من واحة احزان ماضينا = فموجة الظلم والاهات
لو واقع الحال مرضينا = ياود ماقلت الراحات

النفس عافت كثير علوم = يالود عزيتها مختار
تعبت اساير رفيق اللوم = واعاتب اللي علينا جار

ماكان ودي تفارقني = قدام تظهرلي اسبابه
الدمع فالعين حارقني = والضيم شرعلنا بابه

الفكـر لاخالـف المعـقـول = إحسـاس بالوهـم متـاثـر
ابعد خيالك عن المجهول = مــن يتبـعـه دوم متعـثـر

بالـغ اثرهـا طعـون البـعـد = بالجوف رزت لهـا تذكـار
عايش اماني فظل الوعد = يعود ويرجع عمـار الـدار

الود ساعات الهوى تمضي = بين الحبايب دقايقها
لو ما ظروف الامل تقضي = الآمه نخفي حقايقها

قيلك يخاطب قلوب الناس = ارفع فقدره ياشاعرنا
جملة معاني من الإحساس = فيها نترجم مشاعرنا

سنين الاحباب ناطرهم = الصبر مايرحم المشتاق
حسايف البعد تامرهم = سلطانه مايحفظ الميثاق

خلك بعزك رفيع الراس = لاتقرب الشك والحيرة
ثوب الجميلة عليك لباس = راعي وفا طيب السيرة

مـن ساحـة الـود والآهـات = واقـع مجـرب غزيـر همـوم
اصعب اسا يجلب الونات = فاللـي تـوده يجـيـك الـلـوم

يارب جوك الحجيج افواج = بـاغـيـن عـفــوك وغـفـرانـك
لبوا في بيتك مشوا امواج = جــازي تعـبـهـم بإحـسـانـك

العيد فرحة ولمة ناس = قلوب تلاقت على موعد
ثوب المحبة عليها لباس = وارقى التهاني لها مورد

جفت ينابيع قسوتنا = والدمع من فرحته خجلان
اقدار الاحزان نسيتنا = قلبي على راحته عجلان

لاتـقـدم اعـــذار وتـبــادر = خـلاف نظرتـك وقيـاسـك
لـو الاسـى فالبشـر نـادر = حاضر فطبعك واحساسك

ياعلة الجوف والاضلاع = دمع السهارى مكاسبهـا
غرايب الفكـر والاطبـاع = همس الحيـارى يراقبهـا

الكل في دنيته عاصر = مقصوده يجني قرار الحال
اللي عن الذنب متقاصر = عاش بسعادة وراحة بال

من يسهر الطرف وجفوني = ويكب دمعي عليه منسـاب
اعاتبـه وانـصـف عيـونـي = ولا اطيعـه بــدون حـسـاب

الـود مـن منبعـه طاهـر = جملة احاسيس مكتوبة
لاتبدا رحلتهـا بالظاهـر = مشاعر الصدق مطلوبة

ياسيـد نبـع العطـا عامـر = اجمل صفات الكرام نـرز
بالعلم نزرع شجـر ثامـر = والفتنة تهدم قصور العز

ياكم خبر فالوسيعة شـاع = مقصوده ينثـر وهـم قـادم
نرمي ملامة على السماع = ولا نتحـرى اســف نــادم

عطني دقايق معي وقف = اسمع سؤالي وجاوبني
كان العتب عالج الموقف = انت بصنيعك تعاندني

رسـمـتـلــي فــالــحــلا لـــوحـــة = تعبير عن صادق الإحساس
بــروازهــا تـحــفــة مـطــروحــة = منظرهـا يلفـت جميـع النـاس

اقدام بهمومها تمشي = وهموم تمشي لها الاقدام
عزيت روحي بكا رمشي = الحال ماتوصفه الاقلام

لاجل ايش يامخلف الساير = ظلمك نثرته على العاقل
ظهرت فجأه عليه غايـر = تعبث فقـدره مـع الجاهـل

من راقي الحرف والمنطوق = نبني القوافي ونرسمها
عاشق متيم يصف معشوق = وعلوم بانغامه يحسمها

ياكم عاشق كتـب ولهـان = سرد خواطـر نغـم جـاري
بس الذي عانـد الحرمـان = عزف لحنها على اوتاري

كـل مالتفـت للامـل صـبـري = يرجع صعيب الليالي يدور
ويـن اتـجـه والعـمـر يـسـري = مع كـل درب الشقـا منثـور

يانفس هزي قفـا الغربـال = عيـدي مـع الوجـه هزاتـه
ناتجك واحد على كل حال = والباقـي مانـتـي بعـازاتـه

ياقلبي ظلم الليالي ذقت = نبع الحسايف ملا كاسك
لاعاد تحسب حساب الوقت = بيع الهوى واشتري راسك

آهات الاشواق محسوسة = تـمـتـد لـلــروح وتـكـابـر
بالدمع والصبر محروسة = القلـب باوصافـهـا خـابـر

نفسي عزيزة ولا تقبل = الود مع قلة التقدير
قلبي محبة صفا يقبل = مايطيع حرقة مع التبرير

داريـت هـم الليالـي السـود = واخفيت بالجوف مضمونه
عاد السهـر والعبـاد رقـود = واسترجـع الحـال بطعونـه

عطني بريق الامل ليله = اشعل شموع الفرح تذكار
من قلة الحظ والحيله = احس روحي بدت تنهار

حالـه غريـبـه تصادفـنـا = تفسيرهـا اتعـب الخفـاق
عاشـق ظمايـا يناصفنـا = فكاس همي مع الاشواق

ياليت صبر الهوى ينباع = والعيـن ترجـع مكاسبهـا
اللـي بنيتـه بمـره ضـاع = والنفس كثـرت مطالبهـا

متعدد الهم والآلام = ياقلب ماكان يستاهل
الخافي يظهر مع الايام = والتضحية تنفع الجاهل

عد المسافـه مـع الايـام = وتشوف فرق العنا فيها
كل الحقايق غدت اوهام = راحـة فــوادي تعاديـهـا

دام العطـا والنـقـا زوار = والـدار عـامـر بسكـانـه
عندي رجا يتبع الاحرار = الـود لايضـيـع عنـوانـه

الود موجـه يحاصرنـا = مشقي فوادي باخطاره
القاسي لليـوم هاجرنـا = لو تهلك الروح مازاره

نبض البشر يحتري ساعة = لــكــن مـيـعـادهـا خــافــي
لاعاشـت الــروح ملتـاعـة = مايمحي مكتوبها الصافـي