ياقلبي خايف يضيع الوقت = الدنـيـا ماضـمـن توالـيـهـا
كثرالحسايف وهم الصمت = مـاهــزت اركـــان بانـيـهـا

انظر عيونـك واتأمـل = واقرا تعابير بافكاري
القلـب ياسيـد متأمـل = يرتاح يافاتن انظاري

ضاع التصافي خـلا نبعـه = همس العنا مصدره خافي
الــود مايخـتـلـف طـبـعـه = نسيت اسمه مـع الجافـي

مركب غرامي سرا عجلان = واخـلـفـلــي الــوعـــد والــنــيــه
لارسـل سـلامـه مــع الـربـان = او كـــــب كــلــمــه وداعـــيـــه

ابني المعاني واصف حساب = لـلـي بفـكـر الـعـيـون يـقــرا
كلـه عشـان خاطـر الاحبـاب = وجروح راعـي الهـوى تبـرا

الـبـاقـي فـالــود مـعـروفــه = مهما ارتوا من دموع العين
لاتستـغـل قلـبـي وظـروفــه = معـاك ضـيـع دروبــه فـيـن

ذكرى جميلة معي راحـت =وردة قطفـهـا الــم جـايــر
مهما عيونـي لهـا ناحـت = ماقدراعيش فالهوى حاير

ياليت حـرف الغـلا يحكـي = ولا سطـور الهنـا توصـف
الطرف مـن فرحتـه يبكـي = واحس وعدالهوى منصف

زرعت بارض العطا بستان = متعـدد الحسـن والاوصـاف
محـبـة الـنـاس والاوطـــان = زهورهـا بـاهـي الاصـنـاف

هـم الليـالـي مـعـي واجــد = وسط الحشا تحكي اهاتـه
بعض البشر يحسبه هاجد = عكس الذي حـس ويلاتـه

ياليت الاشواق ترحمني = وتهز وجد الغلا ساعات
مابغى المقادير تظلمنـي = ولا تعكـر عليـه نوبـات

يادمـعـة العـيـن جوديـلـي = ايام اجاري وادري سنيـن
وصـل المحـبـة وقنديـلـي = طفت وغابت سوا الاثنين

يوعد عيوني واظل اسهر = واقول انس الهوى جانـي
يرجـع معـاه العنـا يظهـر = ماجاب غير دمعها الفاني

كاس المـوده لكـم صافـي = الـروح مـن دمـهـا تـمـلاه
صدق النوايا مع اوصافي = بوصالـكـم همـنـا نـجــلاه

لاتظـن فالبعـد متهنـي = ولا فوادي فقـد صبـره
باشواقه لازال متعنـي = يقول يحن الوعد بكره