|
يم الهدف كلهم يرمون = لكن ماكلهم جابه اللي حصص يمه يصيبون =وغيرهم رمي ماصابه |
لاوين معطي بنا لاوين = لاوين يافكر مشغلنا كافي علينا الزمان الشين = لا تزيد فوقه تحملنا |
لاحسِنت فالناس نياتك= وتواجد الصبر فنطاقك خل ابتسامتك مرآتك = وناظر بها قمة اخلاقك |
بخيتان البشري= سلام يابو منى لابـأس = يزول والعافيـة فالـك اخذ المعاني معي بقياس = ياحـر فالعلـم لاجالـك وليف الشوق= يامرحبا ياجويد السـاس = ياللي الوفا دوم في جالك دايم حروفك ذهب والماس = وانا انتظر باقي اقوالـك بخيتان البشري= تبقى علم للأدب نبـراس = والطيب ساسه من امثالك عميل و تعاملِه نومـاس = ويسعى على مقاطع وصالك وليف الشوق= دايم على الطيبه قرناس = والنايفـه دوم منزالـك وضح لنا ياصليب الراس = ومن عندنا الحكم يعطالك بخيتان البشري= لاجالك العلم ماله ساس = ولا كان يطري على بالك توفيه وتقيس فيه قياس = راعيه وينشبك في حالك وليف الشوق= ماتدري ان البشراجناس = ماكل فعله كما فعالك فيهم ذهب تلتقي ونحاس = واللاش مايورد احبالك هذا الزمن يبلش الحساس = يخلف رجا ويك وامالك عدي ولاتشغل الهوجاس = لا الضغط بكره يتهيالك |
بخيتان = سـلام ويتـم تقلـيـده=منا وسام الوفا شـرواك ياصاحبي كل ما أريـده=طيب عسى العافية تهناك وليف الشوق= تـرحـيـب بـالـطـيـب واشــيــده=والــشــاذلـــيـــه بــهــاانـــصـــاك كــل منـتـهـى ازيـــد واعـيــده=يالصاحب اللي جويدابناك |
عبدالله الفريدي= سحابة الصيف ماتطول=ولاينبت الزرع من ماها ان هبت الريح تتحـول=اكثر ضررها من ادواها بخيتان البشري= معروف ماقلته مقوّل = مايشقي الناس مسقاها تقطع مسافات تتجول = ورعودها دوم تبراها |
حفيد الحجيري = يابو محمد قليـل العـرف=كيف أتحمـلّ ردى عرفـه أصرف جزيل البنا له صرف=وألقى رديّ البنـا صرفـه بخيتان البشري= لا جاك يابو علي له عُرف=يكفيك لا بان لـك عُرفـه ماعون زاده لقيته كـرف=ما فاد لو يمتلـي كرفـه حفيد الحجيري = حاولت أسوّي معاه الحرف=لكنّ ما يستـوي حرفـه دسم المعاني تجيله غـرف=يا للأسف غثّهـا غرفـه بخيتان البشري= اقنع وهده هذاك الجرف = وكلٍ يعثره حفُر جرفه واللي كتبها بوسط الظرف = ماكل واحد قرا ظرفه |
مطرز الحرف = يابو البخت فيدني فالرد=حسب القناعه وقنعنـي لي ود أخلف عهود الود=وجاب العوازل ليمنعني من بعد مابحتله بالسد=والقصد آبيه يسعدنـي لكن وحتى ماعاد يلـد=بالعين حتى ويسمعنـي بخيتان البشري = يامطرز الحرف لك بنعد = جواب وافي فيما تعني ابشر بجزل العطا لك مد = دامك لنا جيت متعني من باع لاعاد له تنشد = ولاتبيح سدك كذا 0يعني الصد يبقى دواه الصد = اقنع0وإفاداتها عني |
بخيتان البشري = [/quote]صحيح إن الزمان اعوج ؟ = والا العوج فالأوادم بس ! ماشفت فالادمي احوج = من ذِكر بالطيب وينومس
المختلف = بعض البشر مسلكه اهوج = مايوم للعاقبه يحتس وجهه كما ليله الأدلج = لاجيت بتكلّمه عبّس |
حبيب القلوب = سلام ينشر شذاه الحرف=من ود وصلت مكاتيبه في منتدى راقيين العرف=من حرب والطيب نحربيه اصرف جنيه المعاني صرف= وبيع فا السوق وشريبه ومالد فا الخايبين الطرف=دربٍ على ..العز .نمشيبه بخيتان البشري= ترحيب يسبق مداه الزرف = ياضيفنا من معازيبه غير الوفا ماحواه الظرف= وتاريخنا الكل يدريبه وحرف المثل لو يجي بالغرف= راعيه يخطيه ويصيبه ومن لد طرفه بيجرف جرف = وللدار يمسي عشا ذيبه |
الساعة الآن 04:11 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir