في ناس فيها وفا نادر= تمشي على الصدق ترقابه
وناس اتحرى غلط صادر= تفرح وتشمت وتهنابه

يللي تسامح ماهو ضعف= تبغى بها رضوة الرحمن
الدين امرنا بنبذ العنف = واللي يسامح هوالكسبان

يهل الدراسة ويهل العلم = يللي بكم تضرب الامثال
انا في واقع ولا فحلم = حتى وصلنا لهذا الحال
اخوان مابينهم من سلم =اتناحرو لجل حفنة مال
واللي يخبي لابوه السم = واشيا كثيرة ماتنقال
ياخوان امتى الصلاح يتم = ويصحى الضمير اللذى مغتال

اثنين كنا على الشاطي = نهمس غرام الهوى بشويش
حتى نسينا من الخاطي = لحظات حلوة عشان نعيش

احكم تحكم مثل ماتريد= قلبي اخذته وهو ملكك
يللي بصيد القلوب تجيد= راض بما يصدره حكمك

من ماضي الوقت والحاضر = مخبر غلطنا على الاصحاب
حتى اللذي يذكر الخاطر = يلقى وفا مننا مايعاب

مسكين ذا قلبنا نواح = من غث مافي بدنيانا
كذاب يجمع من الارباح= والصادق اصبح فمعانا

احلى الصدف عرفتني به = مثل القمر ساطع بنوره
روحي وقلبي وهبته له = والعين تهنى مع حضوره

ابو ياسر| الجود نجنيه من جودك =مادام بالملتقي اجواد
الطيب لاجا من عودك = خسران منهو لكم جحاد
مشعل النويمي | درب الوفى دوم مقصودك=بالطيب انتم اهل امجاد
كريم مخبور بجدودك = انتم اهلها من الرواد
ابو ياسر| والله مازيد عن زودك =يللي كرمكم علي زاد
شفت الكرم جا فردودك = انا لكم بالوفى سداد

افسابق العهد والماضي = كانت لي احلام وردية
ادرس واصبح انا قاضي = وافتي بمسائل شرعية
لكن بللي انقسم راضي = واقدار تمضي بنا هية
مادام بالعافية حاضي = الحمد للي وهب لية