|
يامن عرف بنت تغطت عن العين = تشابه الفنجال واكبرشويه لياكملن ثنتين للحرمه يدين=حرمه قديمه كلها قابليه وتجودن بلين والناس ماشين=في حرمه اخرى فوق وسق المطيه =محلول القلواة=من ابوفهد |
انشد عن اللي يسكنه عدة ارجال =وممكن جميع اهل البلد يسكنونه يضم في بطنه من الوان واشكال= وانا ماقول اسمه ولااقول لونه الحاسب |
انشدك عن رجل موجه ومامور =ضمن الرجال موجّهين المسير يفتح على المحتاج وان جاله الدور=وليا قفل باب المحير تحير يصرف على رجل بما طاب معمور=اللي ليا وقف حصيله يغير معدل الحوض (الزرع) |
انشد عن اللي سميت باسم جميل =مار اختلاف الناس في تفسيرها اللي يمارسها من العالم قليل= واكثر عباد الله يحصل غيرها الديموقراطيه |
انشدك عن بنت لها انياب ويدين =كم فرقت بين السجينات بالحال الاسم واحد لكن الجسم جسمين = كم هاجمت من حارس عاش نزال لها انياب محلول من( ابوفهدالحربي) صح لسانه خلاّعة الدبابيس |
ويش رجل قبل مايعمل يغسّل=ويتميز في نشاطه عن زميله لايهاب من العميق ولايتوسل =ولايخاف من القصيره والطويله في عميله لايبور ولايتفسل =الاصيل اللي مأخوذ من الاصيله =محلول المحص= من عبدالله الفريدي |
وش ولدين وبنت ماحد نظرهم= منهم اثنين لاهم انس ولاجن ثالثهم انسي والجميع اعتبرهم= خيال كذب وفيه من ظنهم ظن ماهم صحيح ولو يرددخبرهم =واعلومهم دايم مع الناس يردن المستحيلات الثلاث |
يامن يخبرني عسى الله يقويه =عن العيال الصامدين الصناديد اللي عملهم غيرهم مايسويه =وااكثر عملهم بالصحاري وبالبيد مع عودهم وان قام تجودوا فيه= وكلن ثبت من عقب جلد وتحديد يجلدهم اللي كل واقف يمشيه=مع الوطى من دون شرط ولاقيد محلول (الاوتاد) من ولد الحصني |
اتشدك عن بنت لها صدر واذراع =بنت بلا رجلين لكن لها راس لها بنات وشربها عدة انواع = ولها نفس ويضرها كتم الانفاس وعيالها متخالفين با لاطباع = ولها عروق وكل شريان حساس حله ابوهليل وهي مكينة السياره |
وشغلام موقعه حول الحمر= ماجلس مع سود ولايحب السمار لو تغيب عاذر الوجه الخضر = وعذروه المنتظر ماعاد زار كل حي يستفيد من المطر = ياحلو شوف الصياهد والخضار العاذر حله سعد رجا |
اذاكان عبد للكرم طوعه عمه =مضافة ارجال كلهم ما يحبونه توصط بقلب العاصمه تقل بالقمه=ولاهمه اضيوف الشرف لويهينونه لياحان وقته شفت به ناس ملتمه=وليا صدروا مقفين قاموا يسبونه اذا انك عرفت العبدبالاسم لي سمه= ترى العبد مات وحالت اسنبن من دونه حله ثليم من غدير الوهبي |
انشدك عن شيخ به لصاحبه خير = فيه البهايم والمزارع والاملاك ثابت محله لايتزحزح ولايسير = ولو ينقطع راسه تحطه بمخباك =محلول=تبوك من نافع الحربي |
انشدك عن رجال في فعله شجاع = يدخل بسيفه بالصفوف المظلمات وليا حكم على الرجل حكمه مطاع = وكم من جموع خاضها راحت شتات محلول 00 الحلا ق من ابو مشاري |
وشوحيد فايز باسم الوحيد =ثابت في راس غيره ويحماه لانبات ولاجماد ولاحديد= واضح مبداه خافي منتهاه ان ثبت في موقعه باسه شديد=وان نزل عن موقعه مثل الحصاه شفت عود ينقله عقله بليد = يتباهى في وجوده ويغذاه محلول (وحيد القرن) من ابو هليل |
انشدك عن دين وعقبه دين = من خلقت ابن ادم وهو جاري محلول(دين للوالد ودين للولد) من ابو هليل لك وعليك وبالزمان الشين =وعند الرخا وبحكمة الباري |
ويش رجل خالف العاده بفعله = قيل هات الخيرلكن جاب ضده طالب الفزعه ياليته مافزع لـه = يوم عقب له مثـل كـل يعـــــده محلول= طير بن برمان=من ابو احمد |
انشدك عن عدة بزور على لون =متشابهين بطولهم والوصوفي ابوهم اللي يعتبر للبشر عون = اللي وفي وبا المهمات يوفي اليا اتركوه ونظموهم بقانون = وصاروا لبعض الناس مثل الضيوفي تعطّروا وصفّوا وصاروا يغنون = ليا منهم ركبوا خطات الهنوفي كم جاوبوا من يدعي البين بلحون = قلته حسب سمعي وعلمي وشوفي محلول وهو سبيب الحصان من االكحيله |
من يخبرني لعل الخير فاله = عن اعيال واصلين في عملهم ـــــــــــــــــــــــــــــــــــــوصلهم بين العجوز ام الجماله=وبين ثنتين وقليل من يجدهم وكل واحد بعمله دايم الحاله = يعملون بجد واربعة عددهم تلّهم راع اللوازم من حلاله = وفي محلات العمل بيده عقدهم زدناه بيت لزيادة التوضيح وهو بيت يكشف جوانب اللغز محلول من غدير الوهبي وهو وذم الدلو |
انشدك عن ورع قليل فايـــده = الا ليا منك حملته فــي يــــديك شغله تقوم به السمول البايده = لكن عن اللي ما تحبه يحتميك محلول (البيز ) من ابو احمد |
فيه بنت سولفوا عنها خرافه =وانسبوها للزعيم اللي حملها قالو ان البنت مافيها مرافه = وقالو ان البنت ماخانت بطلها علمها مضمون باسباب العسافه= ماتحول غير تنجح في عملها الحل من غدير الوهبي وهي شلفاذياب |
انشدك عن رجال من قو باسه = سوى براسه للمشاهد علامه امر به الحيله وفيه السياسه = واطلق مثل لسياسته في كلامه وخصيمته حرمه من اهل الرياسه= قالت مثل عن موتهافي كرامه محلول (قصير وقصته) من ابو طلق |
وشبنت ماتفيدك الالين ترفعها = وعيالها ينقلون اللي تبرع به ولاهي بتعطيك لين انك تركعها = بنت مهماتها مع الملا صعبــه محلول الدلة=من بعيد الشوح |
انشد عن اللي وين ما عشت تدراه = واجب عليك وواجب انه يداريك الله عليــــك بكــــل الاديـان وصــــاه = وانته عليه بكل مذهب مـوصيك من الشهامـــــه مـــا تعقّـب خــطاياه = ومن المــروه مايغثـك ويـوذيــك =محلول= الجار=من ابو احمد |
اللغز عن رجال ماحد يغبطه =قي موقع كل البشر يكرهونه لياثقل حمله يزيدون ربطه = ون جيت له فازع يحولون دونه محمي لكن حماه مافيه غبطه = وفي كل ديره له مكان ونمونه محلول (السجين ابسجنه ) من وجودك يكفي |
اللغز عن بنت تنفس بلا روح =شالت غلام مفتري مع نفسها تمشي على رجلين والخشم مطروح =حول الرسن والمستفيد يحرسها محلول ( المكنسه الكهربا ئيه) من سامي |
اللغز عن ورع صغير ومحكوم = مهمته بالطيب يسجن بناته تلقاه بيدين الريجيل محشوم= والضعف والقوه من ابرز صفاته محلول وهو خيط السبح من ابو هليل |
انشد عن اللي يطرب البال طاريه = له عدة اسما للجميع معروفه له اسم واحد فارق بين اساميه = ليازال ربعه زال باقي حروفه سامي الفكر حله وهو غزال |
وشبنت تسكن في مكان معتلي= بين الجبال اللي تخطيها عسير تقرا اسمها في مجمله ياسايلي=ليا عكسته صار صوت للبعير =محلول ريده=من ابوهليل |
ابا انشدك عن ثنتين دايم سوى يمشن=وجميع البشر من كل الاصناف تاطاهن ليا نزلن حمولهن كلهن نامن = وليا حملن حمولهن حان ممشاهن محلول =وهن الحذاء= من ابو هليل |
انشدك عن شي تجيبه ويحكمك = تمشي عالى رايه ولاتعصى عصاه اسمه مونث وتحشمها وتحشمك= خوي وافي بس تخطي من خطاك =محلول الساعة=من عبدالله الفريدي |
اللغز جاكم عن خفيه مضره = اللي على البنت الوفيه ضررها مادامها في قلبها مستـقــره = تصبح خفيه ويتنامى خطرها هجومها على الحبيبات غره = لازم تدارك شرها وتحصرها ابو هليل حله وهو سوسة النخل الحمرا |
نشد عن اللي في وجوده تريحت = اوصلني اللي في وصوله صعوبه اما رقيت لفوق والا نزل تحت = وقبلي مدورة الرجا كد مشوا به شوق الهنوف اللي ليا زرتها افلحت= يفرح بها الشاوي وراع الجلوبه لياقلت العده وصار الرضا سحت = تفرح اليا لاحت مداخل ادروبه هذا في وقت فات واظني اوضحت= تفضلوا يالعرفين ارمعوابه =محلول= الدودب من بنت المعلا |
انشدك عن رجل كريم المحيا =اللي على شيب الغوارب تشوفه ليا بغيت الفايده منه حيا=فوايده بين الرجال معرفه ستر الرجال وعزّهم ون تهيا= ينجب ارجال وبنت للي يحوفه ليا عكست اسمه طلع شي سيا = يصبح مرض وايضا ثلاث حروفه وجودك يكفي حله وهو الوبر |
انشدك عن رجل تعلى الجالسين = بالموقع اللي له مكان محترم موقع انسان يرغب الهرج السمبن=ليا وقف به يعتبر راس الهرم ولد الحصني حله وهو خطيب الجمعه |
انشدك عن رجل ليا كض واكتض= فعله يغيض ويرعب الناس غيضه شرس عنيف ناعم طيب غض= ينقل فوايد فايضه مستفيضه لاتواجهه بالسيف مالك معه حظ = لين ان غيظه ينكشف لك مغيضه محلول (الشعيب اليا سال )من ابو احمد |
انشدك عن مخلوق عاقل ومسئول = يمشي على اربع ثم مشى فوق ثنتين ثم صار يمشي فوق ثلاثة ارجول = سبحان من يحمد على العسر واللين بوهليل حله وهو الانسان |
ويش بنت خازنه للي نفع =تاخذ وتعط الوفي مخزونها تجمع المحصول حتى يجتمع= وخيرها للناميات تصونها اسمها من فعلها يامستمع= واسم مخرجها على مضمونها وهي الجابيه والخاره حله ابوعزام |
وشالعمود اللي على العز مبناه = ساس لبيت عالي في مقامه الله هو اللي ثبيت البيت وارساه = وليا عرفته هات ذروة سنامه =محلول الصلاة=من ابوهليل |
انشد عن ارجال ثلاثه عددهم = واحد صدق وثنين كذبوا على الله اثنبن قالوا رزقهم من جهدهم =والثالث افتى صدق باللي حصل له عقب المرض والفقر جاهم سعدهم =واللي فحصهم شاف فرق الجبله وجودك يكفي حله الاعمى والاقرع والابرص |
اللغز عن رجل احدوده وحده = ماحد يعدلها ولااحد حكمها فوق الذلول وعالي البعد صده =تعدته بنت العدو وحشمها غطى الجميع ومن طلع ما يرده =وام الرضا من داخله ما ظلمها حله مطلق العتيبي/ الغلاف الجوي |
الساعة الآن 04:48 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir