منطوق شايب تحير فيه = ياكيف يطلع من اشفاته
مثل العلم والعرب ترعيه = تحسب على الكل زلاته

قالو حبيك وش اللي جاه = وش رجعه بعد ماقفى
قلت افتكر حبنا وابكاه = ولو يبكي العمر ماوفى

كان اعترف باالاخطاء مسموح = وان عادها ينكوي ثاني
حتى يتادب نهار يبوح = وينظر تحت كان لقاني

مثل الصفر فالعدد زايد = فيسار الارقام مايحسب
كنت احسب انك رجل قايد= طلعت مثله ولو يكتب

مانكتب االا كلام امصيب = وعلومنا فوق تلقاها
واللي تحجم لابد يطيب = من علته كان اخفاها

فالحق ماخشى احد لو كان = ذاك الزعيم الذي يذكر
لو كان تحلف كثير ايمان = اثبات عندي ولو تنكر

ماينشرى غير من غالي = مصيون داخل بيوت أشيوخ
واللي نزل سوق دلالي = السوق واجد وفيه صموخ

عسى الخبر لاوصل وافي = من دون محد(ن) يزود فيه
بعض الرياجيل ياكافي = لو يعمل الخير مايمديه

عشنا وشفنا ولانقدر = انشوف اكثر من اللي كان
مصايب الوقت لو تصدر = لازم نفكر بها بتقان

ماروى ولو كان تسقيني = من غير يدها انا ماشرب
مثل الدواء يوم تعطيني = يجري فدمي وبه اطرب

اسئلك ياللي لنا تهوى = الحب عندك يساوي كم
الحب في نظرتك بلوى = والامشاعر بها ننعم

ان كان تلعب معي بالوت = أحشرك في خانة الاكه
لاصن بنفع ولاكبوت = وتطيب لاخذت لك صكه

ماترحم اللي سنين ينوح = حتى الحجر حن من حاله
راحت حياته بلى مصلوح = أرجع قبل لاتهياله

سلام مني وكيف الحال = من بعدها جيت ببارك
نفرح لفرحك يابو بتال = مادامها حور في دارك

ميزان بالعدل لاكنه = في بعض الاحيان مايقوى
كلمه لها ينحرق بنه = يضيع الدين والتقوى

الخصم جاكم ووين الند = وين الذي تحتزم به وين
اليوم جاكم قوي من جد = اصحى على جفنكم والعين

لايراودك شك في قولي = ماكل مانكتبه ينصاك
صحيح احيان تحلولي = بس المكاسب ننال ارضاك

اعطيتك اكثر من اللي لك = واليوم منك الاسئ جاني
مادام باب الامل منصك = ربي على الخير يجزاني

انا اتجاهل ولااجهل = من اجل تبقى حبتنا
وان كان عندك لغيره حل = عجل لاتكبر مصيبتنا

اتجيب عهد الوفاء وتخون = وانا الوفاء باذله مني
لك حب وسط الحشى مدفون = باصبر ولو كان تعدمني

للان باقي عليه اتنوح = ولاحن ذاك الحبيب لك
اصحى لحالك قبل لاتروح = مابين حبه وذاك الشك

منهو لطم عينه بيده = الطب ماينفعه فيها
ويسيل دمعه على خده = يوم النظر كف معميها

ياهل ترى بظلم مستبعد = والا بجرمه اقترفتوها
تبقى فسجلاتكم وتعد = ودينكم كان عدتوها

ياويل قلب (ن) عشق له بنت = واصبح يهذري بها فنوم
ان كان اصل العلاقه نت = ماظن ذيك العلاقه تدوم

للناس لو تظهر الفرحه = العين تحكي بما فيها
من دون ماتطول في شرحه = حنا عرفنا خوافيها

حنا جبرناك بالعنوان = من شان مثلك يجي مجبور
وان كان اصبح نظرك ادمان = دايم حياة الشقي فثبور

ان كنت دايم لنا ذاكر = هذا دليل اهتماماتك
قالو فالامثال ياشاطر = اللي في قلبك على لسانك

سلام يابو حسن ويخص = شخصك ومني لك المقدار
ابغاك ترسل لنا بنص = ويش حكم منهو انكوى بنار
قلبه تعنى وجسمه مص = عايش حياته على الاتذكار
هو الاثر بالاثر ينقص = والاتوارى عن الانظار

ممكن لنا وقتكم يسمح = ونوجز لكم ماحصل بيجاز
ليتك عن اللي حصل تدمح = واللي بدى بالمصافح فاز

يابو محمد قبل لاسئلك = ونصول ونجول فالمعنى
سلام بزهى عطر ياصلك = من أخ مخلص وبك يعنى

أعطيتك ألحب في تابوت = ميت ولاعاد يعنيني
من بعد ذقنا شراب التوت = اليوم علقم تسقيني

كف الاذى واعتدل فكره = واصبح هذاك الادب حاويه
ان كان يبقى لنا شكره = وان كان عاود انا أداويه

لازال عندي امل وافرح = وعاند الحزن واتحده
وارسم بها داخلي مسرح = لو عاث فيني لابد احده

ياذا المعرف نسيت اسمه = اللي كتب حرفنه بعجاب
بالعشره ابصم على رسمه = ليته يدرس فكل كتاب

شفت المقابر وقلبي رق = وايقنت هاذي نهايتنا
اما فروضه بها نرزق = والابنيران تبهتنا

كان الفرح داخلي لاكن = فجاه تلاشى الفرح وانزاح
واليوم فيني الم ساكن = عقب فقلبي كثير اجرااح

مادام صلب على اسمك = ترجع مثل باقي الاسماء
وانكان ترفع هنا خشمك = يصدر قصاصك من الافتاء

ارجوك وارجوك ثم ارجوك = ارجوك لاتبتعد عني
امشي على درب كله شوك = وانسى اللام يوم تحضني

اقرب من الراس واترجاه = عساه يسمح لك الماضي
مالك ومال الذي يبراه = لايروح بنيك على الفاضي