الفرق بيني وبينك وين؟=إني على طول مشتاقه
واكبرد ليلي دموع العين=اللي على الخد دفاقه

كنت اتشره عليك بود=ماقولها قدم خلق الله
ومادام ضايع معاك الجهد=ماعاد تفرق. معي والله

ياريتني بالعيون اخفيك=عن نظرة الناس ياقلبي
وارتاح لما اناظر فيك=من نظرتك. ينتحر غلبي

دمعي تحدر وقلبي ذاب=والطرف لد النظر صوبه

مازال. نجم الغلا ماغاب=له ود مايقبل التوبه

يامصعب الوقت وضروفه=اللي حدتني عن احبابي
طرفي لهم هل ذاروفه=من بعدهم زادت اتعابي

تغيب شمس الفضاء وتبين=وشمس الغلا يوم ماغابت
عن خافق اللي يودك لِين=روحه من الشوق لك ذابت

تفرعت بالخفوق احزان=وتشبع القلب بحزانه
في غبة الهم عشت ازمان =قارب ومفقود ربانه

في غربيتي والفؤاد ينوح=من بعدكم يا نظر عيني

القا عزايه بصدق البوح=اليا كتبته يسليني

قلبي بشوق الغرام ينوح=له روح بالود تسعاله
كل ماتروت عروق الروح=من شدة الشوق تضماله

لك رافقتني طيور الحب=تسال عن اشواق مفقوده
تقول ناظر بوسط القلب=تلقاه ماغيرك. يروده