الناس ماتستوي فالحال = اصناف والوان سبحانه
بعض البشر طيبين الفال = والبعض فالسيئة شانه

في غيبة الناس لاتحكون = لاتذكرو اسرار محفوظة
فالطيب فالسوء مهما يكون = في كل الاديان مرفوضة

ياغفلة الوقت والايام = تجري ولاندري كيف إتكون
كل الفكر نجمع إلقدام = فالاخر اللي إنجمع مركون

اشكي على الوقت وظروفه = وعن ناس مات الحيا فيها
فالجهر سوء الادب شوفه = لادين لانصح يكفيها

صحيح إن الزهر فتان = والناس تهواه وتشمه
لاكنه الفرق به شتان = البعض يقتلك في سمه

الحب في انسان اوقعني = للان عايش متيم به
كل حرف في شعرنا اعني = احساس فيه موجه له

بعض البشر فالعذر ترضى = تصفح وتنسى خطا سويت
والبعض بعد العذر امضى = لازال شايل على مخطيت

لو كان غير اقول إتهون = لكنها جات من غالي
قلبي على حسابهم مرهون =يشمت في حالي ولا يبالي

لاخير في من عطا انسان = ويتبع عطاياه بالمنة
لاناب اجرن ولا احسان = مادام يقصد بها الرنة

لاتحسب الحب ساعة طيش = ولا غرض ينتهي ويروح
الحب سامي وفينا إيعيش = احساس صادق إيغذي الروح

لك طلة حلوة وبسمة جنان = اما البقايا فلا تعليق
كل ماتجي يمنا وتبان = روحي إتمايل طرب وتفيق

حبيبي ليه الاسى منك = مليت من البعد والتعذيب
ارجوك مالي غنى عنك = قمة جنوني فيوم إتغيب

اللي غمرني فحبه سنين = وخلا حياتي هنا وافراح
لازال غرسه لحد الحين = يجني ثمرها بعد ماراح

ياغافل القلب اصحى وفوق = ونظر على ماجنت ايدك
دنياك مهما تعلت فوق = لابد تحت الثرى اتعيدك

ماعندنا للصحب تفريق = كل من عرفته لنا غالي
رجال توفي فوقت الضيق =جعل السعد فالها وفالي

هذا الشعر منبعه احساس = يروي ضما كل عاشق حي
تخرج حروفه مع الانفاس = ماهو حكي ياتي من لاشي

خلك على الحق مهما كان = حتى ولو قولهم سائك
ترى الصراحة فبعض احيان = تخسر بها معظم اشيائك

عاشرتهم فالرضا والود = ولقيت فالطيبه مكسب
حتى اللي كانو علي ضد = اليوم في صفنا تحسب

تبقى فبالي ولكم ذكره = ولا زلت غالي من احبابي
حتى صوركم على فكره = متصدره ابرف دولابي

مافاد كثر الحكي لو طال = مادام قلب الفتى صدّا
شرحت عذري شرحت الحال = لاجاب قولي ولا ودّا

ليه الجفا يأتي من احباب = مع إننا دوم نوفيهم
ياهل ترى مننا الاسباب = ولا قلوب قاسية فيهم

الله واكبر على الايام = اللي إتلاعب كذا فينا
كل ماتقدم بنا قدام = من كاسها المر تسقينا

بلغ سلامي على الاحباب = وصل لهم لهفة اشواقي
قله امانة الهجر ماطاب = قله عن الحال بافراقي

ياصاحبي فالهوى علة = ياكم ضحايا تسبب فيه
لادين يتبع ولا ملة = من ذاق مر الهوى يكفيه

ليت الاماني مع الاحلام = تأتي لنا سهلة فالواقع
لاكنها سنة الايام = مكتوب نشقى بها اندافع

من كثر حبي ولهفى عليه = ساعة سماعي لذاك الصوت
جريت وشوقي سبقني اليه = من خوف لحظة معاه إتفوت

ليه الوصل ينجزي بالصد = والطيب فالقلب متعبنا
بالخير ايادي لهم تنمد = والسوء من يمهم نبنا

إن كنت صادق يجينا اللوم = والكذب خيبه وهو اكبر
قلبي فهم وزاد إهموم = وصبح سكوتي عليه اخطر

بعد المحبة وذاك الود = فجأة تغير بدون اسباب
يجفا ويبعد وعني يصد = حتى مسينا مثل اغراب

خلي الحكي والبكى والنوح = ياقلب يكفيك ماجالك
اصبحت عند البشر مفضوح = والناس ماترحم إفحالك

ليت المبادي مع الاخلاق= تضوي على كل دنيانا
لاكذب فيها ولا في نفاق = اللي من اسبابه اعيانا

كلمة حبيبي لها تأثير = لو كنت صادق في تعبيرك
تأسر مشاعر بها وتثير= كلمة جديرة في تغييرك

مال الفتى وانجرف فجأة = يم المصاعب مع الاصحاب
ياهل ترى للخطا رجعة = ولا يتمادي مع اللي غاب

النفس يم الخطا تنقاد = والعين للشر شوافي
كل مانويت الرجوع وجاد= يلعب بنا ابليس ياكافي

كل المراسيل ماجابتك = فاحلك ظروفي ولا مريت
يانعنبو قلب في حاجتك = اللي على حسابه انذليت

ليه الوفا ينجزي بالصد = والطيب فالقلب متعبنا
بالخير ايادي لهم تنمد = والسوء من يمهم نبنا

كل مارسى مركبي مينا =واحط حملي واقول ارتاح
تحذف بنا ارياح ترمينا = تردني في اسى واجراح

خلاص ضاع الامل والود = وتزايدت بيننا الهوة
ليت الليالي هاذيك اترد = ايام كان الصحب خوة

عجزت اوضح لك الاسباب = في حينها اظروف تمنعني
حلمك ياخلي على الاحباب = شوف ا لمعاذير واسمعني

تبقى ياغالي لكم ذكرة = ماتغيب لحظة على بالي
من امس واليوم ولبكرة = في قلبنا الاول وتالي