عديت لك باعتبارك اخ= ومزوح ياما تجي وتروح
لاتحسب اني فريسة فخ= من دون حقي تروح الروح
ولاني من اللي بخوفك نخ= ماهر وسيفي ترى مملوح
صبري نفذ بي ودمي ضخ= ابعد ومالك معي مصلوح

الله واكبر بعد كانو=اصحاب في حسبة الاخوان
ياللاسف كلهم خانو= وفي حسبتي فاقو الحسبان

صدفة لقاء وارتجاع افكار= لايامنا والهوى العذري
واقفى وصار الهوى تذكار= لاهو بقدره ولاقدري

حكمة بوالي منعها شوف= وصارت حليله فى حكم العود
وعاشت مراده بحزن وخوف=وافكارها في هوى موعود
وتهل دمع الاسى بحسوف= مستندبه حظها المقرود
وبعكس ماهو لها من روف=صارت تروفه تقوده قود

فك الحذر ياهوى عني= واطلق صراحي بصك اعصار
ماعاد صبري يجملني= ابقى معك لآخر المشوار
واخذ الوعد والعهد مني= بلغيك من عالم التذكار
باعيش مرتاح متهني = لاوين وانا اسير افكار

يابنت سوقي بكور الكيف= وتيامني ياهوى بالي
واستبرديلي حرور الصيف= ياطب قلبي ومدهالي

يامن بسلم الورق كسبوه= واستبعدوبي هوى عنه
انظر بعيني بعد ضروه=ورده ذبل وانكسر فنه
وخلوه ضامي هوى وابكوه=مع نسمة الشوق لاجنه
وانهو غرامي معه وانهوه=لاذنب مني ولامنه

بسالكم ايه الاخوان= عن واقع الحال ياكافي
وين العرب ذيك والجيران= اللي بهم شد الاكتافي
لادق واجب من الشجعان=باثقالهم صارو اخفافي
ومفزاعهم شبة النيران= وكلن بمد الوفاء يافي
لاحسد فيهم ولابهتان= ولاقصد منهم بالاخلافي
وين المدكن عن الدكان= والبيع سمحه بالانصافي
وين الخبيتي برفع الدان= والزيرينقح للاشرافي
وعصير تدرج على البيزان=عزلان فاقت بالاوصافي
وين البوابير والربان=وعمق البحر شد مقدافي
وفجاه======؟
قلبي طلبني مع الاعيان= وتقول ياكنيدري كافي
سببت فينا الم واحزان= وجروح يعجز لها شافي
ادرى على الحال بالكتمان=لاوين تبش لنا الخافي

طالبك يارب يامعبود= طلبات ليه رجاء فيها
تعصم لساني عن المنقود= وشهادة الحق ماخفيها
وليه الشياطين يوم تقود= اعمال زانت مساعيها
تجعل طريقي لها معقود= وتفكني من بلاويها
وارضى بقسمي من الموجود= وعيني على الغير تعميها
ورحمتك بيه فى يوم شهود= وصحايفي فيه تطويها

حنا بدو فوق فالقمه= طيبه ومذهب وحسن اخلاق
مانعرف الحقد والنمه= وفالخير محدأ لنا سباق
ووقت اللوازم لنا لمه= فايق عددنا عن المفتاق
واللي عهدنا على الذمه=انسابقه بالعهود اسباق
حتى نسانا لهم همه=تحرق خسيس الطباع احرق
اوجزت الايضاح من جمه=من خوف ماتحمل الاوراق

عن محفل الآنس عدينا=والنفس تطرب غرايزها
ولما وصلنا مراسينا= عدنا ونطلب عوايزها

نادو طبيبي وقولوله =الحق صويبك تبصر فيه
بين العرب ضاع مدلوله= اكسب ثواب الدواء داويه

نادو طبيبي وقولوله =الحق صويبك تبصر فيه
بين العرب ضاع مدلوله= اكسب ثواب الدواء داويه

ياميتي يابعد حالي= لعلها العين ماتبكيك
طرياك دايم على بالي= تزعل جميع العرب وارضيك
في مهجتي منزلك عالي= لو بسكب الدم مايوفيك
ولو تطلبيني من عيالي= انا فديتك وهو يفديك

ياميتي يابعد حالي= لعلها العين ماتبكيك
طرياك دايم على بالي= تزعل جميع العرب وارضيك
في مهجتي منزلك عالي= لو بسكب الدم مايوفيك
ولو تطلبيني من عيالي= انا فديتك وهو يفديك

الشمس صوب المغيب تميل= والليل باقي سويعاته
وقامت جروحي بعد تكبيل= تنعش لي القلب لاهاته

البارحه يوم شفت سعود = جبنا فى سيرتك يابن بدين
والقول عندي عليه شهود= بالمدح ماهو محادث شين

قلبه خضر فالهوى توه= وانا معي فالهوى خبره
واحترت كيف امتلك جوه= وفى ملاوعه تصعب الدبره

الله على ذيك عيشتنا=عيشه وكنا بها راضين
واليوم عيشة نقاصتنا= وجروح تنزف بها ماشين
وتحزن بنا عين شافتنا=فينا مراسم عجاج سنين
وحر الشقى قل راحتنا= وين المضاجع وحنا وين

يامن بحبه ملك واحتل= قلبي والاحساس محتله
لاوين بافضل كذا معتل= اشوف قربه ولاوصله

تخاصمو والمورث حي= وصارو فى قمة تباعدهم
وطوو شروط الاخوه طي= والناس تنظر وتنقدهم
وكلن موقد بنار الكي=تحرق صهارج مرقدهم
اثر الشويب ماعنده شي= يقضون به حال يسعدهم

بعض البشر حظها تعبان= ويسد له جوع باندومي
ويرقد قبل ترقد الورعان= ولاقام مايقلها قومي
ووقت التفاهم هو الغلطان=وهيه لها الحق متمومي
يبغى التعامل لها باحسان= بوصية الرب ملزومي
جويد صرحه من السيسان=ومعود النفس بالصومي
ولامات تذكر ياكان وكان= وتنساه ياذاك مرحومي

انظر لها نظرة العابر= واحسب لها يوم بتعدي
وخلك لحكم القدر صابر= لاتسير كافر ومرتدي
ولاتحقر الناس وتكابر= مايدوم لك عهدك الوردي
واسعى لخوة فتى شاطر= وقت اللوازم لها قدي
وكلمتك لاتكسر الخاطر= وتاخذ من القول وتودي
ولاسالت الارض بالماطر= غض النظر والزم الحدي
ماكل زهره لها عاطر= بعض الزهر ذايب الندي
وتخربه بيتك العامر= وتنقد بك الناس بالنقدي

القلب ماله طبيب اجراح= يعطيه وصفة دواء تشفيه
والا مهندس عطل واصلاح= يقدر يهندس هوى مضنيه
ابغاه يرجع على المفتاح= لاعاد ياخذ ولا يعطيه
باقي حياتي بعيش افراح= ودرب الهوى بشطبه والغيه

وقلبي اللي مغيب الشمس= سافر به الشوق متشامل
ويخيل صوت النجر والحمس= ومجلس من الانس متكامل
وصباب كيف الهوى بالخمس= بالقن والذوق متعامل
يطمس بقايا جروحك طمس= فيه الوفاء والرضاء شامل

لي سيد ماهو على العاده= متغير الحال والاحوال
مدري سبب ناس وراده=والا فى قصده لي الاهمال
زود لي الحال بزياده=من طول بعده شغلي بال
وقلبي على نار وقاده= مابين حرقة جفاء واعلال

يامن ملكها فى روض حماه= ولايعرف الحب وفنونه
ماضن تلقى هناء وياه= جعل العمى يتلف عيونه

انته السبب فاللآلم والجرح= وانته عذابي واهاتي
وانته الآمل للهناء والفرح= وانته مرادي وهقواتي

من خصنا بالوفى نوفيه= ومن عافنا ماحسبناله
ومن غاثنا بالحمى نحميه= ونعادي اللي تعدواله
واللي طلبنا نقص نبريه= ونرجح بكيله ومعداله
لانقول ماذا وكيف وليه= ونضيع الحق فى جداله
ولادق واجب وجب نسريه= ماهمنا ليل واهواله
حروب وقت النداء لبيه= من سابق العهد واقباله

كل مانفتح للتوافق باب= صكوه جملة شياطيني
وضاق المعزب من الاسباب= من دون شوف البراهيني
وبعد الثمر ماستحل وطاب= عود فى عمق البساتيني
وقلبي فى غيره هوى ماناب= وفغيره الشوف معميني

من مال بحر الهوى جرب= بعيد قاعه ولاينقاس
وتيار عالي ومتكهرب= كل مالمسته لذعك الماس
ولاله من البعد متقرب= ماغير جرة ونين انفاس
تبني له الصرح ويخرب= وتعود تشكي من الافلاس

عهدأ عليه بحلف يمين= ماعود للي نقض لي عهد
لاصار مقفي مع المفقين= اشرب مراره وحسه شهد

محلاك وقت الدلع محلاك= ومقساك فى حال مطلوبك
قلبي وهبته لحسن رضاك= وانته حرمته عسل نوبك

كنت ومسحتك من الذكرى=وقفلتها صفحة الماضي
وياك مافادة العشرى= ضيعت وقتي على الفاضي

لادنيتي دنيت الاحزان= ولادنيتي دنيت الراحه
احيان تزبط معي واحيان= دنياي بهموم فواحه
واضحك واحاول لها نسيان= لاشفت لي ناس مرتاحه
ويعود همي على ماكان= ودموع الاعيان فضاحه

شوف المنازل بعد مأخلت= اللي بها من رجال دهات
من بعد قمه لهاوصلت= اقفى بهم هادم اللذات

يالمختلف باختلاف الراي= تفسد قضية خلاف الود
لاصار نبش الخلاف اعداي=كيف اتّشافى جروح مود

لاصار حظك معك فى اقبال= يسعدك وتحقق امالك
ولاصار مقفي ياحالك حال= عايش بهمك وغربالك
مايفيد لو تطرح المعدال= غيرك يفوقك فى معدالك
برمج حياتك براحة بال= يهنى منامك ويحلالك
واترك همومك على الحلال= مافى البشر خير يعطالك
سبحان قدره عليم وعال= لارضيت له حال يرضالك

ماينفع الغُضْب ياحمدان= خالك يدور لك المصلوح
لاتخالفه تصبح الخسران= وتسير طول العمر مجروح