لاياتسيم الصبا والود=صح الحبيب وله قله
مايستوي بالوداد مود=نايم وهو ساهرٍ خله

كُل ما أنمل. تطيب الروح=نلقا بها جروح مفتوحه
تنزف من اسنين والمجروح= ماعالج الدمع لجروحه

ياعين طال السهر ياعين=كنك عن النوم مطروده
مادري شكيتي فراق البين=ولا من الوقت ملهوده

بالحكي ياسيدي مالي=مالي بعرضه ولا طوله
انت اللذي عندي الغالي=وباق المخاليق مجهوله

مافيه مايجلب .الاعجاب=ورموشنا من العنا شابو
مال السعادة .معانا اسباب=غابت مع اللي لنا غابو

لاياتسيم الصبا والود=صح الحبيب وله قله
مايستوي بالوداد مود=نايم وهو ساهرٍ خله

ليل الفرح في وجودك طاب= اشعل شموعه و ناداني
لجل إنك انته من الاسباب=اللي تنسيني احزاني

رحُال في دنية الترحال=همومنا اللي تواسينا
نشيلها .كا الجبال جبال=مع الاسئ من ماسينا

ولد نجد=

يسعد صباحك كحيلة حرب = صباح خيرٍ على اوطانه
وش حال نجدٍ وذيك العْرب = وطويق شِعبه ووديانه
شرق (المنامه) ونجدٍ غرب =النجدي عوّد على اشجانه
كحيلة حرب=
ترحيب وافي لكم ياذرب=من حيٍ العرف ماخانه
في نجد مانشتكي من كرب=والحكم لله سبحانه
وطويق عالي علو السرب=ساسه1 وعزه 2وبنيانه3
وانا شماله يسار الدرب=بين المدينة(وجعرانه)

يا دار وش صار لك يادار؟=اليوم ما انتي على عرفي!!
امر مالاقي ا لزوار = ارجع عقب. ينتثر طرفي