|
لك ود مبعد عن المنقود=مرفوع عن هرج حسادك لاإن فيك ألامل موعود=كان الولي والقدر جابك |
عرش الغلا شيد اركانـه=في مهجةً ماسكنها إلآ انت قفل عـن الغيـر بيبانـه=ممكن تفضـل بهالاهنـت |
من نبض ودك نزف قلبي=اسعاف الاموات داعينـه بموت وانته سبب غلبي=الموت لرضاك راضينـه |
اليوم بذات عزوني=دفنتهم وهم ماماتو والله ماتدمع عيوني=لونهم با العراء باتو |
ودي مكانه كما ماكان=ودك كما ماتبي ودك مغتيره دورة الازمان=سده كما سد من سدك |
أحدٍ صفت له ظروف الوقت=وأحـدٍ ظروفـه تحـدنـه كل ماقسى لي زماني فقت=جريتهـا فالحشـا ونــه |
مئة هلا با الغلا والود=الروح لجلك معنيها يسعد مساك باقت ورد=معطره والشذافيها |
سرابي الشوق لديارك=وامسيت فيهن خلاويه ماشفت طيفي إلى زارك=كنت ارسله بس ماويه ماجاب ليه من اخبارك=إلا ..دموع ..الشقاويه لاتشكي الوقت لوجارك=لابد الايام مطويه |
الله أكبـر عـلـى ودك=لاقلت ينقص يروح يزيد ياللي بودك ما احد قدك =شوفتك عندي نهار العيد |
القلب تم اختطافه منك=جنودنا جابته با القيد اما يتعوذ ويسلاعنـك=ولا نبي نحكمه تأبيد |
نقشـت ودك وطـرزتـه=في مهجتي ياغلا روحـي رسم بلوحـه مبروزتـه=لو راحت الروح مايروحي |
لاتستمع هرجة الواشي=اكيد عنده هدف مقصود مايهرول الذيب لبلاشي=الا على صيده المعهود
دربي وفاء= لاتستمع هرجة الواشي=اكيد عنده هدف مقصود مايهرول الذيب لبلاشي=الا على صيده المعهود |
ياشينها حاجـةً لنـاس!=يوميـن بعـده يملونـك حتى قريبك عصابة راس=في فزعته خابت ضنونك |
العيـن هلـت عبايـرهـا=في لحظة امـوادع الغاليـن تشكـي مفـارق محيرهـا=كيف افترق شملهم من مين؟ |
دنت هجوس الضمير وجاش=متفجـرً فـيـه بركـانـه يهني اللي ربيـط الجـاش=ميهـزه شعـور وجدانـه |
اشرق بواهج خفايه منك=ترحيبتي فيـه مدبولـه مايوم مر وسلينا عنـك=اكتابة الحرف مدلولـه |
ماعاد اشوفه على قو قل=يامن يجيب الخبر ليـه انااعتبر وضعه الامثـل=قمـة نشـاط وحيويـه |
من سان ديقو إلى جده=فا الجو ماطب واطيها اربع عشر ساعة المده=رحله عسى الله يعديها |
صويب ودك سجين ارضاك=كيف اطلقه وانت سجانه؟ عامين يشكي ضنا فرقـاك=عايش على دمعة اعيانـه
بخيتان البشري= من قال محسوب من مرضاك=وكل ماحجز 00 موعده خانه يوم المُنى يوم مـا يلقـاك=ويمسح " بدمعتك " لأحزانـه |
وش حيلة اللي جفاه النوم=عينه على السُّهد معتـادة كل ماصفى الوقت له ميدوم=يرجع زمانه علـى عنـاده
بيان الصمت= الدرة اللي وسـط منظـوم =ما تسمـح بمثلهـا زيـادة حتى الصفا بين سرب هم =ومدايـم بالاسبـاب تعتـاده |
يادمعة القهر وش طبك=نارك على الكبد حراقه شكيت حالك على ربك=مخاب من لاذ.. برواقه |
اهديت لك من فؤادي ود=كلً .حلم . فيه .. وصده ارعه وداره كما متـود=لد النظـر ياغـلا لـده |
صراع بين العقل والقلب=اياتهـم يغلـب الثانـي تصادمت بين نفر و جذب=وبيناتهم روحي تعانـي بخيتان البشري
كلٍ و راعيه مايرغـب=والعقل لاشك ميزانـي من يتبعه دائما يغلُـب=والقلب يقلب فالانساني |
رغم المسافة ورغم البعد=احسك اقرب من الانفاس يامنوت الروح فيك اسعد=ثبت لك في خفوقي ساس |
ارحم فؤاد المود اللي =مخلص بوده على شانك مايوم من ودكم ملي=هو منوته شوفت اعيانك |
انته مليك الفؤادوبـس=باق المشاعر جنودً لـك دربي وفاءحبست قلبي بودك حبس=حتى غدا جزء من ظلك
حرفي بحرفك آصابه لبس =واستأذن الحرف بيقولـك لبْست خلك ودادك لبـس =زاهي ويستاهلـه خلـك |
خذ محبرة من نزيف القلب=اكتب لنا حرفـك الراقـي اكتب. سلبنا .فؤاده . سلب=مغرم وهايـم ومشتاقـي |
ماتنفـك دمعـة بخـدك=ولاتعيد لك ماضي سنينك اللي زرعت وحصدت يدك=لاتقول نـاسً معادينـك |
لودكم ياغلا مهملت=صنته عن القيل وسبه مازلت في ودكم مازلت=نبع الغلا صافي /ن صبه اللي اوده وفيه أملت=زاد الوله فيه من ربه بسم الموده وداده نلت=وغيري على الموج يلعبه |
سلام عطره مـن الريحـان=من صادق احساس يرسل لك ياصلك يـا قـرة الاعيـان=موقـعً مـن طـرف خلـك |
يا مـن وداده بقلبـي لاج=وانا عن النـاس أخفيتـه سويت له بالضلوع سياج=ومن مهجة الجوف أسقيته |
جرت على الخد معتاده=دمعة ما نعرف سبايبها! لكن على الخبر ياساده=إنه بلآ العين ..غايبهـا |
جرعتني من الآم فرقاك=كاسً ورآ كاس عزالي تامر وتنها وأنا ماعصاك=حتى غدا السهر موآلي كيفك حبيبي على مشهاك=زد في طعوني ولآتبالي الله هو اللي غلآ ك أعطاك=ياقاتلي وأنته الغالي |
مسحت دمعي واخفيته=اضحك وانا خاطري مكسور ويش اللذي فيك سويته؟=ما ظن مني يجيك قصور! سر في طريقً توريته=لكن على القلب يكفي جور لاتطعنه كل ماجيته=ارفق على قلبي الماسور |
بعْدك شكيته لنجوم الليل=سالت من المزن دمعتها حتى الثرياء ومعها سهيل=تعانقو خو ف فجعتها |
متى الفرج ينفتح بابه=ونعيش لحظة صفا وفراح هجرك ولا نعرف اسبابه=والقلب مليان منك اجراح ياهلترا مطول اغيابه=ولا قريب الامل لالاح وضعي ترا مثلك ادرابه=مايحتمل غيبتك ياصاح |
قتيل ودك بدون سلاح=اسهوم الاشواق صابنه من نرظة العين خلك طاح؟=فا القلب صابً وجابنه |
كل ماطلب قلت له طيب=مايوم يامر ونعصالـه القلب من و ده مغيـب=ناله من الـود منالـه |
لك ود بين الضلوع احميه=..لو ..بعت.. للودّ ..مابعنا ادرا على ؟ودكم يا ..هيـه=...لا ..تستلذ .. بمواجعنا |
شكيت وده على الاشجار=بكت على اوراقها ساحت تعانقت والغصون اكثار=تكسرت عقب ماطاحـت |
الساعة الآن 06:05 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir