ماكان ظني يجيني يوم = تناقش الروح نسـيانك
ياماعطينا غلا باالكوم = والروح تعبت على شانك

مرورالايام لي بيّن = بعض الخوافي من اللي راح
واللي مضى شي موهيّن = خلا حياتي عليه اتراح

كثيرقالو عسى ماشر = عبر الرسايل وجوالي
واللي حسبته يجي ويمر = خلا مكان العشم خالي

على ضفاف الامل عشنا = حتى نحقق لنا الاحلام
لكن من بعد ماشفنا = يصعب علينا فذا الايام

أشوف بعض الكلام يقول = ياصاحبي ارجوك اتركني
مادام خارج عن المعقول = لاتخلي الناس تنقدني

همس القوافي=
يابومـنى يارفـيع الـذوق = سلام ياصلك لا حدك
جيتك بلهفه وكلي شوق = وانته عن البعد وش حدك
وليف الشوق=
ياهمس ياعالي المنطوق = ترحيب بمصافحة يدك
كرت الوفا ماطلع محروق = فاللا زمه ماتركك وحدك

وليف الشوق=
سـلام لأهـل الوفـاء ياصـل = مخصوص لابوفرح تحـديـد
والآن بأسرد لك الحـاصل = وعـطـني افـاده عـليه تفـيـد
اللي عـبر حــد ومـواصــل = ولامن نصحته تقول.. يزيد
ولن كان في معانده واصل =عــزاللـه إنه بـيـجـيـب العيد
ابوفرح=
ترحيب مايفصله فاصل = يطوي مسافات عبر البيد
عسى اتجمل معك وآصل = واعطيك وصفه على ماتريد
محدن على الجاهل الناصل = يشره .. ومثلك رجل صنديد
تستنصحه ليه وتفاصل = ماتقص عظم الردي ويهيد

وليف الشوق=
ســلام عـطــره عـلـيـك ايـفـيـح = ولــــك الــوفــا مـعـتـلـي فــالـــه
اسـمـع كــلام الجـريـح ايبـيـح = يـبــيــح لـــــك كـــــل مــاجــالــه
يشكي من اللي عليه يصيح = ومـايـطـعـم الـعـلــم لأعـطــالــه
ولا يقبـل النـصـح والتنصـيـح = ولايسـيـب واحــد عـلـى حـالـه
ماهرابوخالد=
ترحيب عالي ابد ما يزيح = عـطـره يكـافـح عـطـر نـالـه
مـتـنــاثــره فـالــقــمــم والـــريــــح = عمّـت علـى الكـون اهـوالـه
هذا لمن هـو بـدا التجريـح = اقــوى مـــن الـســم فعـضـالـه
مـا يـقـوم الا بعـدهـا يطـيـح = مـــــا تـنـفـعــه شــــــدة عــيــالــه

بينك وبين البشرفارق = من هو نظر ميّزك تمييز
خليت قلبي معك غارق = وعقلي غدى فاقدالتركيز

وليف الشوق=
اســـير افــيـدنـي بالله = لجـلك من ارجـال مــوروده
عن واحدن مايخاف الله = يسعى على الـشـر ويقــوده
يفــرح بـأذيـة عـباد الله = والـشــر دايــم فـمـمــدوده
أسير الغرام=
بعض العرب يتبع مشحاه=بالشر يمكن نشا عوده
يروغ لو إننا ننهاه=فالشر هوداره قيوده
ومهما نصحته اتّعدى خطاه=والخير يبعد عن بنوده
هذا تعوذ منه بالله=جافيه وابعد عن حدوده
ولازال باقي أخو في الله= نبغى على الطيبة شهوده
ادع معي ربنا ياالله=يهديه للخير ويروده

ياقلب اللي تهقواله = ومحسوب عندك عزيزالقوم
من بعدبانت لك افعاله = لاعاد تحسب عليه فيوم

وليف الشوق=
ياسروركب اللـبايش هيد = واحذر عن الخط لاتزله
لاتـفـتـكـرجـيّـت ابو زيد = فيها الغنايم لها جله
واللي على واجبك مايحيّد = اليوم كثرت به الزله
وماغيرهم فاللزوم يجيّد = ودرب الوفااخبر اتدله
سرور البشري=
يابو منى لاتجيب العيد=حييت يازين هالطله
هداف مايخطي التسديد=فريال مدريد له شله
نكمل أهل الوجوب الجيد=الي على الدين والمله
و؛؛فالماء العكرصاحبك مايصيد=مشدود حبله ولاحله

وليف الشوق=
ياناس عبدالعزيزموجود = يا وجوده اللـي فرحنابـه
وليف يبغى معه مـردود = يـشـرح غيـابـه واسـبـابـه
عبدالعزيزالزويهري=
سمعت صـوت النـدا الممـدود = بحـبـل الـوفـا الـلـي سعـدنـا بــه
و جيت بإجابة على المنشود = أشــقــانـــي الـــوقــــت بــأنــشــابــه
وليف الشوق=
بعد انتهينا من المعهود = ابـدا سؤالـي وبـي جـابـه
لجل ايش مكه معاد ترود = ولاجيت الافلاج تعنابه

لاتحسّب انه محد يدري = شرحك يزيد الامر تعقيّد
بان الخبر ونتشر بدري = ورد الفعل زاد له تأكيّد

لا تفتكر يوم اترضاك = ولاّ بلد النظر يمك
سهران ليلي عشان ارضاك = الله يا مثقله دمك

من كان فيه الوفا مقتول = مانهاب مثله ولا أشكاله
في ملتقى حرب مهمايقول = ما واحد ايصدق اقواله

حـاولت ايام لا علا = يبيّن اللي لنا مخفيه
ولياسـألناه مـا دلا = حتى نعرف الذي يرضيه
زود على طينهم بلا = من بعد اخفا لنا خافيه
واليوم فيه الصبر ملا = ولاعاد فيه الامل ارجيه

وليف الشوق=
عـداد مـســال مـن وبــلـه = وعداد ماقيل من ترحيب
سـلام مـاقـيـل مـن قـبـلـه = يحمل ورود الوفا والطيب
اللي قـطـع باالوصـل حبله = ولاعاد عنه الخبرايجيب
كيف احصل اليوم في وصله = ويرتاح قلبي من التعذيب
بخيتان البشري=
ترحيب ماينحسب جمله = ولاينحصي بآلة الحسيبّ
باللي على الطيب من اصله = دايم ومتصدر الترتيب
حسب الذي بان في شكله =المشتكى بجتهد واجيب
مادام فالبحث لك كُمله = ابحث أمر سببّ التغييب

ماتهمني جيت او ماجيت = انا ترى في غنا عنك
يا ما على الطيبه اوفيت = وتجيني النا قصه منك

وليف الشوق=
سلام ينصا سروربريك = اللي اعده كما اخواني
اسبوع ليه وانا احريك = ومطلوبنا صار نسياني
ماغيراسمع يجي طاريك = ولوجا عذر كان كفاني
واليوم اما عذر يبريك = ولا تكمل فما جاني
سرور البشري=
يأبيض القلب من مغليك=ترحيب ينطق به لساني
وصاحبك والله ماهوناسيك=ونشدت ربعي وشيباني
قالوا ترى اليوم مايمديك =كل شي له وقت يالباني
وهذا العذر والعذر يقريك =والمقبله بخير يافلاني

السلام عليكم ورحمة الله وبركاته
.
.
.
.
.
.
.
.
.
.
.
.
.

سالم البشري=
سلام محـكـــور ومـكـتـلـج = ينبيك عن كامل اوضاعي
كيف انقذ الوضع لاستحلج = والوقت طعته ولاطاعي
فاالصاحب اللي بـدا يعـلـج = هرجه وقدري بلا داعي
افـيــدنـي باالــذي يــثـلــج = الصدر ويخفف اوجاعي
وليف الشوق=
ترحيب نـوره في ليل ادلـج = وضاح بالطيب سطاعي
للصـاحـــب اللـي لنا دبـلــج = حرف المثل جيت فزاعي
وبعض العرب لاهرج يفلج = يدوي صداها بالاسماعي
ومن قال يـنبـع كما امـلـج = لا تشتري منه لو باعي

وليف الشوق=
نــادوا لـنـا سـالـم الـبـشـري = ابغـى معـه فاالمـثـل مــوال
عـزيـز عـالـي لــه الـقــدري = الصاحب اللي كريم سبال
سالم البشري=
جيتـك ملـبـي نــداك اجــري = وليّ الشرف ياجويد الخال
وليـف شعـرك جـزل يـغـري = الشاعـر اللـي يبـا الأمثـال
وليف الشوق=
اللي مضيق علي صدري = وغير عليه جميـع الحـال
روح وعـنّــه مـاعــاد ادري = مـن بعدهـا مهتنالـي بـال
سالم البشري=
لاترهق الروح ياعمري = المـعـنـويّـات لاتـنـهــال
ملزوم تبحث ولاتـزري = عنّه بالاقوال والأفعـال
وليف الشوق=
بحثـت حتـى نقـذ صبـري = ومافادني من احد فاقوال
واليوم فـي حالتـي مـزري = دهورلـي الحـال والاحـوال

ترفقوا يارجال القيل = بالحرف واعطوه مقداره
بكره يجي من بعدكم جيل = يطرون باالخير شعاره

ياصاح خلك من الـعـقـال = لا تـغـيرالـيـوم هـقـواتي
عن الغـلـط ابـتـعـد امـيال = تكسب وفا وكل طـيـبـاتي
لوجـات زله على الرجال = مايـثـير فـي كل جـاباتي
يصبر ويدور رجال اثقال = تحكم على الحق فاالاتي

ياصاح خلك من الـعـقـال = لا تـغـيرالـيـوم هـقـواتي
عن الغـلـط ابـتـعـد امـيال = تكسب وفا وكل طـيـبـاتي
لوجـات زله على الرجال = مايـثـير فـي كل جـاباتي
يصبر ويدور رجال اثقال = تحكم على الحق فاالاتي

صدرت اوامر من الديوان = من قايد الشعب عبدالله
ماهوغريب الوفالاكان = من شخص يحكم بشرع الله

ياذوق ابعد عن التفكير = لايشغل البال تفكيرك
كثرالفكر يجلب التعكير = ويزيد كل يوم تعكيرك

وليف الشوق=
قـرب هنـا ياحـسـن باغـيـك = باشكـي لـك اقـرب مودينـي
اللي من اوّل يقول اغليك = الــيــوم أصــبــح مجـافـيـنـي
كل ماسألته لماذا اشفيك؟ = عــــن حـالــتــه مـايـورّيـنــي
بالله هــذا الأمــر يرضـيـك؟ = يـابـو عـلـي لـيـت تفتـيـنـي
حفيدالحجيري=
يـابـو مـنـى اِزهــم وأنــا ألـبـيـك = لــــبـــــيّـــــه يــــالـــــلـــــي تـــنــــاديــــنــــي
لا بـــاس جـعـلـه فـــدا عـيـنـيـك = مــخــلــف مـــعــــاك الـمــوازيــنــي
كان اغتنى عنك لا يشقيك = لا تــشــتــقــي بــــــــه وتـشــقــيــنــي
وانت تِعَرفنا مـا نرضـى فيـك = حـيــث إنّـــه رضــــاك يـرضـيـنـي

وليف الشوق =
مــادام مـوجـود مـاجــلان = ودي مـعــه فاالـمـثـل داره
سلام عالي رفيع الشـان = من عالي الطيب مختاره
ماجلان=
جيتك لعذب اللحن شفقان = فـالـجـو بـاخــذ مـعــك غــــاره
تـرحـيــب يامـسـتـكـه ولــبـــان = يــاعــود ازرق عــلـــى نـــــاره
وليف الشوق=
تسلم لنا ياصقر شيهان = اللي على الطيب مقـداره
افـيـدنـي فــالــذي حــيــران = مــنـّــه ويـــــزداد فــاطـــواره
ماجلان=
عسى البقى يافتى لحيان = ياحَر عالي فـ أوكاره
اليوم حنا كما الاخوان = وضح لنا العلم واسراره
وليف الشوق=
اللي على طلته شفقان = اليوم قدم لي اعذاره
يقول يوم الموادع حان = خلالي الروح منهاره
ماجلان=
هذا الخبر زلزل الوجدان = يامشتكي حار بافكاره
اصبر وصبرك على الحرمان = لابد .. ماتجني اثماره

أشوف عينه بحر وامواج = لوعمت اغرق بداخلها
وبحرالهوا مامنه مخراج = رحله على اللي يواصلها

وليف الشوق=
ابـدا كـلامـي بــذكـراللـه = مـن بـعـدهـا اسـتـلـم قـافـي
سلام معه الـوفـا يـــبـراه = ياراعـــي الـطـيـب يا وافـي
كيف العمل في ألـم مـقـواه = ماشـفـت فـالطـب له شافـي
من شافني غير جر بكاه = من حال جوف الحشا خافـي
حرب=
بسم الله ابدا وصلى الله=على النبي عد من طافي
وبعداد من زار بيت الله =ترحيب يالمنهل الصافي
لاباس ماجور باذن الله=لاتقول لاطب لاسعافي
ماخاب من قال يالله=ماللالم غيره مكافي

قولولهم كان مايدرون = عندي تزايد معزتهم
وفي داخل القلب مايلقون = ألاّ الوفا مع مودتهم

وليف الشوق=
نبغى مثل حاضر المـيـقـاف = غزر المعاني مبانيها
يالشاعر اللي تجيد القاف = لك التراحيب نعطيها
علي عيد البشري=
عن درها ما لنا محراف = من جمها لين نرويها
نقطف ثمرها درر صياف = لك البقى وانت راعيها
وليف الشوق=
لجلي اعدك من العراف = شاعر يثمن معانيها
كيف اقنع اللي يرا الميلاف = كلمه والايام تحكيها
علي عيد البشري=
ان كان ونه ماشاف خلاف = أصبر والايام تبديها
وانصار ونه شكى الاجحاف = بالعقل يكشف خوافيها

من عاش هذا الزمان يشوف = اشياء بتكدر الخاطر
قليل تلقا رجال وقوف = باالذات في وقتنا الحاظر

واحالي اللي غدى في حال = تغيرت كامل اوضاعي
من بعد راح الذي فاالبال = يزيد روحي باالاوجاعي

وليف الشوق=
سلام وأسأل عن الاحوال = ياراعي الطيب علمني
بشر عن اللي جويدالخال = عن وضعه اليوم طمني
ابغى افاده تجي فاالحال = وارتاح من امر مشغلني
غالي عليه وله منزال = وتحت الطلب بس آمرني
بخيتان البشري=
ترحيب ياللي عزيز وغال = ياللي على الطيب كملني
الوضع مابين حال وحال = وحال اسأل الله يفرحني
للآن يابو مُنى مازال = باقي كما كان قالقني
عليك ما يامر الانذال = صديق صادق مصادقني

وليف الشوق=
سلام فوق السحب محمول = تقـديـرمـن صـــدق وجــدانــي
لــك قدرعـالـي ابــد مايـحـول = ثــابـــي عــلـــى مـرالازمــانــي
دايـم علـى الطيبـه ماتحـول = درب الــوفــا لـــــك عـنــوانــي
اقـســم بـــرب الـعـبـاد اقــــول = ودي اســـكـــنـــك فــعــيـــانـــي
همس القوافي =
تـرحـيـب كـلــه غـــلا مــرســول = مـن قلـب ينطـق بــه السـانـي
املا به الكون عـرض وطـول = عـنــبــر وكــــــادي وريــحــانــي
للصاحب اللي بحسب اصول = منـه الوفـاء هـيـض اشجـانـي
اهـديـه صـــاع الـوفــا مـدبــول = واهــديـــه شــكـــري وعــرفــانــي

لا ياهــوا لاتـجــي وتـصـف = تبغى تصفي حساباتك
ارحل قبل لا يجيك القصف = لوجاك يخلف مساراتك

السلام عليكم ورحمة الله وبركاته
.
.
.
.
.
.
.
.
.
.
.
.
.
.
.
.
.

من صاحبي احترت والفرقا = ماكان تخطر على بالي
ازريت الاقي سبب يرقا = واريح افكار موالي

.
.
.
.
.
.
.
.
دمتم على العز والتقدير

السلام عليكم ورحمة الله وبركاته
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

كل ما تغاضى عنه وابدا =صفحة جديدة معاه يعود
منه الاسى ذاك والأجدى = يفرش طريقي زهر و ورود

.
.
.
.
.
.
.
.
.
.
.
.
.
.
.
.
.
دمتم على العز والتقدير