صايم خفوقي عن الافراح=وافطر على شوف مضنونه
كُل الجوارح معه ترتاح=وشلون ماكون مفتووونه!!؟؟

وقت السفر يوم بكوني=ياحرها نار فرقاهم
مالومها دمعة عيوني=شالو لي القلب وياهم

ياريتني يوم وديته=ربي عطاه الوداد اضعاف
من شان لشتقت لاقيته=حاضر ودمع العيون اذراف

لا يالحبيب عزايه فيك=إنك بقلبي وفي عيني
احس بحساس يوم اطريك= كنه يرد النفس فيني

يامن الهمي هو الترياق=اجرح والاجراح. منسيه

لوضاق في الفضاء ماضاق=قلبي. غلا لك وحنيه

كل ما جناب الادب عليت=يبقى لك المنزل العالي

وتفرح بك الناس لاحليت=وتصير بعيونهم غالي

البرق يبرق. شمال وغرب=على المدينة ركز نوه
اسقى مرابع قبيلة حرب=اللي علا مجدها علوه

لاتاخذك بالهجوس ضنون=لوكان مزحك غلب جدك

من شان عينك تهون عيون=خذ مني الروح. ماردك

كل ما خياله بفكري دار=تملا دموعي محاجرها
كن اللقاء والعناق الحار=حاضر بكامل مشاعرها

ياود داخل خفوقي لاج=مكانتك دوم اعليها
بنيت لك بالوداد ابراج=من عاج ناحت مبانيها