ضاع العُمر في سجُون الهم = كل ماخرج تُهمه ترُده
لين الزمن قلت لُه ياعم = ماجاه يكفيه و يسده

ياسلوة الروح ياذاتي = يانور عيني وبؤرتها
تدري وش اكبر معاناتي = لا فارق الروح سلوتها

تضحك عيوني بدمع الفرح = وتبكي بها دمعة احزاني
الي بها في خفوقي جرح = يحيى على طيف خلاني

في وقتنا الحرف مستعجب = ولاشفت منهو تعجبّ منه
ياهل ترى حالته تعجب = والا المعاني تجنْب عنه

خِلك بقايا امل وجروح = مابينهم قِسمته قسمه
امل تغذى عليه الروح = وجروح متملكه جسمه

بخيتان البشري=
ياماهر الحازمي تنصاك = من مادها حروفي المُثلى
ترقى في منزالها بلقاك = فيها المعاني (بِها) تُتلى
همْت بهــذا لتــُدرك ذاك = فرصــة الى منك مايُملى
سلام لأهل الادب شرواك= عليه بالطيب ما يُعلى
ماهر ابو خالد=
الله من الصايبـه اعطـاك=لعـل خيـك بهـا يُبلـى
ويرقى بحدك وفوق حداك=وينسب لك العلم والتُكلـى
(ما قد) وهذه تجي بوصاك=والعارفه بالذهـب يُغلـى
ونوب اهل الادب بقـراك=ترحيب ماعنهـم يُجلـى

وليف الشوق =
جاني خبر بينّ الخافي = ياللي تروّح هنا وهناك
لوكنت في طبعكم جافي = ما كان تجفى كذا خوياك
بخيتان البشري=
على النقا دايم اهدافي = إن جيت هذا ورحت لذاك
ولا اخبُرك لاجا خبر خافي = تتهم خويك على ماجاك
وليف الشوق =
لاشك الكل له وافي = من شان هذا ما عذّرناك
والله يعلم به الخافي = له قدر عالي مثل شرواك
بخيتان البشري=
بعد بدأ منك الانصافي = ناخذ علومك ليا جيناك
ولا خلاف يحصل ولا خلافي = مدت يميني لها يمناك
وليف الشوق =
ما اقولك غير ياكافي = ابلشتنا يالخوي وياك
حروف من قلبي الصافي= لكن ياصاحبي معضاك
ولا هو من اطباعنا نجافي = يوم السعد جيْتك ولقاك
منا الوفا راس مشرافي = يامرحبا ياهلا حياك

ياليلة العيد وين العيد = ادوره وين دليني
كل مالليالي هذيك تعيد = عليّ طرياه يطريني

ياعيد الافراح وإن غابت = بحضورك العيد ماهو عيد
اجساد إن جات وإن راحت = بأرواح فيها المآسي تزيد

كم من عُذر من جنابك 0 كم = من كثرها 0 كم ماحسبها
بحط نفسي أصم أبكم = عليك نفسك تحاسبها

جمعتها من جناين ورد = وبالوّد غلفتها باقه
بهديه فالعيد يد بيد =واشواقي تعانق اشواقه