يا بخت من ود له واحد = يدرا على القلب ويصونه
ماهو كما اللي عشق جاحد = يبيح سده ومكنونه

عودت عينـي علـى رؤيـاك = حتـى تملـكـت فاعمـاقـي
كيف اجحد الشوق كيف انساك = يا مهجت القلـب واشواقـي

يامن على الطيب مبداكـم = ياصحبتي ياخيـار القـوم
بلغـنـي الله ويـاكــم = يااحباب قلبي بشهر الصوم

اللي مزين وسـط خـده = شامه وفيه الجمال الوان
ميعاده اليوم فـي جـده = اسعد خبر هيض الاشجان

عزيز بالحيـل مقـدارك = ياصاحب المنطق الراقي
حبيت فزواجك اشـارك = مبروك من داخل اعماقي

وسط البلد ناس تسال عنك = باب الوصل ليـش قفلتـه
قلنا لهم طب له في بنـك = ياخذ ويحفـظ فمحفظتـه

مادام سبيت خلـق الله = في مجلسي يوم جالستك
اكيـد واقولـهـا والله = بتسبني كـان خليتـك

لك منزله فالعلالي فوق = ياديرتـي يالسعوديـه
تبقين فالمركز المرموق = وتعّمى عيون الحسوديه

هـذا قـراري وقررتـه = خلاص تكفى لاعاد تلـح
جرعتني المـر وآهاتـه = اللي انكسر صعب يتصلح

حزين في كـل اوقاتـي = من بعد مازاد هوجاسك
ارجوك تسمحلي زلاتي = اللي بها جارح احساسك