ياساكن القلب والوجدان=ومتمكنٍ من خفى ذاتي
غلاك لس كما ماكان=قلبي يضخه. بنبضاتي

العين مني جفاها النوم=صارت على السهر معتاده
مادري بلاها كثير هموم=ولاغلا فات ميعاده

ادما عيون الغرير النوح=في غربته مالقا ملجا

لجلن يصعب عليه البوح=من جورها كيف. له منجا؟

انا وجور الزمن والهم=نمشي سوا في طريق .اظلم

كُل ماجروحي بغت تلتم= تصدم بواقع . مرير اعظم

الله حسيبي على قلبي=ماطاعني .دوم معضيني
كل ماتنفس.هوى الغربي=القاه بالشوق يضنيني

مأسي الوقت ما خلت=للقلب فيه. فرح وسرور

كُل مانقول انتهت حلت=اجيوشها بالخفوق تمور

له ود ماينوصف. حده =مالك وحاكم لمضنونه


اجاهد القلب عن وده=والقا به الروح مفتونه

ادراك في نونها والنون=يدراك عن جفنها الساهر

لجلك كما الروح يالمضنون=منته. مجرد هوى عابر

لاتسأل الحال.هي الحال=سنين والهم يصلاني
حتى على قاري الفنجال=تصعب تواصيف ماجاني