انشدك عن ورع صغير ويستدير= ماحصّله على بناته وزّعه اخفاه في بيته عن الناظر خبير = وقفّل عليه البيت الاسودورفعه حله عبدالله الفريدي وهوشاكوش المكينه |
انشدك عن سبع بهن علم ودليل =اوصافهن لاهل المعرفه بينات الواضحات اللي لهن وجه جميل =الخافيات الغايبات الحاضرات محلول النجوم السبع=من بن خيرالله الردادي |
انشدك عن ناس عملهم خديعه =متفاهمين بعلم وموزعينه احد كشف نفسه وغيب صنيعه = واحد تخفى والخطر من يدينه شد انتباه وللمخطط ذريعه = والفعل الاصلي للقفا مخططينه تنظيم قايد والمداخل وسيعه =نجح فشل نقصه على منظمينه محلول 00الكمين وووالزريق من ابو هليل |
ويش بنت مالها تصنبف بين = نوب خير ونوب شر لمن حملها من تعامل بامرها باسلوب لين = يمكن انه مايتضرر من عملها بالخفا تاثيرها ماهو بهين = الدول من خبثها تلعب باهلها محلول (السياسه) من ابو محسن ذيب المضيح |
انشدك عن بنت خزينه لرجال = ولياطلع من بطنها تذبحه بنت بنت لها اللي ترغب النفس قتال= لولاه ما شاهدت غيرك ولاكنت محلول (انبوبة الغاز) من ابو طلق |
وشصبي حلّ بالديره يسـلــي = كنـه المجنـون ياســرع انـطــلاقــه كان جيته تطلب المتعه يهلي = لكن اسمه موت ما يعرف الرواقه ( محلول قطار الموت)من متعب العمري |
ابا انشدك عن رجال يمشي مثل ممشاك =يقلد خويه مااستحى تقل يضحك به اذا انك رفعت يديك يرفع بدون ادراك= واذا ان جلست بشمس الروض يبرك به محلول (الظل) من ابو مشاري |
ابا انشد رجال العرف عن راكب معلوق = ليا علقه من به ضرر مستعين به مذكر مؤنث مكرم مايعرف البوق = واذا غيروا مبداه نتيجته ذنبه لاانه على نوعين ولكل نوع طروق= ومن علق المحذور ذنبه على جنبه محلول (العزايم ) من ابو مشاري |
لقيت شي جميل ومنظره زايف = ياهل المعرفه تعدى الزيف عن حده غدير الوهبي حله وهو الورد الكاذبلياعرفته تركته قانع عايف = لو المزيف طويل العمر والمده تشوف زيفه وتضليله وانا شايف=وتقدمه للعزيز بساعة الشده |
اللغز عن رجل تنفس بلا روح = اللي شهيقه ثابت مع زفيره لكن زفيره فيه متعه ومصلوح =ترتاح ليا منه تتابع شخيره حله ابو هليـل وهو المكيف |
ياهل المعرفه تعالى الله في شانه =العلم واضح وبعض العلم نجهل به لقيت شي كبير واربع اركانه = واشوف حرب كفانا الله يحصل به واللي يديره على وزنه وميزانه = رجلين برّا وواحد شخص يدخل به ولاشفت واحد دخل به عبر بيبانه = اللي يبي يدخله يجيه مع جنبه محلول (ملعب الكره والحكام) من وجودك يكفي |
انا سؤالي وحكم الله نرضا به=وشهم ثلاثه مشوا في درب نمشي به على هدف طيب والفعل متشابه=واحد ومتغير بالاسم تركيبه الدرب ممشاه طاعة ربنا اسبابه= وروسه ثلاثه ونجري به ونمشي به سم الثلاثه وحلك لاتهقوى به = اللغز كم واحد ماهو بيدري به الكحيله حلته وهو الحج وانواعه الثلاثه |
نوع كبير ومن مشى به بالجحيم = ونوع صغير وكلبوهن مفسده هو رقم واحد بين سبعه يا فهيـم = سبع كبار ويهدمـن الاعمـــده (محلول الشرك الاكبر والاصغر)من ابوفهد |
اللغز عن بنت لها عدة عروق = واعروقها شر ومضره عليها شرابها المعروف يصعد الى فوق= وكم من وفي نافع يعتليها ينوبها بالفعل رجل له اسبوق= وكم واحد في مامضى يقتنيها محلول (الكوله ) من والد الحصني |
انشد عن رجل مبروك = عليه الناس اغبطوك ماجبته من ورث ابوك = حيث ملك للجميع لاصناعه ولامخلوق = ويبيعونه وصط السوق وله على راعيه حقوق = ومن مشى به ما يضيع =محلول القرآن الكريم=من شأس نجد |
انشدك عن رجل ليا جيت حوله = تكسب حدى الثنتبن مانته بخسران والثاني اللي يوم تعبوا وجوا له =اللي كسب ثنتين ماهو بربحان كلام سابق كل عاقل يقوله = واللي يقوله له دليل وبرهان حله وجودك يكفي وهو حامل المسك ونافخ الكير |
انشدك عن بنت قديمه جديده = الاسم الاول جا مكانه بديله فيها الثنين اهل الفعول الاكيده= فعول لبعض الخلق صارت وسيله ارم الاخير من اسمها ولاتزيده =يصير رجل يمنع اللي يجيله حله ابو هليل وهو مدينة بابل |
وشبنت تكره قربها ماتبيها =وان شافها شوق البويضا نصاها وادار جنوبه كلبوها عليها = رقيقة الملمس قليل حلاها |
وشالذي ماكل واحد يسوسه=واول حياته مشبعينه من المر يلعب مع الحرمه وينجب عروسه=وليا ولد عقب الشقا والعنا قر ينجب ولد ومقفلات ديوسه=كثير خير ولاينولك منه ضر عند الغني اللي كثيره فلوسه = وبعض العرب جابه ببته ولاسر |
انشدك عن ورعين في حصن حصين = في موقع لايمكن احد يقربه متقابلين وشكلهم متشابهين = وتخفيهم البنت العزوم المرقبه عن اسمهم سألت قالوا واضحين = تصغير حيوان وضيع منسبه |
من هو اللي حمل الحمل وتحمل = للثمان اللي عليه اكبر مضره والوفي اللي معه وقف وتجمل = اوعده في شر لكن خف شره عاقل في مانوى ندم وتأمل= جاه علم نفذه لله دره |
ويش رجل جابه الطيب وشاله=والهدف من شيلته رفعه وعزّه براسه السانين مع فعل وجزاله=ارعب اللي بالمواقف يستفزه |
ويش رجل سرقته هي راس ماله= ولو زميله ينعثر خان بزميله لاجل فعله ماحد ينظر بحاله= ومن غزاه ليا ادركه يبرد غليله |
ويش رجل قبل مايعمل يغسّل=ويتميز في نشاطه عن زميله لايهاب من العميق ولايتوسل =ولايخاف من القصيره والطويله في عميله لايبور ولايتفسل =الاصيل اللي مأخوذ من الاصيله |
وشولدين وبنت ماحد نظرهم= منهم اثنين لاهم انس ولاجن ثالثهم انسي والجميع اعتبرهم= خيال كذب وفيه من ظنهم ظن ماهم صحيح ولو يرددخبرهم =واعلومهم دايم مع الناس يردن |
فيه بنت غريبه بالبحر والفـــــلاه = وصط بطن الذلول تخبي عيالها تختفي في حصاه ولاتوط الحصاه= تختفي كل مامن العدو جا لـــــها زادها من النبات ومن فتاة المياه = ونوب من عالم تعطف على حالها |
انشدك عن رجل تبوسه طماعه =ومن بوسته تسمح وتبرد غليلك تجهزه وتقدمه للجماعه =وتناوله وقت اللزوم لعميلك |
انشد عن اللي سميت باسم جميل =مار اختلاف الناس في تفسيرها اللي يمارسها من العالم قليل= واكثر عباد الله يحصل غيرها |
طلبتها عذراء على رغبتك جتك = لوانها حرام في دين الاسلام ببلا مهرجاتك وقضّيت حاجتك = ومنها تعلمت التعامل بالارقام وان كان هي نالت رضاك ومحبتك =ترى الغضب من لقطة غليس قدام |
انشدك عن بنت تجي مع كل باب =ضمن بنات تختلف باشكالها لاتاكل العيشه ولاتشرب شراب =ومكلفه دايم بسجن اعيالها اعيال مهمتهم مع الدقه صواب =والبنت تتبعهم تجراذياله |
ابنشد اهل الفكروالعرف والراي = عن بنت حطوها من اجل السلامه تركب على مركوب راكب وسّراي=مع اختها لاهل المكارم كرامه من وصفها البين نديمه لمركاي =ولها اسم ضبي ولاتشابه مقامه من اول خوية الرايح الجاي =واليوم صارت للشهامه علامه |
اللغز عن بنت لها عدة عروق = واعروقها شر ومضره عليها شرابها المعروف يصعد الى فوق= وكم من وفي نافع يعتليها ينوبها بالفعل رجل له اسبوق= وكم واحد في مامضى يقتنيها محلول (الكوله ) من والد الحصني |
انشدك عن رجل جميل = لكان به بعض الغرور ماله بخلق الله مثيل = في ملبسه مثل الزهور حله شاس نجد وهو الطاووس |
انشد عن اللي موتته من جهوده = يبغى يفوز بعلم ونهايته موت اقدم على فعل صعيب يكوده = وله فكرة صحت بعد فايت الفوت محلول (عباس ابن فرناس ) من ابو مشاري |
من هو اللي حمل الحمل وتحمل = للثمان اللي عليه اكبر مضره والوفي اللي معه وقف وتجمل = اوعده في شر لكن خف شره عاقل في مانوى ندم وتأمل= جاه علم نفذه لله دره عبد الله الفريدي حله وهو ايوب عليه السلام |
انشد عن اللي غاب له قرن كامل= وشاف العجب ونصاع من عقب ماعاد اول كلامه فيه شك وتحامل =وبعد غيابه صح له كل ما راد (محلول عزير عليه السلام)من ابوهليل |
انشدك عن ضيف مع الناس مكروه =واهل الكرم والطيب ماتكره الضيف ليا حل في دار الكريمين عافوه = وعلى فراقه يدفعون المصاريف سفاح مؤذي به مضره ومشبوه = نوب يشاف ونوب يدخل ولاشيف سامي الفكر حله وهو البعوض |
ليه حبيب يهجــرنـــي = عشره وواحد شهر ان زار بخيره غمرني = يصير فرصة عمر ان كان ربي قدرنـي = اكسب منه ليا حضر ابوهليل حله وهو رمضان |
وشا الذي على صلاتك تبديه = ليا جاك في حدب الدواير مقره العاقل اللي ما كفى منه يكفيه= لوزاد يمكن انه يعقب مضره محلول (الطعام ) من مطلق العتيبي |
انا سؤالي وحكم الله نرضا به=وشهم ثلاثه مشوا في درب نمشي به على هدف طيب والفعل متشابه=واحد ومتغير بالاسم تركيبه الدرب ممشاه طاعة ربنا اسبابه= وروسه ثلاثه ونجري به ونمشي به سم الثلاثه وحلك لاتهقوى به = اللغز كم واحد ماهو بيدري به الكحيله حلته الحج وانواعه الثلاثه |
الساعة الآن 05:52 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir