|
هذه مجاراة لقصيدة الشاعر المؤلف حمود ابن ثمر القصيري الذي مدح بها عايلة العسيلي هلا هلا مابان مزن مقانيف مزن يشع البرق بأعلى قنفها بالشاعر الوافي كثير المعاريف فضايله كلن سمعها وعرفها حمود راع الطايلة والمواقيف ابن ثمر زين المعاني قطفها يمدح ربوعٍ كاملين التواصيف حمولةٍ يتبع خلفها سلفها عيال العسيلي فيهم النذل ماشيف فصيلةٍ كل السعد في طرفها اللي يبا الجزلة بروس المشاريف يتعب عليها ولا يحسب كلفها قولك يابو رياض مافيه تزييف جواهرٍ يصوغها من صرفها دون القبيلة كنك الدرع والسيف تذود عنها اللي حداها هرفها تم الكلام وزبدة الهرج تشريف وناسٍ هواها الطيب عالي شرفها نافع مطر المرواني |
هلا هلا بالعيد هلا هلابه عساه علينا كل عامٍ يعودي حييت ياعيد النبي والصحابة ياللي بك السنة تطيل السجودي فيك الوناسة واجتماع القرابة والخير بأرضك كل يومٍ يزودي عزالله انك من رجال الحبابة يامذكر الأحفاد سلم الجدودي كلن بقدومك كاتبله كتابة قصيدةٍ تأخذ من الجود جودي أبيات نعزفها بقوس الربابة وبيات من المسحوب بوتار عودي نافع مطر |
نقا الجمل جعلك مراويح الامزان
غرن من المنشا على طلعت سهيل ونقا النصور ومرتع الخور والضان عسى عليها كل ليله هماليل ليه بها ذكرى قديمه وعربان يوم السنين الاوله والمحاويل ننزل ونرحل للحيا وين ماكان لشيل زمل وللعساسه دواليل ياما سرحت الصبح ورجع مسيان عايش حياتي بين ذيك المداهيل واليوم من بعد الفضا بين جدران مثل السجين اللي جرت له غرابيل يوم اتذكر مامضى ياهل الشان افز من نومي اليا عسعس الليل عجاب صالح الحنتمي |
هذي مشاركتي في مسابقة سناب البادية يا سفر شم الذرى ماتبي غير النصي أبعدت عن القرايا ولا تبغى ورود شفها مرباع بدوً على البيدى قصي حولت به مزنةٍ بين محمي الحدود وضح عودٍ في هواها على رأيه عصي كل يومٍ في هواها على أرضاها يزود العبي يام الدباديب ورعي ورقصي في حماالله ثم حما شيخنا ابن سعود شيلي من الني يام الهوى لا تنقصي في حمانا يالزوينات من عصر الجدود ارحبي ثم ارحبي بالمحافل وحرصي تأخذين المركز الزين والعالم شهود محتمينك يالمغاتير مانبغى وصي في نبات الارض والا على جال العدود نافع مطر الحربي |
ليتني لسناب البادية ماتعنيت وشاركت في وضحا طويلٍ رسنها لبستها اللولو ووردتها هيت وصارت بعيني هي وحيدة زمنها ضربتها درب النيا والشحاتيت وسمي عليها يمنع الناس عنها أقفت كما يقفي مع الارض خريت كل الموارد عارفٍ في وطنها ماطلعوها شايلين الزغاريت يمكن لحنهم مايوافق لحنها رجيتها يومين والثالث أقفيت إيست منها يوم حظي دفنها يما على عسف المعاني تهقويت عوبٍ افصل ثوبها من بدنها ياصاحبي لتصد عني لياجيت صدتك زادت بالضماير شطنها نافع مطر |
عسا السحاب اللي تقصف رعوده يمطر على دار الوفى وهل الجود عله على الحجرة يطول ركوده دارٍ لنا فيها مواجيب وعهود حبي لها قام يتجاوز حدوده وصل الحدود وخايفٍ فيه يزود ياهيه ياللي تاصلون العمودة لازال في قلبي لها غيم وورود كم نبت قفرً فايحاتٍ وروده ذعذع نسيمه وأول المزن ماجود غض الورق في حاجر المي عوده عليه من الوسمي لواميع وارعود لابد من يومٍ نروح ونروده لو دونها الظهران والدرب مسدود نافع مطر |
[IMG]https://www2.0zz0.com/2025/08/31/20/374338125.jpg[/IMG]
يابو بدر ان كان تنشد عن غنيم غنيم عقب الريف علطٍ ركونه الله يغيثه بمرزماتٍ من الغيم حتى يقوم بواجب اللي يجونه غيثٍ من القبلة خياله مراديم والبرق يبرق في مثاني مزونه عهدي بها مفلا الجوازي من الريم ومشتا لمنهم بالشتى ينزلونه يوم البدو مابين رحّال ومقيم وبيت الشعر ماحطو السور دونه نعم سلمت الله يجيرك من الضيم يازين هاك الوقت لاتذكرونه خلوه يبقى بالضلوع الملاحيم قلبٍ على الذكرى يجاوب لحونه الله من قلبٍ تقل ضاربه سيم ليا طراله مرتعٍ يدهلونه قصيدة مشتركة بيني وبين ضيف الله الصالح |
ياللي تقول اكتب وشهد على شي ينفع بناتك بعد ماتصير ميت اللي رزقهن في حياتي وانا حي ماهو مضيعهن ليا صرت ميت يرزقهن اللي يجري الشمس والفي كل المصاعب لاسهلها تهيت يما طلبنا الرزق والحبل مثني ويما بغينا حاجةٍ ماتهيت الله. من قلبٍ طواه الزمن طي وقولاً على غير الحقيقة مبيت عيت تطاوعني على كل مابغي حاولتها مرات وقفت وعيت الله على ربعٍ مع الصبح تمشي لدارٍ بها عفر الجوازي تهيت اضن جروحٍ بالحشى زادها الكي تطيب من عقب الشبب لاتفيت نافع مطر |
قام ايحدانا الوقت عن مانوده عيا يطاوعنا على. ما نريدي الله من قلبٍ همومه. تجده جد البلح من فوق خضر الجريدي ان ماركبنا عاصيات الاشدة يحرم علينا لبسنا. للجديدي اما نجي بحضور كل يعده والا نغيب ولا نمد الزهيدي الحر ماياقع على غير نده ولا يخاوي إلا كل شيخٍ مجيدي طير السعد ياطيب الفال هذه عساه من برق. الحباري يصيدي الليث مايبيح جفا الوقت سده لو كان مابين الصرد والجليدي نافع مطر |
ياموتري طال ميقافي والأرض جرداء سناوية متى نشوف الحيا ضافي على الديار السعودية والله لاسوج القدم حافي برضٍ من الوسم ماطية اجهم ونص العرب غافي والشمس حمراء كراوية شفي ذعاذيع مشرافي بدارٍ من النبت مكسية يوم الردي مرقده دافي مادور الصيد عصرية ثبت بالشعر ميقافي غصبٍ على النذل والعية نافع مطر |
هذه القصيدة موجهه للشاعر مسلم ابن سرور القصيري مدير قروب نجم الجدي يامسلم ابن سرور حول على الخاص رسايلي لها ثلاثين يومي يابن الرجال اللي مثل. شذرة الماص اهل الوفى والطيب وأهل السلومي يفداك خبلٍ للرديات قناص دايم بغرات الأوادم يلومي تلقاه باسرار الأجاويد غواص يجيب علمٍ ماذكرله رسومي الله يشيله فوق دعامة الشاص برضٍ بها طيور الكواسر تحومي نافع مطر |
https://www2.0zz0.com/2025/11/02/19/627388548.jpg ابطى خويك يابو مشعل علينا مارسل لنا من مرقب العبد صورة ان ماقضينا شغلنا. في يدينا أخذ علينا قاسي الوقت دورة قام يحدانا الوقت عن مابغينا وعن مانريد النفس ماهي صبورة اما لتزم بالأمر ولا مشينا قدام مزن الوسم يبدي بكوره ون ماقضينا الواجب اللي علينا الناس في بعض الأمور معذورة يما جهمنا والعرب نايمينا قدام نبت القفر تصحي طيوره أيام راحت والملا شاهدينا على جديدٍ محكماتٍ سيوره نافع مطر هذا الجبل كتبت عنه موضوع ولا له صورة عندي وكان هذا الجبل بعيد عني قلت للعيال من يجيب لي صورة من هذا الجبل قال ابني ماجد ابو مشعل أنا لي خوي في منطقة القصيم ماهو بعيد عنه فاكلمه والتزم بالأمر ولكن ابطى وتأخر شوي وقلت هذه القصيدة ورد علي ابو مشعل في قصيدة مثلها ونهينا موضوعنا من غير منة احد ولله الحمد من قصيدة ماجد يقول لاوالله إلا لزم الأمر فينا إنما مكنا العود طارت طيوره الله يساعدنا على مابغينا ونجّهم ونأخذ لأسود العبد صورة |
هذا رد ابني ماجد على قصيدتي السابقة لا والله ، الا لـزّم الامـر فيـنا من عقب ما جانا من الناس بَوره أبشر بصورة كبد منيَة ، يمينا حلفٍ مغلّظ ، والفعول مخبوره لايف على الواقـع تحـلّاه عينا ماهي صقاه الخبل قوقل وعوره من دون وجهي ماش عذرٍ سمينا ومن دون ديني قاري القلب سوره ترى وصـاة الله ،، بالوالديـنــا حقٍ على طلّاب جنّـات حوره الجيب بأمرك كان صمّلت ، جينا راعيه جاهز بالسعة والضرورة صاحب معالي صدق دنيا و دينا وان كنت تقبل يا معاليك شوره قدّام نحضر عرس رجاء حسينا نبي نصبّح كشرة العبد ، صوره ماجد بن نافع رجا حسين من الجماعة |
الساعة الآن 10:41 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir