كان المحبه كلام وبس=يا كثرهم واجد احبابي
وكان المحبه حساس وحس=انته .ولا غيركم طابي

قلبي تسامت به الاشواق=حتى تعلى منابرها
والقا حديثه من الاعماق=انك هوا الروح واسرها

على جريد النخل غنت=حمامة الشوق مضنيها
تشكي وله .كل ما ونت=وليا خفوقي يجاريها

لوقالو الكون طول وعرض= اخذيه .وانسي غلا وده
قلت العفو .ما قبلت العرض=غالي وبالعين ماقده

ماتدمع العين يا ساده=إلا من اسباب تخفيها
اما من الشوق وقاده=والا الزمن جايرٍ فيها

أغراه لنه بقلـب يعيـش=قام يتأمر على روحي
حتى المشاعر تقلي ليش=يزيد في عمقها جروحي

طاريك لي الأمل يحييه=اعيش به. لي عمر ثاني
لاتقول لي يا غلايه ليه = ودك معي شيء رباني
عجزت رياح الزمن تمحيه=القلب ماطاع نسياني
عصى على الفكر ومعاديه= لاهزه الشوق بكاني

في جور الاقراب .لاتسلم = ولاتقطعه وصلهم. عنك
لوكل عضوٍ لك اتألم. = زلته .وش اللي بقى منك؟

انا اسير الآسأ قلبي=من خلقتي ماعرفت افرح
حتى الآسأ مل من غلبي=اطعونها .مالها مطرح

عم الفرح في خفوق الروح= واستبشرت في محانيها
وطابت من الروح كل جروح=في شوفة العين غاليها