يا راعي الصوت لا تبعد = كم قلب الشوف من احوال
مد النظر بالنظـر يمتـد= يرميك في داخل الأهـوال
وخل القمر بالقمر يسعـد= وإنت وانا نهادي الموال
مالك ومال الشقى واقعـد= لا تمادي الفكر بالآمـال

تخاشـروا فالقضـا عـده= دكاتره من جنوب وشـام
قالوا وفا مع جفـا عـده= دين ومضالك مـع الايـام
لاتتبع اللـي امـر جنـده = وحال المعاريف للاعـدام
عيد النظر والقنـا جـده= جد النوى واركز الاعـلام
مكاسب المرء من جهـده= عنده لكل الامـور لجـام
مايحط يـده علـى خـده= ويعيش فالهـم والاوهـام

دنيا وفيها البشر محتـار = دنيا وما اكثـر بلاويهـا
فيها النعيمي غـدا طيـار = مقلع والانـوار مطفيهـا
وفيها سواكن وفيها احرار = حذرا وايـاك تخطيـهـا
اسعارها اليـوم بالـدولار = واقوالهـا مـن يثنيـهـا
رحال هذا زمـن غـدار = واللاش بالكاش مغريهـا
ماصف للـدار والاقـدار = يوم المـلا عنـد باريهـا
تذرف دموع الشقى امرار = وجنود تنفـض مخابيهـا
ماينفع القـول والاعـذار = كلـن صحايفـه يطويهـا

من عاف ربعه ترا ينعـاف = لو هو تعـلا يعـود طمـس
ومركب بلا مـوج يالعـراف = اغبر نهـاره وليلـه دمـس
كيله مـن البـن فالمغـراف = وانته من اللي يحمسه حمس
دام القلوب الوفيـه نظـاف = حمل زهابك معي فالجمـس

سلام وانا استمع ماشوف = ولاشفت لااسمع ولااتكلم
ماشي مع الناس بالمعروف= لاشكي ولاابكي ولااتألم

تجاوز الحد والمنطق = سحرك وتأثير اهدابك
لاعاد يسمع ولاينطق = من شاف رقتك وآدابك

يامن لكم ود فاعماقي = كفوا عذاب السنين السبع
ماعاد والله ترا باقي = فعيوننا للمآآآسي دمع

بيني وبين الهوا ميعاد = على شواطي بحر ياقوت
بعيد عن اعين الحساد = يامدللــهـ . ياعروق التوت
ليله وعيدي بها اعياد = لاهي فكازا ولابيروت
اعلن قمرها بعدك حداد = ماعاد يطلع الين تموت

سـلام فيـه الوفـا عنـوان= والطيـب ساسـه وبنيـانـه
ينصـاك ياحضـرة الربـان = من قلب (هاجت به) اشجااانه

تقدير ياشادي الالحـان= ياعازف القيل والحانـه
جيتك لعذب اللحن شفقان= عطني مفاتيـح بيبانـه

ظبي الفلا كاحل الأعيان = مأسور من نظرة أعيانه
ستة (أهله) وأنا سقمان = أتلفت روحي على شانه

ظبي الفلا محترف فنـان = يختال ورده على اغصانه
دايم صويبه يجي هيمـان = مختـل وزنـه وميزانـه

قدرك فقلبي تعلا فـوق= يامقتفي نهج اسلافـك
يامرحبابك وكلي شوق= اشوف رسمي واردافـك
لاوالذي أنطق المخلوق= لا القيل يقصر ولاعافك
بس الرسايل تمر طروق= قبل تحرر من اشرافـك