يا سكن الروح وش ظنك؟=غير الغلآ اللي لكم سايد
غايب عن العين لكنك=في داخل القلب متواجد

في محجر العين. .نزلتك= ياود كل الغلا حاويه


وإن كان ماعجبك .رحلتك = للقلب لجله غلاكم فيه

اسمك ورسمك. سقط عمدا=من قايمة. اهتماماتي

لجلك ولاشيء. بالمبدا=صفرين بيسر حساباتي

يا ود كل الموده نلت=القلب وشعور وجداني
وإن كان ماكفتك وش قلت؟=ازيدها والعمر فاني

أوفي معك لو زماني مُر=يأ آسر القلب بالقوه
آعطيتك الحُب وانته حُر=سو اللذي يعجبك سوه

ياود فايق لوصف الود=ثابت بساس الغلا جسره
كل ما زماني عليّ اشتد=القا ودادك. دواء العبره

يا عاذلي عنه لو تدري=مالمت قلبي ولا تشنيه
اللي لو إنه طلب عمري=اعطيه واحسني ماوفيه

يا عقل سوي معايه حلف=عن ماماضى فضها سيره
لو ناظرت سندريلا خلف=ما كان قالو لها. اميره

لحظة وفيها استبد الود=عمل على محاصرة قلبي
سو القلبي حصار وسد=وسلمت له طوع من غلبي

الظلم. متى نهاياته؟=متى يعم. الرخا والسلم؟؟
ونشوف عالم من اصفاته=حب التآخي ودحر الظلم

حالي طواه الموادع طي=اثر على كل قدراتي

يا نورعيني ونورالحي=ارحم القلبي وعبراتي