قابل البشري=
عيني بكت واشتكت من لوم= من لامها اللي ملايمها
حتى جفاها لذيذ النوم=واصبح أساها00ملازمها
يوسف الاحمدي=
يامشتكي من عنا وهموم=وعينك من النوم حارمها
اسعى وخل السعي مخدوم= وابحث فالاسباب واخدمها
قابل البشري=
من أمس ساعي الين اليوم=ولابان لي من علايمها
الا أسى فالحشا مكتوم=ودروب ضاعت معالمها
يوسف الاحمدي=
مادام للمعضلات عزوم=وشرواك يعرف عزايمها
انته في هذا الامر ملزوم=الين تكسب غنايمها
وان كان تبغى الأسى ميدوم=والنفس تعرف غرايمها
لا تستمع للملام اعلوم=والصبر خله يقاومها

مغرم 00وتاهت به اقدامه=تمشي معه عكس مايطلب
حتى غدت ابسط احلامـه=منها نجوم السما أقـرب

ارسلت حرف العليل وجـاء=ومن صوتهم جاب لي صوتا
قلي كثيـر البشـر أحيـاء=لكن 00في حسبة الموتـى

مسعودالمعبدي=
يامن لكم فالمعاني بتع=والقن جالستواثقاته
اللي لغيري حسين الطبع=وطبعه معي غيرصفاته
وانا معه فالمواقف سبع=فحضور ولا فغيباته
يجوز يسقي لغيري نبع=ويصب لي ُمركاساته
قابل البشري=
من قبل تحكم عليك السمع =من صاحب المسألة ذاته
يمكن صدوده وهذا الوضع=ظرفِ خرج عن اراداته
وان كان صارالجفا له شرع=يحكم جميع اتجاهاته
ابعد 00وتكسب جميل الصنع=معذور00والطيبه جاته

ربي عطانا قلوب تحس= ماتنكر اللي لها حبت
فالعين واضح وضوح الشمس=لو بينت عكس ماخبت

اعرفك فنان متمكن =تمشي على الطرق وتغني
وعندك سياسة وذوق وفن=وشارب من الفن والقني
وبكل لهجة عرب ترطن=وتخيط بازرق على بني
هذي حقيقة بكم ياهن =وايضا شهادة لكم مني
لكن فالمسألة لكن=وستين مليون لكني
من بعد اصبح يقيني ظن= وخيبت بعد الامل ظني
وصارالغلا غيرضحكة سن=لاعنك يحكي ولاعني
وحنا معزة ضربنا صن=وانت مسوي لنا اني
ونسيت من هوخويك من=واصبحت عمدا تجاهلني
وانا المعلم وانا الكبتن=مافيه منهو يعادلني
الطيب اصلي ولي معدن=من اب عن جد ياصلني
ولي ا الكرم والوفا والقن=واسأل اذا كنت تجهلني
وفالعرف والشعر نمبر ون=الله عطاني وكملني
مجنون عاقل فراسي جن =ولاهبت انسي ولاجني
ماني منافق ومتلون =ولاامشي مع السوق واليني
ولااجرح ولا اغلط ولايمكن=ابيع من هو مكملني
وادرى واداري ولاابين= ولا اعدي اللي تزعلني

الحب لوزادت طعونه=ومن جور حكمه تلوعنا
يبقى ضروري ومن دونه=حياتنا مالها معنى

بالله يااهل الزهروالورد= من قطفته شي خلوا لي
ان فيه نبغى هدية ود= وان كان مافيه قولوا لي

وش حيلتي كيف باسوي=والقلب يلعبه العاطل
مشيه معي دوم متلوي=لاحق صدته 00ولا00باطل