خشم وعين عود وشباب اهل الثلاث الوكاد ومدهشات البشر الحالهن بالصداره لين يوم الحساب ومن غيرهن فعلنا ماله زمان وحصر مازال فينا الوفاء حتى يشيب الغراب |
امسي بري واصبح من الناس متهوم
في دم علياء بعد مامات ابو زيد والمتهم يبقى بري شرع وسلوم حتى تتم ادانته يالاجاويد برطمك ياللي تنفخ الجمر مشروم حاولت اخيطه وانشرم رابع العيد خذ علم مابعده وماقبله علوم عليه خذ مني وثيقه وتاكيد الروم شرهتها على عاقل الروم ماترمي الشرهه على عاكس السيد |
يامساعد يذكرونك من مساحه في مساحه
وانت امام بمسجد الحاره ومفتي بالسريه ان نشدتك ياصديقي ماتعلم بالصراحه والسبب يالوايلي مجهول والذمه بريه انتبه للحارس اللي بين ضلع وبين واحه من قنص ريم الفلا بالحال سواله قضيه لو غفت عينه دقيقه لاصحى زهب سلاحه عن ذياب الضلع حارس لرعاه ولرعيه اسمع اخر بيت قبل النيل تقطعها سباحه ماذكرت اعلاه كله مزح والنيه مطيه |
غايب بحال وحال ماني بغايب
اتابع الاحداث ساعه بساعه راس عليه احط عوج النصايب وراس سبب في هيبته وارتفاعه احيان مثل الطيب وسط المطايب واحيان فيه للملكع لكاعه وان شفت لي خايب يعزز لخايب مالد عيني في رخيص البضاعه بالسوق مالي مع جلبهم جلايب ومكاسر التاجر على سعر صاعه شوحي سما ماني قريب حضايب مالي في بور السوالف طماعه يامكثرين الهذرمه والطلايب اقسم برب البيت ماهي شجاعه عيب الكلام اللي على غير صايب مافيه زود ومايشرف سماعه الحر ياروس الفتن والمصايب مايصير بين الناس مثل الاذاعه مهما جراله بالزمن من شوايب عن العلوم العوج عنده مناعه |
ياليت ما رب الخلايق كتبها
لقمه تحورها على الكبد علقم تفلتها يوم المعزب حسبها علي كبر النير واغلى من الدم ياللحيه اللي عيبها من شنبها لناس عادات وتقاليد وشيم من لايميز راسها من ذنبها بضاعته بالسوق ماقلت من كم نفسي عيوف وكل جزله طلبها عن الطفايس تكرم النفس واكرم يالعالم اللي فاقده نص ادبها ماهي كذا حمر النعم تارد الجم |
*يالله ياللي ماخفى عنك مثقال*
*مولج نهارك جل شانك بليله* *عن الكلام الشين ودروب الانذال* *اجعل لنا من نور هديك وسيله* *من بعد ذكرك يوم حمل الجمل مال* *وماشفت من عدل عن الميل شيله* *اسرجت صفراء تفلج الخصم بالحال* *وتهديه رشده يوم ضيع دليله* *اليا اهتدى مالي ورا القيل والقال* *مافات في بيرن رشاها طويله* *وان ماهتدى جيته مجوخ وخيال* *فوق الحصان اللي يروع صهيله* *من دون حرب اهل المكارم والافعال* *ان ماردعت اهل الفتن والفشيله* *عدوني الفنجال في كل الاحوال* *ماهي سوالف قاسمين القبيله* *قولك زيود من اليمن مالها فال* *بعض السوالف يالمسولف هزيله* *وعلوم مايهرج بها غير جهال* *بورة وباء ماعاد فيهم عقيله* *متى كفلت اللي لهم فعل واظلال* *لاتقول علم الا وعندك دليله* *ياما لهم ناديت بالمرقب العال* *وانجبت للاقصين بنت الاصيله* *وصلت طلايعهم على كل مشوال* *وزاحو جموعن في نحرهم مهيله* *ربعي قبيلة حرب رجال رجال* *عندي سوى والدم نفس الفصيله* *نبغاك لاصعبت على كل حلال* *دون القبيله فوق بنت الكحيله* *وانته طعنت ظهورنا خبث وخبال* *حطوك رادين الذمايم فتيله* *ربعك مايلحقهم مشاريه وجدال* *لاولذي وقت المحن نلتجيله* *عوق العديم سيوفنا باشهب الال* *محزل لنا لاصار بالوقت ميله* *والله ماتمثل مواريث الابطال* *اهل المكارم البيوت الظليله* *لك خص لاتلعب على كل موال* *وتقول سيل العرم جنب مسيله* *ان محتوى الموضوع مدرك وعقال* *طالت علومن ماوراها نفيله* |
محمد عياد العروي
ياراع المحطه عب كل التوانك فل حدتني هجوسن تشعف القلب وتلوبه انا خاطري عاف المدينه وكل ومل ولاني بها مرتاح والنفس مغصوبه على قولة الشاعر رجاءالله فقيد الكل عسى الله يبرد قبره ويغفر ذنوبه اعالج مشاكل في مشاكل ودور حل كما اللي يغسل الدم بالدم عن ثوبه ابا سجها لو الدروب الطوال تعل لكن الوكاد ان الخلا تطرب دروبه يازين الفياض المخضره والمطر والبل وشوف الخزاما والنفل زين دعوبه هذا سايقن ذوده وهذا يبي ينزل وذا عنده الضيفان والنار مشبوبه ***************************** سعد المحمدي ليا ضاق صدرك يامحمد توضى وصل وتوكل على رزاق حوته ودغلوبه يجيك الفرج من عالم الغيب لاتزمل لو ان الظروف بقلت المال مصحوبه لازانت مشاربها يابو طيف سم وعل قبل ماتصير انقاض طوبه بعد طوبه مع العلم كلن له هوايه ونهج ودل تفاوت مابين الناس ياربي التوبه على طاري اللي من رحيله تقل بي سل اعيش الحياه احيان في وضع غيبوبه اخير الكلام ومايفيده مادل وقل عسى الله مثل ماقلت يغفرله ذنوبه |
يمين لاعديت واحد وعشرين
بين الشعيب وبين عيطاء منيفه عن المضيف اللي جداره من الطين على ثغور الدار ليه وظيفه النفس عن بعض البشر والدواوين مهما حصل بالوقت حره عفيفه حصان وابن حصان ماضي وهالحين شريف واحب العلوم الشريفه اليا تناسوني ضعوف ومساكين اذكر عليهم بالامور المخيفه الهرجه اللي ماعليها مضامين تبقى بميزان الحقايق خفيفه يكفي عن التفصيل بعض العناوين وبعض الامور العين عنها كفيفه |
بيض الله وجه ابو باسل منيف الهابس
عد من لبا بمكه في شهر ذلحجه دون فعل الطيب دايم مايحبسه حابس كن فيه لحل صعبات الامور موجه فزعة اللي صار وجهه من زمانه عابس الله انه يحفظه من وين حل ووجه لانكسرت من الزمن كسر الجريد اليابس وكل وادي ضاق في عيني عليه فجه ماتذكر غير قرمن للفتايل قابس واترك اللي لانخيته ضاع وسط العجه |
*الشاعر الكبير الهاب الوسيدي*
*ياهيه قبل تمر الايام وتفوت* *ونقول لدنيا سلام وداعي* *باعطيك علمٍ له براهين وثبوت* *نتايجه عن تجربه وطلاعي* *انا الذي وسط البحر صارع الحوت* *وطا برجله فوق روس الافاعي* *احيان اخطط هجمة العب واشوت* *واحيان اعود للوسط والدفاعي* *وان كان ماني كل الاوقات مبخوت* *عزمي قوي وفجوج ربي وساعي* *مابعت شبر الوجه في لقمة القوت* *ولاطعت راي المسكنه والرعاعي* *واشوف لي روسن على متونها بشوت* *تبني من الاوهام مجدن صناعي* *واهل البيوت اللي قبل مالها بيوت* *قامة تحط ابيوتها بالرفاعي* *واليا اجتمع حاسد وحاقد وسربوت* *وقامة ديوك الحي معها تعاعي* *اصد شيمه وترك الهرج ويموت* *وانا توردني على الماء ذراعي* ***************************** *سعد المحمدي* *ياحي هالصوره وياحي هالصوت* *ياللي شعاني من معانيك شاعي* *حركت ماب القلب في زر ريموت* *وصبح علي الصبح يالهاب واعي* *وانا من اول دافنه وسط تابوت* *يكفي من الحزبين زايد صداعي* *من ناس تلبس فوق بشت الوبر كوت* *عن صاعهم يفرق بالازمات صاعي* *كنك تدير بداخلي عين جالوت* *مدري تسويلي تنفس صناعي* *ان قلت بعد عقاب ماحد عشق نوت* *زاد الكلام اللي على غير داعي* *وانا مراهن لي على حوار مكفوت* *لراس باس ولسفينه شراعي* *بعدك عن الكوفه يادكتور بيروت* *بالذبذبه سبب خلل ونقطاعي* *تبغى الكلام اللي مثل صافي التوت* *ماروجه من شيت البدو راعي* *تبقى لصعبات المواضيع منعوت* *الياعون فوق الطويل السباعي* |
العنود اللي على ذمة الشايب
باقيه ياهل الهوا عند شايبها لو يغيب ايام عنها ماهو غايب لاتحاول يصبح الوجه تخطبها مارضت قبلك بعنتر وابن ثايب ورفضها عند العرب مايعيبها من صواديف الزمن دمها رايب تشتكي من خفها لين غاربها كان راي اللي كشف سرها صايب قال شابت من وهنها ذوايبها |
ودي ابعد عنك يابرج الارسالي
لاتصال والا رسايل على الشاشه بين شمن للقرانيس مدهالي مايصلهن من يراوي بمطراشه علهن من ناشي السحب همالي مدلهمن ينعش القلب برشاشه ازعجوني بالرسايل بجوالي ناس للحوم المخاليق نهاشه ان سكت الصمت يثر على حالى وان هرجت الهرج وداه قشاشه وولوه العلم ماهو على بالي للخطا كلن يدور بنقاشه الصحيح وكلمة الحق تنقالي من زعل مابحث عن ارضاه وفلاشه لو عليه يرفع الصوت ويلالي وحد نيبانن تقل فك كماشه يجحرنه سود الايام بظلالي لقبلت بمسطر القوم مهتاشه عنه اضد القوم رجلي وخيالي لاخذو محزم راع الهرج وكلاشه وانتحاري دون حقي وقتالي كم عنيدن من سعد مابرد جاشه للمهبل كلي اجان وهبالي من لمسته بالعصى يبطي اخراشه اتحدى من يبي شرب فنجالي لو يجي بالسيف الاملح ورشاشه علمو بالعلم بايق ومحتالي وراس ضبين ماقطع جوع عراشه يازمن حتى بك الشيخ ختالي علموه الدنفسه ناس غشاشه بعد ماهو لصعيبات حلالي بدل البشت الحساوي بدشداشه لاغرابه في زمن ضخ الاموالي يشره الراعي على كرسي الباشه ماعثرني غير طعنه من موالي جرحها يبلش به الطب ونعاشه كل مخفي جرحها دمها سالي اتئلم كل مواحدن ناشه للاحاطه يامواريث الابطالي الرجال اللي على الطيب شواشه عن كلامن ماله اول ولا تالي كل باب فيه ضبه ودفاشه ماني اللي للهزيلات دلالي راس من روسن للامجاد حواشه عالين منزال ربعي ومنزالي ومن فرش له فرش يجلس على افراشه بعد ماجريت صوتي وموالي لايصرح للحدث غير قرقاشه |
اسمع وشوف وكن ماسمع وماشوف
اخلي الهزله تمر وتعدا بالناس ماني تالي العمر مكلوف من طاب طاب ومن تردا تردا غير الكلام المتزن مالي اشفوف وماني من اللي مهنته جاب ودا يانجد عاصف بك من العام عاصوف نزالك المغرب مع الصبح شدا لقيت بك عاقل وحاسد وملقوف ومكار وده مابنيته يهدا مايقضي الازم ومايقري ضيوف قلبه من الغيره تواكل وصدا على الردى ومغالط الناس ملهوف على حقوق الغير نوب ايتعدا تجمهرت خلفه مساكين وضعوف اللي يجيب الخام واللي يقدا وانا رجل راعي جماله معروف في يوم غابت بالقريب المبدا اوضح لقصاص الاثر من جبل عوف يشوفه اللي بالنظر ماتقدا |
ابيات مهداه للاخ ذياب هويمل السميري الجهني
ياسايق الفنجال سوقه على ذياب يستاهله راع الكرم والشكاله جار وصديق ومن عريبين الانساب انشهد انه طيب خلق ورجاله راعي مروه مع قريبين وجناب ياطيب فزعاته وياطيب فاله سويت فيه ابيات من باب الاعجاب فيهن على طيب السميري دلاله يعجبني الطيب لو انه من اغراب والا الردي لو هو ولد عم عاله الطيبه ماكل من رازها طاب الطيب كايد والفعايل عقاله قلته وقبلي قيل من بعض الاعراب ياللي تظن الطيب دربه سهاله |
انا وين ابلقى مثل ماجد ولد هواش
لو ان القبيله مابها بالزمان قصور ورث من حياة العود شلفا تقد الجاش عليها ثلاث حروف ماسجلوها زور لالوح بها صاب المعادي وهن وخراش تطيب الجروح وجرحها عجز الدكتور عسى الله يبيض وجه ماجد بياض الشاش جبل ماتهزه ريح لاحركو منصور على ساقة الاسلاف من صغر سنه عاش صحيح ان يبقى في عرين النمور نمور يقولون مايرفعك ساقك لاصار هشاش لاشدو على عوص النجايب عقبت الكور عسى الله يبارك بالمشوك مع الراش لاقامت عليك من العدا كل يوم تثور |
فعلت منظومة صواريخ شاهين
وزودتها في روس حرب الاباده ياهل المحازم وامهات النياشين الحرب حاسب عدته مع عتاده ضاري على كسر العدا بالميادين قوي باس وفي عزم وجلاده ياهن حط رسالتي بين قوسين اخلاصة الموضوع بعد الافاده علم مراسيل الخزا بالفريقين ان كان منت اللي تبيها قلاده صاحي واعرف الانظمه والقوانين الله عطاني بعد شوح وركاده ماني اداه بكف حاقد ومسكين سمعت يامن فيك خبث وبلاده اثقل من جبال الهدا يابو وجهين اجملهن اللي كيف تغسل سواده خذ حكمتن توجد بالامثال والدين ماتزرعه من زرع تجني حصاده |
ياسهيل يامفرق مواليف واحباب
البدو لاشافوك قامو يطرون ثم انجبو من خيرة النزل نجاب على جهة مزنن لبرقه يخيلون من فوق حمرا عينها راس مشهاب فجا العضود وبطنها تقل عرجون مبطى وبشر بالحيا عكف الاشناب اللي لعلمه كل ساع يتحرون وتشاور وقفو على جرد الارقاب عن العدود اللي عليها يقيضون راجين فضل اللي له الخلق طلاب بدون ورى سفن الصحاري يسيرون حياه حلوه لو بها جوع وتعباب فيها القلوب انضاف وبليس ملعون واليوم ياساتر مشاريه وعتاب تقفي وتلقى فيه ناسن يهرجون واليا التفت وصاربه حزم كلاب تجاحدو مابينهم مايقولون سمعت شطر لقايله للهدف صاب تبطي عن العاقل وتلقاه مجنون |
انا البارحه مانمت لين اذن الفجر
على ذكرياتن مع مرور الزمن محت تذكرت جار الطنب وملاعب النجر بعد ماسفينة ذكرياتي بي اجنحت وتذكرة منهل كل طيه من الحجر توافد عليه الورد من صبح وامرحت حداهم لهيب القيض ماحولهم هجر مظاهير بدون كل ماقامت اسرحت وتذكرت غير وغير حتى من الشجر بعد طوقتني طوق محكم لي اجرحت عسى ماجرالي فيه عبره وفيه اجر لو هجوس قلبي في عكس الزمن نحت من العام بين الهم والغم والزجر لاقلت اقبلي يابيض الايام دلبحت وانا ماتحمل من زمان الشقى هجر لو اني حياوي عوب الايام ماستحت |
قطعتها وادي حنيفه يابو زيد
تومي عليها بالعصا والعمامه غديت عن درب السنع والمواريد والجدي لتايه بليله علامه يمكن وانا ماكدلك العلم تاكيد يجيك راعيها يلاعب حسامه عوايده لاحولو بالبواريد لاشافه المخطي تراقل عظامه العام ياتمر النخل بالمجاليد نشريك لو ننزل عشانك تهامه واليوم مانحطك بجنب البغاديد لسوس ياتمر النخل بك علامه يمكن يفسرها كثير الهرابيد عليه ويزيد الغشامه غشامه ويقطع علي السيد وانا مع السيد عاكس طريق المعرفه والسلامه وانا ماعندي غير حمر العباريد قناص مالي بالذخيره حزامه اليا بغيت احدد العلم تحديد من اليمن ناديت منجوم شامه |
الساعة الآن 05:03 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir