ياللي بكاس المودة فزت=واصبحت .مسيطر على ودي
مادام كل المشاعر حزت=لاتجيب بالفكر وتودي

المشكلة واللذي حاصل=إني عطيتك مساحة روح
فيها استقريت وتواصل=تعذيب روحٍ عطتك الروح

سلامة القلب يا المضنون=عساك ما تشكي جراحه


لاطبت كل الامور تهون=وتبعث على انفوسنا الراحه

روحك معي بالجسد روحي=وروحي معك في جسد روحك
لجل إنها تداوي جروحي=يومنها تداوي جروحك

خلوة مع الله تغنيني=عن المخاليق. دامي حي
واليا توفيت تحييني=حياة .فاقة حيات الحي

إن كنت تسأل عن احوالي=هيا استمع للجواب. اعراب
ماثانية غبت عن بالي=ولايوم عني خيالك غاب

لقيت كٌل الحياة اتعاب=من خلقتي مابها راحه
ماطاب جرحي وصبري شاب= ماضمد الجرح جراحه

قلبه تحمل عنا واتعاب=من جورها الفكر متغرب؟؟
حرمان1فرقاا2وموت احباب3=حاله من الاه متشرب

احرقت قلبي عليك وااه=ياليت قلبي بدل قلبك
ما ابغاك تشكي من الويلاه=ابغى اتحمل انا غلبك

غضيت. طرفي أنا مجبور=غصب على الروح صديته
وانا فؤادي منه مسجور=من الوله يوم ما اطفيته

غضي نظر ياعيون. الكون=خلي عيوني يشوفنه
لو ثانية والفراق يهون= اليا تروى النظر منه