|
ارسلت شوقي وامنته = يبقى لهم فالعمر ذكرى اخاف من بعد طمنته = يلعب بهوجاسه الفكرى |
الكل فالمنتدى يرضيك = ليّا تقدمت بإثباتك غير الوفا شي لا يطريك = والحق ملحوق ما فاتك إبليس ملعون لا يغويك = والكل تتهم فصفحاتك بالعرف والمعرفة بفتيك = بالعقل راجع حساباتك حروف ضده حكم ما اعطيك = بالغيب ما أحكم فدعواتك ليّا استمعنا الخصم يأتيك = حكم العدل بعد إفاداتك |
اليوم حان السفر حانا = ياصحابنا من رجال ثقات انتم لنا ناس واخوانا = الله عساكم على القوات إحنا اكتفينا بما جانا = يامن لكم فالوفا طالات والمعذرة لو تمادينا = وسامحونا على مافات |
نبع الوفا فالوجيه يبان = ونبع الغلا بالغلا مأسور مايخيب من ظن فبخيتان = ظن الوفا يأخذه مقرور بعد الغلا فصحايف بان = جينا وريح السلام زهور نقريه للكل فتبيان = واللي سئل عننا مشكور |
بندر مستور البشري = سلام جينا على الحروة = للي لهم منزلة فالقلب مجالس أهل الأدب ثروة = والمعرفة بحر ماينضب بخيتان = ترحيب ياموثق العروة = فالطيب والجاه والمنسب بوجودكم للأدب ذروة = وللعارفة مثلكم نكسب بندر مستور البشري = مابيننا بيعة وشروة = ياستاذ بنشدك كيف الطب لا والذي حرم المروة = أمسيت محتار ومعذب بخيتان = ولا فالمعاني تجي كروة = ولابد كشف الأمر عن قرب ابشر وعلمك لنا مروة = وعطنا تفاصيلها يالذربّ بندر مستور البشري = ادرى على خاطري دروة = وأبعِد عن الشر وآجنب غرر بنا غرنا غًروة = يصدق معي يوم ويكذب بخيتان = دير الفكر بالعقل واروة =والخير دربه لك مجرب ارقى وخله فحدروة = ولا يصيبكم غير ما يكتب |
إنسى بخيتان من فضلك = لاعاد ودك تفكر فيه ياكم يصفح ويسمحلك = ولازلت جهلك تمادى فيه يصعب يجاريك في جهلك = لأجل المعزة ومايخفيه وغلاك لازال له تملك = واللي حصل منكم يكفيه ولو فالزمن يوم قابلك = عيد السعد عاد من لافيه ورسالتي ليش ذي جتلك = لأجل الغلا مات في مغليه |
ملح الحكي مثل ملح الزاد = موزون لازود لا نقصان واللي على الخنثرة معتاد = ماله ثمر فالجهل غرقان |
بين الثرى والثريا فرق = لاشك يُدرك من الألباب ومن يحسب الغرب شبه الشرق = لو كان طاقة يقُلك باب |
محتاج وصلك كما يحتاج = ذاك الكفن واحدن ميت الشوق ياشوق مايحتاج = يعيش في داخلي ميت |
دربي وفا= ياصاحب الجهد والمجهود=حتـى توصـل مراقـب عـام سلام لأهـل الوفـا والجـود=ليا وصل الأجواد ماينضام بخيتان = فالناس قايد وبه مقيـود=دايم بجهدي اجي قـدام ترحيب الأجواد فيه تجود=حسب العوايد لها لـزام دربي وفا= حرفي بديته وفيه بنـود=تمشي بها والنظام نظام شاعر ولك فالمثل مردود=شجيع راعي وفا مقـدام بخيتان = جهزت رد المثل بعقـود=وقع وانا عندي الأختام حتى معك نفهم المقصود=ياراعي الطيب ياضرغام دربي وفا= اخذ المعاني وفـك قيـود=مبهم فالأقواس لك إبهـام اللي زرع يرجي المحصود=خايف تبدل معه بأوهـام بخيتان = ماشلت هم الحروف شهود = ولأقواسكم كاسحات الغام اللي زرع يرجي المنشود = يحرص على البذر يافهام |
بحرالكسره= سلام جيتك كما الاعصار = نعطيك مـن قافنـا فنـه ناخذ معك فالحن تذكـار = قاف البحر ينعرف قنـه بخيتان البشري= ترحيب وافي حليم وقـار = ماهاب إنسـه ولا جنـه مرصود في شاشة الرادار = إعصار مافيّ خطر منـه بحرالكسره = اشوف ماينقبـل معـذار = ضاع الامل واختلف ضنه بالضن لاتصيد ياشـوار = يعريك الصـور والسنـه بخيتان البشري= ما احكم على الظن مهما صار = واعلم تـرى الحـق ماكنّـه ميز قبـل لا تصيـغ افكـار = ياخالـط الهـرد مـع بنـه بحرالكسره = اصبحت من موقفك محتار = غير الحكي زاد في زنـه مادمت واحد من اهل الكار = الحق مـا تختفـي عنـه بخيتان البشري= اللي عن الدرب لف يسار = مثله يداري علـى سنـه والحكم متروك للشعـار = والحـق مافيـه لاكنـه بحرالكسره= مشكور ياعالي المقدار = ذاب الذهب واختفى رنه المفتن اللي يشب النار = بالظلم النـاس يطرنـه |
لك منزلة داخل عيوني = ولك مثلها فوق رأسي قدر وفالقلب لك ود مصيوني = وإنتا تمادى معي بالهجر |
ياكافي الشر تكفينـا=من نيته محتويها شر ياحي رحمتك تكفينا=اللي عبادك بها تستّر |
هم وكدر وإكتئاب وضيق =مع كبت وارهاق في تنكيد وآلله لو فالفؤاد تويق =لتشوفهم كنهم في عيد |
ابكي غلاهم 00000
ابكي غلاهم ويبكيني = واعيش به نشوة الأفراح والخوف فرقا وتكويني = وتروح روحي لو إنه راح |
ليتك معي شايف الصورة = حتى تصدق وتفهمها بروازها عيون مبهورة = فجدارها كيف اثبتها |
صحيح دنيـا ماتستاهـل=وإحنا مانستاهل التعذيب المشكلة ما اعرف اجامل=ياكيف جرح الزمان يطيب |
عابر 00 ورحال 00 ومسافر= ولاعـرفــت اتـجـاهــي ويــــن يمكـن0 ظروفـي0 وأنـا عابـر=يـسـتّـر قـلـبـه بــهــا والـعـيــن |
حوار مع الغلا نفسه ولا اقصد شاعر لقبه الغلا= بــخــيـــتـــان = تكفى فؤادي غدا مجـروح=يوم المفارق علينـا حـل هذا كتابي وصل مشـروح=عطني إفادة وعطني حـل الـــــغــــــلا = هيا إستمع قولنا بوضـوح=والعلم خيـره ماقـل ودل إن كان خلك يجي ويـروح=لابد بعـد الغيـاب يطـل بــخــيـــتـــان = لا تلومني يوم جيت ابـوح=دمع الغلا يوم راح انهـل طيفه معي في صميم الروح=في كل لحظة لـه أتخيـل الـــــغــــــلا = لاسال دمع الغلا مفضـوح=داريـه لاتنـبـه للـكـل إن كان طيفه بعيد الشـوح=لاعـاد تنشـد ولا تسـأل بــخــيـــتـــان = حاكم بنا فالضمير صروح=غصبن دموع الغلا تهطـل طيفه فنون العيون وضوح=ومشكور لاعاد لي تكمـل |
حرب= سلام يأهل الوفا والقن = ياهل المثل ياربابينه من هو يطمن فؤادي عن = واحد من اقرب مودينه بخيتان = يامرحبا هيلها والبن = منا لكم ياسلاطينه طمن فؤاد الوفي عن من = فالقلب له ود كانينه حرب= تبقون يامن لكم مسكن = فالقلب من سابق سنينه سبعين فحسابها تضمن = مع الثلاثة عنواينه بخيتان = من ساسكم والبنا متقن = والمجد ياحرب حاوينه لا شك مقصودكم بينْ = اللي عطيتو مضامينه حرب= بعد اتضاح الهـدف طمـن=اللي لهـم وقـت باكينـه عهدي يوم ان الهوى هيمن=عليه.واخلـف موازيـنـه بخيتان = هذا خبر عنهم معلن = حتى نطمن محبينه بعد الهوى صار متمكن = ارتاح من حي مشقينه حرب= صدر قرار الآسى المحزن =ماحسّب حساب شارينه صحيح ماللهوى مأمن =آلله يامكثر محازينه بخيتان= اللي عليه الحكم بالظن =الظن فالحكم مايدينه وانته بعرف العرب أفطَن = قاريه عارف قوانينه شفنا بعض ناس ماتذهن =وشفتهم في ميادينه بيرتاح من كثر ماكفن =وانتا وانا من مهنينه |
الكحيلة= الحظ لاصاربه عثره=من يسعفه يا مظانيني رجليه ويديه منكسره=ومخالفً للقوانينـي بخيتان= الحظ لاتشتكـي امـره=حاكم وحنا مساجينـي حكمة مع الناس منتشره=هاته وللبحـر ودينـي الكحيلة= والله شكينا على فكره=حض الردا لاعبن فيني بخيتان ماعندكم نصره=اكويك ولا انت تكويني بخيتان= مادام وإنه معك دُمـره=حظي ما ركز من سنيني السمع ماهو كما النظره=ياعلتـي يامداويـنـي الكحيلة = ما قلت لي باقي النشره=تشكي فراق المحبيني ترا الغلا سكرته سكره=ينتل عروق الشراييني بخيتان= يهنئ معي طيب العشره=ولا اتبع هوى للمقفيني يامجربه جمرته جمـره=حسب الذي شافته عيني الكحيلة= الله يطولك بعمره=وهذي طبوع الكريميني والقلب ميشاورك بأمره=لوشاف ضاف الجديليني بخيتان= لليوم ماشفت له جُره = آمال والحظ مشقيني والحر لو طال به صبره = بالصبر خاض المياديني |
مجارف= سلام مخصوص لبخيتان=الشاعر الشادي البشري عسى يتقدم الى الميدان=قدام ليل الصفا يسـري بخيتان= ترحيب مبني على سيسان = من بال لأهل الوفا يشري ابشربعد جيت ياحميدان= ماني عن الوافية مزري مجازف= عسى البقا بعد حرفك بـان=وآنا اتحراه مـن بـدري ماسمعت عن طاير الشيهان=يشويـه راعيـه مايـدري بخيتان= بالهون يامجازف العجلان = ويابخت من يملك الصبري ماسمعت والحر ماينهان= في عُرف راعيه له قدري مجازف= من يملك الصبر شانه شان=والصبر قد ضاق به صدري خذ الخبر طيرنـا نشـوان=والحـر مايقبـل الاسـري بخيتان= الصبر يبغى قوي إيمان= ولابد بعد العسر يُسري الحر ماينكر الأنسان =وصفاته النادرة تغري مجازف= ماني منزه عن النقصـان=ماغير ربي جبر كسـري بعض البشر طبعه النكران=ويحمْل الناس بالـوزري بخيتان= الرمية اللي على النيشان = مفعولها للهدف يسري مايخاف منهو معه برهان = وكلٍ وطبعه معه يجري مجازف= بعض العرب قلبه المرضان=ويحطها ويـن ماتطـري ماغير يرمي على طيشـان=ويجهر بها للملأ جهـري بخيتان = كثير وسط العرب وجعان=حتى الدواء فيه مايمـري ترى الملأ لو حكيم اللسان=بعقول يالشاعر العصري مجازف= الصوت مايسمع الصمان=فكر(ن) من المعرفه مبري لاشك بين العرب اخـوان=ناس تعلى بهـم قـدري بخيتان = من بنها سقت لك فنجـان=ومن تمرنا سقت لك تمري لاعاد تخبز لنا قرصـان=من كثرها رمّد الجمـري يامجازف المعرفة عنوان=مدلولها راعـي الفكـري والقدر بين العـرب لازان=تلقى الثمر فيه ياعمـري |
وآلله لو كنت تقصدني = أهون عليه من التعذيب كل ما اقترب منك تبعدني = غُربة هوى ((مالها تقريب)) |
قـابــل الـبـشــري = يابو البخت جاك مني قاف = عسـاك حـازب ومـدّرك واحذر ترى للرماه اهـداف = مابيـن ثابـت ومتحـرك بخـيـتـان الـبـشـري = اخوك في عالي المشـراف = في موعـده دوم ماغـرك وأصحى لقناص ماينشاف = لاتـروح فعيونـك تعـرك قـابــل الـبـشــري = مادام وفيت في الميقـاف = لله يـاصـاحـبــي درك من يمتي مايجيك خـلاف = ان كان ما انفعك مااضرك بخـيـتـان الـبـشـري = طبعي وفا حكمي الأنصاف = يـم التهاليـك مـا جـرك لاتخاف من يمتي لا تخاف = افرحك ماحزنـك واسُـرك قـابــل الـبـشــري = لاتلوم من هو سمع ماشاف = لوكـان انكـرك مـاقـرك ومادمت فالخير ماتنضاف = مشكوور لاكفيتني شـرك بخـيـتـان الـبـشـري = مالوم منهو نطق بجحـاف = بينفعـك لكنـه يـضـرك يانهر يمسي ويصبح جاف = ياكيف آمن علـى مكـرك قابل البشري= لاتلفهـا مالهـا محـراف = وتروح في درب متشـرك وانت كتابك بدون غـلاف = ومكشوف عند العرب سرك بخيتان البشري= علام قابل سعى ماطاف = لا ياجمل اقترب نحـرك انت فراشك بدون لحاف = كشفت بين العرب سترك قابل البشري= شعيل للمعتدي قصاف = وان ماتعديت مامرّك اهدا وعوّد مع العراف = لاتصير ادناة مافـرك بخيتان البشري= هايج ومحتاج لك لكتاف = ولا باتحمل إثم وزرك ولا اخبر الكيل بالمغراف = إن ماتعوذت وآعزرك قابل البشري= انت ثقالك علـي خفـاف=وحلاك عندي كما مّـرك ومادام وصلت على مهياف=يـاروح ياعنـك باحـرّك بخيتان البشري= أنظر لحالتـك بإستعطـاف=غناك عنـدي كمـا فقـرك الرب ((نونه سبقها الكاف ))=استعذرك وانت لك عذرك |
ياسادة القيل يا اربابه = به مسألة شلت التفكير الود ياكيف يدرابه = دام الحكي صمت فالتعبير وهذه ردود الشعراء= هزيم الرعد= شرواك عالـي فمرقابـه=وذا امر خلى الحليم يحير صدق الأحاسيس صوّابه=وارسالها يفتح التشفيـر الكحيلة= الامر سهلً على اصحابه=عط الاشـارات لتغييـر سهم النظر موت مضرابه=يصير هذا كثير يصيـر ابو عبد الرحمن= الصمت كل(ن) يشقابه=والود لابد له تصوير ان كان سجلك اعجابه=اجل يودك دون الغير عبد العزيز الزويهري= الطرف يحكي لأحبابه = بصدق أحاسيس بتصوير ومنهو شكى علة أسبابه = لابد مايفكفك التشفير الوسم= يامرحبـا تاسـع ابوابـه=للي لهـم فالمـلا تقديـر لعرفتهـا تسمـع إجابـه=وادخلت( الارقام )فالتشفير بيان الصمت= ما يختفي الـود واسبابـه=كل الملامح عليـه تشيـر والطرف شاهد على احبابه=يعطي لكم كامل التقريـر |
تعانقو بالحروف وصال = قلبين والبعد طاويها وتفارقو والظروف محال =تقصر مسافة خطاويها |
الوضع لا صار بك حساس = العالم الله لما يخفون لحظة بها صِدق بالأحساس = متطابقة شكل مع مضمون |
لا تتهم حرفي الصادق=وتجيّره بالغلـط ترميـز نفسك وخلك بها واثـق=قــدام لاتفـقـد التركـيـز |
اعشوشبت داخل الأعماق = وردة شذا عطرها فواح تعانق الشوق والأشواق = مع ريحها والفؤاد ارتاح |
5×6 حسبناها =طلعت 15 اس ثنين قمنا رجعنا جمعناها =نفس النتيجة لها اثنتين ايام عدت ومقساها= باقي اساها معي للحين غاب السعد مع محياها =صابر شهر كنها عامين |
صقر المراقيب= سلام عالي به المقدار=ياصلك ياجيد اللابـه من يم شهبندر الشعار=يبغى على نشدته جابه بخيتان البشري= ترحيب يالشاعر البيطار=مد الوفا مـد يهنابه سوق المعاني ولاتحتار=الذيب يوفي مع اصحابه صقر المراقيب= اللي نوى له على مشوار=مشتاق له عجله اركابه لكن حصّل بدربـه نـار=من دونها ناس حطّابـه بخيتان البشري= ماطار وقـعّ كمـا ماطـار=والحـر يشبـع بمخـلابـه ومن هاب موجة من الأخطار=عن الخطـر قفلـوا بابـه صقر المراقيب= العقل يوجب له المحذار=والعلم يبحث عن اسبابه والله يجيرك من الاضرار=ياللي تشرفت بخطابـه بخيتان البشري= عالي وخل الصغار صغار=واللي يوديه لـك جابـه آمين ويـاك والحُضـار=ياحر والخطـب ترقابـه الشيك من يمكـم دولار=وقدامكم كشف لحسابـه صحيح إن الزمـن دوار=وكلٍ وله لبس يزهابه |
نصعد سما ود مبدينه = ونرقا جبل هم مانخفاه في درب لاشك بادينه = نخاف فبدايته منهاه |
وش الذي فالحياة تريد = لا تستحي قُول وش ودك لو قلت روحك أبي تحديد = غالي وتفداك ماردك |
صديقي اللي مـع الأيـام=من باقي النـاس نقيتـه في لين في عُسر ماينضام=وإن زل بالعفـو وفيّتـه |
بخـيـتـان الـبـشـري = لأجل الموافى صعيب وصعب=مـع الـذي تـاه فدروبـه كل مانوريـه غـر الـدرب=عيّا الهدف يتجـه صوبـه ســـرور الـبـشــري = لأجل الوفا لأفرغت أنصـب=بعـض الرياجيـل مغلوبـه شوف الطريق الذي أنسـب=وخل الخُطى فيه محسوبـه بخـيـتـان الـبـشـري = أبعدتني كيف منـك أقـرب=واحترت فالـرد وأُسلوبـه انتـا وأنـا للوفـا منسـب=من صُغرنا وذاك به دوبـه ســـرور الـبـشــري = الـي يبيـه الوفـا يتعـب=ما يشتكيـه التعـب نوبـه أغـد ياصاحبـي تـحـرب=قبـل الشياطيـن ينحوبـه بخـيـتـان الـبـشـري = يبغى الوفا وصار له مطلب=في عزلته عـاش غيبوبـه محتـاج توجيـه ماينكـب=ارسم لي ((أهداف)) ملعوبه سرور البشري= رسم الهدف منك يستوجب=ورِقة تعاملك مطلوبه هداف في ساحة الملعب =ترسم للأهداف بإ عجوبه |
ما ينحني رأسي المرفوع = إلا لمن هو خلق رأسي والله 0 لو الدموع إسبوع = تجري بربي قوي بأسي |
الساحل الغربي= سلام ساع الملاقـا زان=في موقع رجال مشهوره القول نابع من الوجدان=والقلب والنفس مسروره بخيتان = ترحيب يرجح به الميـزان=في حلة رجـال مخبـوره اللي لهم فالملاقـى شـان=معروف من ماضي عصوره الساحل الغربي= عسى البقا لك عدد ماكان=والقلب ماترجم شعوره تاريخ يشهد قديم ازمان=في حرب ماتحدد بحوره بخيتان = ياضيف سقنا لك الفنجـان=من النشيطـة ومعمـوره تاريخ حافل على سيسـان=من الأرض لين السما نوره الساحل الغربي= بشرب بسم الله الرحمن=فدلال للضيف مسطوره وافي وزايد عن العربان=واستاذ فالقيل دستـوره بخيتان = اعوذ بالله من الشيطان=لأهل الوفا دلال مبهوره لافيـه زايـد ولا نقصـان=اخـوك يفخـر بجمهـوره |
اللي على الشعر متعرِف = كلام عادي يهته هت يقول أنا صرت متصرِف = والحرف عنده يلته لت اصحى ترى الشعر متشرِف =وأهله تبت المعاني بت لاتحط فالقيل وتحرِف = نُقاد لأجله تحِِته حت |
ليه الأمل كل مآ أقبل = وارهيت به راحة البالي لي يختفي ليش مايقبل =إنه يحقق لي آمالي |
خالد بن عبيد الاحمدي= بنشدك ياسيد السـاده=ياجامع القيل بالابـداع براد شاهيـك بالعـاده=بالدوش ولا مع النعناع بخيتان البشري= الحق فنجالـه السـاده=كيفه لرأسي يشيل صداع والقيل فـي ذكـر رواده=اقول خالد حسين طبـاع خالد بن عبيد الاحمدي= انا اكرهـه سكـر زيـاده=وبالورد عني يزيل اوجاع وفنجال مع صوت ميّـاده=يجبر هاجوسي على الاقلاع بخيتان البشري= مزبوط له عندي ريـاده=وعلى الحطب نكهته لذاع وميادة الصوت او غاده=إكسين محصولهم إجماع |
الساعة الآن 11:25 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir