بخيتان=
والله يابو زيد مدري كيف=ولا ادري بها منين ببدالك
السالفة مثل حد السيف=ولايمكن تكون في بالك
ابو زيد=
مابين الاخوان حسبة ضيف=إبدا بها منين يحلالك
خليتني بين برد وصيف=قلي وانا اخوك وش جالك
بخيتان=
غربة مشاعر في وقت مخيف=لاجمرها فالحشا طالك
تقلب حقايق كاينك زيف=وتبدل احوال باحوالك
ابو زيد=
النفس يبغالها توليف = ماكل الايام تصفالك
والحر مايقبل التكتيف = لاتخلي الناس ترثالك
بخيتان =
انا في قمة جبل ومنيف = مهما العواصف تهيالك
محتاج فالمسألة تكثيف = ويبقى العشم بآخر اقوالك
ابو زيد=
ياذيب ماصابني بك هيف = احذر من اللي يتورالك
احمد وعبده عيال عطيف = وانته مداري على حالك
لو الحقيقة بدت لي طيف = اسمع عساه السعد فالك
اقدارنا ماتجي بالكيف =والله منجا وملجا لك

الزيلعي =
ســـلام يـــا قـايــد الـعـسـكـر=نبـغـى المـواسـاة فمصـابـي
جيت اشتكيلك من الخنجر=الـلـي وضعـتـه كـمــا نـابــي
بخيتان البشري=
ترحيب فالضبط له محضر = لاباس في علم لك صابي
ببحث معك سدّت الحنجر = لابان مكنون الاسبابي
الزيلعي =
مـن جاهـل الـفـرد والمعـبـر=اللي حسبته من أصحابي
يــغــتـــاب يــشــتـــم ويـتــنــكــر=وقـدامـنـا يـالـخـوي يـحـابــي
بخيتان البشري=
ما تلام ياريس المخفر = فتحت له بالغلط بابي
جاهل به الكسر مايجبر = قول له شطبتك من حسابي

فتى الكسرة =
بعد الوداد احرموا نونـي=طعم الكرى من سواياهم
تكاتـفـوا لـيــن جـرحـونـي=والـقـلــب لا زال يـبـغـاهـم
بخيتان البشري =
تكاتفو كم ياعيوني = ومادامه القلب يهواهم
ابحث خفى أمر مكنوني = عسى تحسن نواياهم

المثل =
خذ المراسيل ،، واستقبل=قوافي القيل يابخيتان
سلام فالاوله يقبل=بالورد . خارج من البستان
=بخيتان البشري
ترحيب شامل لكم يشمل = قن المواجيب فالعربان
هات المحاصيل 00 واستعجل = جْزل معانيك يافنان
=المثل
العام الاشواق ،، تتقبل=والطيب مالي لنا الميدان
واليوم ما شفت مستقبل=يلفي على ساحة الوجدان
=بخيتان البشري
فالامر ارفق ولاتعجل = وابحث فالاسباب بالكتمان
عسى في بكرة معك يهطل = وبل السعد عكس عن ما كان

بيان الصمت =
حب الكراسـي وراه اسـرار=لكن علـى الطاولـة يظهـر
ومن تحتها تطبخ الأفكار=ولا تنفهـم لـيـن مــا تكـبـر
بخيتان =
كبار تصدر قرار كبار = في عكس واقع مكانك سر
يفهم خفاها بعيد انظار = وسر الجنين بغذاه السر
بيان الصمت =
مد النظر واعبـر الأمصـار=والنفس من طاعها يصغر
مـمـا بـهـا تخـلـف الأنـظـار=والصمت فـي حالهـا أستـر
بخيتان =
حرفي مع البث فيما دار = والشك راعيه مايطهر
يرمي بنفسه بوسط النار = والظن من يحسنه اجدر
بيان الصمت =
أعطيـت وصــف الكـبـار صـغـار=فـــــي واقــــــع الــســيــر تــتــأخــر
ومن قال حرفك عطى مشوار ؟=بـالـمــنــطــق لــمــوقــفــك عــــبــــرّ
بخيتان =
في مقتضى الحال مهما صار =حرفي بحسب الحدث صدّر
طرفي سبق 0واكب الاقمار =مع ارحل 0 مصور المنظر
وانته للأحداث جبت اخبار = وحرفك لموقفك ماقصر
يوصف بالاعلام تسعة اعشار =والعُشر به وصفكم يظفر

صقر المراقيب =
يابو محمد لزوم تشور = لـهــل الـهــوى فــــي مـأسـيـهـم
يــالــلاســف مـــالهـــم دكـــتـــور = يـكــشــف عـلـيــهــم يــداويــهــم
بخيتان =
قولك فصل ماباقي لي دور = الشور به في بلاويهم
انا ياخالد ما اغط النور = شورك عليهم يكفيهم

بين الليالي وليلك فرق = توه معي وضّح الفارق
لو كان عشته بسرعة برق =انته بدر فيه لي شارق

بشَوف هذا بكيت الفرح = وشَوفي فَرح ذاك بكاني
لو بكتب الفرق طال الشرح =مابين هذاك والثاني
واحد وجوده علاج الجَرح = وآخر سبب فيه لاجاني
بالمُختصر بختصر فالطرح = قمة جبل 0وارض ودياني

اقسم برب العباد إني = مايوم قللت من ودك
وإن كان مانته مصدقني = يكفيك ماجاك ويسدك

لذعة تفاجأ بها قلبي = يسأل عن اسباب مصدرها
عيا له الواقع يلبي = لفى خيالي وصدّرها