بشرح لك .الحال بالتحديد= والشوق يا ودي الضامي
للناس فرحة بيوم العيد= وانته فرح باقي ايامي

لاتحسب إن الوداد مزوح=تسلى بها النفس وتروحي


لجله ودادك علاج الروح=اعطيتك الود يا روحي

قلبي شكا لك من الاشواق=وانته ولا فيك حنيه
حتى غدى الحال. ما ينطاق= يامعالج الجرح با الكيه

با الامس كانو هنا واليوم =ماغير جرة مواطيهم
غابو . مثل ماضيات حلوم=وحنا.على درب قافيهم

لاتجرح الخاطر المجروح=يكفيه مافيه ويسده
لاقلت نرخص لكم بالروح=يعني خطا صار وش قده؟

لسآه جرح الزمن ماطاب=باقي عروقه يغذيها
زود الالم منه والاتعاب=تبقى مآسي نعانيها

يا ليل خذله .رسالة شوق= ارق من نسمة الوادي
عطها غلايه. رفيع الذوق= امعايدة . يوم ا لاعيادي

مُحال نحكم بخاف. الغير=ونقول يقصد كذا قوله
من شق صدره .وجاب الطير!!؟=اللي بصدره اخذ جوله؟؟

شفت الفرح يوم يتبسم=فرحت واقول ياسعدي
اثره من الجرح يتألم=اللي بدا. داخله يُصدي

طيفه لنا حرك الساكن=وبانت براس الهدب دمعة
أرمشت .لسقاطها لكن=هلت كما المزن. مجتمعة